Connect with us

Trending

கலகலப்பு 2 விமர்சனம்

Published

on

kalakalappu-2-review

சுந்தர் .சி இயக்கும் காமெடிப் படங்களை விரும்பி ரசிக்கும் ரசிகர்கள் அதிகமாகவே இருக்கிறார்கள். அவருடைய முதல் படமான ‘முறை மாமன்’ படத்திலிருந்து இன்று வரை கடந்த 20 வருடங்களுக்கும் மேலாக அவரும் ரசிகர்கள் எதிர்பார்ப்புக்கு ஏற்ப படங்களைக் கொடுத்துக் கொண்டு வருகிறார்.

‘சங்கமித்ரா’ படத்தை எடுக்க கொஞ்சம் தாமதம் ஆனதால், அந்த இடைவெளியில் இந்த ‘கலகலப்பு 2’ படத்தை எடுத்து முடித்து வெளியிட்டும் விட்டார். வழக்கமான அதே சுந்தர் .சி பிரான்ட் படம்தான் இந்த ‘கலகலப்பு 2’.

சென்னை, காசி, காரைக்குடி, மீண்டும் காசி என மாறி மாறி சுற்றி வந்து முடிகிறது கதை. தங்களது பரம்பரை சொத்தைத் தேடி காசிக்குச் செல்கிறார் ஜெய். அங்கு நிக்கி கல்ரானியைக் காதலிக்கிறார். ஆனால், நிக்கிக்கும் வேறு ஒருவருக்கும் காரைக்குடியில் திருமணம் நடத்த ஏற்பாடு ஆகிறது. காசியில் ஜெய்யின் சொத்தை அனுபவித்து வரும் ஜீவாவும், ஜெய்யும் நண்பர்கள் ஆகிறார்கள். இருவருமே நிக்கிக்காக பார்த்திருக்கும் மாப்பிள்ளை சிவா-வால் ஏமாற்றப்பட்டவர்கள். அதனால் இருவரும் சிவாவைப் பிடித்து அவர்களது பணத்தை வாங்க காசியை விட்டு காரைக்குடி செல்கிறார்கள். அதன் பின் என்ன என்பதுதான் படத்தின் மீதிக் கதை.

இரண்டாம் பாகத்தில் புது காதல் ஜோடிகள், முதல் பாகத்தில் நாயகனாக இருந்த சிவா இந்தப் படத்தில் மூன்றாவது நாயகன். காதல் ஜோடிகளாக ஜெய், நிக்கி கல்ரானி மற்றும் ஜீவா, கேத்தரின் தெரேசா. இவர்களில் ஜீவா, கேத்தரின் காதலில் இளமை துள்ளுகிறது. கேத்தரினிடம் கிளாமர் அதிகமாக இருக்கிறது. இவர்கள் காதல் முன்னால், ஜெய், நிக்கி காதல் கொஞ்சம் பின்னாடிதான் போய்விடுகிறது.

இடைவேளைக்குப் பின் வருகிறார் சிவா. வழக்கம் போலவே டயலாக் காமெடியில் தெறிக்க விடுகிறார். ஆனாலும், சில காட்சிகளில் அவர் பேசும் வசனம் வேகத்தாலும், உச்சரிப்பாலும் புரியவில்லை.

சதீஷ், யோகி பாபு, சிங்கமுத்து, மனோபாலா, ரோபோ சங்கர், முனீஸ்காந்த் என இன்றைய காமெடி நடிகர்கள் அனைவருமே படத்தில் இருக்கிறார்கள். ஆனால், எல்லோரையும் ஓவர் டேக் செய்துவிடுகிறார் யோகி பாபு. அவர் வரும் காட்சிகள் சிரிப்புக்கு உத்தரவாதம்.

சுந்தர் .சியின் படங்களில் இருக்கும் ‘சேசிங்’ காட்சி இந்தப் படத்திலும் இருக்கிறது. லாப் டாப், வைரங்கள் அடங்கிய யானைத் தந்தம் இரண்டையும் தேடித் தேடி ஆளாளுக்கு ஓடிக் கொண்டேயிருக்கிறார்கள். அதில் காமெடி, சண்டை என எப்படித்தான் திரைக்கதையை சுவாரசியமாக அமைக்கிறாரோ சுந்தர் .சி.

