Connect with us

Tamil Cinema News

‘தர்ம பிரபு’ படத்தை வாங்க கடும் போட்டி

கதாநாயகன் ஆக அறிமுகமாகும் யோகி பாபு

Published

on

தர்ம பிரபு படத்தை வாங்க கடும் போட்டி

தமிழ் சினிமாவில் தற்போதுள்ள நகைச்சுவை நடிகர்களில் முதலிடத்தில் இருப்பவர் யோகி பாபு.

அவர் திரையில் வந்தாலே ரசிகர்கள் சிரிக்க ஆரம்பிக்கும் அளவிற்கு மக்களின் மனதில் இடம் பிடித்துவிட்டார்.

நாகேஷ், கவுண்டமணி, வடிவேலு ஆகியோரது வரிசையில் யோகி பாபுவும் இப்போது இணைந்துவிட்டார் என திரையுலகத்தினர் தெரிவிக்கிறார்கள்.

‘தர்மபிரபு’ படத்தின் மூலம் கதாநாயகனகாவம் நடிக்க ஆரம்பித்துவிட்டார் யோகி பாபு.

ரஜினிகாந்த் முதல் புது நாயகர்கள் வரை யோகி பாபு தங்கள் படத்தில் நடித்தால் சிறப்பாக இருக்கும் என அவருக்காகக் காத்திருக்கும் நிலையும் இருக்கிறது என்கிறார்கள்.

‘தர்ம பிரபு’ படத்தில் யோகிபாபு எமதர்மன் ஆக நடிக்கிறாராம். இப்படத்தின் 90 சதவீத படப்பிடிப்பு முடிந்துவிட்டதாம். குழந்தைகளைக் கவரும் விதத்தில் யானை ஒன்றும் படத்தில் முக்கிய கதாபாத்திரத்தில் நடித்திருக்கிறதாம்.

கோடை விடுமுறையில் படத்தை வெளியிடத் திட்டமிட்டு வேலைகள் வேகமாக நடந்து வருகின்றன.

ஸ்ரீவாரி பிலிம்ஸ் சார்பில் ரெங்கநாதன் தயாரிக்க, முத்துக்குமரன் இயக்கி வரும் இப்படத்தில் யோகி பாபு, ராதாரவி, ரமேஷ் திலக், ஜனனி அய்யர், ஷாம் சுஜித், மனோபாலா, மொட்டை ராஜேந்திரன், மேக்னா நாயுடு, ரேகா, போஸ் வெங்கட், அழகம்பெருமாள், சரவண சக்தி, பாஸ்கி, சிந்து எனப் பலர் நடிக்கிறார்கள்.

இப்படத்திற்காக ஏவிஎம் ஸ்டுடியோவில் பிரம்மாண்டமான அரங்கு அமைக்கப்பட்டு படப்பிடிப்பு நடந்தது.

ரஜினிகாந்த் நடித்த சிவாஜி படத்திற்குப் பின் இங்கு எந்த படத்திற்கும் கோடிக்கணக்கான செலவில் அரங்கம் அமைத்து படப்பிடிப்பு நடைபெற்றதில்லை.

அரங்கத்தின் வெளி தோற்றத்தை பார்த்து வியந்த இயக்குனர் எஸ்.பி.முத்துராமன், யோகி பாபு வளர்ந்து வரும் காமெடி நடிகர் அவர் நடிக்கும் படத்திற்கு இவ்ளோ பெரிய செட் தேவையா, கட்டுபடியாகுமா என தயாரிப்பாளரிடம் கூட கேட்டாராம்.

‘தர்ம பிரபு’ படத்தின் கதாபாத்திரத்திற்கு எல்லா வகையிலும் யோகி பாபு பொருத்தமாக இருந்ததால்தான் தாராளம செலவு செய்து எடுத்து வருவதாக படக்குழுவினர் தெரிவிக்கிறார்கள்.

இப்படத்தை வாங்கி வினியோகிக்க இப்போதே பலரும் ஆர்வமாக இருக்கிறார்களாம்.

