Connect with us

Tamil Cinema News

‘பேட்ட’ – வரும் ஞாயிறன்று 100 கோடி கடக்கும் என அறிவிப்பு

Published

on

petta tn collection

சன் பிக்சர்ஸ் தயாரிப்பில், கார்த்திக் சுப்பராஜ் இயக்கத்தில், ரஜினிகாந்த் நடித்த ‘பேட்ட’ படம் கடந்த வாரம் ஜனவரி 10ம் தேதியன்று வெளியானது.

படம் வெளியான நாளிலிருந்தே தொடர்ந்து பல நாட்கள், பல காட்சிகள் அரங்கு நிறைந்த காட்சிகளாக ஓடிக் கொண்டிருக்கின்றன.

தமிழ்நாட்டில், ‘பேட்ட’ படத்தின் வசூல் ‘விஸ்வாசம்’ பட வசூலை விடக் குறைவாக இருப்பதாக எந்த ஆதாரமும் இல்லாமல் டிவிட்டரில் சிலர் கருத்துக்களை வெளியிட்டதைத் தொடர்ந்து கடும் சர்ச்சை எழுந்தது.

சினிமாவிற்கு சம்பந்தமே இல்லாத சிலர் அப்படி பொய்யான தகவல்களைப் பரப்பி சினிமாவைக் கெடுத்துக் கொண்டு வருவதாக சினிமாவைச் சேர்ந்த பலரும் கருத்துக்களை வெளியிட்டார்கள்.

சம்பந்தப்பட்ட தயாரிப்பாளர்களோ, வினியோகஸ்தர்களோ தான் ஒரு படத்தின் வசூல் விவரத்தை சரியாக வெளியிட முடியும். ஆனால், டிவிட்டரில் சில ஆயிரம் பாலோயர்களை வைத்துக் கொண்டு, தாங்கள் வெளியிடுவதுதான் சரி என சிலர் ‘சினிமா வியாபாரம்’ செய்து கொண்டிருந்தார்கள்.

அவர்களது பொய்யான கருத்துக்களை முடிவுக்குக் கொண்டு வர சன் பிக்சர்ஸ் நிறுவனம், ‘பேட்ட’ படத்தின் உலக வெளியீட்டாளர், மற்றும் தமிழ்நாட்டின் பிரபல வினியோகஸ்தர் திருப்பூர் சுப்பிரமணியம் ஆகியோரின் கருத்துக்களை வெளியிட்டுள்ளது.

அதன்படி, இந்தியாவைத் தவிர வெளிநாடுகளில் ‘பேட்ட’ படம் 65 கோடி வசூலித்துள்ளதாக அதன் வினியோகஸ்தர் மாலிக் ஸ்ட்ரீம்ஸ் மாலிக் அறிவித்துள்ளார்.

ரஜினிகாந்தின் பல படங்களை வினியோகம் செய்த, பிரபல வினியோகஸ்தர் திருப்பூர் சுப்பிரமணியம் பத்திரிகையாளர்களுக்கு அளித்த பேட்டியில், “வரும் ஞாயிற்றுக் கிழமையுடன் 11வது நாளில் ‘பேட்ட’ படத்தின் வசூல் 100 கோடியைக் கடக்கும். முதல் முறையாக தமிழ்நாட்டில் குறைந்த நாட்களில் இந்தப் படம் 100 கோடியைக் கடக்கிறது. இது வினியோகஸ்தர்கள் தரப்பிலிருந்து தரும் தகவல்,” எனக் கூறியுள்ளார்.

இதன் மூலம் இதற்கு முன் குறைந்த நாட்களில் 100 கோடி ரூபாய் வசூல் என சொல்லப்பட்ட படங்களின் வசூல் செய்திகள் பொய்யான ஒன்று என்பது நிரூபணம் ஆகிறது.

‘பேட்ட’ படம் வெளியாகி தொடர்ந்து 6 விடுமுறை நாட்களிலும் ஏறக்குயை அரங்கு நிறைந்த காட்சிகளாக ஓடினாலும், அந்தப் படம் 100 கோடியைக் கடக்க மேலும் சில நாட்கள் தேவைப்படுகிறது. இந்தப் படத்திற்கே இப்படி என்றால் மற்ற படங்கள் வசூலித்ததாகச் சொல்வது எவ்வளவு பெரிய பொய் என்பது இப்போது அனைவருக்கும் புரிந்திருக்கும்.

