Connect with us

Tamil Cinema News

பெண்களைக் கொண்டாடும் படம் ‘96’, திருமுருகன் காந்தி பாராட்டு

Published

on

thirumurugan gandhi

மெட்ராஸ் எண்டர்பிரைஸஸ் சார்பில் எஸ் நந்தகோபால் தயாரித்து, செவன் ஸ்கிரீன் ஸ்டூடியோஸ் லலித்குமார் வெளியிட்ட ‘96’படத்தின் நூறாவது நாள் விழா சென்னையில் நடைபெற்றது.

நிகழ்ச்சியில் விஜய் சேதுபதி, திரிஷா, படத்தின் இயக்குநர் பிரேம்குமார், இசையமைப்பாளர் கோவிந்த் வசந்தா உள்ளிட்ட படக் குழுவினர்களுடன் இயக்குநர்கள் சேரன், பார்த்திபன், சமுத்திரக்கனி, பாலாஜி தரணீதரன், பி எஸ் மித்ரன், லெனின் பாரதி மற்றும் சமூகப் போரளியும், மே 17 இயக்கத்தின் ஒருங்கிணைப்பாளருமான திருமுருகன் காந்தி உள்ளிட்ட பலர் சிறப்பு விருந்தினர்களாகக் கலந்து கொண்டனர்.

திருமுருகன் காந்தி பேசுகையில்,

“இந்த வெற்றி விழாவிற்கு இயக்குநர் பிரேம்குமார் ஏன் எனக்கு அழைப்பு விடுத்தார் என்று தற்போது வரை புரிந்து கொள்ள முடியவில்லை. ஏனெனில் நாங்கள் சனிக்கிழமை ராஜபக்சேவிற்கு கருப்புக் கொடி காட்ட வேண்டும். ஞாயிற்றுக் கிழமை மோடிக்கு கருப்பு கொடி காட்டவேண்டும் என்று திட்டமிட்டிருக்கும் சூழலில் 96 படத்தின் நூறாவது நாள் விழாவில் என்னை கலந்து கொள்ள அழைப்பு விடுத்தார். எங்களுக்கும் காதலுக்கும் என்ன சம்பந்தம் என்று தெரியவில்லை.

என்னுடைய தோழர்களின் வேண்டுகோளுக்கிணங்க, சிறையிலிருந்து வெளியே வந்தவுடன் நான் பார்த்த முதல் திரைப்படம் 96. படம் அற்புதமாக இருந்தது. ஆனால் இந்தப் படத்தில் இன்னும் சில விசயங்கள் சொல்லியிருக்கலாம் என்று எனக்குத் தோன்றியது.

காதல் என்பது ஒரு அற்புதமான விசயம். இன்று நாம் பல செய்திகளை கேள்விப்படுகிறோம், பார்க்கிறோம். காதலித்த பெண்ணையே கொலை செய்து விடுகிறார்கள். ஆசிட் வீசுகிறார்கள். காதலித்த பெண்ணை எப்படி அப்படி செய்ய முடியும் ?.

எங்கே கோளாறு இருக்கிறது என்பதை நாம் முக்கியமாக கவனிக்க வேண்டிய விசயம். இது போன்ற தகவல்கள் ஊடகங்களில் அதிகமாக வெளியாகும் சமயத்தில், எப்படி காதலை கொண்டாடுவது, எப்படி பெண்களைக் கொண்டாடுவது, எப்படி இயற்கையை கொண்டாடுவது போன்றவற்றை பேசும் 96 படம் வெளியாகியிருக்கிறது.

காதல் என்பது மனிதர்களுக்குள் மட்டுமே வரக்கூடிய உணர்வு அல்ல, இந்த உலகில் வாழும் அனைத்து உயிரினங்களிடத்திலும் இருக்கும் அடிப்படை குணாதிசயம்.

படத்தில் இடம் பெற்றிருக்கும் வசனத்தைப் போல் காதல் என்பது காலத்துடன் பிணைத்துக் கொண்டிருக்கிறது. காதல் என்பது காலத்தின் இனிமை, காதல் என்பது நேசத்துடன் கூடிய ஒரு உணர்வு.

படத்தில் நிகழ்காலம் முழுவதும் இரவிலும், கடந்த காலம் முழுவதும் பகலிலும் நடைபெறும் காட்சிகளாக இடம் பெற்றிருக்கும். இதுவும் நன்றாக இருந்தது. காதல் என்பது ஆணுடனோ அல்லது பெண்ணுடனோ முடிவதில்லை. அதையும் கடந்து அன்பு என்பது இயற்கையை நேசிக்க வேண்டும் என்பதை சொல்லியிருக்கிறார். அதை படத்தின் முதல் பாடலிலேயே தெளிவாக சொல்கிறார் இயக்குநர்.

