December 16, 2018

பொங்கல் – ரஜினிகாந்த், அஜித் நேரடி மோதல்

2019ம் ஆண்டு பொங்கலுக்கு அஜித் நடிக்கும் ‘விஸ்வாசம்’ படம் வெளிவரும் என ஏற்னெவே அறிவிக்கப்பட்டிருந்தது. இப்போது ரஜினிகாந்த் நடிக்கும் ‘பேட்ட’ படமும் வெளியாகும் என்று அதிகாரப்பூர்வமாக அறிவிக்கப்பட்டுள்ளது.

இதுவரை ரஜினிகாந்த், அஜித் நடித்த படங்கள் நேரடியாக மோதியதில்லை. இதுதான் முதல் முறை. இப்படி இரண்டு பெரிய நடிகர்களின் படங்கள் ஒரே நாளில் வெளிவருவதால் உலகம் முழுவதும் இப்படங்களுக்காக தியேட்டர்களைப் பெறுவதில் கடும் போட்டி நிலவும்.

2019ம் ஆண்டு ஜனவரி 14ம் தேதி திங்கள் கிழமை வருகிறது. இரண்டு படங்களுமே அன்றைய தினம் வெளிவருமா அல்லது அதற்கு முன்னதாகவே வெளிவருமா என்பது பின்னர்தான் தெரிய வரும்.

ஜனவரி 11ம் தேதி வெள்ளிக்கிழமை ஆக இருக்கிறது. அன்றைய தினம் படம் வெளிவந்தால் அடுத்த ஐந்து நாட்களுக்கும் வசூலை அள்ளலாம்.

இரண்டு படங்களும் ஒரே நாளில் வெளியாவது எப்படியும் தவிர்க்கப்படும். வினியோகஸ்தர்கள் அப்படி மோதுவதை விரும்ப மாட்டார்கள்.

சிங்கிள் தியேட்டர்களில் எந்தப் படத்தை முதல் நாள் முதல் காட்சி திரையிடுவது என்பதில் பெரும் குழப்பம் வரும்.

எப்படியும் ஏதாவது ஒரு படம் 11ம் தேதியும், மற்றொரு படம் 14ம் தேதியும் வெளிவரும் என்று எதிர்பார்க்கலாம்.

Related Posts