January 22, 2019

என் காதலி சீன் போடுறா – விரைவில்…திரையில்…

சங்கர் மூவீஸ் இண்டர்நேஷனல் பட நிறுவனம் சார்பாக ஜோசப் பேபி தயாரிக்கும் படம் ‘என் காதலி சீன் போடுறா’.

இந்த படத்தில் ‘அங்காடித் தெரு’ மகேஷ் நாயகனாக நடிக்க, நாயகியாக ஷாலு என்ற புதுமுகம் அறிமுகமாகிறார். இவர்களுடன் ஆடுகளம் நரேன், மனோபாலா, அஞ்சலி அம்மா, அம்பானி சங்கர், தியா, தென்னவன், வையாபுரி ஆகியோரும் நடித்திருக்கிறார்கள். முக்கிய வேடத்தில் விஜய் டிவி கோகுல் நடித்துள்ளார் அவருக்கு தங்கையாக நிஷா நடித்துள்ளார்.

‘டீக்கடை பெஞ்ச்’ படத்தை இயக்கிய ராம்சேவா இப்படத்தை இயக்கியிருக்கிறார். படம் பற்றி இயக்குனர் கூறியதாவது,

“ஒரு உண்மைச் சம்பவத்தை அடிப்படையாகக் கொண்டு முழுக்க முழுக்க காமெடியாக உருவாக்கி உள்ளோம். நாம் எப்பொழுதும் சந்தோஷமாக வாழ வேண்டும். சந்தோஷமாக வாழ்கிற அதே நேரத்தில் ஜாக்கிரதையாகவும் இருக்க வேண்டும். அப்படி ஜாக்கிரதையாக இல்லாவிட்டால் ஏற்படுகின்ற பிரச்சனைகள் நம் வாழ்க்கையையே மாற்றிப் போட்டு விடும் என்கிற கருத்தை உள்ளடக்கிய படம் தான் இது. இதை காமெடியாகவும் கமர்ஷியலாகவும் சொல்லி இருக்கிறோம். மனோபாலா காமெடியில் கலக்கி இருக்கிறார்.

நான்கு பாடல்களையும் வெவ்வேறு விதமாக கொடுத்திருக்கிறார் இசைமைப்பாளர் அம்ரிஷ். சின்ன மச்சான் பாடலைத் தொடர்ந்து செந்தில் கணேஷ் – ராஜலக்ஷ்மி இருவரும் இந்தப் படத்திலும் ஒரு பாடலைப் பாடி இருக்கிறார்கள். ‘நிலா கல்லுல செதுக்கிய சிலையா’ என்று துவங்கும் அந்த பாடல் மிகப் பெரிய ஹிட்டாகும் என்பதில் எந்த ஒரு ஐயமும் இல்லை.

வெறும் 23 நாட்களில் படப்பிடிப்பு முழுவதையும் முடித்துவிட்டோம். அதற்கு பக்க பலமாக இருந்த என்னுடைய ஒளிப்பதிவாளர் வெங்கட் மற்றும் படக்குழுவினர் அனைவருக்கும் என் நன்றியை தெரிவித்துக் கொள்கிறேன். படப்பிடிப்பு புதுச்சேரி மற்றும் சென்னையில் நடைபெற்றது. படம் விரைவில் திரைக்கு வர உள்ளது,” என்கிறார் இயக்குனர் ராம்சேவா.

இசை – அம்ரிஷ்
ஒளிப்பதிவு – வெங்கட்
பாடல்கள் – ராம்ஷேவா, ஏகாதசி
கலை – சோலைஅன்பு
நடனம் – சிவாலாரன்ஸ், சாண்டி
ஸ்டன்ட் – மிரட்டல் செல்வா
எடிட்டிங் – மாரிஸ்
தயாரிப்பு மேற்பார்வை – தண்டபாணி
தயாரிப்பு – ஜோசப் பேபி
கதை, திரைக்கதை, வசனம், இயக்கம் – ராம் சேவா

Related Posts