Tamil Cinema News

தங்கள் பழைய நாயகிக்கு விஜய், அஜித் வாய்ப்பு கொடுப்பார்களா ?

Published

on

சுவாதி, தங்கள் பழைய நாயகிக்கு விஜய், அஜித் வாய்ப்பு கொடுப்பார்களா ?

விஜய், அஜித் இருவரும் ஹீரோக்களாக வளர்ந்து வந்த ஆரம்ப காலத்தில் அவர்களது ஜோடியாக நடித்தவர் சுவாதி.

விஜய் நடித்த ‘தேவா’ படத்தில் அறிமுகமானவர். அதன் பின் அவருடன் ‘வசந்த வாசல், செல்வா’ ஆகிய படங்களிலும் ஜோடியாக நடித்தவர். அஜித்துடன் ‘வான்மதி, உன்னைத் தேடி’ ஆகிய படங்களிலும் நடித்துள்ளார்.

95ல் அறிமுகமாகி, 2000க்குள் படங்களில் நடிப்பதை குறைத்துக் கொண்டு படிப்பதற்காக ஹைதராபாத் சென்று விட்டார்.

நீண்ட இடைவெளிக்குப் பிறகு அமீரின் இயக்கத்தில் வெளியான ‘யோகி’ படத்தில் துணை கதாபாத்திரத்தில் நடித்தார்.

தற்போது, தெலுங்கில் தொலைக்காட்சி நிகழ்ச்சி ஒன்றைத் தொகுத்து வழங்கி வருகிறார். தமிழ் சினிமாவில் நல்ல கதாபாத்திரங்களில் நடிப்பதற்கு ஆர்வமாக உள்ளார். சினிமாவில் மட்டுமல்லாது தொலைக்காட்சி தொடர்களில் நடிக்கவும், தொலைக்காட்சி நிகழ்ச்சிகளை தொகுத்து வழங்கவும் ஆர்வமாக உள்ளாராம்.

“நான் நடித்து இத்தனை ஆண்டுகள் ஆனாலும் தமிழ் ரசிகர்கள் மீண்டும் எப்போது நடிக்க வருவீர்கள் என்று ஆவலுடன் கேட்கிறார்கள். ‘மேக்கப்’ இல்லாமல் சென்றாலும் அடையாளம் கண்டுகொள்கிறார்கள்.

இத்தனை வருடம் கழித்தும் இன்னும் இளமையாகவே இருக்கிறீர்கள் என்று பாராட்டுகிறார்கள். அப்படி ஒரு பயணத்தின் போது ஒரு தம்பதியரை சந்திக்க நேர்ந்தது. அந்த சந்திப்பிலிருந்து தான் மீண்டும் நடிக்க வேண்டும் என்ற முடிவுக்கு வந்தேன். என் குடும்பத்தாரும் எனக்கு முழு ஆதரவோடு இருக்கிறார்கள்.

நான் அவ்வப்போது படங்களைப் பார்த்து வருகிறேன். முன்பைவிட இப்போதுள்ள சினிமா தொழில்நுட்பத்தில் முன்னேற்றம் ஏற்பட்டுள்ளது. ‘பாகுபலி’ போன்ற படங்கள் உலகளவில் பேசப்பட்டது. பல தொலைக்காட்சி சேனல்கள் வந்தாலும் சினிமா என்றும் அழியாமல் நிரந்தரமாக இருக்கும்.

சினிமாவை மிகவும் நேசிக்கிறேன். நல்ல வாய்ப்புகளுக்காகக் காத்திருக்கிறேன்,” என்கிறார் சுவாதி.

இப்போது டாப் ஹீரோக்களாக இருக்கும் விஜய், அஜித், தங்கள் ஆரம்ப கால நாயகிக்கு தங்களது படங்களில் மீண்டும் நடிக்கும் வாய்ப்பை இப்போது வழங்குவார்களா….?.

