Connect with us

Tamil Cinema News

வாக்களிப்பது மட்டுமே என் அரசியல் – அஜித் அறிக்கை

Published

on

viswasam

தமிழ்நாட்டு அரசியலில் கடந்த சில நாட்களாக அஜித் ரசிகர்கள் சிலர் பாஜக-வில் இணைந்ததாக செய்திகள் வந்து கொண்டிருக்கின்றன.

அவற்றிற்கு பதிலளிக்கும் விதமாக அஜித் அறிக்கை ஒன்றை வெளியிட்டுள்ளார்.

வாக்களிப்பது மட்டுமே எனது உச்சகட்ட அரசியல் தொடர்பு என்று தெரிவித்திருக்கிறார்.

மேலும், சமூக வலைத்தளங்களில் மற்ற நடிகர்களைப் பற்றி வசைபாடுவதை தான் என்றுமே ஆதரித்ததில்லை என்றும் தெரிவித்திருக்கிறார்.

”நான்‌ தனிப்பட்ட முறையிலோ அல்லது நான்‌ சார்ந்த திரைப்படங்களில்‌ கூட அரசியல்‌ சாயம்‌ வந்து விடக்‌கூடாது என்பதில்‌ மிகவும்‌ தீர்மானமாக உள்ளவன்‌ என்பது அனைவரும்‌ அறித்ததே. என்னுடைய தொழில்‌ சினிமாவில்‌ நடிப்பது மட்டுமே என்பதை நான்‌ தெளிவாக புரிந்து வைத்து இருப்பதே இதற்குக் காரணம்‌.

சில வருடங்களுக்கு முன்னர்‌ என்‌ ரசிகர்‌ இயக்கங்களை நான்‌ கலைத்ததும்‌ இந்த பின்னணியில்‌ தான்‌, என்‌ மீதோ, என்‌ ரசிகர்கள்‌ மீதோ , என்‌ ரசிகர்‌ இயக்கங்களின்‌ மீதோ எந்த விதமான அரசியல்‌ சாயம்‌ வந்து விடக்கூடாது என்று நான்‌ சிந்தித்ததின்‌ சீரிய முடிவு அது.

என்னுடைய இந்த முடிவுக்குப் பிறகு கூட சில அரசியல்‌ திகழ்வுகளுடன்‌ என்‌ பெயரையோ, என்‌ ரசிகர்கள்‌ பெயரையோ சம்பந்தபடுத்தி ஒரு சில செய்திகள்‌ வந்து கொண்டு இருக்கின்றன. தேர்தல்‌ வரும்‌ இந்த நேரத்தில்‌ இத்தகைய செய்திகள்‌ எனக்கு அரசியல்‌ ஆசை வந்து விட்டதோ என்ற ஐயப்பாட்டை பொது மக்களிடையே விதைக்கும்‌.

இந்த தருணத்தில்‌ நான்‌ அனைவருக்கும்‌ தெரிவிக்க விழைவது என்னவென்றால்‌ எனக்கு நேரடியாகவோ அல்லது மறைமுகமாகவோ அரசியல்‌ ஈடுபாட்டில்‌ எந்த ஆர்வமும்‌ இல்லை. ஒரு சராசரி பொது ஜனமாக வரிசையில்‌ நின்று வாக்களிப்பது மட்டுமே எனது உச்ச‌கட்ட அரசியல்‌ தொடர்பு. நான்‌ என்‌ ரசிகர்களை குறிப்பிட்ட ஒரு கட்சிக்கு ஆதரவு அளியுங்கள்‌ என்றோ வாக்களியுங்கள்‌ என்றோ எப்பொழுதும்‌ நிர்பந்தித்தது இல்லை, நிர்பந்திக்கவும்‌ மாட்டேன்‌.

நான்‌ சினிமாவில்‌ தொழில்‌ முறையாக வந்தவன்‌. நான்‌ அரசியல் ‌செய்யவோ, மற்றவர்களுடன்‌ மோதவோ இங்கு வரவில்லை. என்‌ ரசிகர்களுக்கும்‌ அதையேதான்‌ நான்‌ வலியுறுத்திகிறேன்‌. அரசியல்‌ சார்ந்த எந்த ஒரு வெளிப்பாட்டை நான்‌ தெரிவிப்பதில்லை. என்‌ ரசிகர்களும்‌ அவ்வாறே இருக்க வேண்டும்‌ என விரும்புகிறேன்‌. சமூக வலைதளங்களில்‌ தரமற்ற முறையில்‌ மற்ற நடிகர்களை, விமர்சகர்களை வசை பாடுவதை நான்‌ என்றுமே ஆதரிப்பதில்லை. நம்மை உற்றுப் பார்க்கும்‌ இந்த உலகம்‌ இத்தகைய செயல்களை மன்னிப்பதில்லை.

