Connect with us

Tamil Cinema News

90 எம்எல் டிரைலர், ஓவியா – இது சரியா ?

Published

on

oviya-90-ml-news

தமிழ் சினிமாவில் கடந்த சில வருடங்களில் ‘ஏ’ சான்றிதழ் பெற்ற சில படங்கள் இரட்டை அர்த்த வசனங்கள், ஆபாசக் காட்சிகள் ஆகியவற்றால் கடும் சர்ச்சையை ஏற்படுத்தின.

ஜி.வி. பிரகாஷ் நடித்து வெளிவந்த ‘த்ரிஷா இல்லனா நயன்தாரா’, கௌதம் கார்த்திக் நடித்து வெளிவந்த ‘ஹரஹர மகாதேவகி, இருட்டு அறையில் முரட்டு குத்து’ ஆகிய படங்களில் இடம் பெற்ற காட்சிகள், வசனங்கள், நாயகிகளுக்கான உடை அமைப்புகள் கடும் கண்டனங்களை சந்தித்தன.

அந்த வரிசையில் தற்போது பெண் இயக்குனரான அனிதா உதீப் என்கிற அழகிய அசுரா இயக்கத்தில் வெளிவர உள்ள ‘90 எம்எல்’ படத்தின் டிரைலர் நேற்று வெளியிடப்பட்டது. அதன் காட்சிகளும், வசனங்களும் இப்படி ஒரு ஆபாசமா என டிரைலரைப் பார்த்த பலரையும் அதிர்ச்சிக்குள்ளாக்கின. அந்தப் படத்தில் ‘பிக் பாஸ்’ டிவி நிகழ்ச்சி மூலம் தமிழ் மக்களிடம் பெரிய வரவேற்பைப் பெற்ற ஓவியா நடித்ததுதான் அந்த அதிர்ச்சிக்கு அதிக காரணம்.

பிக் பாஸ் நிகழ்ச்சியில் ஓவியாவின் நேர்மையான நடத்தை, குணம், மற்றவர்களிடம் அவர் பழகிய விதம் அவருக்கு ‘ஓவியா ஆர்மி’ என்று உருவாக்கும் அளவிற்கு ரசிகர்கள் கூட்டத்தை ஏற்படுத்திக் கொடுத்தது. அந்தப் பெயரை இந்த ஒரு பட டிரைலரிலேயே கெடுத்துக் கொண்டுள்ளார் ஓவியா.

இந்த டிரைலர் குறித்து அவருடைய டிவிட்டரில், “பழத்தை ருசிப்பதற்கு முன்பு விதையை வைத்து தயவு செய்து முடிவு செய்யாதீர்கள். சென்சார் செய்யப்பட்ட 90எம்எல் முழு படத்திற்காகக் காத்திருங்கள். இப்போது பருவம் வந்தவர்களுக்கான 90எம்எல் டிரைலரை ரசியுங்கள்” என்று கூறியிருக்கிறார்.

‘90எம்எல்’ டிரைலர் குறித்து சமூக வலைத்தளங்களில் கடும் சர்ச்சை எழுந்துள்ளது. சில இயக்குனர்கள் இப்படிப்பட்ட படத்தைக் கொடுப்பதற்கு கண்டனங்களைத் தெரிவித்துள்ளார்கள். சில இயக்குனர்கள் இப்படிப்பட்ட படங்கள் வருவதில் என்ன தவறு இருக்கிறது என்று கேட்கிறார்கள்.

எப்படியோ ஒரே நாளில் இந்த டிரைலர் 20 லட்சம் பார்வைகளை டிவிட்டரில் தொடவிருக்கிறது. படம் வெளிவரும் போது அதைப் பார்ப்பதற்கும் ஒரு கூட்டம் முண்டியடித்துச் செல்லும்.

