Connect with us

Movie Reviews

Gethu – Review

Published

on

Udhayanidhi dons the lead role besides producing Gethu. Maan Karate-fame Thirukumaran has directed the movie.

In Gethu, Udhay sports a different look. Amy Jackson, artistes Sathyaraj and Rajesh besides Vikranth and Mime Gopi play part of the movie. Music for Gethu is by Harris Jayaraj, who has scored in all three of Udhay’s previous movies.

The high point of the movie is that Vikranth plays a baddie. Three cheers to Thirukumaran for a superb screenplay with twists and turns.

Sathyaraj plays a PET teacher in a school in a hill station. His son Sethu (Udhay) is a librarian there. He comes across an iyengar girl (Amy Jackson)who steals books from the library and the way Sethu revovers iot from her blossoms into love. Meanwhile there is a serial killer who excels in shooting Bull (Vikranth), who comes on a mission to the place.

He has few plans to be executed. Meanwhile Sathyaraj gets into a tangle with a gang of baddies and what Sethu does to set things around and foil Bull’s plans form the crux.

The movie is high on action and stuyle. Udhay has gone for a makeover and it is good and deserves credit for presenting him differently on screen.

The high point of the movie is visuals. The locations are captured by cinematographer Sukumar with wonderful colours.

The fight sequences are also plus. Harris jeyaraj’s songs are okay but a loud BGM spoils the show at places.

Also the film doesn’t seem to completely engage you entirely. The thrill and mystery elements are predictable.

However the movie can be appreciated for the efforts of the team to give something different.

Three cheers to Sathyaraj., Vikranth and Udhay.

Gethu – Style but very simple

Movie Reviews

நெடுநல்வாடை விமர்சனம்

Published

on

நெடுநல்வாடை விமர்சனம்

‘நெடுநல்வாடை’ என்பதை பள்ளியில் படிக்கும் நாட்களில் படித்தது. அதனால், என்ன அர்த்தம் என விக்கிபீடியாவைத் தேடிய போது, “வாடைக்காலத்தில் நிகழ்வதாலும், தலைவனைப் பிரிந்து வாடும் தலைவிக்கு இது நீண்ட (நெடு) வாடையாகவும், போர் வெற்றியைப் பெற்ற தலைவனுக்கு இது ஒரு நல்ல வாடையாகவும் அமைந்தது குறித்தே இது நீண்ட நல்ல வாடை என்னும் பொருளில் நெடுநல்வாடை எனப் பெயர் பெற்றதாகக் கூறுவர்,” எனக் கிடைத்தது.

ஆம், இந்தப் படமும் தலைவனைப் பிரிந்து வாடும் தலைவியின் கதை என்றும் சொல்லாம். தலைவியைப் பிரிந்து வாடும் தலைவனின் கதை என்றும், பேரனைப் பிரிந்து வாடும் தாத்தாவின் என்றும் சொல்லலாம்.

இயக்குனர் செல்வகண்ணன் ஒரு இயல்பான, உணர்வுபூர்மான மண் மணம் மாறாத படத்தைக் கொடுத்திருக்கிறார். இப்படி ஒரு கிராமத்துப் படத்தைப் பார்த்து எவ்வளவு நாட்களாகிவிட்டது. பாரதிராஜாவுக்குப் பிறகு கிராமத்தையே ஒரு உணர்வுடன் காட்டியது செல்வகண்ணன் என்று சொன்னால் அது மிகையில்லை.

அதற்கு அந்தக் கிராமத்து மனிதர்களாக நடித்த பூ ராம், இளங்கோ, அஞ்சலி நாயர், செந்தி, ஐந்து கோவிலான், அஜய் நடராஜ், மைம் கோபி என அனைவருமே காரணம். ஒவ்வொருவரையும் அவரவர் கதாபாத்திரங்களில்தான் பார்க்க முடிகிறது.

செல்லையா என்ற தாத்தாவாக, பாசமான அப்பாவாக பூ ராம், தாத்தாவின் ஆதரவில் வளர்ந்த கிராமத்து இளைஞன் இளங்கோவாக இளங்கோ, சிறு வயதிலிருந்தே இளங்கோ மீது காதலுடன் இருக்கும் அமுதாவாக அஞ்சலி நாயர், தங்கையின் வாழ்வு முக்கியம், குடும்ப மானம் முக்கியம் என நினைக்கும் அண்ணன் மருதுபாண்டியாக அஜய் நடராஜ், ஊரில் எவ்வளவோ பேர் இருந்தாலும் ஒருவர் மட்டுமே நம் நம்பிக்கைக்குரியவராக இருப்பார், அப்படிப்பட்ட ஒருவர் நம்பியாக ஐந்து கோவிலான், ஒரு பக்கம் வெறுப்பைக் காட்டும் அண்ணன் மைம் கோபி, மறுபக்கம் பாசம் காட்டும் அப்பா, இன்னொரு பக்கம் மகன், மகள் என கிராமத்துத் தாயாக செந்தி என இப்படத்தின் கதாபாத்திரங்களைப் பார்க்கும் போது அதற்காக நடிகர்களா, நடிகர்களுக்காக கதாபாத்திரங்களா என கேட்கத் தோன்றும். அனைவருமே அவரவர் கதாபாத்திரங்களில் அப்படியே வாழ்ந்து நம்மைத் திரையில் கண்கொட்டாமல் பார்க்க வைக்கிறார்கள்.

