Connect with us

Trending

தமிழ் சினிமா 2017 – ஏமாற்றமடைந்த ஹீரோக்கள்

Published

on

tamil-cinema-2017-mahesh-babu-vivek-oberoi-nivin-pauly

தமிழ் சினிமா, 2017ம் ஆண்டு சில எதிர்பாராத அதிர்ச்சிகளையும் தந்தது. அப்படிப்பட்ட அதிர்ச்சி தமிழ் ஹீரோக்களுக்குக் கிடைத்ததை விட மற்ற மொழிகளிலிருந்து தமிழுக்கு வந்தவர்களுக்குத்தான் அதிகமாக இருந்தது.

‘விவேகம்’ படத்தின் மூலம் வில்லனாக தமிழில் அறிமுகமானார் விவேக் ஓபராய். ஹிந்தித் திரையுலகில் குறிப்பிடத்தக்க ஹீரோக்களில் ஒருவர். ‘விவேகம்’ படத்தில் அவரை வில்லத்தனம் செய்ய வைத்ததை விட அஜித் புராணம் பாட வைத்தார் இயக்குனர் சிவா. அதுவே விவேக் ஓபராயின் வில்லத்தனம் வீழ்ந்ததற்கும் காரணமாக அமைந்தது.

‘ஸ்பைடர்’ படம் மூலம் மிகுந்த எதிர்பார்ப்பில் தமிழில் நேரடியாக நாயகனாக அறிமுகமானார். அவர் நடித்து வெளிவந்த டப்பிங் படங்களே பரவாயில்லை என்ற அளவிற்குத்தான் ‘ஸ்பைடர்’ படத்தின் வெற்றி அமைந்தது. தெலுங்கில் சூப்பர் ஸ்டார் ஆக இருந்த ஒரு ஹீரோவை, தமிழில் அறிமுகப்படுத்தி அவருடைய இமேஜையே குலைத்ததில் இயக்குனர் ஏ.ஆர்.முருகதாஸுக்குப் பெரும் பங்குண்டு. இனி, தமிழ் சினிமா பக்கம் மகேஷ் பாபு தலை வைத்து படுப்பாரா என்பதும் சந்தேகம்தான்.

‘ரிச்சி’ படத்தின் மூலம் ஒரு முழுமையான கதாநாயகனாக அறிமுகமானார் நிவின் பாலி. மலையாளத்து ரசிகர்கள் கொண்டாடி வரும் நிவின், ‘பிரேமம்’ படம் மூலம் தமிழ்நாட்டிலும் கொண்டாடப்பட்டார். நிவின் பாலி இதற்கு முன் நடித்த ‘நேரம்’ படம் இரு மொழிப் படமாக படமானது. ஆனால், ‘ரிச்சி’ தமிழில் மட்டுமே எடுக்கப்பட்டது. இப்படி ஒரு படத்தில் நிவின் எப்படி நடித்தார் என்பதுதான் ஆச்சரியம்.

ஹிந்தி, தெலுங்கு, மலையாளம் என மூன்று மொழிகளில் குறிப்பிடத்தக்க ஹீரோக்களாக இருக்கும் விவேக் ஓபராய், மகேஷ் பாபு, நிவின் பாலி, ஆகியோருக்கு 2017ம் ஆண்டின் தமிழ் சினிமா  பெரும் ஏமாற்றத்தைத் தந்துவிட்டது.

மீண்டும் நல்ல படங்களின் மூலம் வாருங்கள், நாயகர்களே…வரவேற்கக் காத்திருக்கிறோம்….

Trending

யு டியூப் பாடல் வரிகள் வீடியோவில் ‘சொடக்கு’ நம்பர் 1

Published

on

tsk-sodakku

யு டியூப் வந்த பிறகு, அதில் பலரும் அவர்களது படங்களின் வீடியோக்களைச் சேர்த்து அவரவர் படங்களை விளம்பரப்படுத்திக் கொண்டிருக்கிறார்கள்.

யார் டீசர், டிரைலர், பாடல்கள் அதிகப் பார்வைகளைப் பெறும் என்பதிலும் போட்டி நிலவி வருகிறது.

டீசர், டிரைலரில் இருந்த அந்த போட்டி இப்போது பாடல்களுக்கும் தொற்றிக் கொண்டது. ஒரு படம் வெளிவருவதற்கு முன்பாக அந்தப் படத்தின் பாடல்களை லிரிக் வீடியோவாக, அதாவது பாடல் வரிகள் என்னவென்று தெரிந்து கொள்ளும் விதத்தில் புகைப்படங்கள் அடங்கிய வீடியோ வெளியிடுவது சமீபத்திய டிரென்ட்.

அதில் இதுவரை ‘மெர்சல்’ படத்தில் இடம் பெற்ற ‘ஆளப் போறான் தமிழன்’… பாடலின் லிரிக் வீடியோதான் அதிகப் பார்வைகளைப் பெற்று முதலிடத்தில் இருந்தது. அந்த சாதனையை தற்போது ‘தானா சேர்ந்த கூட்டம்’ படத்தில் இடம் பெற்ற ‘சொடக்கு மேல…’ பாடல் முறியடித்துள்ளது.