Tamil Cinema News

1000 கோடி வசூலித்த அஜித்தின் 6 படங்கள்

Published

on

1000 கோடி வசூலித்த அஜித்-தின் 6 படங்கள்

தமிழ்த் திரையுலகத்தில் ‘ஓபனிங் ஸ்டார்’ என்ற பெருமையை தக்க வைத்துக் கொண்டிருப்பவர் நடிகர் அஜித்.

அவர் நடித்து வெளிவரும் படங்கள் நன்றாக இருக்கிறதோ இல்லையோ முதல் சில நாட்கள் நல்ல வசூலைக் கொடுக்கும். அதன் பின்னர்தான் படம் எப்படி இருக்கிறது என்பதைப் பொறுத்து வசூல் ஏறும், இறங்கும்.

1993ம் ஆண்டு வெளிவந்த ‘அமராவதி’ படத்தின் மூலம் தமிழில் கதாநாயகனாக அறிமுகமானவர் அஜித்.

அந்தப் படம் பெரிய வெற்றியைப் பெறவில்லை என்றாலும், அதற்கடுத்து 1995ல் வெளிவந்த, ‘ஆசை’ படம்தான் அஜித்தின் முதல் வெற்றிப் படமாக அமைந்தது.

1996ல் வெளிவந்த ‘காதல் கோட்டை’, 1998ல் வெளிவந்த ‘காதல் மன்னன்’, 1999ல் வெளிவந்த ‘வாலி’ ஆகியவை 90களில் அஜித்தின் மிகப் பெரிய வெற்றிப் படங்கள்.

அதன் பின் ஏஆர் முருகதாஸ் இயக்கிய முதல் படமான 2001ல் வெளிவந்த ‘தீனா’ படத்தில்தான் அஜித்தை ‘தல’ என அழைக்க ஆரம்பித்தனர். அந்தப் படத்திற்குப் பின் அஜித் நடித்து வெளிவந்த படங்கள் நல்ல ஓபனிங்கைத் தர ஆரம்பித்து கமர்ஷியல் ஹீரோவாக அவர் உயர்ந்தார்.

தொடர்ந்து சில படங்கள் தோல்வி அடைந்தாலும் கூட அவருடைய அந்த ஓபனிங் ஸ்டார் இமேஜ் அப்படியே இருக்கிறது.

2007ல் வெளிவந்த ‘பில்லா’ படத்திற்குப் பிறகு அஜித் தமிழ் சினிமா உலகில் பெரும் வளர்ச்சி பெற்றார்.

கடந்த ஆறு வருடங்களில் அவர் நடித்து வெளிவந்த படங்கள் சுமார் 1000 கோடியை வசூலித்துள்ளதாக அவருடைய ரசிகர்கள் இன்று டிவிட்டரில் டிரென்டிங்கை ஏற்படுத்தி வருகிறார்கள்.

அதன்படி,

ஆரம்பம் – 135 கோடி
வீரம் – 118
என்னை அறிந்தால் – 125
வேதாளம் – 152
விவேகம் – 206
விஸ்வாசம் – 253 கோடி. வசூலித்துள்ளதாக அவருடைய ரசிகர்கள் பகிர்ந்து வருகிறார்கள்.

‘விஸ்வாசம்’ படம் ரஜினிகாந்த் நடித்து வெளிவந்த ‘பேட்ட’ படத்தை விட அதிகமாக வசூலித்துள்ளது.

அஜித் தற்போது ‘நேர் கொண்ட பார்வை’ படத்தில் நடித்து முடித்துள்ளார். இந்தப் படம் ஆகஸ்ட் மாதம் வெளியாக உள்ளது.

Continue Reading

Tamil Cinema News

சரவணன் இயக்கத்தில் த்ரிஷா நடிக்கும் ‘ராங்கி’

Published

on

சரவணன் இயக்கத்தில் த்ரிஷா நடிக்கும் ராங்கி

சரவணன் யார் என்பதை தமிழ் ரசிகர்கள் மறந்திருக்க வாய்ப்புண்டு.

