Connect with us

Television

Mr & Mrs சின்னத்திரை, இந்த வாரம் அசத்தல் சுற்று

Published

on

mr and mrs chinnathirai

விஜய் டிவியில் ஞாயிற்றுக்கிழமைகளில் மாலை 6.30 மணிக்கு ஒளிபரப்பாகி வரும் நிகழ்ச்சி ‘Mr & Mrs சின்னத் திரை’.

இந்த நிகழ்ச்சியில் ஒவ்வொரு சுற்றும் வெவ்வேறு மாதிரி இருக்கும். இவை அனைத்தும் நட்சத்திர ஜோடிகளின் திறமைகள், காதல், மன உறுதி ஆகியவற்றை வெளிப்படுத்தும் சுற்றுகளாக அமையும்.

இந்த வார நிகழ்ச்சியில் குதூகலமான சுற்றாக ‘ட்ரீம் மேக் ஓவர்’ சுற்று நடைபெறுகிறது. இதில் சின்னத்திரை ஜோடிகள் தங்களின் ஜோடியை எந்த ஒரு மேக் ஓவரில் பார்க்க விரும்புகிறார்கள் என்பதைக் கூற வேண்டும். அதற்கேற்ப நம் ஜோடிகளும் புது அவதாரம் எடுக்கவுள்ளார்கள்.

இந்த நிகழ்ச்சியில் பங்கேற்றுள்ள மணிமேகலை – உசைன், நிஷா – ரியாஸ், சங்கரபாண்டியன் – ஜெயபாரதி, அந்தோணி தாசன் – ரீட்டா, பிரியா – பிரின்ஸ், சுபர்ணன் – பிரியா, திரவியம் – ரித்து, தங்கதுரை – அருணா மற்றும் செந்தில் – ராஜலட்சுமி ஆகியோர் என்ன மேக் ஓவரில் வரப் போகிறார்கள் என்பதை வரும் ஞாயிறன்று பார்க்கலாம்.

இந்த நிகழ்ச்சியில் கோபிநாத், தேவதர்ஷினி, விஜயலட்சுமி நடுவர்களாக இருக்கிறார்கள்.

Television

சூப்பர் சிங்கர் 6 ஜுனியர், முதல் பரிசு வென்ற ரித்திக்

Published

on

விஜய் டிவி - சூப்பர் சிங்கர் 6 ஜுனியர், ரித்திக் முதலிடம்

விஜய் டிவியில் ஒளிபரப்பாகி வந்த சூப்பர் சிங்கர் ஜுனியர் சீசன் 6 நிகழ்ச்சியின் இறுதிப் போட்டி நேற்று சென்னையில் நடைபெற்றது.

ரித்திக், அனுஷ்யா, சின்மயி, பூவையார், சூர்யா, அஹானா ஆகிய 6 பேர் இறுதிப் போட்டியில் பங்கேற்றனர்.

இவர்களில் சூர்யா, அஹானா இருவரும் வைல்டு கார்ட் நுழைவு மூலம் இறுதிப் போட்டிக்குள் நுழைந்தனர்.

நேற்று நடந்த இறுதிப் போட்டியில் ரித்திக் முதலிடத்தைப் பெற்று 50 லட்ச ரூபாய் மதிப்புள்ள வீட்டைப் பரிசாகப் பெற்றார்.

இரண்டாவது இடத்தை சூர்யா வென்று 25 லட்ச ரூபாய் மதிப்புள்ள வைர நகைகளை பரிசாக வென்றார்.

பூவையார் மூன்றாவது இடத்தைப் பெற்று 10 லட்ச ரூபாயை பரிசாகப் பெற்றார்.

இந்நிகழ்ச்சியின் நடுவர்களாக பின்னணிப் பாடகர்கள் சங்கர் மகாதேவன், எஸ்பிபி சரண், பாடகிகள் சித்ரா, கல்பனா ஆகியோர் இருந்து போட்டியாளர்களை நெறிப்படுத்தினர்.

நேற்றைய இறுதிப் போட்டியில் ஆயிரக்கணக்கான ரசிகர்களும், விஜய் டிவி பிரபலங்கள், பின்னணிப் பாடகர்கள், பாடகிகள் கலந்து கொண்டு சிறப்பித்தனர்.

Continue Reading

Television

சூப்பர் சிங்கர் ஜூனியர் சீசன் 6 இறுதிப் போட்டி

ஏப்ரல் 21 ஞாயிறு மதியம் 3.30 மணி முதல் நேரடி ஒளிபரப்பு

Published

on

சூப்பர் சிங்கர் ஜூனியர் சீசன் 6 இறுதிப் போட்டி

விஜய் டிவியின் மிகப் பிரபலமான நிகழ்ச்சிகளில் ஒன்று ‘சூப்பர் சிங்கர் ஜுனியர்’. இந்த நிகழ்ச்சியின் 6வது சீசனின் இறுதிப் போட்டி வரும் ஞாயிறு, ஏப்ரல் 21 அன்று சென்னை நேரு உள் விளையாட்டரங்கில் நடைபெற உள்ளது.