காதலித்த பெண் கிடைக்கவில்லை என்றால்அந்த ஆண் வெறுப்புக்கு ஆளாகாமல், வன்மத்திற்கு இடம் கொடுக்காமல் இயற்கையை நேசிப்பவராக, பேரன்பு மிக்கவராக மாறுவதை அந்த முதல் பாடல் எடுத்துக் காட்டும் போது நாமும் மாறிவிடுகிறோம்.

அண்மைக் காலத்தில் எனக்கு பிடித்த நடிகராக விஜய்சேதுபதி இருக்கிறார். இதைத்தான் ஒரு பேட்டியிலும் சொன்னேன். இதற்கு என்ன காரணம் என்றால் இன்றைய இளைஞர்களின் பிரதிபலிப்பாக அவர் இருக்கிறார்.

இன்றைய சம கால இளைஞர்கள் என்ன மாதிரியான பிரச்சனைகளை எல்லாம் சந்திக்கிறார்களோ, எதையெல்லாம் விரும்புகிறார்களோ, அவர்களுக்கு எதுவெல்லாம் மேனரிஸமாக இருக்கிறதோ, எதெல்லாம் கனவாக இருக்கிறதோ அதையெல்லாம் திரையில் பிரதிபலிப்பவராக விஜய்சேதுபதி இருக்கிறார். இப்படிபட்ட ஒரு கலைஞனாகத்தான் விஜய்சேதுபதியை இந்தத் தருணத்தில் நான் பார்க்கிறேன்.

இன்றைய சினிமாவில் வரக் கூடிய ஹீரோக்கள் எல்லாம் சூப்பர் ஹியூமனாகவே இருக்கிறார்கள். ஆனால் விஜய் சேதுபதி நம்மைப் போன்ற சாதாரண மனிதராக திரையில் தோன்றுகிறார். அதனாலேயே அனைவராலும் நேசிக்கக் கூடிய கலைஞராக முடிகிறது. தற்போது மக்கள் எதிர்கொள்ளும் நெருக்கடிகளில் இவர்களைப் போன்றவர்கள் தான் மக்களிடத்தில் எளிதாக சென்றடைய இயலுகிறது.

திரிஷாவும் அற்புதமாக நடித்திருந்தார். இயக்குநருக்கும் என்னுடைய வாழ்த்துகள். ஒட்டுமொத்தமாகப் பார்க்கும் போது,

‘இரும்பு பிசிறாக நீளும்
நானிருக்க
நீ செல்லும் ரயில்’ என்ற அறிவுமதியின் கவிதைதான் நினைவுக்கு வருகிறது.

‘மல்லிகையின் வாசம்
மழையின் நேசம்
எதுவும் அதுவாக இல்லை.
எல்லாம் அவளின் நினைவுகளாகவே இருக்கிறது,” என்ற என்னுடைய நண்பரின் கவிதையும் நினைவிற்கு வருகிறது.

இன்றைய தேதியில் செல்போன் இருப்பதால் நாம் நினைத்ததை உடனடியாக பேசி விடுகிறோம். பிடித்ததையும், பேசிவிடுகிறோம். பிடிக்காததையும் பேசிவிடுகிறோம். ஆனால் செல்போன் இல்லாத காலத்தில் நாம் நினைத்ததை நேரடியாக சென்று சொல்லிய அல்லது சொல்லத் தவறிய அனுபவத்தை இந்த படம் அற்புதமாக பேசியிருக்கிறது.

இந்த படத்திற்கும் எங்களுக்கும் உள்ள தொடர்பு காதல் தான். நாங்கள் மனிதர்களைக் காதலிக்கிறோம். இயற்கையை நேசிக்கிறோம். அதனால் போராடுகிறோம். இது தான் உண்மை.” என்றார்.

விஜய் சேதுபதி பேசுகையில்,

“இந்த விழாவிற்கு திருமுருகன்காந்தி வருகை தந்திருப்பது எனக்கு பெரிய சர்ப்ரைஸ். நான் எதிர்பார்க்கவில்லை. அவரைக் காதலைப் பற்றிப் பேச வேண்டிய கட்டாயத்தை நாங்கள் அளித்துவிட்டோம். உங்களுடைய சிந்தனைக்கு நான் மிகப் பெரிய ரசிகன்.