அரசியலில்‌ எனக்கும்‌ தனிப்பட்ட விருப்பு, வெறுப்பு உண்டு. அதை தான்‌ யார்‌ மீதும்‌ திணிப்பது இல்லை. மற்றவர்கள்‌ கருத்தை என்‌ மேல்‌ திணிக்க விட்டதும்‌ இல்லை. என்‌ ரசிகர்களிடம்‌ இதையேதான்‌ நான்‌ எதிர்பார்க்கிறேன்‌. உங்கள்‌ அரசியல்‌ கருத்து உங்களுடையதாகவே இருக்கட்டும்‌. என்‌ பெயரோ, என்‌ புகைப்படமோ எத்த ஒரு அரசியல்‌ திகழ்விலும்‌ இடம்‌ பெறுவதை நான்‌ சற்றும்‌ விரும்புவதில்லை.

எனது ரசிகர்களிடம்‌ எனது வேண்டுகோன்‌ என்னவென்றால்‌ நான்‌ உங்களிடம்‌ எதிர்பார்ப்பது எல்லாம்‌, மாணவர்கள்‌ தங்களது கல்வியில்‌ கவனம்‌ செலுத்துவதும்‌, தொழில்‌ மற்றும்‌ பணியில்‌ உள்ளோர்‌ தங்களது கடமையைச் செவ்வனே செய்வதும்‌, சட்டம்‌ ஒழுங்கை மதித்து நடந்து‌ கொள்வதும்‌, ஆரோக்கியத்தின்‌ மீது கவனம்‌ வைப்பதும்‌,வேற்றுமை கலைந்து ஒற்றுமையுடன்‌ இருப்பது, மற்றவர்களுக்கு பரஸ்பர மரியாதைசெலுத்துவதும்‌, ஆகியவை தான்‌. அதுவே நீங்கள்‌ எனக்கு செய்யும்‌ அன்பு. வாழு வாழ விடு” என அறிக்கையில் அஜித் தெரிவித்துள்ளார்.

Tamil Cinema News

A 1 சர்ச்சை, பப்ளிசிட்டிக்காக செய்கிறார்கள்- சந்தானம்

Published

on

By

A 1 சர்ச்சை, பப்ளிசிட்டிக்காக செய்கிறார்கள் - சந்தானம்

சர்க்கிள் பாக்ஸ் எண்டெர்டெயின்மெண்ட் தயாரிப்பில், ஜான்சன் இயக்கத்தில், சந்தோஷ் நாராயணன் இசையமைப்பில், சந்தானம், தாரா அலிசா பெரி மற்றும் பலர் நடிக்கும் படம் A 1.

இப்படத்தின் இரண்டாவது டீசர் கடந்த வாரம் வெளியிடப்பட்டது.

அந்த டீசரில் ‘ஆப் பாயில் சாப்பிட்டு, தன் காதலை நிரூபிக்கும் அக்ரஹாரத்து மாமி’ என்ற வசனம் இடம் பெற்றிருந்தது. அதற்கு கடும் எதிர்ப்பு கிளம்பி சர்ச்சையானது.

இந்நிலையில் ‘A 1’ படத்தின் பத்திரிகையாளர் சந்திப்பு இன்று சென்னையில் நடைபெற்றது. அப்போது சந்தானத்திடம் இந்த சர்ச்சை குறித்து கேட்கப்பட்டது. அதற்கு பதிலளித்த அவர் இது சீப் பப்ளிசிட்டிக்காக சிலர் செய்வது என்றார்.

அவர் மேலும் பேசுகையில்,

“டீசருங்கறது படத்தை டீஸ் பண்றதுக்காக பண்ற ஒரு விஷயம். படமா பார்க்கும் போது யாரையும் புண்படுத்தறா மாதிரி இருக்காது.

காமெடின்னாலே அதுல ஒரு மோதல் இருந்தால்தான் வரும். சார்லி சாப்ளின், லாரல் ஹார்டி, நாகேஷ் கவுண்டமணி – செந்தில், வடிவேலு வரைக்கும் அப்படித்தான் இருக்கும். நமக்கு எதிரா ஒரு ரியாக்ஷன் பண்ணும் போதுதான் காமெடி நடக்கும்.

இந்தப் படத்துல ஒரு லோக்கல் பையனுக்கும், பிராமின் பொன்னுக்கும் இடையிலான கதைன்னு சொல்லும் போது அதுக்குள்ளதான் காமெடி பண்ண முடியும்.

