Connect with us

Movie Reviews

பேட்ட – விமர்சனம்

Published

on

petta-movie-review

தமிழ் சினிமாவில் முன்னணியில் இருக்கும் நடிகர்கள், அந்தந்தக் காலகட்டங்களில் பிரபலமாகும் இயக்குனர்கள், இசையமைப்பாளர்கள் ஆகியோரைத் தங்களது படங்களில் பயன்படுத்திக் கொள்வது வழக்கம்.

அப்படி கடந்த சில வருடங்களில் வித்தியாசமான படங்களைக் கொடுத்த இயக்குனர் என்ற பெயரைப் பெற்ற கார்த்திக் சுப்பராஜ் இயக்கத்தில் நடிப்பதற்கு அவர் எடுத்த முடிவு சரியானதுதான். ஆனால், அது அவருடைய கதாபாத்திரத்திற்காக மட்டுமே தான் சிறப்பாக அமைந்திருக்கிறது. கதைக்காகவும், திரைக்கதைக்காகவும், அவ்வளவு சிறப்பாக அமையவில்லை என்பதுதான் உண்மை.

ஒரு கல்லூரியின் ஹாஸ்டல் வார்டன் ஆக வேலைக்குச் சேர்கிறார் ரஜினி. அவர் யார், எந்த ஊரைச் சேர்ந்தவர்கள் என்ற விவரம் இல்லாமல் அந்தத் தற்காலிக வேலைக்கே சிபாரிசு மூலம்தான் சேர்கிறார். அந்த ஹாஸ்டலில் தங்கியிருக்கும் சனன்த் என்ற மாணவரைக் கொலை செய்ய ஒரு ரவுடி கும்பல் வருகிறது. அந்தக் கும்பலிடமிருந்து அவரைக் காப்பாற்றுகிறார் ரஜினி.  அதன்பின்னர்தான் தான் யார் என்ற உண்மையைச் சொல்கிறார். சனன்த் அப்பா சசிகுமாரும், ரஜினிகாந்தும் நண்பர்கள். ஊரில் நடந்த தகராறில் சசிகுமார், தன் மனைவி, மகள் ஆகியோரைப் பறி கொடுக்கிறார். நண்பனின் மகனான சனன்த்துக்கு எந்த ஆபத்தும் வராமல் பாதுகாக்கிறார். சனன்த்தைக் கொல்ல வந்தவர்களை அவர் என்ன செய்தார் என்பதுதான் படத்தின் மீதிக் கதை.

இவ்வளவு ஜாலியான, கலகலப்பான ரஜினியை படத்தின் முதல் பாதியில் பார்ப்பதற்கு ரசிகர்களுக்கு நிச்சயம் ஆச்சரியம் இருக்கும். மாணவர்களை தன் வழிக்குக் கொண்டு வருவது, ஹாஸ்டலில் நடக்கும் சண்டை, சச்சரவுகளை முடிவுக்குக் கொண்டு வருவது என அவை சம்பந்தப்பட்ட காட்சிகளில் ரஜினியிசம் வழிந்தோடுகிறது. இடைவேளைக்குப் பின் முழுமையான ஆக்ஷனுக்குத் தாவுகிறார். படத்தின் ஆரம்பம் முதல் இறுதி வரை ரஜினி, ரஜினி, ரஜினி மயமாகவே உள்ளது.

பிளாஷ்பேக்கில் ரஜினியின் மனைவியாக த்ரிஷா. அவர்தானா அது என்று உற்று கவனிப்பதற்குள் அவர் கொல்லப்படுகிறார். ஒரு வரி வசனம் பேசியிருந்தால் அதிகம். அதன் பின், ஹாஸ்டல் வார்டனாக இருக்கும் போது ரஜினிகாந்த், சிம்ரனை சந்தித்துப் பேசுகிறார். கல்லூரியில் படிக்கும் மகள் இருக்கும் சிம்ரனுடன், ரஜினிக்குக் காதல் வருவது போலக் காட்டுவதெல்லாம் ஐயோடா ரகம்.

ரஜினியின் நண்பராக சசிகுமார். ‘தளபதி’ ரஜினி, மம்முட்டி போன்ற நட்பு. ஆனால், அந்த அளவிற்கு மனதில் பதியவில்லை.

கடந்த வருடம் வெளிவந்த ‘96’ படத்தின் மூலம் பெரும் பாராட்டைப் பெற்ற விஜய் சேதுபதி, த்ரிஷா இந்தப் படத்தில் முற்றிலுமாக வீணடிக்கப்பட்டிருக்கிறார்கள். விஜய் சேதுபதியின் நடிப்புக்குத் தீனி போடும் ஒரு காட்சி கூட படத்தில் இல்லை என்பது வருத்தப்பட வேண்டிய விஷயம். பாபி சிம்ஹாவும் ஒரு சிறு கதாபாத்திரத்தில் நடித்திருப்பது, கார்த்திக் சுப்பராஜுக்காகவா அல்லது ரஜினிக்காகவா ?.

