Connect with us

Television

100வது நாளைக் கடந்த ‘நந்தினி’ மெகா தொடர்

Published

on

nandhini serial 100th day press meet

அவனி சினி மேக்ஸ் பிரைவேட் லிமிட், சார்பில் சுந்தர் .சி தயாரிப்பில் ராஜ்கபூர் இயக்கித்தில் சன் டிவியில் ஒளிபரப்பாகி வரும் ‘நந்தினி’ மெகா தொடர் வெற்றிகரமாக 100வது நாளைக் கடந்திருக்கிறது.

தற்போது சன் டிவியில் ஒளிபரப்பாகி வரும் தொடர்களிலேயே நம்பர் 1 இடத்தை இந்தத் தொடர் பிடித்துள்ளதாக ‘நந்தினி’ குழுவினர் தெரிவிக்கிறார்கள்.

டைரக்டர் சுந்தர்.சியின் கதைக்கு வெங்கட்ராகவன் திரைக்கதை அமைக்க பத்ரி, கே.என்.நடராஜன் வசனம் எழுதி யு.கே. செந்தில் குமார் ஒளிப்பதிவு செய்து வருகிறார்.
தொடர் ஆரம்பித்த சில வாரங்களிலே நம்பர் ஒன் இடத்தைப் பிடித்து ரசிகர்களின் பாராட்டை பெற்றுள்ள இத் தொடரின் கதை இனி வரும் நாட்களில் மிகவும் பரபரப்பாக நகர இருக்கிறது.

ஆவிக்கும் பாம்புக்கும் போட்டி என்றால் எப்படி இருக்கும் என்பதை சுவாரசியமான கதைக் களத்தில் இனி ‘நந்தினி’ தொடரில் பார்க்கலாம்.

பிரம்மாண்டம் மற்றும் அதன் சினிமா தரமும்தான் சின்னத் திரையில் குறுகிய காலத்தில் ‘நந்தினி’ தொடர் பெற்ற ஆதரவிற்கு முக்கியக் காரணம் . இரவு 9 மணி ஆகிவிட்டால் அனைவரின் கவனமும் ‘நந்தினி’ தொடரை தவறாமல் பார்ப்பதில் திரும்பி விடுகிறது. அந்த அளவுக்கு ரசிகர்களை நந்தினி தொடர் கவர்ந்துள்ளது.

தமிழ், கன்னடம் ஆகிய மொழிகளில் நேரடியாகவும், தெலுங்கு, மலையாளம் ஆகிய மொழிகளில் டப்பிங் ஆகியும் ஒளிபரப்பாகி வரும் இத் தொடரை மலேசியா, மைசூர், கல்லிடைக்குறிச்சி, பொள்ளாச்சி, ரிஷிகேஷ் போன்ற இடங்களில் படமாக்கியுள்ளனர்.

‘நந்தினி’ தொடர் பற்றி இயக்குநர் ராஜ் கபூர் கூறியதாவது,

‘நந்தினி’ என்ற பிரம்மாண்டத்தை இயக்குவதில் எனக்கு மட்டற்ற மகிழ்ச்சி. ஒரு எபிசோடு எடுக்க ஒரு வாரம் முன்பே முடிவு செய்வோம். இது ஒரு நாளில் செய்யக்கூடியது இல்லை. இதில் இரண்டு குழுவாக உள்ளோம். சினிமா போன்றே இங்கேயும் கிட்டத்தட்ட நூற்றுக்கும் மேற்பட்டோர் வேலை செய்கிறார்கள் . சுந்தர்.சி அவர்கள் இத்தொடரை ஆர்வத்துடன் பார்த்துவிட்டு அவர் தனது கருத்தை தெரிவித்து சில திருத்தங்கள் செய்வார். எபிசோடு எவ்வளவு என்று சொல்லமுடியாது. அது ரசிகர்களின் வரவேற்பை பொறுத்தது.

இத் தொடரில் எங்களது கடுமையான உழைப்பு உள்ளது. மாதத்தில் 25 நாட்கள் வேலை இருக்கும். ஒரு மணி நேரத்தில் எடுத்த காட்சியை கூடுதலாக நேரம் ஒதுக்கி எடிட் செய்வேன். கிளாமர் அதிகமாக உள்ளது என்ற விமர்சனம் இருக்கிறது. இளைஞர்களிடம் நந்தினி கதாபாத்திரத்துக்கு நல்ல வரவேற்ப்பு கிடைத்துள்ளது. குஷ்பூ இந்தத் தொடரில் ஒரு முக்கிய கதாபாத்திரத்தில் வருகிறார். அது மட்டும் அல்லாமல் மற்றுமொரு பிரபலமும் இத்தொடரின் முக்கிய பகுதி ஒன்றில் சிறப்பு தோற்றத்தில் நடிக்கவுள்ளார்,” என்றார்.

