Connect with us

Tamil Cinema News

வேகமெடுக்கும் புதுப் படங்களின் தொலைக்காட்சி உரிமைகள்

Published

on

tv-satellite-rights

‘இந்தியத் தொலைக்காட்சி வரலாற்றில் முதல் முறையாக’ , ‘திரைக்கு வந்து சில மாதங்களே ஆன’, என்று டிவிக்களில் அறிவிக்கப்பட்டு ஒளிபரப்பப்படும் புத்தம் புதிய திரைப்படங்களைப் பார்க்கத்தான் நமது மக்களுக்கு ஆர்வம் அதிகம்.

தியேட்டர்களுக்குச் சென்று சுமார் 1000 ரூபாய் வரை செலவழித்து படம் பார்க்கும் அளவிற்கு இல்லாத நடுத்தர மக்கள் டிவிக்களில் ஒளிபரப்பப்படும் இப்படிப்பட்ட புதிய படங்களை  மாதம் 100 ரூபாய் செலவில் பார்த்து விடுகின்றனர்.

கடந்த சில வருடங்களாக புத்தம் புதிய படங்களை வாங்க டிவிக்களிடையே ஆர்வம் குறைந்தது. பல கோடி ரூபாய் கொடுத்து அந்தப் படங்களை வாங்கி, ஒளிபரப்பு செய்யப்படும் போது விளம்பர வருவாய் மூலம் படங்களுக்குக் கொடுத்த பணத்தைத் திரும்ப ஈட்ட முடியாமல் போய் வந்தது.

ஆனால், இப்போது டிஜிட்டல் யுகத்தில் மொபைல் ஆப்ஸ்கள் மூலம் தனியாகக் கட்டணம் வசூலித்து அந்தப் பணத்தையும் திரும்பப் பெறும் வழி வந்துவிட்டது.

விஜய் டிவி ‘ஹாட் ஸ்டார்’ என்ற ஆப்பை நீண்ட நாட்களாகவே பயன்படுத்தி வருகிறது. சன் டிவி ‘சன் நெக்ஸ்ட்’ என்ற ஆப்பை சமீபத்தில் அறிமுகப்படுத்தியது. அது மட்டுமல்லாமல் ‘அமேசான் பிரைம்’ என்ற நிறுவனம் ஏற்கெனவே களத்தில் குதித்து பல புதிய படங்களை வாங்கிக் குவித்துள்ளது.

இந்த புதிய வியாபாரத்தால் தற்போது அனைத்து டிவிக்களும் பல புத்தம் புதிய படங்களை பல கோடி கொடுத்து வாங்கிக் குவித்து வருகின்றன.

ஜீ டிவி ஏற்கெனவே ரஜினிகாந்த், எமி ஜாக்சன் நடிக்கும் ‘2.0’ படத்தின் டிவி உரிமைகளை 110 கோடி கொடுத்து வாங்கியிருந்தது. தற்போது விஜய் நடித்து வரும் ‘மெர்சல்’ படத்தை 30 கோடி ரூபாய் கொடுத்து வாங்கியுள்ளதாகத் தகவல் வெளியாகியுள்ளது.

சன் டிவி ‘அறம், குலேபகாவலி, சத்யா, மன்னவன் வந்தானடி, சிவகார்த்திகேயன் – பொன்ராம் படம்’ உள்ளிட்ட பல புதிய படங்களை வாங்கி வருகிறது.

விஜய் டிவி சிவகார்த்திகேயன், நயன்தாரா நடித்து வரும் ‘வேலைக்காரன்’ படத்தை வாங்கியுள்ளது.

இதனால், தற்போது முன்னணி டிவி நிறுவனங்களிடையே புதிய படங்களை வாங்குவதில் கடும் போட்டி ஏற்பட்டுள்ளது.

முன்பெல்லாம் தாங்கள் வாங்கும் படங்களை வெளியில் சொல்லாத டிவி நிறுவனங்கள், தற்போது பத்திரிகைச் செய்தி வெளியிடும் அளவிற்கு அவற்றைப் பற்றி வெளிப்படையாக அறிவிக்கின்றன.