தமிழ்த் திரையுலக வரலாற்றில் 11 நாட்களில் தமிழ்நாட்டில் 100 கோடியைத் தொடும் முதல் படம் ‘பேட்ட’ என அதிகாரப்பூர்வமாக அறிவித்துள்ளார்கள். இனி, மற்ற படங்களின் தயாரிப்பாளர்களும், வினியோகஸ்தர்களும் இப்படி அறிவித்தால் பொய்யனா பரப்புரை செய்பவர்கள் அவர்களது பொய்யுரையை இத்துடன் நிறுத்திக் கொள்வார்கள்.

Tamil Cinema News

1000 கோடி வசூலித்த அஜித்தின் 6 படங்கள்

Published

on

1000 கோடி வசூலித்த அஜித்-தின் 6 படங்கள்

தமிழ்த் திரையுலகத்தில் ‘ஓபனிங் ஸ்டார்’ என்ற பெருமையை தக்க வைத்துக் கொண்டிருப்பவர் நடிகர் அஜித்.

அவர் நடித்து வெளிவரும் படங்கள் நன்றாக இருக்கிறதோ இல்லையோ முதல் சில நாட்கள் நல்ல வசூலைக் கொடுக்கும். அதன் பின்னர்தான் படம் எப்படி இருக்கிறது என்பதைப் பொறுத்து வசூல் ஏறும், இறங்கும்.

1993ம் ஆண்டு வெளிவந்த ‘அமராவதி’ படத்தின் மூலம் தமிழில் கதாநாயகனாக அறிமுகமானவர் அஜித்.

அந்தப் படம் பெரிய வெற்றியைப் பெறவில்லை என்றாலும், அதற்கடுத்து 1995ல் வெளிவந்த, ‘ஆசை’ படம்தான் அஜித்தின் முதல் வெற்றிப் படமாக அமைந்தது.

1996ல் வெளிவந்த ‘காதல் கோட்டை’, 1998ல் வெளிவந்த ‘காதல் மன்னன்’, 1999ல் வெளிவந்த ‘வாலி’ ஆகியவை 90களில் அஜித்தின் மிகப் பெரிய வெற்றிப் படங்கள்.

அதன் பின் ஏஆர் முருகதாஸ் இயக்கிய முதல் படமான 2001ல் வெளிவந்த ‘தீனா’ படத்தில்தான் அஜித்தை ‘தல’ என அழைக்க ஆரம்பித்தனர். அந்தப் படத்திற்குப் பின் அஜித் நடித்து வெளிவந்த படங்கள் நல்ல ஓபனிங்கைத் தர ஆரம்பித்து கமர்ஷியல் ஹீரோவாக அவர் உயர்ந்தார்.

தொடர்ந்து சில படங்கள் தோல்வி அடைந்தாலும் கூட அவருடைய அந்த ஓபனிங் ஸ்டார் இமேஜ் அப்படியே இருக்கிறது.

2007ல் வெளிவந்த ‘பில்லா’ படத்திற்குப் பிறகு அஜித் தமிழ் சினிமா உலகில் பெரும் வளர்ச்சி பெற்றார்.

கடந்த ஆறு வருடங்களில் அவர் நடித்து வெளிவந்த படங்கள் சுமார் 1000 கோடியை வசூலித்துள்ளதாக அவருடைய ரசிகர்கள் இன்று டிவிட்டரில் டிரென்டிங்கை ஏற்படுத்தி வருகிறார்கள்.

அதன்படி,

ஆரம்பம் – 135 கோடி
வீரம் – 118
என்னை அறிந்தால் – 125
வேதாளம் – 152
விவேகம் – 206
விஸ்வாசம் – 253 கோடி. வசூலித்துள்ளதாக அவருடைய ரசிகர்கள் பகிர்ந்து வருகிறார்கள்.

‘விஸ்வாசம்’ படம் ரஜினிகாந்த் நடித்து வெளிவந்த ‘பேட்ட’ படத்தை விட அதிகமாக வசூலித்துள்ளது.

அஜித் தற்போது ‘நேர் கொண்ட பார்வை’ படத்தில் நடித்து முடித்துள்ளார். இந்தப் படம் ஆகஸ்ட் மாதம் வெளியாக உள்ளது.