கணவன் சரி இல்லாததால் அப்பா வீட்டுக்கு தன் இரண்டு குழந்தைகளுடன் வருகிறார் மகள் செந்தி. காதல் கல்யாணம் செய்து கொண்டு ஓடிப் போனாலும், அப்பா பூ ராம் மகளுக்கு ஆதரவு தருகிறார். அண்ணன் மைம் கோபியோ, தங்கை சொத்துக்குப் பங்கு கேட்க வந்துவிடுவாளோ என எதிர்க்கிறார்.  பேரன் இளங்கோ வளர்ந்து பாலிடெக்னிக்கில் படிக்கும் போது அஞ்சலி நாயர் மீது காதல் கொள்கிறார். உன் வாழ்க்கை நிலைமையை நினைத்துப் பார், அதன்பின்தான் காதல் என்கிறார் தாத்தா. பேரன் இளங்கோ தாத்தா பேச்சைக் கேட்கிறாரா, மீறுகிறாரா என்பதுதான் படத்தின் கதை.

ஒரு சாதாரண விவசாயக் குடும்பத்துக்குள் இருக்கும் நடக்கும் நிகழ்வுகளை அந்த வீட்டிற்குப் பக்கத்தில் இருந்தே நாம் பார்ப்பது போன்ற ஒரு உணர்வை படம் முழுவதும் ஏற்படுத்தியிருக்கிறார் இயக்குனர். அந்தக் கிராமத்தில் நாமும் வசிப்பது போல காடு, கழனி, மலை, மேடு, தெரு என நம்மை கூடவே அழைத்துச் செல்கிறார்கள் படம் சம்பந்தப்பட்ட அனைவரும்.

படத்தில் குறைகள் இல்லாமல் இல்லை. சில கேள்விகள் எழாமல் இல்லை. ஆனால், அவற்றையும் மீறி நம்மை படத்துக்குள் ஈர்க்கும் பல விஷயங்கள் இருப்பதால் அவை பெரிதாகக் கண்ணில் படவில்லை.

ஜோஸ் பிரான்க்ளின் இசை, வைரமுத்து பாடல்கள், வினோத் ரத்தினசாமியின் ஒளிப்பதிவு, காசி விஸ்வநாதனின் படத் தொகுப்பு படத்துக்கு கூடுதல் பலத்தைத் தந்திருக்கிறது.

50 தயாரிப்பாளர்கள் ஒன்று சேர்ந்து அவர்களுடைய நண்பன் செல்வகண்ணனுக்காக இந்தப் படத்தைத் தயாரித்திருக்கிறார்கள். அவர்கள் எண்ணமும் பெரிது, இயக்குனரின் கைவண்ணமும் இனிது.

நெடுநல்வாடை போல நூறு திரைப்படங்கள் வந்து தமிழ் சினிமாவை வாழ வைக்கட்டும்.

Continue Reading

Movie Reviews

இஸ்பேட் ராஜாவும் இதய ராணியும் – விமர்சனம்

Published

on

இஸ்பேட் ராஜாவும் இதய ராணியும் விமர்சனம்

இஸ்பேட் ராஜாவும் இதய ராணியும் என படத்திற்கு எதற்கு தலைப்பு என்பது புரியவில்லை. இயக்குனர் ரஞ்சித் ஜெயக்கொடி ஏதோ ஒரு காரணத்திற்காக அந்தப் பெயரை வைத்திருக்கிறார். படத்தைப் பார்த்த பிறகும் எதற்கு அந்தப் பெயர் என்று புரியவில்லை. இதய ராணி என்பது வேண்டுமானால் ஓகே, காதலியைப் பொதுவாகச் சொல்லிவிடலாம்.

காதலை தமிழ் சினிமா இயக்குனர்கள் மென்மையாகத்தான் சொல்லியிருக்கிறார்கள். ஆனால், இந்தப் படத்தில் அந்தக் காதலை முரட்டுத்தனமாகச் சொல்லியிருக்கிறார்கள்.

