Connect with us

Movie Reviews

கேணி விமர்சனம்

Published

on

keni movie review

இந்தியத் திருநாட்டில் மாநிலங்களுக்கு இடையேயான தண்ணீர் பிரச்சினையை தீர்க்காமல் மத்திய அரசே கண்டும் காணாமல் போய்க் கொண்டிருக்கிற காலத்தில் மனித நேயம் பற்றி பேசும் ஒரு படம் தான் ‘கேணி’.

மலையாளத்திலிருந்து வந்துள்ள எம்.எ.நிஷாத் ஒரு இயல்பான படத்தைக் கொடுத்து ரசிக்க வைத்திருக்கிறார்.

கணவர் மறைந்ததால் அவரது சொந்த ஊருக்கு வருகிறார் ஜெயப்பிரதா. கேரளா, தமிழ்நாடு மாநில எல்லையில் அவருடைய வீடு உள்ளதால், வீடு தமிழ்நாட்டிலும், வீட்டிற்கான கிணறு கேரளாவிலும் பிரிக்கப்பட்டுள்ளது. இதனால், அவர் ஊர் மக்களுக்கு நீர் ஆதாரமாக இருக்கும் அந்தக் கிணற்று நீரைப் பயன்படுத்த முடியாமல் சிக்கல் வருகிறது. அதைத் தீர்த்து அந்த ஊர் மக்கள் நன்றாக வழி ஜெயப்பிரதா எப்படி போராடுகிறார் என்பதுதான் படத்தின் கதை.

தமிழ் சினிமாவில் ‘அறம், அருவி’ படங்களின் வரிசையில் ‘கேணி’ படத்தையும் தாராளமாகச் சேர்த்துக் கொள்ளலாம்.

ஊர் மக்களுக்காக உழைக்கும் இந்திரா கதாபாத்திரத்தில் ஜெயப்பிரதா. இளமையான கதாநாயகியை அந்தக் கதாபாத்திரத்தில் நடிக்க வைக்காமல் ஒரு சீனியர் நடிகையை நடிக்க வைத்ததிலிருந்தே இந்தப் படம் எப்படி அமைய வேண்டும் என்பது பற்றி இயக்குனர் தீர்க்கமான முடிவு எடுத்துள்ளார் என்பது தெரிகிறது. ஜெயப்பிரதாவின் அனுபவ நடிப்பு ஒவ்வொரு காட்சியிலும் வெளிப்படுகிறது.

ஊர் தலைவர் பார்த்திபன், வக்கீல் நாசர், அரசு உயர் அதிகாரி ரேவதி, கிராமத்து அம்மா அனுஹாசன், நீதிபதி ரேகா, மந்திரி தலைவாசல் விஜய் என ஒவ்வொருவரையும் அவர்களுக்குப் பொருத்தமான கதாபாத்திரங்களில் நடிக்க வைத்திருக்கிறார் இயக்குனர்.

படத்தின் ஆரம்பத்தில் அதிகமாக இருக்கும் மலையாள வசனங்களைத் தவிர்த்திருக்கலாம். ஜெயப்பிரதாவின் போராட்டத்தில் இன்னும் தீவிரத்தைக் காட்டியிருக்கலாம்.

உலகத்தில் உள்ள இயற்கை வளங்கள் அனைவருக்கும் உரித்தானவை என்பதை அழுத்தமாகப் பதிய வைக்கிறது இந்த ‘கேணி’.

 

Movie Reviews

மிஸ்டர் லோக்கல் – விமர்சனம்

4 Tamil Cinema Rating – 3/5

Published

on

மிஸ்டர் லோக்கல் விமர்சனம் - 4 Tamil Cinema

ராஜேஷ் படம் என்றாலே கண்டிப்பாக நகைச்சுவையாக இருக்கும் என்பதை அவருடைய முதல் படத்திலேயே ஆரம்பித்துவிட்டார். ‘பாஸ் என்கிற பாஸ்கரன், ஓகே ஓகே’ ஆகிய படங்கள் அவருடைய வெற்றிப் படங்களின் வரிசையில் இடம் பிடித்தவை.

அந்தப் படங்களைப் போல இந்த ‘மிஸ்டர் லோக்கல்’ படமும் வரவேற்பைப் பெறும் என்று எதிர்பார்க்கப்பட்டது. இருப்பினும் அந்த அளவிற்கு இல்லை என்றாலும் அதில் பாதியளவிற்காவது இந்தப் படத்தை உருவாக்கியிருக்கிறார்கள் என்று சொல்லலாம்.

கதை என்பது புதிதாக இல்லை என்பதுதான் இந்த ‘மிஸ்டர் லோக்கல்’ படத்தின் சிக்கல். அதை தன் நடிப்பால் சரி செய்திருக்கிறார் சிவகார்த்திகேயன். இவருடன் ராதிகா, ஹரிஜா ஆகியோர் இணைந்து ஒரு நடுத்தரக் குடும்பத்தை நம் கண்முன் கொண்டு வந்து நிறுத்தியிருக்கிறார்கள்.

