Connect with us

Television

சூப்பர் சிங்கர் ஜூனியர் சீசன் 6 இறுதிப் போட்டி

ஏப்ரல் 21 ஞாயிறு மதியம் 3.30 மணி முதல் நேரடி ஒளிபரப்பு

Published

on

சூப்பர் சிங்கர் ஜூனியர் சீசன் 6 இறுதிப் போட்டி

விஜய் டிவியின் மிகப் பிரபலமான நிகழ்ச்சிகளில் ஒன்று ‘சூப்பர் சிங்கர் ஜுனியர்’. இந்த நிகழ்ச்சியின் 6வது சீசனின் இறுதிப் போட்டி வரும் ஞாயிறு, ஏப்ரல் 21 அன்று சென்னை நேரு உள் விளையாட்டரங்கில் நடைபெற உள்ளது.

அந்த நிகழ்ச்சியை மதியம் 3.30 மணியிலிருந்து நேரடியாக ஒளிபரப்பு செய்ய உள்ளார்கள்

2006ஆம் ஆண்டில் தமிழகத்தின் குரல் தேடல் என தொடங்கிய இந்நிகழ்ச்சி, பத்தாண்டுகளை கடந்து தமிழ் சினிமா இசைத் துறைக்கு பல பாடகர்களைத் தந்துள்ளது.

6வது சீசனின் இறுதிப் போட்டியில், அஹானா, சின்மயி, அனுஷியா, சூர்யா, ஹ்ரித்திக் மற்றும் பூவையார் பட்டம் பெறுவதற்காக போட்டி போடுகிறார்கள்.

இந்த சீசனின் நடுவர்களாக பாடகர் ஷங்கர் மஹாதேவன், பாடகி சித்ரா, பாடகர் SPB சரண் மற்றும் பாடகி கல்பனா ஆகியோர் உள்ளனர்.

இறுதிப் போட்டியில் இந்த சீசனின் மத்த டாப் போட்டியாளர்கள், சூப்பர் சிங்கர் பிரபலங்கள், நடுவர்கள் என பலர் இசை விருந்தளிக்க உள்ளார்கள்.

போட்டியில் பட்டம் வெல்பவருக்கு வழக்கம் போல வீடு ஒன்று பரிசாக வழங்கப்பட உள்ளது.

Television

5வது விஜய் டிவி விருதுகள் விழா

Published

on

5வது விஜய் டிவி விருதுகள் விழா

தமிழ்த் தொலைக்காட்சிகளில் மிகவும் பிரபலமான நிகழ்வுகளில் ஒன்று ‘விஜய் டெலிவிஷன் அவார்ட்ஸ்’, புதுப்பொலிவுடன் 5வது விஜய் டெலிவிஷன் அவார்ட்ஸ் என ஏப்ரல் 6 சனிக்கிழமை அன்று EVP பிலிம் சிட்டியில், பிரம்மாண்டமாக நடைபெற்றது.

விஜய் தொலைக்காட்சி எப்பொழுதும் திறமைகளைக் கொண்டாடத் தவறியதேயில்லை. இந்த நிகழ்ச்சியின் மூலம் தன் சின்னத்திரைக் கலைஞர்களை பாராட்டி கௌரவம் வழங்கியுள்ளது.

இந்த நிகழ்ச்சியில் சிறந்த நடிகர், நடிகை, அபிமான குடும்பம், சிறந்த தொடர் என பல விருதுகள் வழங்கப்பட்டன.

திவ்யதர்ஷினி, மகாபா ஆனந்த் ஆகியோர் இந்த நிகழ்வைத் தொகுத்து வழங்கியுள்ளனர். நிகழ்ச்சியில் விஜய் டிவி தொடர்களின் நட்சத்திரங்கள் பங்கேற்ற பல கலை நிகழ்ச்சிகள் நடைபெற்றன.

பாண்டியன் ஸ்டோர்ஸ் தொடர் நட்சத்திரங்கள், ஒரு குடும்பத்தில் இருக்கும் அன்பு, பிரச்சனைகள், உணர்ச்சிகளை பற்றிய நிகழ்ச்சி, ‘நாம் இருவர் நமக்கு இருவர்’ தொடர் நட்சத்திரங்கள் ஒரு கிளாசிக் நிகழ்வு ஆகியவற்றை மேடையில் நடத்தினர். விஜய் டிவி சீரியல்களையே கிண்டலடித்து ஒரு நிகழ்வும் நடத்தப்பட்டது. தேசப்பற்று சார்ந்த ஒரு நிகழ்வும்ந டத்தப்பட்டது. இப்படி பல நிகழ்ச்சிகள் விருதுகள் வழங்கும் விழாவில் நடைபெற்றது.

யார், யார் என்ன விருது பெற்றார்கள், எந்தத் தொடர் அதிகமான விருதுகளைப் பெற்றது என்பதை விரைவில் விஜய் டிவியில் ஒளிபரப்பாக உள்ள இந்த நிகழ்ச்சியில் தெரிந்து கொள்ளலாம்.

Continue Reading

Television

விஜய் டிவியின் தென்னாப்பிரிக்கா ‘ஸ்டார் நைட்’

Published

on

விஜய் டிவி-யின் தென்னாப்பிரிக்கா ஸ்டார் நைட்

உலகமெங்கும் நமது தமிழ் நெஞ்சங்கள் பரவி உள்ளன. அப்படிப்பட்ட தமிழ் நெஞ்சங்களை மகிழ்விக்கும் வகையில் சமீபத்தில் டர்பனில் விஜய் டிவியின் விஜய் ஸ்டார் நைட் நடைபெற்றது.