வில்லனாக நவாசுதீன் சித்திக். மதுரை மண்ணுக்கே உரிய கதாபாத்ரத்திற்கு ஒரு ஹிந்தி நடிகரை நடிக்க வைத்திருக்கிறார்கள்.  அதில் அவர் சிறிதும் பொருத்தமாக இல்லை.

சனன்த், மேகா ஆகாஷ், மாளவிகா மோகனன், ஆடுகளம் நரேன், குரு சோமசுந்தரம் மற்ற கதாபாத்திரங்களில் ஒரு சில காட்சிகளில் வந்து அவர்களது இருப்பைக் காட்டிக் கொள்கிறார்கள்.

அனிருத் இசையில், ‘மரண மாஸ், எத்தனை சந்தோஷம்’ பாடல்கள் ஆட்டம் போட வைக்கும். அதிலும் ‘எத்தனை சந்தோஷம்’ பாடலில் ரஜினியின் துள்ளலான ஆட்டம் சூப்பர்.

ஒரு சாதாரண பழி வாங்கும் கதையை, ரஜினிகாந்த் என்ற மெஸ்மரிசத்தை வைத்து இடைவேளை வரை நகர்த்தியிருக்கிறார் இயக்குனர். ரஜினியின் ஒவ்வொரு அசைவும் அவருடைய ரசிகர்களால் ரசிக்கப்படும். ஆனால், இடைவேளைக்குப் பின், கதை எங்கெங்கோ நகர்கிறது. தேவையற்ற சில காட்சிகள் படத்தின் வேகத்தைக் குறைத்துவிட்டது.

துப்பாக்கியை எடுத்து யார் எத்தனை பேரை சுட்டார்கள் என்பதெல்லாம் கணக்கேயில்லை. யு டூ கார்த்திக் சுப்பராஜ்.

‘கபாலி, காலா’ ரஜினியைப் பார்த்து போரடித்த ரஜினி ரசிகர்களுக்கு ‘பேட்ட’ ஒரு பராக் பராக் படம்.

Movie Reviews

மிஸ்டர் லோக்கல் – விமர்சனம்

4 Tamil Cinema Rating – 3/5

Published

on

மிஸ்டர் லோக்கல் விமர்சனம் - 4 Tamil Cinema

ராஜேஷ் படம் என்றாலே கண்டிப்பாக நகைச்சுவையாக இருக்கும் என்பதை அவருடைய முதல் படத்திலேயே ஆரம்பித்துவிட்டார். ‘பாஸ் என்கிற பாஸ்கரன், ஓகே ஓகே’ ஆகிய படங்கள் அவருடைய வெற்றிப் படங்களின் வரிசையில் இடம் பிடித்தவை.

அந்தப் படங்களைப் போல இந்த ‘மிஸ்டர் லோக்கல்’ படமும் வரவேற்பைப் பெறும் என்று எதிர்பார்க்கப்பட்டது. இருப்பினும் அந்த அளவிற்கு இல்லை என்றாலும் அதில் பாதியளவிற்காவது இந்தப் படத்தை உருவாக்கியிருக்கிறார்கள் என்று சொல்லலாம்.

கதை என்பது புதிதாக இல்லை என்பதுதான் இந்த ‘மிஸ்டர் லோக்கல்’ படத்தின் சிக்கல். அதை தன் நடிப்பால் சரி செய்திருக்கிறார் சிவகார்த்திகேயன். இவருடன் ராதிகா, ஹரிஜா ஆகியோர் இணைந்து ஒரு நடுத்தரக் குடும்பத்தை நம் கண்முன் கொண்டு வந்து நிறுத்தியிருக்கிறார்கள்.

படத்தில் யோகி பாபு, சதீஷ், ரோபோ சங்கர் என மூவர் காமெடிக்காக. ஒரு சந்தானம் இல்லாத ராஜேஷ் படத்தில் மூன்று நகைச்சுவை நடிகர்கள் தேவைப்படுகிறது. இவர்களில் யோகி பாபு மட்டும் அதிகமாக கலகலக்க வைக்கிறார்.

