Connect with us

Upcoming Movies

வாய்க்கா தகராறு – விரைவில்…திரையில்…

Published

on

vaika thagararu

ராயல் சினி எண்டர்டைன்மெண்ட்  பட நிறுவனம் சார்பில் பி.முருகவேல் தயாரிக்கும் படம் ‘வாய்க்கா தகராறு’.

இந்த படத்தில் மயில்சாமி மகன், யுவன் மயில்சாமி கதாநாயகனாக நடிக்கிறார். இன்னொரு நாயகனாக விஜய்ராஜ் நடிக்கிறார். நாயகிகளாக வர்ஷிகா நாயகா, நைனா ஆகியோர் நடிக்கிறார்கள். மற்றும் பவர்ஸ்டார், சிங்கம்புலி, மனோபாலா, போண்டாமணி, கராத்தே ராஜா, சுரேகா, ரேவதி ஆகியோரும் நடிக்கிறார்கள்.

இப்படத்தை சுரேஷ் கே வெங்கிடி இயக்குகிறார். இவர் மலையாளத்தில் இயக்குனர் கே.மது, சுதிசங்கர் போன்ற இயக்குனர்களிடமும், பேட்டன் போஸ் என்கிற கதாசிரியரிடமும் உதவியாளராக இருந்தவர். இவர் இயக்கும் முதல் படம் இது.

படம் பற்றி இயக்குனர் சுரேஷ் கே வெங்கிடி கூறியதாவது,

“என்று தணியும்’ என்ற படத்தில் நடித்திருந்த யுவன் மயில்சாமியையும், “யோக்கியன் வரான் சொம்ப எடுத்து உள்ள வை” என்ற படத்தில் நடித்த விஜய் ராஜ் ஆகிய இருவரையும் வைத்து, முதல் படம் இயக்கியுள்ளேன். இது ஒரு செண்டிமெண்ட்டான கதை, இதை கமர்ஷியலாகவும் உருவாக்கி உள்ளோம்.

ஒரு ஆண்… சூழ்நிலை காரணமாக அவனுக்கு இரண்டு மனைவிகள். இரண்டு மனைவிகளுக்கும் ஒவ்வொரு ஆண் மகன்.

சண்டையிட்டுக் கொள்ள வேண்டிய பெண்கள் ஒற்றுமையாக வாழ, சகோதரர்கள் இருவரும் மோதிக் கொள்ள, இவர்களுக்குள் சமாதானம் ஏற்பட்டதா? இல்லையா என்பது தான் கதை.

படத்தின் படப்பிடிப்பு ஆந்திரா, ஊத்துக்கோட்டை, சென்னை மற்றும் திருப்போரூர் ஆகிய இடங்களில் நடைபெற்றுள்ளது. கிராமப்புற வாழ்வியலை அப்படியே பதிவு செய்துள்ளோம். தேவா இசையில், விரைவில் இசை வெளியீட்டு விழா நடைப்பெற உள்ளது,” என்றார் இயக்குனர்.

இசை – தேவா
பாடல்கள் – கவிமணி , P. முகவேல். சாரதா கோனேஸ்வரன். சுரேஷ் கே.வெங்கிடி
கலை – ஜான் கென்னடி
ஒளிப்பதிவு – முத்துராஜ்
நடனம் – அசோக்ராஜா
சண்டை பயிற்சி – நாக் அவுட் நந்தா, கஜினி குபேரன்
எடிட்டிங் – காளிதாஸ்
தயாரிப்பு நிர்வாகம் – ஆறுமுகம்.
கதை வசனம் தயாரிப்பு – P.முருகவேல்
திரைக்கதை, இயக்கம் – சுரேஷ் கே வெங்கிடி.

Upcoming Movies

சத்ரு – விரைவில்…திரையில்…

Published

on

chathru

ஆர்.டி.இன்பினிட்டி டீல் எண்டர்டைன்மென்ட் பட நிறுவனம் சார்பில் ரகுகுமார் என்கிற திரு, ராஜரத்தினம், ஸ்ரீதரன் ஆகியோர் இணைந்து தயாரிக்கும் படம் ‘சத்ரு’.

இந்த படத்தின் கதாநாயகனாக கதிர் நடிக்கிறார். கதாநாயகியாக சிருஷ்டி டாங்கே நடிக்கிறார். மற்றும் பொன்வண்ணன், நீலிமா, மாரிமுத்து, ரிஷி, சுஜா வாருணி, பவன், அர்ஜுன் ராம், ரகுநாத், கீயன், சாது, குருமூர்த்தி, பாலா மற்றும் பலர் நடிக்கிறார்கள்.