நந்தினி தொடரின் கதாநாயகி நித்யா ராம் பேசியதாவது,

“தமிழ் மற்றும் கன்னடத்தில் ஒரே நேரத்தில் நடிக்கும் போது தயக்கமாக இருந்தது. முதல் நாள் ஷூட்டிங்கில் கூட மிகவும் பயமாக இருந்தது. ஆனால் எந்த ஒரு பயமும் இல்லாமல் சகஜமான மனநிலை இப்போது வந்துவிட்டது. எனது தாய்மொழி கன்னடம். தற்போது தமிழ் எனக்கு நன்கு பழகிவிட்டது.

தற்போது எனக்கு என்னுடைய தாய் மொழியை விட தமிழில் நடிப்பது எளிதாக உள்ளது . சினிமாவில் நடிப்பது போன்ற உணர்வுதான் இருக்கிறது. மேலும் எனது உடை மற்றும் சிகை அலங்காரம் அனைத்தையும் குஷ்பு மேடம் தான் தேர்வு செய்வார்கள்.இங்கு வந்து நான் பல விஷயங்கள் கற்றுக் கொண்டேன்.

பல நாடுகளில் இருந்து தொடர்பு கொண்டு நந்தினி தொடரைப் பற்றி ரசிகர்கள் பேசுகிறார்கள் . அது மிகவும் மகிழ்ச்சியாக உள்ளது. இந்த புகழ் அனைத்தும் ராஜ் கபூர் சார் அவர்களையே சேரும். இந்தத் தொடரில் நடிப்பதால் நான் மிகவும் மகிழ்ச்சியாக உள்ளேன்,” என்றார்.

Television

மிஸ்டர் அன்ட் மிசஸ் சின்னத்திரை, நாளை இறுதிப் போட்டி

Published

on

மிஸ்டர் அன்ட் மிசஸ் சின்னத்திரை, நாளை இறுதிப் போட்டி

விஜய் டிவியில் ஒளிபரப்பாகி வரும் ஒரு நிகழ்ச்சி மிஸ்டர் அன்ட் மிசஸ் சின்னத்திரை.

சினிமா, டிவியில் உள்ள பிரபலமான சில ஜோடிகளான மணிமேகலை – உசைன், நிஷா- ரியாஸ், சங்கரபாண்டியன் – ஜெயபாரதி, அந்தோணி தாசன் – ரீட்டா, பிரியா – பிரின்ஸ், சுபர்ணன் – பிரியா, திரவியம் – ரித்து, தங்கதுரை – அருணா, செந்தில் – ராஜலட்சுமி மற்றும் ஃபாரீனா – ரஹ்மான் ஆகிய ஜோடிகள் இந்த நிகழ்ச்சியில் போட்டியாளர்களாக கலந்து கொண்டார்கள்.

இந்த நிகழ்ச்சியின் இறுதி சுற்று போட்டியாளர்களாக மணிமேகலை – உசைன், நிஷா- ரியாஸ், சங்கரபாண்டியன் – ஜெயபாரதி, அந்தோணி தாசன் – ரீட்டா, திரவியம் – ரித்து, மற்றும் செந்தில் – ராஜலட்சுமி ஆகியோர் போட்டியிடுகிறார்கள்.

இறுதிப் போட்டியில் உள்ள இரண்டு சுற்றுகளில் இந்த ஜோடிகள் அவர்களது திறமையை வெளிப்படுத்த உள்ளார்கள். நாளை மே 19, ஞாயிறு மதியம் 3 மணிக்கு இந்த நிகழ்ச்சி ஒளிபரப்பாக உள்ளது.

நடிகைகள் விஜயலலட்சுமி, தேவதர்ஷினி, தொகுப்பாளர் கோபிநாத் இந்த நிகழ்ச்சியின் நடுவர்களாக பங்கேற்றனர். இந்த இறுதிச்சுற்றில் நடிகை விஜயலலட்சுமி மற்றும் கோபி வெற்றியாளர்களை அறிவித்து முடிசூட்ட உள்ளனர்.

இறுதிப் போட்டியில் விஜய் நட்சத்திரங்கள் பலரும் கலந்து கொண்டு சிறப்பிக்க உள்ளார்கள்.

Continue Reading

Television

பெப்பர்ஸ் டிவி – ‘30 மினிட்ஸ் வித் அஸ்’ நிகழ்ச்சி

Published

on

பெப்பர்ஸ் டிவி - ‘30 மினிட்ஸ் வித் அஸ்’ நிகழ்ச்சி

சினிமா என்பது மிகப்பெரிய கடல் மாதிரி. இதில் வெற்றிபெறுவது என்பது அவ்வளவு எளிதான விஷயம் கிடையாது. சினிமாவில் நுழைவதற்கு ஒரு லட்சம் பேர் ஆசைப்படலாம். ஆனால் இதில் ஆர்வத்துடன் நுழைபவர்கள் ஐம்பதாயிரம் பேர்தான்.

