Connect with us

Upcoming Movies

கொம்பு – விரைவில்…திரையில்…

Published

on

kombu tamil movie

ஸ்ரீ சாய் ஸ்ரீனிவாசா நிறுவனத்தின் சார்பில் எம். பன்னீர்செல்வம், பி. வானதி தயாரிப்பில் உருவாகியுள்ள படம் ‘கொம்பு’.

ஈ. இப்ராகிம் இயக்கத்தில் தேவ்குரு இசையமைக்கும் இப்படத்தில் ‘லொள்ளுசபா’ ஜீவா கதாநாயகனாக நடிக்க, ‘தமிழ்ப்படம்’ நாயகி திஷா பாண்டே கதாநாயகியாக நடிக்கிறார்.

பாண்டியராஜன், கஞ்சா கருப்பு, சுவாமிநாதன், காயத்ரி, அஷ்மிதா ஆகியோரும் நடிக்கின்றனர்.

படம் பற்றி இயக்குனர் இப்ராகிம் கூறுகையில்,

தமிழ் சினிமாவில் எப்போதும் இரண்டுவித படங்களுக்கு என்று தனி இடமுண்டு. ஒன்று திகில், இன்னொன்று நகைச்சுவை. என்னதான் கருத்து சொல்ல படங்கள் வந்தாலும் மக்களை இவ்வகை திரைப்படங்கள் ரசிக்க வைக்க மறப்பதில்லை. அதுவும் திகிலும் நகைச்சுவையும் சேர்ந்து வருகின்ற படங்கள் மக்களின் பெரும் கவனிப்புக்கும் ஆதரவுக்கும் முன்வரிசையில் இடம் பிடிக்கின்றன. இப்படி வெற்றி பெற்ற படங்களுக்கு நாம் பல உதாரணம் காட்டலாம்.

அப்படி திகிலும், நகைச்சுவையும் சேர்ந்து வெளிவரக் காத்திருக்கும் படம் தான் ‘கொம்பு’. திகில், பேய் படங்கள் வித்தியாசப்படுவது கதை சொல்லப்படும் விதத்திலும் அந்த கதையின் பயத்தை மக்களை உணர வைக்கும் நடிகர்களின் நடிப்பிலும்தான் வித்தியாசப்படுகிறது. .

ஏற்கனவே திகில் படங்களில் நம்மை பயப்படுத்தியும் சிரிக்கவும் வைத்த நடிகர் பட்டாளமே இந்த படத்திலும் இருப்பதால் நம்மை பயத்தோடு சிரிக்கவும் வைப்பார்கள். புதுமையைக் காட்ட வேண்டும் என்ற ஆவலும், அந்த புதுமையை எவ்வளவு எளிதாக மக்களின் மன ஓட்டதோடு ஒத்துப்போகும் அளவுக்கு திரைக்கதையில் சொல்லமுடியும் என்ற முனைப்புடனும் காட்டி உள்ளோம். அது மட்டும் இல்லாமல் இக்கதை வெறும் திகில், பேய் படம் என்று மட்டும் இல்லாமல் பெண்களின் பாதுகாப்பு பற்றிய விழிப்புணர்வு எவ்வளவு அவசியம் என்பதையும் கூறியிருக்கிறோம்.

நடிகர் ஜீவா ஏற்கனவே நடித்த காமெடி, காதல் என்ற தளங்களில் இருந்து தன்னை திகில், காமெடி, காதல் என்ற மூன்று தளங்களையும் சேர்த்து தன்னை வித்தியாசப்படுத்தி நிரூபிக்க ‘கொம்பு’ மூலம் முயற்சி எடுத்திருக்கிறார்.

நடிகை திஷா பாண்டே தமிழ் படத்தில் நடித்ததற்கு பிறகு இப்படத்தின் மூலம் கதைக்குத் தேவையான நடிப்பையும், திரைக்குத் தேவையான அளவு கவர்ச்சியும் என தனக்கான முத்திரையை மீண்டும் பதித்துள்ளார்.

‘கொம்பு’ படத்தின் திகில் மக்களின் மனதை எவ்வாறு சென்றடைகிறது எவ்வாறு ஈர்க்கிறது என்பதை ரிலீஸ் வரை பொறுத்திருந்து திரையில் முழுதாய் காண்போம்,” என்கிறார் இயக்குனர்.

சுதீப் ஒளிப்பதிவையும், கிரேசன் படத் தொகுப்பையும், ராதிகா நடனப் பயிற்சியையும், கஜினிகுபேந்தர் சண்டைப் பயிற்சியையும், கார்த்திகேயன் நிர்வாகத் தயாரிப்பையும் கவனிக்கின்றனர்.