நீங்கள் எங்கள் மீது வைத்திருக்கும் பாசம் சகோதரரைப் போல் இருக்கிறது. அது இன்னும் பரவவேண்டும் என்று ஆசைப்படுகிறேன். படித்த, புரிந்த, சிறந்த சிந்தனையாளரான நீங்கள், உங்களின் பேச்சு இன்னும் கமர்சியலாக இருக்க வேண்டும் என்று கேட்டுக் கொள்கிறேன். இது என்னுடைய வேண்டுகோள். என்னைத் தவறாக புரிந்து கொள்ள மாட்டீர்கள் என்ற நம்பிக்கையில் பேசுகிறேன். எல்லா நல்ல விசயங்களும் அனைவரையும் சென்றடையவேண்டும். அது போய் சேரும் வகையில் உங்கள் பேச்சு இருக்க வேண்டும் என்று நான் உங்களின் ரசிகனாக எதிர்பார்க்கிறேன்.

இந்த படத்தை வெளியிட்ட செவன் ஸ்கிரீன் ஸ்டுடியோஸ் நிறுவனம் தயாரிக்கும் ‘துக்ளக் ’ என்ற படத்தில் அறிமுக இயக்குநர் டெல்லி பிரசாத் தீனதயாள் இயக்கத்தில் நடிக்கிறேன்,”என்றார்.

இந்த நிகழ்ச்சியில் இயக்குநர் பார்த்திபன் கேட்டுக்கொண்டதற்கு இணங்க, விஜய் சேதுபதியும் திரிஷாவும் மேடையேறி ஒருவரையொருவர் ஆரத் தழுவியது வருகைத் தந்திருந்த அனைவரையும் கவர்ந்தது.

இசையமைப்பாளர் கோவிந்த் வசந்தா மேடையில் இந்த படத்தின் ஜீவனாக இருந்த பின்னணியிசையை வாசித்து காட்டி ரசிகர்களை உற்சாகமடைய வைத்தார்.

Tamil Cinema News

தங்கள் பழைய நாயகிக்கு விஜய், அஜித் வாய்ப்பு கொடுப்பார்களா ?

Published

on

சுவாதி, தங்கள் பழைய நாயகிக்கு விஜய், அஜித் வாய்ப்பு கொடுப்பார்களா ?

விஜய், அஜித் இருவரும் ஹீரோக்களாக வளர்ந்து வந்த ஆரம்ப காலத்தில் அவர்களது ஜோடியாக நடித்தவர் சுவாதி.

விஜய் நடித்த ‘தேவா’ படத்தில் அறிமுகமானவர். அதன் பின் அவருடன் ‘வசந்த வாசல், செல்வா’ ஆகிய படங்களிலும் ஜோடியாக நடித்தவர். அஜித்துடன் ‘வான்மதி, உன்னைத் தேடி’ ஆகிய படங்களிலும் நடித்துள்ளார்.

95ல் அறிமுகமாகி, 2000க்குள் படங்களில் நடிப்பதை குறைத்துக் கொண்டு படிப்பதற்காக ஹைதராபாத் சென்று விட்டார்.

நீண்ட இடைவெளிக்குப் பிறகு அமீரின் இயக்கத்தில் வெளியான ‘யோகி’ படத்தில் துணை கதாபாத்திரத்தில் நடித்தார்.

தற்போது, தெலுங்கில் தொலைக்காட்சி நிகழ்ச்சி ஒன்றைத் தொகுத்து வழங்கி வருகிறார். தமிழ் சினிமாவில் நல்ல கதாபாத்திரங்களில் நடிப்பதற்கு ஆர்வமாக உள்ளார். சினிமாவில் மட்டுமல்லாது தொலைக்காட்சி தொடர்களில் நடிக்கவும், தொலைக்காட்சி நிகழ்ச்சிகளை தொகுத்து வழங்கவும் ஆர்வமாக உள்ளாராம்.

“நான் நடித்து இத்தனை ஆண்டுகள் ஆனாலும் தமிழ் ரசிகர்கள் மீண்டும் எப்போது நடிக்க வருவீர்கள் என்று ஆவலுடன் கேட்கிறார்கள். ‘மேக்கப்’ இல்லாமல் சென்றாலும் அடையாளம் கண்டுகொள்கிறார்கள்.

இத்தனை வருடம் கழித்தும் இன்னும் இளமையாகவே இருக்கிறீர்கள் என்று பாராட்டுகிறார்கள். அப்படி ஒரு பயணத்தின் போது ஒரு தம்பதியரை சந்திக்க நேர்ந்தது. அந்த சந்திப்பிலிருந்து தான் மீண்டும் நடிக்க வேண்டும் என்ற முடிவுக்கு வந்தேன். என் குடும்பத்தாரும் எனக்கு முழு ஆதரவோடு இருக்கிறார்கள்.