சர்வானந்த், ஜெய், அஞ்சலி, அனன்யா மற்றும் பலர் நடிக்க 2011ல் வெளிவந்து அனைவரையும் நெகிழ வைத்த காதல் படமான ‘எங்கேயும் எப்போதும்’ படத்தை இயக்கியவர்தான் சரவணன்.

அதன் பின் ‘இவன் வேற மாதிரி, வலியவன்’ ஆகிய படங்களையும், கன்னடத்தில் ‘இவன் வேற மாதிரி’ படத்தை ‘சக்ரவியூகா’ என்ற பெயரில் இயக்கினார்.

விபத்து ஒன்றில் சிக்கியதால் ஓய்வில் இருந்த சரவணன், நான்கு வருட இடைவெளிக்குப் பிறகு தமிழில் இப்போது ‘ராங்கி’ படத்தை இயக்குகிறார். இந்தப் படத்தின் பூஜை நேற்று நடைபெற்றது.

லைகா புரொடக்ஷன்ஸ் தயாரிக்கும் இந்தப் படத்திற்கு ஏஆர் முருகதாஸ் கதை எழுதி உள்ளார்.

த்ரிஷா முதன்மைக் கதாபாத்திரத்தில் நடிக்கும் இப்படத்தின் மற்ற நடிகர், நடிகையர் தேர்வு நடந்து வருகிறது.

Continue Reading

Tamil Cinema News

காஞ்சனா 3 – முதல் நாள் வசூலில் சாதனை

Published

on

காஞ்சனா 3 - முதல் நாள் வசூலில் சாதனை

சன் பிக்சர்ஸ் தயாரிப்பில், ராகவா லாரன்ஸ் இயக்கத்தில், தமன் பின்னணி இசையில், ராகவா லாரன்ஸ், வேதிகா, ஓவியா, நிக்கி டம்போலி மற்றும் பலர் நடித்து நேற்று வெளியான படம் ‘காஞ்சனா 3’.

இந்தப் படம் தமிழ்நாட்டில் முதல் நாள் வசூலாக சுமார் 10 கோடி வசூலித்திருப்பதாகத் தகவல் வெளியாகி உள்ளது. தெலுங்கில் சுமார் 4 கோடியும், மற்ற இடங்களில் சுமார் 5 கோடியும் வசூலித்திருக்கலாம் என திரையுலக வட்டாரங்கள் தெரிவிக்கின்றன.

முதல் நாளில் மட்டும் மொத்தமாக 20 கோடி வரை இந்தப் படம் வசூலித்திருக்க வாய்ப்புள்ளதாகச் சொல்கிறார்கள்.

இந்த ஆண்டில் வெளிவந்த படங்களில் ‘பேட்ட, விஸ்வாசம்’ ஆகிய படங்கள் மட்டுமே முதல் நாள் வசூலாக தமிழ்நாட்டில் 10 கோடிக்கும் அதிகமாக வசூலித்தது. தற்போது அந்த வரிசையில் ‘காஞ்சனா 3’ படமும் சேர்ந்துள்ளது.

‘காஞ்சனா’ வசூலை ‘காஞ்சனா 2’ முறியடித்தது, அது போல ‘காஞ்சனா 2’ வசூலை ‘காஞ்சனா 3’ நிச்சயம் முறியடிக்கும் என பாக்ஸ் ஆபீஸ் வட்டாரங்களில் தெரிவிக்கிறார்கள்.

படத்தைப் பற்றி நெகட்டிவ்வான விமர்சனங்கள் சில வந்தாலும், தியேட்டர்காரர்கள் அந்த விமர்சனங்கள் மொத்தமாக 50 பேர் எழுதுவதுதான். ஆனால், தியேட்டருக்கு வரும் ஆயிரக்கணக்கான மக்கள் படத்தை ரசிக்கிறார்கள், அவர்களது விமர்சனம்தான் முக்கியமானது என்கிறார்கள்.

Continue Reading
Advertisement

Tamil Movies Database

Trending

error: Content is protected !!