Continue Reading

Upcoming Movies

உச்சகட்டம் – விரைவில்…திரையில்…

Published

on

உச்சகட்டம் - விரைவில்...திரையில்

திகில், அதிரடி, த்ரில்லர் திரைப்படங்களை படைப்பதில் வல்லவரும், அதற்காகவே பல்வேறு சிறப்பு விருதுகளையும் பெற்றவருமான இயக்குனர் சுனில் குமார் தேசாய், தமிழ், தெலுங்கு, மலையாளம், கன்னடம் ஆகிய மொழிகளில் ‘உச்சகட்டம்’ படத்தை இயக்கியிருக்கிறார்.

தமிழில் ‘உச்சகட்டம்’ என்றும், ‘உத்கர்ஷா’ என மற்ற மூன்று மொழிகளிலும் பெயரிடப்பட்டுள்ள இத்திரைப்படம், வருகின்ற மார்ச் 22ம் தேதி திரைக்கு வருகிறது.

ஆர்.தேவராஜ் தி கிரியேஷன்ஸ் சார்பாக இத்திரைப்படத்தை தயாரிக்க, ஏஜிஎஸ் சினிமாஸ் உலகெங்கும் இதனை வெளியிட இருக்கிறது.

திகில், மர்மம், எதிர்பாராத திருப்புமுனைகள், குறிப்பிடத்தக்க அதிரடி காட்சிகள் என படம் முழுவதும் நிறைந்திருக்கிறதாம்.

ஒரு புத்தாண்டு தினத்தின் முந்தைய 48 மணி நேரத்தில் நடக்கின்ற பல்வேறு நிகழ்வுகளை மையமாக வைத்து இந்தப் படத்தின் கதைக்கரு அமைக்கப்பட்டுள்ளது.

ஒரு உல்லாச விடுதியில் நடக்கின்ற ஒரு கொலை, அது ஏற்படுத்துகின்ற பெருங்குழப்பங்கள், என இவற்றால் கதையின் முக்கிய கதாப்பத்திரங்கள் தமது இலக்கை அடைய முடியாத நிலை என கதை பயணிக்கிறது. கதாபாத்திரங்கள் முன்னிறுத்தி பெரும் மர்மங்கள் நிறைந்த இத்திரைப்படத்தில், கொலை, துரோகம், காதல், காமம், மர்மம், அதிரடி சண்டைக் காட்சிகள் என கமர்ஷியலான படமாக உருவாகியுள்ளது.

அடுத்தடுத்து மாறுகின்ற விறுவிறுப்பான காட்சிகள், பித்துப்பிடித்த கதாபாத்திரங்கள், கொலைக்கு பின் மறைக்கப்படும் நிகழ்வுகளும் அதன் நோக்கங்களும் என கதையும், வசனங்களும் கதையின் போக்கை இறுதி நிமிடம் வரையில் விறுவிறுப்பாக வைத்திருக்குமாம்.

‘சிங்கம் 3’ திரைப்படத்தில் வில்லனாக நடித்த தாகூர் அனூப் சிங், இத்திரைப்படத்தின் நாயகனாக நடித்துள்ளார். தாகூர் ஒரு உடற்பயிற்சி விரும்பி, ஒரு ஆணழகன். உடல்நலம் மீது தீராத அக்கரை கொண்டவர். இதற்காகவே பல சர்வதேச விருதுகள் பெற்றவர் என்றாலும், ஒரு திறமையான நடிகராகவும் இருக்கிறார். அவருக்கு இணையாக சாய் தன்ஷிகா, ‘தடம்’ தன்யா ஹோப் என இருவர் நடித்துள்ளனர்.

‘வேதாளம்’ புகழ் கபீர் துஹான் சிங் இத்திரைப்படத்தில் வில்லனாக நடித்துள்ளார். ‘ஆடுகளம்’ கிஷோர், ஷ்ரவன் ராகவேந்திரா, வம்சி கிருஷ்ணா, ஷ்ரத்தா தாஸ் ஆகியோரும் இத்திரைப்படத்தில் முக்கிய கதாபாத்திரங்களில் நடித்துள்ளனர்.

சஞ்சய் சவுத்ரி இசை அமைத்திருக்கிறார். பழம்பெரும் இசையமைப்பாளர் சலீல் சவுத்ரியின் மகனான இவர் 1998ம் ஆண்டு ‘என்னு சொந்தம் ஜானகிகுட்டி’ எனும் மலையாளப் படத்தில் அறிமுகமாகி, ‘சர் ஃபரோஷ்’ எனும் ஹிந்திப் படத்தின் மூலம் பாலிவுட்டில் தடம் பதித்து, தனக்கென ஒரு இடத்தை உருவாக்கிக் கொண்டவர்.