நீண்ட நாட்களாக இப்படி ஒரு போட்டி இல்லாமல் இருந்ததால் சோர்ந்து போயிருந்த திரையுலகினர் இப்போது சந்தோஷத்தில் இருக்கிறார்களாம்.

அப்படியே, சிறிய படங்களையும் அவர்கள் வாங்கினால் நன்றாக இருக்கும் என பட்ஜெட் தயாரிப்பாளர்கள் கருதுகிறார்கள்.

Tamil Cinema News

1000 கோடி வசூலித்த அஜித்தின் 6 படங்கள்

Published

on

1000 கோடி வசூலித்த அஜித்-தின் 6 படங்கள்

தமிழ்த் திரையுலகத்தில் ‘ஓபனிங் ஸ்டார்’ என்ற பெருமையை தக்க வைத்துக் கொண்டிருப்பவர் நடிகர் அஜித்.

அவர் நடித்து வெளிவரும் படங்கள் நன்றாக இருக்கிறதோ இல்லையோ முதல் சில நாட்கள் நல்ல வசூலைக் கொடுக்கும். அதன் பின்னர்தான் படம் எப்படி இருக்கிறது என்பதைப் பொறுத்து வசூல் ஏறும், இறங்கும்.

1993ம் ஆண்டு வெளிவந்த ‘அமராவதி’ படத்தின் மூலம் தமிழில் கதாநாயகனாக அறிமுகமானவர் அஜித்.

அந்தப் படம் பெரிய வெற்றியைப் பெறவில்லை என்றாலும், அதற்கடுத்து 1995ல் வெளிவந்த, ‘ஆசை’ படம்தான் அஜித்தின் முதல் வெற்றிப் படமாக அமைந்தது.

1996ல் வெளிவந்த ‘காதல் கோட்டை’, 1998ல் வெளிவந்த ‘காதல் மன்னன்’, 1999ல் வெளிவந்த ‘வாலி’ ஆகியவை 90களில் அஜித்தின் மிகப் பெரிய வெற்றிப் படங்கள்.

அதன் பின் ஏஆர் முருகதாஸ் இயக்கிய முதல் படமான 2001ல் வெளிவந்த ‘தீனா’ படத்தில்தான் அஜித்தை ‘தல’ என அழைக்க ஆரம்பித்தனர். அந்தப் படத்திற்குப் பின் அஜித் நடித்து வெளிவந்த படங்கள் நல்ல ஓபனிங்கைத் தர ஆரம்பித்து கமர்ஷியல் ஹீரோவாக அவர் உயர்ந்தார்.

தொடர்ந்து சில படங்கள் தோல்வி அடைந்தாலும் கூட அவருடைய அந்த ஓபனிங் ஸ்டார் இமேஜ் அப்படியே இருக்கிறது.

2007ல் வெளிவந்த ‘பில்லா’ படத்திற்குப் பிறகு அஜித் தமிழ் சினிமா உலகில் பெரும் வளர்ச்சி பெற்றார்.

கடந்த ஆறு வருடங்களில் அவர் நடித்து வெளிவந்த படங்கள் சுமார் 1000 கோடியை வசூலித்துள்ளதாக அவருடைய ரசிகர்கள் இன்று டிவிட்டரில் டிரென்டிங்கை ஏற்படுத்தி வருகிறார்கள்.

அதன்படி,

ஆரம்பம் – 135 கோடி
வீரம் – 118
என்னை அறிந்தால் – 125
வேதாளம் – 152
விவேகம் – 206
விஸ்வாசம் – 253 கோடி. வசூலித்துள்ளதாக அவருடைய ரசிகர்கள் பகிர்ந்து வருகிறார்கள்.

‘விஸ்வாசம்’ படம் ரஜினிகாந்த் நடித்து வெளிவந்த ‘பேட்ட’ படத்தை விட அதிகமாக வசூலித்துள்ளது.

அஜித் தற்போது ‘நேர் கொண்ட பார்வை’ படத்தில் நடித்து முடித்துள்ளார். இந்தப் படம் ஆகஸ்ட் மாதம் வெளியாக உள்ளது.

Continue Reading

Tamil Cinema News

சரவணன் இயக்கத்தில் த்ரிஷா நடிக்கும் ‘ராங்கி’

Published

on

சரவணன் இயக்கத்தில் த்ரிஷா நடிக்கும் ராங்கி

சரவணன் யார் என்பதை தமிழ் ரசிகர்கள் மறந்திருக்க வாய்ப்புண்டு.