Continue Reading

Tamil Cinema News

‘வாட்ச்மேன்’ படத்திற்கு இயக்குனர் பாண்டிராஜ் பாராட்டு

Published

on

வாட்ச்மேன் படத்திற்கு இயக்குனர் பாண்டிராஜ் பாராட்டு

டபுள் மீனிங் புரொடக்ஷன் சார்பாக அருண்மொழி மாணிக்கம் தயாரிக்க விஜய் இயக்கும் படம் ‘வாட்ச்மேன்’.

ஜி.வி. பிரகாஷ்குமார் நாயகனாக நடித்து, இசையமைக்கிறார். யோகி பாபு நகைச்சுவை கதாபாத்திரத்தில் நடிக்கிறார்.

இப்படத்தில் கோல்டன் ரெட்ரீவர் வகையைச் சேர்ந்த நாய் ஒன்றும் நடித்துள்ளது.

இப்படத்தைப் பார்த்த இயக்குனர் பாண்டிராஜ் படத்திற்கு பாராட்டுக்களையும் வாழ்த்துகளையும் தெரிவித்துள்ளார்.

“இயக்குநர் விஜய்யின் ‘வாட்ச்மேன்’ திரைப்படம், த்ரில்லர் மற்றும் நகைச்சுவையின் கலவையாக இருந்தது. ஒவ்வொரு காட்சியையும் அனுபவித்துப் பார்த்தேன். திரைக்கதை மிகவும் சுவாரஸ்யமாகவும், எதிர்பாராத, ஆச்சரியமான திருப்பங்களும் நிறைந்திருந்தது.
ஜி.வி. பிரகாஷ் மற்றும் யோகிபாபு சிறப்பாக நடித்துள்ளனர். குறிப்பாக நாய்களின் நடவடிக்கைகள் வரும் காட்சிகளை விரும்பிப் பார்த்தேன். தொழில்நுட்பக் குழு சிறப்பாக பணிப்புரிந்துள்ளனர். எடிட்டிங், ஒளிப்பதிவு மற்றும் ரீ-ரெகார்டிங் அனைத்தும் திரைப்படத்தை மெருகேற்றியுள்ளது,” என்றார் பாண்டிராஜ்.

இதுகுறித்து இயக்குநர் விஜய் கூறுகையில், “பாண்டிராஜ் சார் போன்ற திரைப்படத் தயாரிப்பாளரிடமிருந்து, இது போன்ற பாராட்டுகளைப் பெறுவது மகிழ்ச்சி அளிக்கிறது. ‘வாட்ச்மேன்’ திரைப்படத்திற்கு கிடைத்த புகழாரம், திரைப்படத்திற்கு மற்றுமொரு வலிமை. இயக்குநர் பாண்டிராஜ் அவர்கள் குடும்ப பார்வையாளர்களைத் தனது தொடர்ச்சியான படங்களின் மூலம் ஈர்த்தவர். அத்தகைய இயக்குநரிடமிருந்து பாராட்டுகளை பெற்றது மிகவும் மகிழ்ச்சியளிக்கிறது. இது ‘வாட்ச்மேன்’ குழுவினராகிய ஜி. வி. பிரகாஷ், யோகிபாபு, மேலும் அனைத்து தொழில்நுட்பக் கலைஞர்களையும் மகிழ்ச்சியில் ஆழ்த்தியுள்ளது.,” என்றார்.

‘வாட்ச்மேன்’ படம் ஏப்ரல் 12ம் தேதி வெளியாக உள்ளது.

Continue Reading

Tamil Cinema News

ஐரா – ஹாரர் படம் மட்டுமல்ல…

Published

on

ஐரா - ஹாரர் படம் மட்டுமல்ல

கேஜேஆர் ஸ்டுடியோஸ் சார்பில் கோட்டபாடி ஜே ராஜேஷ் தயாரிக்க, சர்ஜுன் கேஎம் இயக்க, கேஎஸ் சுந்தரமூர்த்தி இயக்கத்தில், நயன்தாரா, கலையரசன், யோகி பாபு மற்றும் பலர் நடிக்கும் படம் ‘ஐரா’.

இப்படத்தின் பத்திரிகையாளர் சந்திப்பு சென்னையில் நடைபெற்றது.