தென் ஆப்பிரிக்காவில் உள்ள பிரபல நகரமான டர்பனில் டர்பன் ICC என்னும் இடத்தில் அந்த விழா நடைபெற்றது. அந்த மாபெரும் நட்சத்திர கொண்டாட்டம் இன்று, ஞாயிறு காலை 9 மணிக்கு விஜய் டிவியில் ஒளிபரப்பாகிறது.

சூப்பர் சிங்கர் நட்சத்திரங்கள் ரக்ஷிதா, மாளவிகா, ஷக்தி, ஸ்ரீகாந்த் மற்றும் அனிருத் ஆகியோரின் இசை விருந்து இந்நிகழ்ச்சியில் இடம் பெறுகிறது. அவர்களுடன் ஷங்கர் மஹாதேவனும் இசை விருந்தளிக்க உள்ளார். மக்கள் இசைக் கலைஞர்கள் செந்தில் மற்றும் ராஜலக்ஷ்மியும் இசை விருந்தளிக்க உள்ளனர்.

பிக் பாஸ் நட்சத்திரங்கள் மஹத் மற்றும் ஐஸ்வர்யா தத்தா ஆகியோர் நடனமாட உள்ளனர். டான்ஸ் மாஸ்டர் சாண்டி சிரிக்க மற்றும் ரசிக்க வைக்கும் நடனத்தை ஆடுகிறார்.

மகாபா ஆனந்த், இந்த நிகழ்ச்சியை நிகழ்ச்சியை தொகுத்து வழங்குகிறார்.

ஜோடி மற்றும் பாண்டியன் ஸ்டோர்ஸ் புகழ் குமரன் மற்றும் நெஞ்சமே மறப்பதில்லை புகழ் சரண்யா இணைத்து ஒரு கண்கவர் நடனத்தை ஆடுகிறார்கள். பாண்டியன் ஸ்டோர்ஸ் புகழ் நடிகை சித்ரா ஜோடி புகழ் லோகேஷுடன் ஒரு கண் கவர் நடனத்தை ஆடுகிறார்.

மௌனராகம் புகழ் ஷக்தி மற்றும் கலக்க போவது யாரு புகழ் அசார் ஒரு நிகழ்ச்சியை அளிக்கவுள்ளனர். இந்த முறை க்ரித்திகாவின் பாடல் மட்டுமின்றி ஆடலையும் பார்க்கலாம். அதே போல அசாரின் நகைச்சுவை மட்டுமின்றி நடனத்தையும் காணத் தயாராகுங்க

Continue Reading

Television

விஜய் டிவியில் ‘கடைக்குட்டி சிங்கம்’ புதிய தொடர்

Published

on

விஜய் டிவியில் கடைக்குட்டி சிங்கம் புதிய தொடர்

விஜய் டிவியில் இன்று மார்ச் 11 முதல் திங்கள் முதல் சனி வரை மாலை 5.30 மணிக்கு ‘கடைக்குட்டி சிங்கம்’ என்ற புதிய தொடர் ஒளிபரப்பாக உள்ளது.

இது ஒரு கிராமத்துக் கதை கொண்ட தொடர். முத்து, மருது, இருவரும் பாசக்கார அண்ணன் தம்பிகள். முத்துவுக்கு மீனாட்சி என்னும் அழகான கனிவான இதயம் கொண்ட பெண்ணை நிச்சயிக்க முடிவு செய்கின்றார்கள்.

ஆனால், முத்து, மீனாட்சியிடம் தனக்கு இந்த திருமணத்தில் விருப்பம் இல்லை என்றும் தன்னால் இதை குடும்பத்திடம் தெரிவிப்பது கடினம் என்றும் அதனால், அவரையும் இந்த திருமணத்தை வேண்டாம் என மறுக்கச் சொல்கிறார். மீனாட்சியும் அப்படியே செய்துவிடுகின்றார்.

இது பற்றி தெரியாத மருது, தன் அண்ணனை வேண்டாம் என்று சொன்ன மீனாட்சி மீது கோபம் கொண்டு அவருக்குத் தொல்லைகள் கொடுக்கிறார்.

இருந்தாலும், மீனாட்சியும் அதைக் பொறுத்து கொண்டு உண்மையை சொல்லாமல் இருக்கிறார். மருது அந்த உண்மை தெரியும்போது என்ன செய்வார் ?, மீனாட்சியின் நல்ல உள்ளம் பற்றி அவர் அறிந்து கொள்வாரா ?, அதன்பின் நடக்கப் போகும் பரபரப்பான சம்பவங்கள் என்ன என்பதுதான் ‘கடைக்குட்டி சிங்கம்’ தொடரின் கதை.

இத்தொடரில் மருது கதாபாத்திரத்தில் ‘பகல் நிலவு’ தொடரின் நடித்த அசீம் நடிக்க, மீனாட்சியாக ‘பகல் நிலவு’ தொடரில் நடித்த ஷிவானி நடிக்கிறார்.

இத் தொடரை ரவி பிரியன் இயக்குகிறார்.

Continue Reading
Advertisement

Tamil Movies Database

Trending

error: Content is protected !!