சர்வானந்த், ஜெய், அஞ்சலி, அனன்யா மற்றும் பலர் நடிக்க 2011ல் வெளிவந்து அனைவரையும் நெகிழ வைத்த காதல் படமான ‘எங்கேயும் எப்போதும்’ படத்தை இயக்கியவர்தான் சரவணன்.

அதன் பின் ‘இவன் வேற மாதிரி, வலியவன்’ ஆகிய படங்களையும், கன்னடத்தில் ‘இவன் வேற மாதிரி’ படத்தை ‘சக்ரவியூகா’ என்ற பெயரில் இயக்கினார்.

விபத்து ஒன்றில் சிக்கியதால் ஓய்வில் இருந்த சரவணன், நான்கு வருட இடைவெளிக்குப் பிறகு தமிழில் இப்போது ‘ராங்கி’ படத்தை இயக்குகிறார். இந்தப் படத்தின் பூஜை நேற்று நடைபெற்றது.

லைகா புரொடக்ஷன்ஸ் தயாரிக்கும் இந்தப் படத்திற்கு ஏஆர் முருகதாஸ் கதை எழுதி உள்ளார்.

த்ரிஷா முதன்மைக் கதாபாத்திரத்தில் நடிக்கும் இப்படத்தின் மற்ற நடிகர், நடிகையர் தேர்வு நடந்து வருகிறது.

Continue Reading

Tamil Cinema News

காஞ்சனா 3 – முதல் நாள் வசூலில் சாதனை

Published

on

காஞ்சனா 3 - முதல் நாள் வசூலில் சாதனை

சன் பிக்சர்ஸ் தயாரிப்பில், ராகவா லாரன்ஸ் இயக்கத்தில், தமன் பின்னணி இசையில், ராகவா லாரன்ஸ், வேதிகா, ஓவியா, நிக்கி டம்போலி மற்றும் பலர் நடித்து நேற்று வெளியான படம் ‘காஞ்சனா 3’.

இந்தப் படம் தமிழ்நாட்டில் முதல் நாள் வசூலாக சுமார் 10 கோடி வசூலித்திருப்பதாகத் தகவல் வெளியாகி உள்ளது. தெலுங்கில் சுமார் 4 கோடியும், மற்ற இடங்களில் சுமார் 5 கோடியும் வசூலித்திருக்கலாம் என திரையுலக வட்டாரங்கள் தெரிவிக்கின்றன.

முதல் நாளில் மட்டும் மொத்தமாக 20 கோடி வரை இந்தப் படம் வசூலித்திருக்க வாய்ப்புள்ளதாகச் சொல்கிறார்கள்.

இந்த ஆண்டில் வெளிவந்த படங்களில் ‘பேட்ட, விஸ்வாசம்’ ஆகிய படங்கள் மட்டுமே முதல் நாள் வசூலாக தமிழ்நாட்டில் 10 கோடிக்கும் அதிகமாக வசூலித்தது. தற்போது அந்த வரிசையில் ‘காஞ்சனா 3’ படமும் சேர்ந்துள்ளது.

‘காஞ்சனா’ வசூலை ‘காஞ்சனா 2’ முறியடித்தது, அது போல ‘காஞ்சனா 2’ வசூலை ‘காஞ்சனா 3’ நிச்சயம் முறியடிக்கும் என பாக்ஸ் ஆபீஸ் வட்டாரங்களில் தெரிவிக்கிறார்கள்.

படத்தைப் பற்றி நெகட்டிவ்வான விமர்சனங்கள் சில வந்தாலும், தியேட்டர்காரர்கள் அந்த விமர்சனங்கள் மொத்தமாக 50 பேர் எழுதுவதுதான். ஆனால், தியேட்டருக்கு வரும் ஆயிரக்கணக்கான மக்கள் படத்தை ரசிக்கிறார்கள், அவர்களது விமர்சனம்தான் முக்கியமானது என்கிறார்கள்.

Continue Reading
Advertisement

Tamil Movies Database

Trending

error: Content is protected !!