ஹிப் ஹாப் தமிழா இசையில் வழக்கம் போல துள்ளல் இசை. யு.கே. செந்தில்குமாரின் ஒளிப்பதிவில் காசியும், கிளாமரும் இரண்டு கண்களாகத் தெரிகின்றன.

சுந்தர் .சி படங்களில் ‘நோ லாஜிக், ஒன்லி மேஜிக்’ என்பது இந்தப் படத்திலும் தொடர்கிறது.

இரண்டாம் பாகத்தில் ‘டபுள்’ கலகலப்பு இருக்கும் என்று எதிர்பார்த்தது கொஞ்சம் ஏமாற்றம்தான், ஆனால், ‘கலகலப்பு’க்கும் பஞ்சமில்லை.

Trending

யு டியூப் பாடல் வரிகள் வீடியோவில் ‘சொடக்கு’ நம்பர் 1

Published

on

tsk-sodakku

யு டியூப் வந்த பிறகு, அதில் பலரும் அவர்களது படங்களின் வீடியோக்களைச் சேர்த்து அவரவர் படங்களை விளம்பரப்படுத்திக் கொண்டிருக்கிறார்கள்.

யார் டீசர், டிரைலர், பாடல்கள் அதிகப் பார்வைகளைப் பெறும் என்பதிலும் போட்டி நிலவி வருகிறது.

டீசர், டிரைலரில் இருந்த அந்த போட்டி இப்போது பாடல்களுக்கும் தொற்றிக் கொண்டது. ஒரு படம் வெளிவருவதற்கு முன்பாக அந்தப் படத்தின் பாடல்களை லிரிக் வீடியோவாக, அதாவது பாடல் வரிகள் என்னவென்று தெரிந்து கொள்ளும் விதத்தில் புகைப்படங்கள் அடங்கிய வீடியோ வெளியிடுவது சமீபத்திய டிரென்ட்.

அதில் இதுவரை ‘மெர்சல்’ படத்தில் இடம் பெற்ற ‘ஆளப் போறான் தமிழன்’… பாடலின் லிரிக் வீடியோதான் அதிகப் பார்வைகளைப் பெற்று முதலிடத்தில் இருந்தது. அந்த சாதனையை தற்போது ‘தானா சேர்ந்த கூட்டம்’ படத்தில் இடம் பெற்ற ‘சொடக்கு மேல…’ பாடல் முறியடித்துள்ளது.

‘சொடக்கு…’ பாடல் இதுவரை 4,15,62,752 பார்வைகளையும், ‘ஆளப் போறான்…’ பாடல் இதுவரை 4,15,32,688 பார்வைகளையும் பெற்றுள்ளது. இருந்தாலும் லைக் விஷயத்தில் ஆளப் போறான் பாடலை சொடக்கு பாடலால் மிஞ்ச முடியவில்லை.

சொடக்கு லிரிக் வீடியோ

ஆளப் போறான் தமிழன் லிரிக் வீடியோ

Continue Reading

Trending

ஸ்டெர்லைட் போராட்டம், சுத்தமில்லாத நீரைக் குடித்த சரத்குமார்

Published

on

sarathkumar-sterlite

தூத்துக்குடியில் அமைந்துள்ள ஸ்டெர்லைட் ஆலைக்கு எதிரான போராட்டம் இன்று 48வது நாளை எட்டியுள்ளது. இந்த போராட்டத்திற்கு ஆதரவாக பலரும் களத்தில் குதித்து மக்களுக்கு ஆதரவு தெரிவித்து வருகின்றனர்.

சமத்துவ மக்கள் கட்சியின் தலைவரும், நடிகருமான சரத்குமார் இன்று நடைபெற்ற போராட்டத்தில் கலந்து கொண்டு மக்களுக்கு அவருடைய ஆதரவைத் தெரிவித்தார்.