‘சொடக்கு…’ பாடல் இதுவரை 4,15,62,752 பார்வைகளையும், ‘ஆளப் போறான்…’ பாடல் இதுவரை 4,15,32,688 பார்வைகளையும் பெற்றுள்ளது. இருந்தாலும் லைக் விஷயத்தில் ஆளப் போறான் பாடலை சொடக்கு பாடலால் மிஞ்ச முடியவில்லை.

சொடக்கு லிரிக் வீடியோ

ஆளப் போறான் தமிழன் லிரிக் வீடியோ

Continue Reading

Trending

ஸ்டெர்லைட் போராட்டம், சுத்தமில்லாத நீரைக் குடித்த சரத்குமார்

Published

on

sarathkumar-sterlite

தூத்துக்குடியில் அமைந்துள்ள ஸ்டெர்லைட் ஆலைக்கு எதிரான போராட்டம் இன்று 48வது நாளை எட்டியுள்ளது. இந்த போராட்டத்திற்கு ஆதரவாக பலரும் களத்தில் குதித்து மக்களுக்கு ஆதரவு தெரிவித்து வருகின்றனர்.

சமத்துவ மக்கள் கட்சியின் தலைவரும், நடிகருமான சரத்குமார் இன்று நடைபெற்ற போராட்டத்தில் கலந்து கொண்டு மக்களுக்கு அவருடைய ஆதரவைத் தெரிவித்தார்.

மேலும் போராட்டக்களத்தில் குமரெட்டியாபுரம் மக்கள் பயன்படுத்தும் மாசு கலந்த நீரை அருந்தி அவருடைய ஆதங்கத்தை வெளிப்படுத்தினார்.

பல ஆண்டுகளாக நடைபெற்று வரும் ஸ்டெர்லைட் ஆலைக்கெதிரான போராட்டத்தில் குழந்தைகள், சிறுவர்கள், சிறுமியர்கள், பெண்கள் என மக்கள் குடும்பம், குடும்பமாய் ஈடுபட்டு வருகிறார்கள்.

அந்தப் பகுதியில் நிலம், நீர், காற்று ஆகியவை மாசுபட்டு வருவதாக மக்கள் போராடி வருவது குறிப்பிடத்தக்கது.

Continue Reading

Trending

இங்கிலாந்து நாட்டில் விருது வென்ற ‘மெர்சல்’

Published

on

mersal-records-and-awards

இங்கிலாந்து நாட்டில் நடைபெறும் தேசிய திரைப்பட அகாடமி வழங்கும் 2018ம் ஆண்டு விருதுக்கான போட்டியில் சிறந்த அயல்நாட்டுப் படத்துக்கான விருதை ‘மெர்சல்’ படம் வென்றுள்ளது.

சிறந்த வெளிநாட்டுப் படங்களுக்கான போட்டியில் ‘மெர்சல்’ படத்துடன் பிரான்ஸ், ரஷ்யா, ஜெர்மனி, ஸ்வீடன், சிலி, தென்னாப்பிரிக்கா, லெபனான ஆகிய நாடுகளின் படங்களும் போட்டியில் இருந்தன. அவற்றிலிருந்து ‘மெர்சல்’ படம் தேர்வாகியுள்ளது.

சிறந்த துணை நடிகர் விருதுக்காக விஜய்யும் போட்டியில் இருந்தார். ஆனால், அவர் விருதுக்கு தேர்வாகவில்லை.

போட்டியாளர்களில் சிறந்தவர்களைத் தேர்ந்தெடுப்பதற்கான ஆன்லைன் வாக்குப்பதிவு ஜனவரி 15 முதல் ஆரம்பமாகி 20ம் தேதி வரை நடைபெற்றது.

இந்த வருட ஆல்லைன் வாக்குப்பதிவில் 24 லட்சம் பேர் வாக்களித்துள்ளார்கள். மொத்தம் 18 பிரிவுகளுக்கான தேர்வு நடைபெற்றது.

4வது தேதிய திரைப்பட விருதுகளைப் பெற்றவர்களின் விவரம் நேற்றிரவு அறிவிக்கப்பட்டுள்ளது.

இங்கிலாந்து தேசிய திரைப்பட அகாடமி 1999ம் ஆண்டு அமைக்கப்பட்டது. திரையுலகத்தினருக்கான வளர்ச்சியில் அந்த அமைப்பு ஈடுபடுகிறது. பல திரைப்பட விழாக்கள், காட்சிகள், மாநாடுகள், பயிற்சி வகுப்புகள் ஆகியவற்றை இந்த அமைப்பு இங்கிலாந்து, பிரான்ஸ், ஜெர்மனி, அமெரிக்கா ஆகிய நாடுகளில் நடத்தி வருகிறது.

‘மெர்சல்’ படம் விருது பெற்றது தமிழ்த் திரையுலகத்திற்கும் பெருமையான ஒன்று.

தேனாண்டாள் ஸ்டுடியோஸ் தயாரிப்பில், அட்லீ இயக்கத்தில், ஏ.ஆர்.ரகுமான் இசையமைப்பில் விஜய், சமந்தா, காஜல் அகர்வால், நித்யா மேனன் மற்றும் பலர் நடித்த ‘மெர்சல்’ 2017 தீபாவளியை முன்னிட்டு வெளியானது.

Continue Reading
Advertisement

Tamil Movies Database

Trending