கன்னட திரையுலகுக்குப் பெருமை சேர்த்த முன்னணி இயக்குனர்களில் தனக்கென ஒரு தனி இடம் பிடித்துள்ள சுனில் குமார் தேசாய். நான்கு முறை கர்நாடக அரசின் திரைப்பட விருதுகளைப் பெற்ற ஒரு இயக்குனர். அவரது முதல் திரைப்படமான ‘தர்கா’ அவருக்கு கன்னட அரசின் ‘சிறந்த இயக்குனர்’ மற்றும் ‘சிறந்த வசனகர்த்தா’ விருதுகளை பெற்றுத் தந்தது. ஆர் பி சவுத்ரி தயாரிப்பில் இத்திரைப்படம் தமிழில் ‘புரியாத புதிர்’ என்ற பெயரில் மறு ஆக்கம் செய்யப்பட்டு, ரசிகர்களிடையே பெரும் வரவேற்பையும் பெற்றது. இயக்குனர் கே எஸ் ரவிக்குமாருக்கு அதுவே முதல் திரைப்படமாக அமைந்தது என்பது குறிப்பிடத்தக்கது.

இயக்குனர் சுனில் முற்றிலும் மாறுபட்ட கதைக்களம் அமைப்பதில் வல்லவர். எந்த ஒரு குறிப்பிட்ட வடிவமைப்புக்குள்ளும் சிக்காத ஒரு சிறந்த, திறமையான படைப்பாளி என்பதும் அவரது படைப்புகளின் மூலம் நிரூபிக்கப்பட்டுள்ளது. அவரது மிகச்சிறந்த படைப்புகள் வரிசை “தர்கா, உட்கர்ஷா, சங்கர்ஷா, நிஷ்கர்ஷா, பெலடிங்கள பாலே, நம்மூர மண்டர ஹூவே” மற்றும் பல படங்கள் என நீள்கிறது.

நட்சத்திரங்கள்

தாகூர் அனூப் சிங், சாய் தன்ஷிகா, தன்யா ஹோப், கபீர் துஹான் சிங், கிஷோர், ஷ்ரத்தா தாஸ், பிரபாகர், வம்சி கிருஷ்ணா, ஷ்ரவன் ராகவேந்திரா, மஞ்சுநாத்

தொழிட்நுட்பக் கலைஞர்கள்

கதை, இயக்கம் – சுனில் குமார் தேசாய்
தயாரிப்பாளர் – தேவராஜ் ஆர்
பின்னணி இசை – சஞ்ஜோய் சவுத்ரி
ஒளிப்பதிவு – பி ராஜன், விஷ்ணு வர்தன்
படத்தொகுப்பு – பி எஸ் கெம்பராஜூ
மக்கள் தொடர்பு – நிகில் முருகன்

Continue Reading

Upcoming Movies

பட்டிபுலம் – விரைவில்…திரையில்…

Published

on

பட்டிபுலம் - விரைவில்...திரையில்...

சந்திரா மீடியா விஷன் என்ற பட நிறுவனம் சார்பாக திருமுருகன் தயாரிக்கும் படம் ‘பட்டிபுலம்’.

இப்படத்தில் யோகி பாபு, வீரசமர், அமிதா ராவ், சேரன் ராஜ், சூப்பர் குட் சுப்பிரமணி மற்றும் பலர் நடிக்கிறார்கள்.

இயக்குனர் ஷக்தி சிதம்பரத்திடம் உதவியாளராகப் பணியாற்றிய சுரேஷ் இப்படத்தை இயக்குகிறார்.

படம் பற்றி சுரேஷ் கூறியதாவது,

“நான் ஷக்தி சிதம்பரத்திடம் உதவியாளராகப் பணி புரிந்ததால் காமெடியை எப்படி உபயோகம் செய்தால் மக்களின் பாராட்டைப் பெaறலாம் என்பதை கற்றுக் கொண்டேன்.

அந்த பார்முலாபடி யோகி பாபுவை இந்தப் படத்தில் பயன்படுத்திக் கொண்டேன். அஞ்சு நிமிஷம் பத்து நிமிஷம் இல்லை, படத்தில் யோகி பாபு ஒரு மணி நேரம் வருகிறார். அந்த ஒரு மணி நேரத்திற்கும் அதகளப்படுத்தி இருக்கிறார். படத்தில் யோகி பாபு கதாபாத்திரத்திற்குப் பேய் என்று பெயர் வைத்திருக்கிறோம்.

