Connect with us

Tamil Cinema News

‘மர்மயோகி’ பணத்தைத் திருப்பித் தர கமல்ஹாசன் சம்மதம்

Published

on

kamalhaasan viswaroopam 2

கமல்ஹாசன் இயக்கம் நடிப்பில் நாளை வெளிவர உள்ள ‘விஸ்வரூபம் 2’ படத்திற்குத் தடை விதிக்கக் கோரி பிரமீட் சாய்மீரா என்ற நிறுவனம் வழக்குத் தொடர்ந்தது.

பத்து ஆண்டுகளுக்கு முன்பு சென்னையில் ஆரம்பிக்கப்பட்ட பிரமீட் சாய்மீரா நிறுவனம் ஒரே சமயத்தில் பல படங்களைத் தயாரிப்பதாக அறிவித்தது. சில படங்கள் மட்டுமே ஆரம்பமாகி முடிக்கப்பட்டு வெளியானது. சில படங்கள் முடிந்தும் வெளியாகவில்லை, சில படங்கள் ஆரம்பமாகி அப்படியே நின்றுவிட்டன. பின்னர் அந்த நிறுவனமும் படத் தயாரிப்புகளை நிறுத்தியது.

அந்த நிறுவனம் கமல்ஹாசனின் ராஜ்கமல் பிலிம்ஸ் நிறுவனத்துடன் 2008ம் ஆண்டு ‘மர்மயோகி’ என்ற படத்தைத் தயாரிக்க ஒப்பந்தம் போட்டது. படத் தயாரிப்புக்காக 6.90 கோடி ரூபாயும், கமல்ஹாசன் கதை, திரைக்கதை, வசனம் எழுதி நடிக்க 4 கோடி ரூபாயும் வழங்கியதாகத் தகவல் வெளியானது.

ஆனால், அந்தப் படம் அதன் பின் ஆரம்பிக்கப்படவில்லை. இதனிடையே, கமலிடம் கொடுக்கப்பட்ட 4 கோடி ரூபாய் சம்பளத்திற்கு வட்டியுன் திருப்பித் தரக் கோரி பிரமீட் சாய்மிரா நிறுவனம் சார்பில் வழக்கு தொடரப்பட்டது.

சென்னை உயர்நீதி மன்றத்தில் இன்று நடைபெற்ற வழக்கின் போது கமல்ஹாசன் தரப்பிலிருந்து ‘மர்மயோகி’ படத்தை இயக்கி நடிக்க முன்பணமாக 4 கோடி ரூபாய் பெறப்பட்டதாகவும், அந்த பணம் படத்தின் ஆரம்பக் கட்டப் பணிகளை முடிக்க சரியாக இருந்ததாகவும் தெரிவிக்கப்பட்டது. மேற்கொண்டு படத்தைத் தயாரிக்க அந்த நிறுவனம் பணம் தராததால் படம் தடைபட்டது. வேறு தயாரிப்பாளர் கிடைத்ததும் அந்தப் பணத்தைத் திருப்பித் தருவோம் என கமல்ஹாசன் தரப்பில் கூறப்பட்டது.

இதையடுத்து ‘விஸ்வரூபம் 2’ படத்திற்கு நீதிமன்றம் தடைவிதிக்க மறுப்பு தெரிவித்து, வழக்கையும் தள்ளுபடி செய்தது.

‘விஸ்வரூபம் 2’ நாளை வெளியாக உள்ளதால் இந்த வழக்கு ஒரு சிக்கலாகவே இருந்தது. இப்போது அந்த சிக்கல் நீங்கி படம் நாளை உறுதியாக வெளிவரும் என்று அறிவிக்கப்பட்டுள்ளது.

Tamil Cinema News

ஐஸ்லாந்தில் சௌந்தர்யா, விசாகன் தேனிலவு

Published

on

soundarya-visakan-honeymoon

நடிகர் ரஜினிகாந்தின் இளைய மகள் சௌந்தர்யா, நடிகரும் தொழிலதிபருமான விசாகன் இருவருக்கும் சில நாட்களுக்கு முன்பு சென்னையில் திருமணம் நடைபெற்றது.