நிகழ்ச்சியில் நடிகர் கலையரசன் பேசுகையில்,

“இது மிகவும் மகிழ்ச்சியான தருணம். என் கேரியரில் மிகவும் முக்கியமான ஒரு படமாக இந்தப் படம் இருக்கும். சமீப காலங்களில் நான் கடந்து வரும் மிக முக்கியமான கேள்வி ‘மெட்ராஸ்’ மாதிரி ஏன் படங்கள் பண்ணுவதில்லை என்பது தான். நானும் நிறைய கதைகள் கேட்கிறேன். இந்தப் படம் பெயர் சொல்லும் ஒரு படமாக இருக்கும்.

சர்ஜூன் இயக்கத்தில் ‘எச்சரிக்கை’ படத்தில் நடிக்க வேண்டியது, ஆனால் அது அமையவில்லை. இந்தப் படத்தில் சர்ஜூன் கேட்டபோது உடனடியாக ஒப்புக் கொண்டேன். இதில் ஹாரர் விஷயத்தையும் தாண்டி மிகச்சிறப்பான கதை இருக்கிறது. சர்ஜூன் கதை எல்லாம் சொல்லி முடித்த பிறகு தான் அந்த பவானி கதாபாத்திரத்திலும் நயன்தாராதான் நடிக்கிறாங்க என சொன்னார். அது பெரிய சர்ப்ரைஸாக இருந்தது. அந்த கதாபாத்திரத்துக்காக அவர் ரொம்பவே மெனக்கெட்டார். நல்ல ஒரு பொழுதுபோக்கு படமாக வந்திருக்கிறது ஐரா,” என்றார்.

இயக்குனர் சர்ஜுன் பேசுகையில்,

“நிறைய பேருக்கு நிறைய கேள்விகள் இருந்தன. மேகதூதம் பாடல் அதற்கு பதிலாக இருந்திருக்கும் என நம்புகிறேன். நான் மிகவும் ரசித்து எடுத்த படம், அதுவும் கருப்பு வெள்ளையில் படம் பிடித்தது மிகவும் மகிழ்ச்சி.

கேஜேஆர் ராஜேஷ் சார் எனக்கு முழு சுதந்திரம் கொடுத்தார். நான் கேட்டதையெல்லாம் கொடுத்தார். கதை கேட்ட பிறகு எந்த விஷயத்திலும் எந்த ஒரு குறுக்கீடும் இல்லை. ஏன் இந்த செலவு, எப்படி படத்தை எடுக்கிறீங்க என எதையும் அவர் கேட்கவில்லை. படம் முடிந்த பிறகு படத்தின் ஃபர்ஸ்ட் காப்பி பார்த்தார். மிகவும் மகிழ்ச்சி என சொன்னார். படத்தை மக்களிடம் கொண்டு சேர்க்க ப்ரமோஷனில் பட்டையை கிளப்புகிறார். மிகச் சிறப்பாக விளம்பரப்படுத்தி வருகிறார்.

நயன்தாரா இரண்டு கதாபாத்திரங்களையும் மிகச் சிறப்பாகச் செய்திருக்கிறார். மற்ற படங்களில் இரட்டை வேடம் என்றால் அதில் இரண்டுக்கும் ஒரு தொடர்பு இருக்கும். இங்கு இரண்டு கதாபாத்திரங்களுக்கும் எந்த சம்பந்தமும் கிடையாது. நயன்தாரா இந்த படத்துக்கு முழு ஒத்துழைப்பு கொடுத்தார். இது வெறும் ஹாரர் படம் மட்டும் கிடையாது. இன்னொரு சீரியஸான, எமோஷனல் கோணமும் இருக்கிறது. அதையும் தாண்டி ஒரு பொழுதுபோக்கு படமாக இருக்கும்,” என்றார்.

டிரைடன்ட் ஆரட்ஸ் ரவீந்திரன் இந்தப் படத்தை மார்ச் 28ம் தேதி வெளியிடுகிறார்.

Continue Reading
Advertisement

Tamil Movies Database

Trending