கிழக்கு கடற்கரை சாலையில் ‘பட்டிபுலம்’ என்ற ஊர் இருக்கு. அந்த ஊரில் உள்ள சில இளைஞர்கள் பைக் ரேஸில் ஈடுபடுவது, அதனால் என்ன பாதிப்பு ஏற்படுகிறது, ஒரு குடும்பம் எப்படி பாதிக்கப்படுகிறது என்பது தான் கதை.

இதை நகைச்சுவையாகவும், பரபரப்பாகவும் சொல்லி இருக்கிறோம்,” என்கிறார் இயக்குனர்.

‘பட்டிபுலம்’ படம் மார்ச் 22ம் தேதி வெளியாகிறது.

ஒளிப்பதிவு – ஆர்.கே.வர்மா
இசை – வல்லவன்
எடிட்டிங் – ஆர்.ஜி.ஆனந்த்
கலை – வீரசமர்
நடனம் – விஜய் ரக்‌ஷித்
ஸ்டண்ட் – மகேஷ்
பாடல்கள் – மா.கா.பா.ஆனந்த், வல்லவன், கானா ராஜேஷ், கானா வினோத்
மக்கள் தொடர்பு – மௌனம் ரவி
தயாரிப்பு மேற்பார்வை – அயன்புரம் ராஜு
கதை திரைக்கதை வசனம், இயக்கம் – சுரேஷ்
தயாரிப்பு – திருமுருகன்

Continue Reading

Upcoming Movies

சத்ரு – விரைவில்…திரையில்…

Published

on

chathru

ஆர்.டி.இன்பினிட்டி டீல் எண்டர்டைன்மென்ட் பட நிறுவனம் சார்பில் ரகுகுமார் என்கிற திரு, ராஜரத்தினம், ஸ்ரீதரன் ஆகியோர் இணைந்து தயாரிக்கும் படம் ‘சத்ரு’.

இந்த படத்தின் கதாநாயகனாக கதிர் நடிக்கிறார். கதாநாயகியாக சிருஷ்டி டாங்கே நடிக்கிறார். மற்றும் பொன்வண்ணன், நீலிமா, மாரிமுத்து, ரிஷி, சுஜா வாருணி, பவன், அர்ஜுன் ராம், ரகுநாத், கீயன், சாது, குருமூர்த்தி, பாலா மற்றும் பலர் நடிக்கிறார்கள்.

ராட்டினம் படத்தில் நடித்த லகுபரன் இந்த படத்தின் வில்லனாக நடிக்கிறார்.

படம் பற்றி இயக்குனர் நவீன் நஞ்சுண்டான் கூறியதாவது,

இது ஒரு ஆக்‌ஷன் திரில்லர் படம் இது. 24 மணி நேரத்தில் நடக்கும் சம்பவங்கள் தான் இந்தப் படம். விறு விறுப்பான திரைக்கதை கொண்ட, ஆக்‌ஷன் ரொமான்ஸ் கலந்த படம்.

இந்த படத்தைப் பார்த்த மைல்ஸ்டோன் மூவிஸ் G.டில்லிபாபு சார் படத்தை ரிலீஸ் செய்கிறார். தரமான வெற்றிப் படங்களான மரகத நாணயம், ராட்சசன் என பார்த்து பார்த்து தயாரிக்கும் டில்லிபாபு ‘சத்ரு’ படத்தை வெளியிடுகிறார் என்றால் அதை எங்களுக்குக் கிடைத்த வெற்றியாகவே கருதுகிறோம்.

குற்றவாளிகளாக. யார் கண்ணுக்கும் தெரியாமல் வாழும் வில்லன்கள் ஐந்து பேரையும் துணிச்சல் மிக்க ஒரு போலிஸ் அதிகாரி எப்படி மடக்கி பிடித்து சட்டத்தின் முன் நிறுத்துகிறார் என்பது தான் ‘சத்ரு’. படம் மார்ச் 1ம் தேதி திரைக்கு வர உள்ளது,” என்கிறார் இயக்குனர்.

ஒளிப்பதிவு – மகேஷ் முத்துசாமி
இசை – அம்ரிஷ்
பாடல்கள் – கபிலன், மதன்கார்க்கி, சொற்கோ
எடிட்டிங் – பிரசன்னா.ஜி.கே
கலை – ராஜா மோகன்
ஸ்டன்ட் – விக்கி
கதை, திரைக்கதை, வசனம், இயக்கம் – நவீன் நஞ்சுண்டான்

Continue Reading
Advertisement

Tamil Movies Database

Trending