Connect with us

Tamil Cinema News

பேட்ட – வெளிநாடுகளில் 65 கோடி வசூல் என அறிவிப்பு

Published

on

petta stills_00003

ரஜினிகாந்த் நடித்த ‘பேட்ட’, அஜித்குமார் நடித்த ‘விஸ்வாசம்’ ஆகிய இரண்டு படங்களும் கடந்த வாரம் ஜனவரி 10ம் தேதி வெளியாகின.

ஒரே நாளில் வெளியானதால் இரண்டு படங்களின் வசூலுக்கும் கடுமையான போட்டி இருந்தது.

சமூக வலைத்தளங்களில் தங்களை டிராக்கர்கள் என அழைத்துக் கொள்ளும் சிலர், இரண்டு படங்களைப் பற்றியும் பலவிதமான வசூல் தகவல்களை வெளியிட்டு வந்தார்கள்.

அது பற்றி ‘பேட்ட’ படத்தின் தயாரிப்பு நிறுவனமான சன் பிக்சர்ஸ், தமிழ்நாட்டில் 600க்கும் கூடுதலான தியேட்டர்களில் படத்தை வெளியிட்ட எங்களுக்கே இன்னும் படத்தின் வசூல் பற்றி எந்தவிதத் தகவலும் வரவில்லை. உங்களுக்கு மட்டும் எப்படி இப்படியெல்லாம் வருகிறது என கண்டனம் தெரிவித்திருந்தார்கள்.

அதைத் தொடர்ந்து சமூக வலைத்தளங்களில் ‘பேட்ட, விஸ்வாசம்’ இரண்டு படங்களின் ஆதரவாளர்களுக்கும் இடையே வார்த்தை மோதல்கள் அதிகமானது.

இந்நிலையில் ‘பேட்ட’ படத்தை வெளிநாடுகளில் வெளியிட்ட மலேசியாவைச் சேர்ந்த மாலிக் ஸ்ட்ரீம்ஸ் நிறுவனம் வெளிநாடுகளில் ‘பேட்ட’ படம் 65 கோடி ரூபாய் வசூலைத் தொட்டிருக்கிறது என்ற தகவலை அறிவித்திருக்கிறார்கள்.

இது குறித்து மாலிக் ஸ்ட்ரீம்ஸ் கம்பெனியின் உரிமையாளர் மாலிக் வெளியிட்டுள்ள வீடியோவில்,

“பேட்ட’ படம் நல்ல வசூலைக் கொடுத்துக் கொண்டிருக்கிறது. எல்லா வினியோகஸ்தர்களும் மகிழ்ச்சியாக இருக்கிறார்கள். இன்று வரை இந்தப் படத்தின் வெளிநாடு வசூல் 65 கோடி வரை ஆகியிருக்கிறது. இது இந்தியாவைத் தவிர இது வசூல். இந்த வசூல் இன்னும் அதிகமாகும். அது பற்றி பின்னர் தெரிவிக்கிறோம்,” எனக் கூறியுள்ளார்.

Tamil Cinema News

ஐஸ்லாந்தில் சௌந்தர்யா, விசாகன் தேனிலவு

Published

on

soundarya-visakan-honeymoon

நடிகர் ரஜினிகாந்தின் இளைய மகள் சௌந்தர்யா, நடிகரும் தொழிலதிபருமான விசாகன் இருவருக்கும் சில நாட்களுக்கு முன்பு சென்னையில் திருமணம் நடைபெற்றது.

தமிழக முதலமைச்சர், அமைச்சர்கள், பல்வேறு அரசியல் கட்சித் தலைவர்கள், திரையுலகப் பிரபலங்கள், தொழிலதிபர்கள் என பலரும் அவர்களது திருமண விழாவில் கலந்து கொண்டு வாழ்த்தினர்.

திருமணத்திற்குப் பின் சௌந்தர்யா, விசாகன் தம்பதியினர் தேனிலவுக்காக வடக்கு ஐரோப்பாவில் உள்ள தீவு நாடான ஐஸ்லாந்துக்குச் சென்றுள்ளனர்.

இது பற்றிய தகவலை சௌந்தர்யா புகைப்படங்களுடன் டிவிட்டரில் பகிர்ந்துள்ளார்.

Continue Reading

Tamil Cinema News

‘எல்லாம் மேல இருக்குறவன் பாத்துப்பான்’ முதல் பார்வை வெளியீடு

Published

on

ellam-mela-irukkuravan-parthuppan

விஜயகாந்தின் திரையுலக வளர்ச்சிக்கு பக்க பலமாக இருந்த தயாரிப்பு நிறுவனம் ராவுத்தர் மூவீஸ்.

விஜயகாந்தின் நெருங்கிய நண்பரான இப்ராகிம் ராவுத்தருக்குச் சொந்தமான நிறுவனம் அது.

அந்நிறுவனம் நீண்ட இடைவெளிக்குப் பிறகு ‘எல்லாம் மேல இருக்குறவன் பாத்துப்பான்’ எனும் படத்தை தயாரித்து வருகிறது.

இப்ராகிம் ராவுத்தரின் மகன் முகம்மது அபுபக்கர் இந்தப் படத்தைத் தயாரிக்கிறார். அறிமுக இயக்குனர் கவிராஜ் இயக்கும் இந்தப் படத்திற்கு கார்த்திக் ஆச்சார்யா இசையமைக்கிறார்.

கதாநாயகனாக ஆரி நடிக்க, கதாநாயகியாக சாஷ்வி பாலா நடிக்கிறார்.

இப்படத்தின் முதல் பார்வையை நடிகர் விஷ்ணு விஷால் இன்று வெளியிட்டார்.

இப்படம் விரைவில் வெளியாக உள்ளது.

Continue Reading

Tamil Cinema News

எழில் இயக்கத்தில் ஜிவி பிரகாஷ் நடிக்கும் புதிய படம்

Published

on

gv-prakash-new-movie

பல மொழிகளில் படங்களைத் தயாரித்துக் கொண்டிருக்கும் பட நிறுவனம் ரமேஷ் .பி. பிள்ளை வழங்கும் அபிஷேக் பிலிம்ஸ்.

இந்த நிறுவனம் தற்போது சித்தார்த், ஜி.வி.பிரகாஷ் நடிக்க சசி இயக்கத்தில் ஒரு படத்தை மிகப் பிரமாண்டமான முறையில் தயாரித்து வருகிறார்கள்.

இதைத் தொடர்ந்து எழில் இயக்கத்தில் ஜி.வி பிரகாஷ் நடிக்கும் புதிய படத்தை இன்று துவங்கி  உள்ளார்கள்.

இதன் துவக்க விழா இன்று எளிமையாக ஒரு கோயிலில் நடை பெற்றது.

மற்ற நடிகர் நடிகைகள் தொழில்நுட்ப கலைஞர்கள் பின்னர் அறிவிக்கப்பட்ட உள்ளது.

எழில் அவருடைய பாணியிலான காமெடி படமாகத்தான் இந்தப் படத்தை இயக்க உள்ளாராம்.

மார்ச் மாதம் இப்படத்தின் படப்பிடிப்பு ஆரம்பமாகிறது.

Continue Reading
Advertisement

Tamil Movies Database

No feed items found.

Trending