நான் அவ்வப்போது படங்களைப் பார்த்து வருகிறேன். முன்பைவிட இப்போதுள்ள சினிமா தொழில்நுட்பத்தில் முன்னேற்றம் ஏற்பட்டுள்ளது. ‘பாகுபலி’ போன்ற படங்கள் உலகளவில் பேசப்பட்டது. பல தொலைக்காட்சி சேனல்கள் வந்தாலும் சினிமா என்றும் அழியாமல் நிரந்தரமாக இருக்கும்.

சினிமாவை மிகவும் நேசிக்கிறேன். நல்ல வாய்ப்புகளுக்காகக் காத்திருக்கிறேன்,” என்கிறார் சுவாதி.

இப்போது டாப் ஹீரோக்களாக இருக்கும் விஜய், அஜித், தங்கள் ஆரம்ப கால நாயகிக்கு தங்களது படங்களில் மீண்டும் நடிக்கும் வாய்ப்பை இப்போது வழங்குவார்களா….?.

Continue Reading

Tamil Cinema News

‘வாட்ச்மேன்’ படத்திற்கு இயக்குனர் பாண்டிராஜ் பாராட்டு

Published

on

வாட்ச்மேன் படத்திற்கு இயக்குனர் பாண்டிராஜ் பாராட்டு

டபுள் மீனிங் புரொடக்ஷன் சார்பாக அருண்மொழி மாணிக்கம் தயாரிக்க விஜய் இயக்கும் படம் ‘வாட்ச்மேன்’.

ஜி.வி. பிரகாஷ்குமார் நாயகனாக நடித்து, இசையமைக்கிறார். யோகி பாபு நகைச்சுவை கதாபாத்திரத்தில் நடிக்கிறார்.

இப்படத்தில் கோல்டன் ரெட்ரீவர் வகையைச் சேர்ந்த நாய் ஒன்றும் நடித்துள்ளது.

இப்படத்தைப் பார்த்த இயக்குனர் பாண்டிராஜ் படத்திற்கு பாராட்டுக்களையும் வாழ்த்துகளையும் தெரிவித்துள்ளார்.

“இயக்குநர் விஜய்யின் ‘வாட்ச்மேன்’ திரைப்படம், த்ரில்லர் மற்றும் நகைச்சுவையின் கலவையாக இருந்தது. ஒவ்வொரு காட்சியையும் அனுபவித்துப் பார்த்தேன். திரைக்கதை மிகவும் சுவாரஸ்யமாகவும், எதிர்பாராத, ஆச்சரியமான திருப்பங்களும் நிறைந்திருந்தது.
ஜி.வி. பிரகாஷ் மற்றும் யோகிபாபு சிறப்பாக நடித்துள்ளனர். குறிப்பாக நாய்களின் நடவடிக்கைகள் வரும் காட்சிகளை விரும்பிப் பார்த்தேன். தொழில்நுட்பக் குழு சிறப்பாக பணிப்புரிந்துள்ளனர். எடிட்டிங், ஒளிப்பதிவு மற்றும் ரீ-ரெகார்டிங் அனைத்தும் திரைப்படத்தை மெருகேற்றியுள்ளது,” என்றார் பாண்டிராஜ்.

இதுகுறித்து இயக்குநர் விஜய் கூறுகையில், “பாண்டிராஜ் சார் போன்ற திரைப்படத் தயாரிப்பாளரிடமிருந்து, இது போன்ற பாராட்டுகளைப் பெறுவது மகிழ்ச்சி அளிக்கிறது. ‘வாட்ச்மேன்’ திரைப்படத்திற்கு கிடைத்த புகழாரம், திரைப்படத்திற்கு மற்றுமொரு வலிமை. இயக்குநர் பாண்டிராஜ் அவர்கள் குடும்ப பார்வையாளர்களைத் தனது தொடர்ச்சியான படங்களின் மூலம் ஈர்த்தவர். அத்தகைய இயக்குநரிடமிருந்து பாராட்டுகளை பெற்றது மிகவும் மகிழ்ச்சியளிக்கிறது. இது ‘வாட்ச்மேன்’ குழுவினராகிய ஜி. வி. பிரகாஷ், யோகிபாபு, மேலும் அனைத்து தொழில்நுட்பக் கலைஞர்களையும் மகிழ்ச்சியில் ஆழ்த்தியுள்ளது.,” என்றார்.

‘வாட்ச்மேன்’ படம் ஏப்ரல் 12ம் தேதி வெளியாக உள்ளது.