இதிலும் விடாமுயற்சியாக போராடி வாய்ப்பை பெறுகிறவர்கள் என்னவோ ஆயிரம் பேர் தான். இந்த ஆயிரம் பேரில், படம் எடுத்து, அந்தப்படமும் தங்குதடையின்றி ரிலீஸாகி மக்கள் மனதில் பதிகிறவர்கள் என பார்த்தால் வெறும் பத்து பேர் தான். இப்படி ஜெயித்தவர்களை கணக்கிட்டால் லட்சத்தில் பத்து பேர்தான் சினிமாவில் இன்னும் இருந்து வருகிறார்கள்.

இப்படி சினிமாவில் சாதனை புரிந்தவர்களை, அடுத்து அவர்கள் படம் ரிலீசாகும் அந்தந்த வாரங்களில் அவர்கள் கடந்து வந்த வெற்றிப்பயணத்தை முழுமையாக 30 நிமிடங்களில் சொல்லும் ஒரு சுவாரசியமான நிகழ்ச்சிதான் ‘30 மினிட்ஸ் வித் அஸ்’ நிகழ்ச்சி.

இந்த நிகழ்ச்சியில் அந்தந்த வாரங்களில் வெளியாகின்ற படத்தின் இயக்குனர், அந்தப் படத்தின் கதாநாயகன், நாயகி, இசையமைப்பாளர் உள்ளிட்ட படக்குழுவினருடன் கலந்து கொண்டு அந்தப்படம் உருவானது எப்படி, அதை படமாக்க அவர்கள் பட்ட சிரமங்கள், நல்லது கெட்டது மற்றும் அந்தப் படத்தின் மூலம் புதிதாக சொல்லவரும் விஷயம் என படத்தை பற்றிய சுவாரசியமான செய்திகளை பகிர்ந்துகொள்ள இருக்கிறார்கள்.

இந்த நிகழ்ச்சி பெப்பர்ஸ் டிவியில் வாரந்தோறும் சனிக்கிழமை இரவு 7:30 மணிக்கு ஒளிபரப்பாகிறது. இந்த நிகழ்ச்சியை சுவைபட தொகுத்து வழங்குபவர் சுமையா.

Continue Reading

Television

புதிய தலைமுறை டிவி – யூத் டியூப் நிகழ்ச்சி

Published

on

புதிய தலைமுறை டிவி - யூத் டியூப் நிகழ்ச்சி

ஒரு வாரத்தை அரைமணி நேரத்துக்குள் அடக்கி விடமுடியுமா ? முடியும் என சொல்கிறது புதிய தலைமுறை டிவியின் ‘யூத் டியூப்’ நிகழ்ச்சி.

வாராந்திர செய்திகளையும் நிகழ்வுகளையும் குட்டிக் குட்டிச் செய்தகளாக சுருக்கி ஒரே புட்டிக்குள் அடைத்து தருவதுதான் யூத் டியூப். குழந்தைகள், இளைஞர்கள் ஆகியோருக்கு வாரந்திர நிகழ்வுகளைக் கொண்டு சேர்க்கும் விதமாக இந்த நிகழ்ச்சி அமைக்கப்பட்டுள்ளது.

மனதில் நின்ற செய்திகள், வாரம் முழுக்க பரபரப்பாக இருந்த செய்திகள், மனதில் நின்ற காட்சிகள், மறக்க முடியாத காட்சிகள், மறந்து விடவேண்டுமென்று நினைக்கும் நிகழ்வுகள், செய்திகள், சாதனைகள், சோதனைகள், பாராட்டுகள், விமர்சனங்கள், என்று உள்ளூர் முதல் உலக நிகழ்வுகள் அனைத்தையும் தொட்டுக் கொடுக்கிறது இந்த நிகழ்ச்சி.

சுவையான காட்சி நறுக்குகளை வித்தியாசமான முறையில் கலந்து கொடுக்கும் இந்த நிகழ்ச்சி புதிய தலைமுறையில் சனிக்கிழமை இரவு 9.30 மணிக்கும், மறுஒளிபரப்பு ஞாயிறு இரவு 8:00 மணிக்கும் ஒளிபரப்பாகிறது.

இந்நிகழ்ச்சியை கவின் மற்றும் மோகனா தொகுத்து வழங்குகிறார்கள்.

Continue Reading
Advertisement

Tamil Movies Database

Trending

error: Content is protected !!