Continue Reading

Tamil Cinema News

சரவணன் இயக்கத்தில் த்ரிஷா நடிக்கும் ‘ராங்கி’

Published

on

சரவணன் இயக்கத்தில் த்ரிஷா நடிக்கும் ராங்கி

சரவணன் யார் என்பதை தமிழ் ரசிகர்கள் மறந்திருக்க வாய்ப்புண்டு.

சர்வானந்த், ஜெய், அஞ்சலி, அனன்யா மற்றும் பலர் நடிக்க 2011ல் வெளிவந்து அனைவரையும் நெகிழ வைத்த காதல் படமான ‘எங்கேயும் எப்போதும்’ படத்தை இயக்கியவர்தான் சரவணன்.

அதன் பின் ‘இவன் வேற மாதிரி, வலியவன்’ ஆகிய படங்களையும், கன்னடத்தில் ‘இவன் வேற மாதிரி’ படத்தை ‘சக்ரவியூகா’ என்ற பெயரில் இயக்கினார்.

விபத்து ஒன்றில் சிக்கியதால் ஓய்வில் இருந்த சரவணன், நான்கு வருட இடைவெளிக்குப் பிறகு தமிழில் இப்போது ‘ராங்கி’ படத்தை இயக்குகிறார். இந்தப் படத்தின் பூஜை நேற்று நடைபெற்றது.

லைகா புரொடக்ஷன்ஸ் தயாரிக்கும் இந்தப் படத்திற்கு ஏஆர் முருகதாஸ் கதை எழுதி உள்ளார்.

த்ரிஷா முதன்மைக் கதாபாத்திரத்தில் நடிக்கும் இப்படத்தின் மற்ற நடிகர், நடிகையர் தேர்வு நடந்து வருகிறது.

Continue Reading

Tamil Cinema News

காஞ்சனா 3 – முதல் நாள் வசூலில் சாதனை

Published

on

காஞ்சனா 3 - முதல் நாள் வசூலில் சாதனை

சன் பிக்சர்ஸ் தயாரிப்பில், ராகவா லாரன்ஸ் இயக்கத்தில், தமன் பின்னணி இசையில், ராகவா லாரன்ஸ், வேதிகா, ஓவியா, நிக்கி டம்போலி மற்றும் பலர் நடித்து நேற்று வெளியான படம் ‘காஞ்சனா 3’.

இந்தப் படம் தமிழ்நாட்டில் முதல் நாள் வசூலாக சுமார் 10 கோடி வசூலித்திருப்பதாகத் தகவல் வெளியாகி உள்ளது. தெலுங்கில் சுமார் 4 கோடியும், மற்ற இடங்களில் சுமார் 5 கோடியும் வசூலித்திருக்கலாம் என திரையுலக வட்டாரங்கள் தெரிவிக்கின்றன.

முதல் நாளில் மட்டும் மொத்தமாக 20 கோடி வரை இந்தப் படம் வசூலித்திருக்க வாய்ப்புள்ளதாகச் சொல்கிறார்கள்.

இந்த ஆண்டில் வெளிவந்த படங்களில் ‘பேட்ட, விஸ்வாசம்’ ஆகிய படங்கள் மட்டுமே முதல் நாள் வசூலாக தமிழ்நாட்டில் 10 கோடிக்கும் அதிகமாக வசூலித்தது. தற்போது அந்த வரிசையில் ‘காஞ்சனா 3’ படமும் சேர்ந்துள்ளது.

‘காஞ்சனா’ வசூலை ‘காஞ்சனா 2’ முறியடித்தது, அது போல ‘காஞ்சனா 2’ வசூலை ‘காஞ்சனா 3’ நிச்சயம் முறியடிக்கும் என பாக்ஸ் ஆபீஸ் வட்டாரங்களில் தெரிவிக்கிறார்கள்.

படத்தைப் பற்றி நெகட்டிவ்வான விமர்சனங்கள் சில வந்தாலும், தியேட்டர்காரர்கள் அந்த விமர்சனங்கள் மொத்தமாக 50 பேர் எழுதுவதுதான். ஆனால், தியேட்டருக்கு வரும் ஆயிரக்கணக்கான மக்கள் படத்தை ரசிக்கிறார்கள், அவர்களது விமர்சனம்தான் முக்கியமானது என்கிறார்கள்.

Continue Reading
Advertisement

Tamil Movies Database

Trending

error: Content is protected !!