கார் ஷோரூமில் வேலை செய்பவர் சிவகார்த்திகேயன். அவருக்கும் மீடியா கம்பெனி ஒன்றின் உரிமையாளரான நயன்தாராவுக்கும் மோதல் வருகிறது. அந்த மோதலை அப்படியே காதலாக்கக் பார்க்கிறார் சிவகார்த்திகேயன். ஆனால், சிவகார்த்திகேயனை எந்த அளவிற்கு அவமானப்படுத்த முடியுமோ அந்த அளவிற்கு அவமானப்படுத்துகிறார் நயன்தாரா. அதையும் மீறி தன் காதலில் உறுதியாக இருக்கிறார் சிவா. முடிவில் அவரது காதல் வெற்றி பெற்றதால் இல்லையா என்பதுதான் மிஸ்டர் லோக்கல்.

சிவகார்த்திகேயன், நயன்தாரா இருவருக்கும் படத்தில் எலியும் பூனையுமாக எதிரெதிர் இருக்கும் கதாபாத்திரங்கள்தான். ஒருவருக்கு மற்றொருவர் சளைத்தவரில்லை என இருவருமே போட்டி போட்டு நடித்திருக்கிறார்கள்.

ஹிப்ஹாப் தமிழா இசையமைப்பில் ‘டக்கு டக்கு’ பாடல் முணுமுணுக்க வைக்கிறது.

ஏற்கெனவே பார்த்து பழக்கமான கதைதான் என்றாலும் என்டர்டெயின்மென்டாகக் கொடுக்க முயற்சித்திருக்கிறார்கள்.

மிஸ்டர் லோக்கல் – ஓகே ஓகே.

Continue Reading

Movie Reviews

மான்ஸ்டர் – விமர்சனம்

Published

on

மான்ஸ்டர் விமர்சனம் - 4 Tamil Cinema

‘ஈ’யை வைத்து எடுக்கப்பட்ட படத்தைப் பார்த்து ரசித்தாகிவிட்டது. அப்புறம் எலியை வைத்து படமெடுத்தால் ரசிகர்கள் ரசிக்க மாட்டார்களா என்ன ?.

சொல்ல வந்த விஷயத்தை சுவாரசியமாகச் சொன்னால் ரசிகர்கள் நிச்சயம் ஏற்றுக் கொள்வார்கள். அப்படிப்பட்ட ஒரு படம்தான் இந்த ‘மான்ஸ்டர்’.

பலருடைய வீட்டில் எலித் தொல்லை என்பது கண்டிப்பாக இருக்கும். அப்படி ஒரு எலியால் எப்படிப்பட்ட சிரமங்களை நாயகன் அனுபவிக்கிறார் என்பதுதான் இந்தப் படத்தின் கதை.

இயக்குனர் நெல்சன் வெங்கடேசன் குழந்தைகளும் ரசிக்கும் விதத்தில் ஒரு சுவாரசியமான காமெடிப் படத்தைக் கொடுத்து ரசிக்க வைத்திருக்கிறார்.

எஸ்ஜே சூர்யா வாங்கிய வீட்டிற்குள் ஒரு எலி புகுந்து கொண்டு அட்டகாசம் செய்கிறது. அந்த எலியால் அவருடைய நிம்மதி எல்லாம் போகிறது. தான் திருமணம் செய்து கொள்ளப் போகும் பிரியா பவானி சங்கருக்காக வாங்கி வைத்த காஸ்ட்லி ஷோபாவைக் கூட கடித்துக் குதறி நாசம் செய்கிறது.

அதே சமயத்தில் அந்த வீட்டிற்குள் ஒரு ரஸ்க்குக்குள் வைரங்களை வைத்து மறைத்து வைத்த அனில்குமார், அந்த வைரங்களை எடுக்க திட்டமிடுகிறார். சூர்யா வீட்டிற்குள் இருக்கும் எலி வைரம் வைத்திருந்த ரஸ்க்கை சாப்பிட்டதைக் கண்டுபிடிக்கிறார். எலியை விரட்டும் பெஸ்ட் கன்ட்ரோலர் போல வீட்டுக்குள் அடிக்கடி வந்து வைரங்களைத் தேடுகிறார்.

எலி சிக்கியதா, வைரங்கள் கிடைத்ததால், எலித் தொல்லையிலிருந்து சூர்யா தப்பித்தாரா இல்லையா என்பதுதான்ன் படத்தின் மீதிக் கதை.

இதுவரை நாம் பார்த்த எஸ்ஜே சூர்யா வேறு, இந்தப் படத்தில் நாம் பார்க்கும் சூர்யா வேறு. திருமண வயதைக் கடந்தவராக, ஒரு எலியால் சிக்கிக் கொண்டு நிம்மதியை இழப்பவராக, தனக்கும் ஒரு அழகான பெண் கிடைத்துவிட்டாளே என்று மகிழ்ச்சியடைபவராக புதிய பரிமாணத்தில் ரசிக்க வைக்கிறார்.