படத்தில் யோகி பாபு, சதீஷ், ரோபோ சங்கர் என மூவர் காமெடிக்காக. ஒரு சந்தானம் இல்லாத ராஜேஷ் படத்தில் மூன்று நகைச்சுவை நடிகர்கள் தேவைப்படுகிறது. இவர்களில் யோகி பாபு மட்டும் அதிகமாக கலகலக்க வைக்கிறார்.

கார் ஷோரூமில் வேலை செய்பவர் சிவகார்த்திகேயன். அவருக்கும் மீடியா கம்பெனி ஒன்றின் உரிமையாளரான நயன்தாராவுக்கும் மோதல் வருகிறது. அந்த மோதலை அப்படியே காதலாக்கக் பார்க்கிறார் சிவகார்த்திகேயன். ஆனால், சிவகார்த்திகேயனை எந்த அளவிற்கு அவமானப்படுத்த முடியுமோ அந்த அளவிற்கு அவமானப்படுத்துகிறார் நயன்தாரா. அதையும் மீறி தன் காதலில் உறுதியாக இருக்கிறார் சிவா. முடிவில் அவரது காதல் வெற்றி பெற்றதால் இல்லையா என்பதுதான் மிஸ்டர் லோக்கல்.

சிவகார்த்திகேயன், நயன்தாரா இருவருக்கும் படத்தில் எலியும் பூனையுமாக எதிரெதிர் இருக்கும் கதாபாத்திரங்கள்தான். ஒருவருக்கு மற்றொருவர் சளைத்தவரில்லை என இருவருமே போட்டி போட்டு நடித்திருக்கிறார்கள்.

ஹிப்ஹாப் தமிழா இசையமைப்பில் ‘டக்கு டக்கு’ பாடல் முணுமுணுக்க வைக்கிறது.

ஏற்கெனவே பார்த்து பழக்கமான கதைதான் என்றாலும் என்டர்டெயின்மென்டாகக் கொடுக்க முயற்சித்திருக்கிறார்கள்.

மிஸ்டர் லோக்கல் – ஓகே ஓகே.

Continue Reading

Movie Reviews

மான்ஸ்டர் – விமர்சனம்

Published

on

மான்ஸ்டர் விமர்சனம் - 4 Tamil Cinema

‘ஈ’யை வைத்து எடுக்கப்பட்ட படத்தைப் பார்த்து ரசித்தாகிவிட்டது. அப்புறம் எலியை வைத்து படமெடுத்தால் ரசிகர்கள் ரசிக்க மாட்டார்களா என்ன ?.

சொல்ல வந்த விஷயத்தை சுவாரசியமாகச் சொன்னால் ரசிகர்கள் நிச்சயம் ஏற்றுக் கொள்வார்கள். அப்படிப்பட்ட ஒரு படம்தான் இந்த ‘மான்ஸ்டர்’.

பலருடைய வீட்டில் எலித் தொல்லை என்பது கண்டிப்பாக இருக்கும். அப்படி ஒரு எலியால் எப்படிப்பட்ட சிரமங்களை நாயகன் அனுபவிக்கிறார் என்பதுதான் இந்தப் படத்தின் கதை.

இயக்குனர் நெல்சன் வெங்கடேசன் குழந்தைகளும் ரசிக்கும் விதத்தில் ஒரு சுவாரசியமான காமெடிப் படத்தைக் கொடுத்து ரசிக்க வைத்திருக்கிறார்.

எஸ்ஜே சூர்யா வாங்கிய வீட்டிற்குள் ஒரு எலி புகுந்து கொண்டு அட்டகாசம் செய்கிறது. அந்த எலியால் அவருடைய நிம்மதி எல்லாம் போகிறது. தான் திருமணம் செய்து கொள்ளப் போகும் பிரியா பவானி சங்கருக்காக வாங்கி வைத்த காஸ்ட்லி ஷோபாவைக் கூட கடித்துக் குதறி நாசம் செய்கிறது.

அதே சமயத்தில் அந்த வீட்டிற்குள் ஒரு ரஸ்க்குக்குள் வைரங்களை வைத்து மறைத்து வைத்த அனில்குமார், அந்த வைரங்களை எடுக்க திட்டமிடுகிறார். சூர்யா வீட்டிற்குள் இருக்கும் எலி வைரம் வைத்திருந்த ரஸ்க்கை சாப்பிட்டதைக் கண்டுபிடிக்கிறார். எலியை விரட்டும் பெஸ்ட் கன்ட்ரோலர் போல வீட்டுக்குள் அடிக்கடி வந்து வைரங்களைத் தேடுகிறார்.

எலி சிக்கியதா, வைரங்கள் கிடைத்ததால், எலித் தொல்லையிலிருந்து சூர்யா தப்பித்தாரா இல்லையா என்பதுதான்ன் படத்தின் மீதிக் கதை.