Continue Reading

Tamil Cinema News

ஐரா – ஹாரர் படம் மட்டுமல்ல…

Published

on

ஐரா - ஹாரர் படம் மட்டுமல்ல

கேஜேஆர் ஸ்டுடியோஸ் சார்பில் கோட்டபாடி ஜே ராஜேஷ் தயாரிக்க, சர்ஜுன் கேஎம் இயக்க, கேஎஸ் சுந்தரமூர்த்தி இயக்கத்தில், நயன்தாரா, கலையரசன், யோகி பாபு மற்றும் பலர் நடிக்கும் படம் ‘ஐரா’.

இப்படத்தின் பத்திரிகையாளர் சந்திப்பு சென்னையில் நடைபெற்றது.

நிகழ்ச்சியில் நடிகர் கலையரசன் பேசுகையில்,

“இது மிகவும் மகிழ்ச்சியான தருணம். என் கேரியரில் மிகவும் முக்கியமான ஒரு படமாக இந்தப் படம் இருக்கும். சமீப காலங்களில் நான் கடந்து வரும் மிக முக்கியமான கேள்வி ‘மெட்ராஸ்’ மாதிரி ஏன் படங்கள் பண்ணுவதில்லை என்பது தான். நானும் நிறைய கதைகள் கேட்கிறேன். இந்தப் படம் பெயர் சொல்லும் ஒரு படமாக இருக்கும்.

சர்ஜூன் இயக்கத்தில் ‘எச்சரிக்கை’ படத்தில் நடிக்க வேண்டியது, ஆனால் அது அமையவில்லை. இந்தப் படத்தில் சர்ஜூன் கேட்டபோது உடனடியாக ஒப்புக் கொண்டேன். இதில் ஹாரர் விஷயத்தையும் தாண்டி மிகச்சிறப்பான கதை இருக்கிறது. சர்ஜூன் கதை எல்லாம் சொல்லி முடித்த பிறகு தான் அந்த பவானி கதாபாத்திரத்திலும் நயன்தாராதான் நடிக்கிறாங்க என சொன்னார். அது பெரிய சர்ப்ரைஸாக இருந்தது. அந்த கதாபாத்திரத்துக்காக அவர் ரொம்பவே மெனக்கெட்டார். நல்ல ஒரு பொழுதுபோக்கு படமாக வந்திருக்கிறது ஐரா,” என்றார்.

இயக்குனர் சர்ஜுன் பேசுகையில்,

“நிறைய பேருக்கு நிறைய கேள்விகள் இருந்தன. மேகதூதம் பாடல் அதற்கு பதிலாக இருந்திருக்கும் என நம்புகிறேன். நான் மிகவும் ரசித்து எடுத்த படம், அதுவும் கருப்பு வெள்ளையில் படம் பிடித்தது மிகவும் மகிழ்ச்சி.

கேஜேஆர் ராஜேஷ் சார் எனக்கு முழு சுதந்திரம் கொடுத்தார். நான் கேட்டதையெல்லாம் கொடுத்தார். கதை கேட்ட பிறகு எந்த விஷயத்திலும் எந்த ஒரு குறுக்கீடும் இல்லை. ஏன் இந்த செலவு, எப்படி படத்தை எடுக்கிறீங்க என எதையும் அவர் கேட்கவில்லை. படம் முடிந்த பிறகு படத்தின் ஃபர்ஸ்ட் காப்பி பார்த்தார். மிகவும் மகிழ்ச்சி என சொன்னார். படத்தை மக்களிடம் கொண்டு சேர்க்க ப்ரமோஷனில் பட்டையை கிளப்புகிறார். மிகச் சிறப்பாக விளம்பரப்படுத்தி வருகிறார்.

நயன்தாரா இரண்டு கதாபாத்திரங்களையும் மிகச் சிறப்பாகச் செய்திருக்கிறார். மற்ற படங்களில் இரட்டை வேடம் என்றால் அதில் இரண்டுக்கும் ஒரு தொடர்பு இருக்கும். இங்கு இரண்டு கதாபாத்திரங்களுக்கும் எந்த சம்பந்தமும் கிடையாது. நயன்தாரா இந்த படத்துக்கு முழு ஒத்துழைப்பு கொடுத்தார். இது வெறும் ஹாரர் படம் மட்டும் கிடையாது. இன்னொரு சீரியஸான, எமோஷனல் கோணமும் இருக்கிறது. அதையும் தாண்டி ஒரு பொழுதுபோக்கு படமாக இருக்கும்,” என்றார்.

டிரைடன்ட் ஆரட்ஸ் ரவீந்திரன் இந்தப் படத்தை மார்ச் 28ம் தேதி வெளியிடுகிறார்.

Continue Reading
Advertisement

Tamil Movies Database

Trending