அந்த நிகழ்ச்சியை மதியம் 3.30 மணியிலிருந்து நேரடியாக ஒளிபரப்பு செய்ய உள்ளார்கள்

2006ஆம் ஆண்டில் தமிழகத்தின் குரல் தேடல் என தொடங்கிய இந்நிகழ்ச்சி, பத்தாண்டுகளை கடந்து தமிழ் சினிமா இசைத் துறைக்கு பல பாடகர்களைத் தந்துள்ளது.

6வது சீசனின் இறுதிப் போட்டியில், அஹானா, சின்மயி, அனுஷியா, சூர்யா, ஹ்ரித்திக் மற்றும் பூவையார் பட்டம் பெறுவதற்காக போட்டி போடுகிறார்கள்.

இந்த சீசனின் நடுவர்களாக பாடகர் ஷங்கர் மஹாதேவன், பாடகி சித்ரா, பாடகர் SPB சரண் மற்றும் பாடகி கல்பனா ஆகியோர் உள்ளனர்.

இறுதிப் போட்டியில் இந்த சீசனின் மத்த டாப் போட்டியாளர்கள், சூப்பர் சிங்கர் பிரபலங்கள், நடுவர்கள் என பலர் இசை விருந்தளிக்க உள்ளார்கள்.

போட்டியில் பட்டம் வெல்பவருக்கு வழக்கம் போல வீடு ஒன்று பரிசாக வழங்கப்பட உள்ளது.

Continue Reading

Television

5வது விஜய் டிவி விருதுகள் விழா

Published

on

5வது விஜய் டிவி விருதுகள் விழா

தமிழ்த் தொலைக்காட்சிகளில் மிகவும் பிரபலமான நிகழ்வுகளில் ஒன்று ‘விஜய் டெலிவிஷன் அவார்ட்ஸ்’, புதுப்பொலிவுடன் 5வது விஜய் டெலிவிஷன் அவார்ட்ஸ் என ஏப்ரல் 6 சனிக்கிழமை அன்று EVP பிலிம் சிட்டியில், பிரம்மாண்டமாக நடைபெற்றது.

விஜய் தொலைக்காட்சி எப்பொழுதும் திறமைகளைக் கொண்டாடத் தவறியதேயில்லை. இந்த நிகழ்ச்சியின் மூலம் தன் சின்னத்திரைக் கலைஞர்களை பாராட்டி கௌரவம் வழங்கியுள்ளது.

இந்த நிகழ்ச்சியில் சிறந்த நடிகர், நடிகை, அபிமான குடும்பம், சிறந்த தொடர் என பல விருதுகள் வழங்கப்பட்டன.

திவ்யதர்ஷினி, மகாபா ஆனந்த் ஆகியோர் இந்த நிகழ்வைத் தொகுத்து வழங்கியுள்ளனர். நிகழ்ச்சியில் விஜய் டிவி தொடர்களின் நட்சத்திரங்கள் பங்கேற்ற பல கலை நிகழ்ச்சிகள் நடைபெற்றன.

பாண்டியன் ஸ்டோர்ஸ் தொடர் நட்சத்திரங்கள், ஒரு குடும்பத்தில் இருக்கும் அன்பு, பிரச்சனைகள், உணர்ச்சிகளை பற்றிய நிகழ்ச்சி, ‘நாம் இருவர் நமக்கு இருவர்’ தொடர் நட்சத்திரங்கள் ஒரு கிளாசிக் நிகழ்வு ஆகியவற்றை மேடையில் நடத்தினர். விஜய் டிவி சீரியல்களையே கிண்டலடித்து ஒரு நிகழ்வும் நடத்தப்பட்டது. தேசப்பற்று சார்ந்த ஒரு நிகழ்வும்ந டத்தப்பட்டது. இப்படி பல நிகழ்ச்சிகள் விருதுகள் வழங்கும் விழாவில் நடைபெற்றது.

யார், யார் என்ன விருது பெற்றார்கள், எந்தத் தொடர் அதிகமான விருதுகளைப் பெற்றது என்பதை விரைவில் விஜய் டிவியில் ஒளிபரப்பாக உள்ள இந்த நிகழ்ச்சியில் தெரிந்து கொள்ளலாம்.

Continue Reading
Advertisement

Tamil Movies Database

Trending

error: Content is protected !!