மேலும் போராட்டக்களத்தில் குமரெட்டியாபுரம் மக்கள் பயன்படுத்தும் மாசு கலந்த நீரை அருந்தி அவருடைய ஆதங்கத்தை வெளிப்படுத்தினார்.

பல ஆண்டுகளாக நடைபெற்று வரும் ஸ்டெர்லைட் ஆலைக்கெதிரான போராட்டத்தில் குழந்தைகள், சிறுவர்கள், சிறுமியர்கள், பெண்கள் என மக்கள் குடும்பம், குடும்பமாய் ஈடுபட்டு வருகிறார்கள்.

அந்தப் பகுதியில் நிலம், நீர், காற்று ஆகியவை மாசுபட்டு வருவதாக மக்கள் போராடி வருவது குறிப்பிடத்தக்கது.

Continue Reading

Trending

இங்கிலாந்து நாட்டில் விருது வென்ற ‘மெர்சல்’

Published

on

mersal-records-and-awards

இங்கிலாந்து நாட்டில் நடைபெறும் தேசிய திரைப்பட அகாடமி வழங்கும் 2018ம் ஆண்டு விருதுக்கான போட்டியில் சிறந்த அயல்நாட்டுப் படத்துக்கான விருதை ‘மெர்சல்’ படம் வென்றுள்ளது.

சிறந்த வெளிநாட்டுப் படங்களுக்கான போட்டியில் ‘மெர்சல்’ படத்துடன் பிரான்ஸ், ரஷ்யா, ஜெர்மனி, ஸ்வீடன், சிலி, தென்னாப்பிரிக்கா, லெபனான ஆகிய நாடுகளின் படங்களும் போட்டியில் இருந்தன. அவற்றிலிருந்து ‘மெர்சல்’ படம் தேர்வாகியுள்ளது.

சிறந்த துணை நடிகர் விருதுக்காக விஜய்யும் போட்டியில் இருந்தார். ஆனால், அவர் விருதுக்கு தேர்வாகவில்லை.

போட்டியாளர்களில் சிறந்தவர்களைத் தேர்ந்தெடுப்பதற்கான ஆன்லைன் வாக்குப்பதிவு ஜனவரி 15 முதல் ஆரம்பமாகி 20ம் தேதி வரை நடைபெற்றது.

இந்த வருட ஆல்லைன் வாக்குப்பதிவில் 24 லட்சம் பேர் வாக்களித்துள்ளார்கள். மொத்தம் 18 பிரிவுகளுக்கான தேர்வு நடைபெற்றது.

4வது தேதிய திரைப்பட விருதுகளைப் பெற்றவர்களின் விவரம் நேற்றிரவு அறிவிக்கப்பட்டுள்ளது.

இங்கிலாந்து தேசிய திரைப்பட அகாடமி 1999ம் ஆண்டு அமைக்கப்பட்டது. திரையுலகத்தினருக்கான வளர்ச்சியில் அந்த அமைப்பு ஈடுபடுகிறது. பல திரைப்பட விழாக்கள், காட்சிகள், மாநாடுகள், பயிற்சி வகுப்புகள் ஆகியவற்றை இந்த அமைப்பு இங்கிலாந்து, பிரான்ஸ், ஜெர்மனி, அமெரிக்கா ஆகிய நாடுகளில் நடத்தி வருகிறது.

‘மெர்சல்’ படம் விருது பெற்றது தமிழ்த் திரையுலகத்திற்கும் பெருமையான ஒன்று.

தேனாண்டாள் ஸ்டுடியோஸ் தயாரிப்பில், அட்லீ இயக்கத்தில், ஏ.ஆர்.ரகுமான் இசையமைப்பில் விஜய், சமந்தா, காஜல் அகர்வால், நித்யா மேனன் மற்றும் பலர் நடித்த ‘மெர்சல்’ 2017 தீபாவளியை முன்னிட்டு வெளியானது.

Continue Reading
Advertisement

Tamil Movies Database

Trending

error: Content is protected !!