பிரியா பவானி சங்கர், அழகான குடும்பத்துப் பெண்ணாக வந்து ஆர்பாட்டமில்லலாமல் அழகான புன்சிரிப்புடன் கவர்கிறார்.

சூர்யாவின் நண்பராக கருணாகரன், தனி காமெடியனாக கலக்குகிறார். அவருடைய ஒன்லைன் வசனங்கள் சிரிக்க வைக்கின்றன.

ஒரு வீட்டுக்குள்யேயே சூர்யா, எலி என திரும்பத் திரும்ப காட்சிகள் நகர்வது கொஞ்சம் போரடித்தாலும் நகைச்சுவை படம் முழுவதும் நிரம்பியிருப்பதால் ‘மான்ஸ்டர்’ ரசிக்க வைக்கிறது.

மான்ஸ்டர் – எலியின் மிரட்டல்

Continue Reading

Movie Reviews

நட்புனா என்னானு தெரியுமா – விமர்சனம்

4 Tamil Cinema Rating – 3/5

Published

on

நட்புனா என்னானு தெரியுமா விமர்சனம் - 4 Tamil Cinema

தமிழ் சினிமாவில் நட்பை மையமாக வைத்து நிறைய படங்கள் ஏற்கெனவே வெளிவந்துள்ளன. அவற்றில் சில படங்கள் காதலை மையமாக வைத்தும், சில படங்கள் நட்பை மையமாக வைத்தும் எடுக்கப்பட்டவையாக இருக்கும்.

இந்த ‘நட்புனான என்னானு தெரியுமா’ படம் இரண்டையும் மையமாக வைத்து எடுக்கப்பட்டுள்ள படம்.

அறிமுக இயக்குனர் சிவா அரவிந்த் இடைவேளை வரை கொஞ்சம் தடுமாறினாலும இடைவேளைக்குப் பிறகு கலகலப்பான படத்தைக் கொடுத்து ரசிகர்களைக் கவர்கிறார்.

கவின், ராஜு, அருண்ராஜா காமராஜ் மூவரும் சிறு வயதிலிருந்தே மிகவும் நெருங்கிய நண்பர்கள். பத்தாவதுக்கு மேல் தாண்டாதவர்கள். திருமணம் நடத்திக் கொடுக்கும் ‘வெட்டிங் பிளானர்’ பிசினஸை ஆரம்பிக்கிறார்கள். இடைவேளை வரை இதைச் சுற்றித்தான் கதை நகர்கிறது. பின்னர் ரம்யா நம்பீசன் கதைக்குள் வந்த பிறகுதான் அவர் ஒருவருக்காக மூன்று நண்பர்களும் சண்டையிட்டுக் கொள்கிறார்கள். அதிலிருந்துதான் படத்தின் கலகலப்பு ஆரம்பமாகிறது. கவினை ரம்யா காதலிக்க மற்ற இருவரும் கவினை விட்டுப் பிரிய நண்பர்கள் ஒன்று சேர்ந்தார்களா, கவின் ரம்யா காதல் ஒன்று சேர்ந்ததா என்பதுதான் படத்தின் மீதிக் கதை.

சரவணன் மீனாட்சி டிவி தொடரிலேயே தன் காமெடி நடிப்பால் ரசிகர்களைக் கவர்ந்தவர் கவி.ன். ஏறக்குறைய அது மாதிரியான கதாபாத்திரம் என்பதால் எந்த தடுமாற்றமும் இல்லாமல் நடித்து ரசிக்க வைக்கிறார்.

ரம்யா நம்பீசன் படத்தில் மிகவும் தாமதமாகத்தான் வருகிறார். பெரிய அளவில் நடிக்க வாய்ப்பில்லை என்றாலும் வரும் சில காட்சிகளில் ரசனையாகவே நடித்திருக்கிறார்.

புதுமுகம் ராஜு ஒரு பக்கம் காதல் தோல்வியிலும் சிரிக்க வைக்கிறார். மறுபக்கம் அருண்ராஜா காமராஜ் இரண்டு நண்பர்களுக்கு இடையில் சிக்கிக் கொண்டு சிரிக்க வைக்கிறார்.

தரன் இசையில் பாடல்கள் சுமார் ரகம்தான். இடைவேளை வரை தாக்குப் பிடித்து உட்கார்ந்தால் இடைவேளைக்குப் பின் ஒரு என்டர்டெயின்டான படத்தைப் பார்த்த திருப்தி கிடைக்கும்.

நட்புனா என்னானு தெரியுமா – ஏமாற்றமில்லை

Continue Reading
Advertisement

Tamil Movies Database

Trending

error: Content is protected !!