தமிழக முதலமைச்சர், அமைச்சர்கள், பல்வேறு அரசியல் கட்சித் தலைவர்கள், திரையுலகப் பிரபலங்கள், தொழிலதிபர்கள் என பலரும் அவர்களது திருமண விழாவில் கலந்து கொண்டு வாழ்த்தினர்.

திருமணத்திற்குப் பின் சௌந்தர்யா, விசாகன் தம்பதியினர் தேனிலவுக்காக வடக்கு ஐரோப்பாவில் உள்ள தீவு நாடான ஐஸ்லாந்துக்குச் சென்றுள்ளனர்.

இது பற்றிய தகவலை சௌந்தர்யா புகைப்படங்களுடன் டிவிட்டரில் பகிர்ந்துள்ளார்.

Continue Reading

Tamil Cinema News

‘எல்லாம் மேல இருக்குறவன் பாத்துப்பான்’ முதல் பார்வை வெளியீடு

Published

on

ellam-mela-irukkuravan-parthuppan

விஜயகாந்தின் திரையுலக வளர்ச்சிக்கு பக்க பலமாக இருந்த தயாரிப்பு நிறுவனம் ராவுத்தர் மூவீஸ்.

விஜயகாந்தின் நெருங்கிய நண்பரான இப்ராகிம் ராவுத்தருக்குச் சொந்தமான நிறுவனம் அது.

அந்நிறுவனம் நீண்ட இடைவெளிக்குப் பிறகு ‘எல்லாம் மேல இருக்குறவன் பாத்துப்பான்’ எனும் படத்தை தயாரித்து வருகிறது.

இப்ராகிம் ராவுத்தரின் மகன் முகம்மது அபுபக்கர் இந்தப் படத்தைத் தயாரிக்கிறார். அறிமுக இயக்குனர் கவிராஜ் இயக்கும் இந்தப் படத்திற்கு கார்த்திக் ஆச்சார்யா இசையமைக்கிறார்.

கதாநாயகனாக ஆரி நடிக்க, கதாநாயகியாக சாஷ்வி பாலா நடிக்கிறார்.

இப்படத்தின் முதல் பார்வையை நடிகர் விஷ்ணு விஷால் இன்று வெளியிட்டார்.

இப்படம் விரைவில் வெளியாக உள்ளது.

Continue Reading

Tamil Cinema News

எழில் இயக்கத்தில் ஜிவி பிரகாஷ் நடிக்கும் புதிய படம்

Published

on

gv-prakash-new-movie

பல மொழிகளில் படங்களைத் தயாரித்துக் கொண்டிருக்கும் பட நிறுவனம் ரமேஷ் .பி. பிள்ளை வழங்கும் அபிஷேக் பிலிம்ஸ்.

இந்த நிறுவனம் தற்போது சித்தார்த், ஜி.வி.பிரகாஷ் நடிக்க சசி இயக்கத்தில் ஒரு படத்தை மிகப் பிரமாண்டமான முறையில் தயாரித்து வருகிறார்கள்.

இதைத் தொடர்ந்து எழில் இயக்கத்தில் ஜி.வி பிரகாஷ் நடிக்கும் புதிய படத்தை இன்று துவங்கி  உள்ளார்கள்.

இதன் துவக்க விழா இன்று எளிமையாக ஒரு கோயிலில் நடை பெற்றது.

மற்ற நடிகர் நடிகைகள் தொழில்நுட்ப கலைஞர்கள் பின்னர் அறிவிக்கப்பட்ட உள்ளது.

எழில் அவருடைய பாணியிலான காமெடி படமாகத்தான் இந்தப் படத்தை இயக்க உள்ளாராம்.

மார்ச் மாதம் இப்படத்தின் படப்பிடிப்பு ஆரம்பமாகிறது.

Continue Reading
Advertisement

Tamil Movies Database

No feed items found.

Trending