இதுவரை நாம் பார்த்த எஸ்ஜே சூர்யா வேறு, இந்தப் படத்தில் நாம் பார்க்கும் சூர்யா வேறு. திருமண வயதைக் கடந்தவராக, ஒரு எலியால் சிக்கிக் கொண்டு நிம்மதியை இழப்பவராக, தனக்கும் ஒரு அழகான பெண் கிடைத்துவிட்டாளே என்று மகிழ்ச்சியடைபவராக புதிய பரிமாணத்தில் ரசிக்க வைக்கிறார்.

பிரியா பவானி சங்கர், அழகான குடும்பத்துப் பெண்ணாக வந்து ஆர்பாட்டமில்லலாமல் அழகான புன்சிரிப்புடன் கவர்கிறார்.

சூர்யாவின் நண்பராக கருணாகரன், தனி காமெடியனாக கலக்குகிறார். அவருடைய ஒன்லைன் வசனங்கள் சிரிக்க வைக்கின்றன.

ஒரு வீட்டுக்குள்யேயே சூர்யா, எலி என திரும்பத் திரும்ப காட்சிகள் நகர்வது கொஞ்சம் போரடித்தாலும் நகைச்சுவை படம் முழுவதும் நிரம்பியிருப்பதால் ‘மான்ஸ்டர்’ ரசிக்க வைக்கிறது.

மான்ஸ்டர் – எலியின் மிரட்டல்

Continue Reading

Movie Reviews

நட்புனா என்னானு தெரியுமா – விமர்சனம்

4 Tamil Cinema Rating – 3/5

Published

on

நட்புனா என்னானு தெரியுமா விமர்சனம் - 4 Tamil Cinema

தமிழ் சினிமாவில் நட்பை மையமாக வைத்து நிறைய படங்கள் ஏற்கெனவே வெளிவந்துள்ளன. அவற்றில் சில படங்கள் காதலை மையமாக வைத்தும், சில படங்கள் நட்பை மையமாக வைத்தும் எடுக்கப்பட்டவையாக இருக்கும்.

இந்த ‘நட்புனான என்னானு தெரியுமா’ படம் இரண்டையும் மையமாக வைத்து எடுக்கப்பட்டுள்ள படம்.

அறிமுக இயக்குனர் சிவா அரவிந்த் இடைவேளை வரை கொஞ்சம் தடுமாறினாலும இடைவேளைக்குப் பிறகு கலகலப்பான படத்தைக் கொடுத்து ரசிகர்களைக் கவர்கிறார்.

கவின், ராஜு, அருண்ராஜா காமராஜ் மூவரும் சிறு வயதிலிருந்தே மிகவும் நெருங்கிய நண்பர்கள். பத்தாவதுக்கு மேல் தாண்டாதவர்கள். திருமணம் நடத்திக் கொடுக்கும் ‘வெட்டிங் பிளானர்’ பிசினஸை ஆரம்பிக்கிறார்கள். இடைவேளை வரை இதைச் சுற்றித்தான் கதை நகர்கிறது. பின்னர் ரம்யா நம்பீசன் கதைக்குள் வந்த பிறகுதான் அவர் ஒருவருக்காக மூன்று நண்பர்களும் சண்டையிட்டுக் கொள்கிறார்கள். அதிலிருந்துதான் படத்தின் கலகலப்பு ஆரம்பமாகிறது. கவினை ரம்யா காதலிக்க மற்ற இருவரும் கவினை விட்டுப் பிரிய நண்பர்கள் ஒன்று சேர்ந்தார்களா, கவின் ரம்யா காதல் ஒன்று சேர்ந்ததா என்பதுதான் படத்தின் மீதிக் கதை.

சரவணன் மீனாட்சி டிவி தொடரிலேயே தன் காமெடி நடிப்பால் ரசிகர்களைக் கவர்ந்தவர் கவி.ன். ஏறக்குறைய அது மாதிரியான கதாபாத்திரம் என்பதால் எந்த தடுமாற்றமும் இல்லாமல் நடித்து ரசிக்க வைக்கிறார்.

ரம்யா நம்பீசன் படத்தில் மிகவும் தாமதமாகத்தான் வருகிறார். பெரிய அளவில் நடிக்க வாய்ப்பில்லை என்றாலும் வரும் சில காட்சிகளில் ரசனையாகவே நடித்திருக்கிறார்.

புதுமுகம் ராஜு ஒரு பக்கம் காதல் தோல்வியிலும் சிரிக்க வைக்கிறார். மறுபக்கம் அருண்ராஜா காமராஜ் இரண்டு நண்பர்களுக்கு இடையில் சிக்கிக் கொண்டு சிரிக்க வைக்கிறார்.

தரன் இசையில் பாடல்கள் சுமார் ரகம்தான். இடைவேளை வரை தாக்குப் பிடித்து உட்கார்ந்தால் இடைவேளைக்குப் பின் ஒரு என்டர்டெயின்டான படத்தைப் பார்த்த திருப்தி கிடைக்கும்.

நட்புனா என்னானு தெரியுமா – ஏமாற்றமில்லை

Continue Reading
Advertisement

Tamil Movies Database

Trending

error: Content is protected !!