ராட்டினம் படத்தில் நடித்த லகுபரன் இந்த படத்தின் வில்லனாக நடிக்கிறார்.

படம் பற்றி இயக்குனர் நவீன் நஞ்சுண்டான் கூறியதாவது,

இது ஒரு ஆக்‌ஷன் திரில்லர் படம் இது. 24 மணி நேரத்தில் நடக்கும் சம்பவங்கள் தான் இந்தப் படம். விறு விறுப்பான திரைக்கதை கொண்ட, ஆக்‌ஷன் ரொமான்ஸ் கலந்த படம்.

இந்த படத்தைப் பார்த்த மைல்ஸ்டோன் மூவிஸ் G.டில்லிபாபு சார் படத்தை ரிலீஸ் செய்கிறார். தரமான வெற்றிப் படங்களான மரகத நாணயம், ராட்சசன் என பார்த்து பார்த்து தயாரிக்கும் டில்லிபாபு ‘சத்ரு’ படத்தை வெளியிடுகிறார் என்றால் அதை எங்களுக்குக் கிடைத்த வெற்றியாகவே கருதுகிறோம்.

குற்றவாளிகளாக. யார் கண்ணுக்கும் தெரியாமல் வாழும் வில்லன்கள் ஐந்து பேரையும் துணிச்சல் மிக்க ஒரு போலிஸ் அதிகாரி எப்படி மடக்கி பிடித்து சட்டத்தின் முன் நிறுத்துகிறார் என்பது தான் ‘சத்ரு’. படம் மார்ச் 1ம் தேதி திரைக்கு வர உள்ளது,” என்கிறார் இயக்குனர்.

ஒளிப்பதிவு – மகேஷ் முத்துசாமி
இசை – அம்ரிஷ்
பாடல்கள் – கபிலன், மதன்கார்க்கி, சொற்கோ
எடிட்டிங் – பிரசன்னா.ஜி.கே
கலை – ராஜா மோகன்
ஸ்டன்ட் – விக்கி
கதை, திரைக்கதை, வசனம், இயக்கம் – நவீன் நஞ்சுண்டான்

Continue Reading

Upcoming Movies

நாடோடிகள் 2 – விரைவில்…திரையில்…

Published

on

nadodigal 2

2009 ம் ஆண்டு சமுத்திரக்கனி இயக்கத்தில் சசிகுமார், அனன்யா நடிப்பில் வெளிவந்த ‘நாடோடிகள்’ படம் மாபெரும் வெற்றி பெற்று, வசூலிலும் சாதனை படைத்தது .

அந்த வெற்றியின் தொடர்ச்சியாக மெட்ராஸ் எண்டர்பிரைசஸ் எஸ். நந்தகோபால் தயாரிப்பில், சமுத்திரகனி இயக்கத்தில் ‘நாடோடிகள் 2’ படம் உருவாகி முடிந்துள்ளது.

இந்தப் படத்தில் சசிகுமார் – அஞ்சலி காதாநாயகன், கதாநாயகியாக நடித்துள்ளார்கள். மற்றும் அதுல்யா, பரணி, எம்.எஸ்.பாஸ்கர், நமோ நாராயணன், ஞானசம்பந்தம், துளசி, ஸ்ரீரஞ்சனி, சூப்பர் சுப்புராயன், ராம்தாஸ், கோவிந்த மூர்த்தி ஆகியோரும் நடித்துள்ளார்கள். முக்கிய வேடத்தில் படத்தின் இயக்குனர் சமுத்திரகனி நடிக்கிறார்.

முதல் பாகத்தின் தொடர்ச்சியாக இரண்டாம் பாகத்தின் கதை இருக்காது. இந்தக் கால இளைஞர்கள் எப்படி சாதி மறுப்புக் கொள்கையில் இருக்கிறார்கள் என்பதுதான் இந்தப் படத்தின் கதை.

விரைவில் இசை வெளியீட்டு விழா நடைபெற உள்ளது. தொடர்ந்து படமும் விரைவில் வெளிவர இருக்கிறது.