ஒரு ஆக்ஷன் படத்துக்குரியா ‘ரா’வான பின்னணி, லைட்டிங் என விஷுவலாக ஒரு உலகத்தைக் காட்டிவிட்டு அதற்குள் காதலை வைத்திருக்கிறார். ஒன்றுக்கொன்று முரணாக இருந்தாலும் சில காட்சிகள் சுவாரசியமாய் இருக்கின்றன, சில காட்சிகள் எதற்கு என்று கேட்க வைக்கின்றன.

ஹரிஷ் கல்யாண் நண்பர்கள் மகாபா ஆனந்த், பால சரவணன் ஆகியோருடன்தான் அதிக நேரம் இருப்பார். வீட்டுக்கே போக மாட்டார். அப்பாவுடன் பேச மாட்டார். சிறு வயதில் அம்மா தன்னை விட்டு வேறு ஒருவருடன் ஓடிவிட்டதால் வந்த கோபம் அது. எப்போதும் முரட்டுத்தனமாக, கோபமாகவே இருப்பவர். அதுவே நாயகி ஷில்பா மஞ்சு நாத்துக்குப் பிடித்துப் போக தனக்கென்று நிச்சயமான பின்னும், ஹரிஷைக் காதலிக்கிறார். ஒரு கட்டத்தில் ஹரிஷை விட்டுப் பிரிய முடிவெடுத்து, தனக்கு நிச்சயமான முறைப் பையனையே திருமணம் செய்து கொள்ள முடிவெடுக்கிறார் ஷில்பா. அதற்கு என்ன காரணம், காதலர்கள் இணைந்தார்களா இல்லையா என்பதுதான் மீதிப் படம்.

‘பியார் பிரேமா காதல்’ வெற்றிக்குப் பிறகு ஹரிஷ் கல்யாண் மீதும் ஒரு எதிர்பார்ப்பு. முரட்டுத்தனமான இளைஞராக இந்தப் படத்தில் நடிப்பில் குறை வைக்கவில்லை ஹரிஷ். அதிரடிப் பேச்சும், வெறுப்பான பார்வையும் என அடுத்து ஆக்ஷன் ஹீரோவுக்கு ஒரு ரூட்டு போடுகிறார்.

ஷில்பா மஞ்சுநாத் 2019ன் மாடர்ன் காதலி. தோற்றத்தில் கொஞ்சம் மெச்சூர்டாகத் தெரிந்தாலும், நடிப்பில் காதல் ரசம் சொட்டச் சொட்ட நடித்திருக்கிறார்.

மகாபா ஆனந்த், பால சரவணன் நாயகனின் வழக்கமான நண்பர்கள்தான் என்றாலும், படத்தை கலகலப்பாக நகர்த்துவதில் பெரிதும் உதவியிருக்கிறார்கள்.

ஹரிஷ், ஷில்பா இருவரும் சந்திக்கும் போதெல்லாம் காதலிப்பதை விட பேசுவதுதான் அதிகமாக இருக்கிறது. இடைவேளைக்குப் பின் படம் எப்படியெப்படியோ நகர்கிறது. காதலர்களுக்குள் இருக்கும் மோதல்கள்தான் இடைவேளையை நிரப்புகிறது. அவர்கள் இருவரும் பிரிந்து விடுவார்களோ என்ற உணர்வு நமக்கு எங்குமே வரவில்லையே ஏன் ?. காதல் படத்தைப் பார்க்கும் போது நமக்கு அதுதானே அதிகம் வர வேண்டும்.

சாம் சிஎஸ் பின்னணி இசையில் கவனம் செலுத்திய அளவிற்கு பாடல்களில் செலுத்தவில்லை. ஒரு காதல் படத்தில் ஒரு பாடல் கூட கேட்கும்படி இல்லை என்பது அவர் வருத்தப்பட வேண்டிய விஷயம்.

குடி, போதை, கஞ்சா என தமிழ் மக்களுக்கு அதிகம் தெரியாத, வேறு ஒரு வாழ்க்கை வாழும் இருவரின் காதல் கதை என்பதால் இந்த இதய ராணி இதயத்தை ஈர்க்காமல் தூர நிற்கிறதோ எனத் தோன்றுகிறது.

Continue Reading

Movie Reviews

ஜுலை காற்றில் – விமர்சனம்

Published

on

ஜுலை காற்றில் விமர்சனம்

2019ல் காதல் எப்படி இருக்கிறது என்று காட்டியிருக்கிறார் அறிமுக இயக்குனர் கே.சி. சுந்தரம். அனைத்துக் காதல்களும் இப்படித்தான் இருக்கிறதா அல்லது அவர் பார்த்த காதல் இப்படி இருக்கிறதா என்பதுதான் தெரியவில்லை.