இசை – ஜஸ்டின் பிரபாகரன்
ஒளிப்பதிவு – ஏகாம்பரம்
கலை – ஜாக்கி
எடிட்டிங் – ரமேஷ்
பாடலாசிரியர் – யுகபாரதி
சண்டை பயிற்சி – திலீப் சுப்புராயன்
நடனம் – திணேஷ், ஜான்
மக்கள் தொடர்பு – மௌனம் ரவி
தயாரிப்பு மேற்பார்வை – சிவசந்திரன்
தயாரிப்பு – எஸ்.நந்தகோபால்
எழுத்து, இயக்கம் – சமுத்திரக்கனி

Continue Reading

Upcoming Movies

காதல் முன்னேற்றக் கழகம் – விரைவில்…திரையில்…

Published

on

kadhal munnetra kazhagam

ப்ளு ஹில்ஸ் புரொடக்ஷன் மலர்க்கொடி முருகன், தயாரிக்கும் படம் ‘காதல் முன்னேற்ற கழகம்.’

இந்தப் படத்தில் இயக்குநரும், நடிகருமான பாண்டியராஜனின் மகன் ப்ரித்விராஜன் கதாநாயகனாக நடிக்க, நாயகியாக சாந்தினி நடித்துள்ளார். மற்றும் சிங்கம் புலி, கஞ்சா கருப்பு, கிஷோர்குமார், ‘நாதஸ்வரம்’ முனிஸ்ராஜா, அமீர், ஹலோ கந்தசாமி ஆகியோரும் நடித்துள்ளனர். முக்கிய கதாபாத்திரத்தில் நடிகர் சிவசேனாதிபதி நடித்திருக்கிறார்.

படம் பற்றி இயக்குநர் மாணிக் சத்யா கூறியதாவது,

“இந்தப் படம் 1985 கால கட்டங்களில் நடக்கின்ற கதை. கதாநாயகன் நடிகர் கார்த்திக்கின் தீவிர ரசிகர். அவரைப் போலவே முடியை வளர்த்துக் கொண்டு ரசிகர் மன்றம் அது, இது என்று வேலைக்கு போகாமல் அலைந்து கொண்டிருப்பவர். சாந்தினி டீச்சராக இருப்பவர்.

துரோகத்தில் மிக கொடூரமான துரோகமாக கருதப்படுவது நம்பிக்கை துரோகம் தான். அதிலும் நட்புக்குள் நடக்கும் நம்பிக்கை துரோகம் மிக மிகக் கொடூரமானது. அதைத்தான் இந்தப் படத்தில் சொல்லி இருக்கிறோம். யதார்த்தமான கதையாக படம் வந்திருக்கிறது. கிராமப்புற வாழ்வியலை பதிவிட்டிருக்கிறோம். படத்தை பார்த்த பாண்டியராஜன் சார் பாராட்டியதுடன் 15 நிமிட கிளைமாக்ஸ் காட்சிகள் நெருப்பு மாதிரி இருக்கிறது என்றார்.

சிவசேனாதிபதி படத்தின் கதைக்கு முதுகெலும்பாய் ட்விஸ்ட் கேரக்டராக ஜொலிக்கிறார். நட்பை வலுவாக சொல்லி இருக்கிறோம்.

படப்பிடிப்பு சென்னை, ஊட்டி, கடலூர் மாவட்டம், திட்டக்குடி, விருத்தாசலம், பெரம்பலூர் போன்ற இடங்களில் நடைபெற்றுள்ளது. படம் விரைவில் திரைக்கு வர உள்ளது,” என்றார் இயக்குனர் மாணிக் சத்யா.

ஒளிப்பதிவு – ஹாரிஸ் கிருஷ்ணன்
இசை – பி.சி.சிவன்
பாடல்கள் – யுகபாரதி, மோகன்ராஜ், உமாசுப்ரமணியம், மாணிக்சத்யா
எடிட்டிங் – சுரேஷ் அர்ஸ்
நடனம் – அசோக்ராஜா
சண்டை பயிற்சி – அம்ரீன் பக்கர்
கலை – பிரகதீஸ்வரன்
மக்கள் தொடர்பு – மௌனம் ரவி
தயாரிப்பு நிர்வாகம் – முத்தையா,விஜயகுமார்
தயாரிப்பு – மலர்க்கொடி முருகன்
கதை, திரைக்கதை, வசனம், இயக்கம் – மாணிக் சத்யா

Continue Reading
Advertisement

Tamil Movies Database

No feed items found.

Trending