படத்தின் தலைப்பிலேயே ‘டேக்லைன்’ ஆக, ‘லவ்…பிரேக் அப்..’ என போட்டு படத்தின் கதை அல்லது படம் என்ன மாதிரியான படமாக இருக்கும் என்பதை உணர்த்திவிடுகிறார்.

இந்தக் கால இளைஞர்களிடம் காதலும், பிரிவும் சர்வ சாதாரணமாக இருக்கிறது என்கிறார். பெரும்பாலான காதல்கள் ‘ஈகோ’வால்தான் பிரிகிறது என்பதையும் சொல்கிறார் இயக்குனர். காதலுக்கு சரி, ஆனால், கல்யாணம் ஆன பிறகு அப்படி மோதல் வந்தால் என்ன ஆவது என்ற கேள்வி நம்முள் எழுகிறது.

குடும்பத்திற்கு ஒரே மகனான அனந்த்நாக் அவர் விருப்பப்படியே வாழ்பவர். நண்பனின் திருமணத்தில் அஞ்சு குரியன் அவருக்குப் பழக்கமாகிறார். அந்தப் பழக்கம் அப்படியே காதலாக மாறுகிறது. இருவருமே திருமண நிச்சயம் வரை செல்கிறார்கள். ஆனால், திருமணம் நிச்சயமான பின்தான் அஞ்சு குரியன் மீது தனக்கு ஆத்மார்த்தமான காதல் இல்லை என அனந்த்நாக் உணர்கிறார். அதனால், திருமணம் வேண்டாம் எனப் பிரிகிறார்.

அடுத்து சம்யுக்தா மேனனைச் சந்தித்து பழக ஆரம்பிக்கிறார். அதுவும் தீவிர காதலாக மாறுகிறது. சம்யுக்தா போட்டோகிராபியில் ஆர்வம் உள்ளவர். தன் விருப்பப்படி வாழ்க்கையை வாழ்பவர். அவரை அனந்த்நாக்கின் காதல் கட்டுப்படுத்த ஆரம்பிக்க, அது சரிப்பட்டு வராது என அனந்த்நாக்கிடம் சொல்லிவிட்டுப் பிரிகிறார். இரண்டு காதல் பிரிவுக்குப் பிறகும் அடுத்து வேறு ஒரு பெண்ணுடன் பழக நினைக்கிறார் அனந்த்நாக். அவருக்கு ஏதாவது ஒரு காதல் செட் ஆனதா, கல்யாணத்தில் முடிந்ததா என்பதுதான் கிளைமாக்ஸ்.

ஒவ்வொருவரின் கதாபாத்திரத்தையும், அவர்களின் காதலையும் அத்தியாயம் அத்தியாம் ஆக பிரித்துக் காட்டுகிறார் இயக்குனர். முதலில் அனந்த்நாக், பின்னர் அஞ்சு குரியன், அப்புறம் சம்யுக்தா மேனன். இந்த யுத்தி சிறப்பாக இருந்தாலும், அதை இன்னும் ரசனையாகச் சொல்லியிருக்கலாம்.

அனந்த்நாக், அஞ்சுகுரியன், சம்யுக்தா மேனன் மூவருமே அவரவர் கதாபாத்திரங்களை சரியாக உள் வாங்கிக் கொண்டு சிறப்பாக நடித்திருக்கிறார்கள். அனந்த்நாக் குழப்பாவாதி, அஞ்சு குரியன் அமைதியின் மறு உறுவம், சம்யுக்தா ஆர்பாட்டத்தின் அடையாளம். அவர்கள் மட்டுமல்லாது கோவாவில் சர்பிங் டிரைனராக வரும் பலோமா மொன்னப்பா கூட இயல்பாய் நடித்திருக்கிறார். பலோமாதான் படத்தின் முக்கியமான டிவிஸ்ட் கதாபாத்திரம். சதீஷ் இன்னும் கொஞ்சம் சிரிக்க வைத்திருக்கலாம்.

ஜோஷ்வா ஸ்ரீதரின் இசையில் பாடல்கள் இனிமையாக உள்ளன. குறிப்பாக கண்களின் ஓரமாய்…மற்றும் காற்றே காற்றே பாடல்கள் இனிமை. சேவியர் எட்வர்ட்ஸ் ஒளிப்பதிவு காதல் படத்திற்குரிய அழகை காட்சிகளாய் வடித்திருக்கிறது.

ஒரு சைக்கலாஜிக்கல் காதல் கதையை தேர்ந்தெடுத்த இயக்குனர், நீளத்தைக் குறைத்து, விறுவிறுப்பைக் கூட்டியிருந்தால் இன்னும் சுவாரசியமாக ரசிக்க வைத்திருக்கும்.

Continue Reading
Advertisement

Tamil Movies Database

Trending