படத்துல மத்தபடி யாரையும் குறிப்பிட்டு எதுவும் புண்படுத்த. அது படம் பார்க்க வரவங்களுக்குப் புரியும்.

காமெடி பண்ணும் போது பிரீயா விடணும். இதைப் பண்ணக் கூடாது, அதைப் பண்ணக் கூடாதுன்னு சொன்னா எப்படி காமெடி பண்ண முடியும். அப்புறம் தியேட்டர் போய் எல்லார் அக்குள்ளயும் கிச்சுகிச்சு மூட்டிதான் சிரிக்க வைக்கணும்.

ஒரு பிரீடம் இல்லாம காமெடி பண்ண முடியாது. அதே சமயத்துல யாரையும் புண்படுத்ததக் கூடாது, அதை நான் ஒத்துக்கறன். இப்பக் கூட ‘டகால்டி’ படத்துல ஸ்மோக் பண்ற மாதிரி போஸ்டர் வந்ததும் தப்புன்னு சொன்னாங்க, நான் மன்னிப்பு கேட்டேன்.

அதுக்காக எல்லாத்தையுமே தப்பு தப்புன்னா. இதெல்லாம் வேலை வெட்டி இல்லாம பப்ளிசிட்டிக்காக பண்ற விஷயம்.

என் படத்துல யாரையும் குறிப்பிட்டு நான் புண்படுத்தவே மாட்டேன். அப்படி செய்யற ஆளும் கிடையாது.

பாலிவுட், தெலுங்கு, மலையாளத்துல பார்த்தால் காமெடி எக்ஸ்டிரீம் போறாங்க. இருந்தாலும் காமெடி இல்லை. இங்க, ரொம்ப கட்டுப்பாடு. அதுக்குள்ளயே காமெடி பண்ணுன்னா எப்படிதான் பண்றது.

இப்படி சர்ச்சையைக் கிளப்பறவங்க சீப் பப்ளிசிட்டிக்காகத்தான் பண்றாங்க.

Continue Reading

Tamil Cinema News

6 கோடி சேர்த்த கோபி, சுதாகர்

Published

on

By

6 கோடி சேர்த்த கோபி, சுதாகர் - 4 Tamil Cinema

சமுக வலைத்தளமான யூ டுயுப் மூலம் பல ரசிகர்களின் வரவேற்பைப் பெற்றவர்கள் கோபி – சுதாகர்.

தங்களது வீடியோக்களில் தனித்துவத்தை காட்டும் இவர்கள் இருவரும், வெள்ளித்திரையில் கதாநாயகர்களாக களமிறங்க இருக்கும் புதிய படத்தை ‘கிரவுட் பண்டிங்’ முறையில் நிதி திரட்டி படத்தைத் தயாரிக்க உள்ளனர்.

அவர்களது தயாரிப்பு நிறுவனத்திற்கு பரிதாபங்கள் புரொடக்ஷன்ஸ் எனப் பெயரிட்டு, பல முன்னனி இயக்குனர்களுடன் பணியாற்றிய SAK எனும் புதுமுக இயக்குனரின் இயக்கத்தில் உருவாக உள்ள இந்தப் படத்தில் கோபி, சுதாகர் கதாநாயகர்களாக நடிக்க உள்ளனர்.

கிரவுட் பண்டிங் பற்றி அவர்கள் அறிவிப்பு விடுத்த நாள் முதல் பலரும் நிதி தர ஆரம்பித்தனர். இன்று வரை சுமார் 6.3 கோடிகளுக்கு மேல் கிரவுட் பண்டிங் முறையில் நிதி திரட்டப்பட்டுள்ளது. மேலும் பல நிறுவனங்களும் இப்படத்திற்கு ஸ்பான்ஸர் முறையில் நிதியுதவி அளித்துள்ளார்களாம்.

ஆசியாவிலேயே கிரவுட் பண்டிங் முறையில் அதிகப்படியான நிதியைப் பெற்ற ஒரே படம் என்ற பெருமையை இப்படம் பெறுகிறது.

நிதியளித்த அனைவருக்கும் படத்தை பற்றிய முக்கிய தகவல்களும், மேலும் படம் உருவாகும் ஒவ்வொரு கட்டத்தைப் பற்றிய தகவலும் அவர்களுக்கென்று பிரத்தியேகமாக உருவாக்கப்படும் வெப்சைட்டில் இடம்பெறும் என்று படக்குழுவினர் கூறியுள்ளனர்.

படம் உருவாக தொடங்கிய நாள் முதல் நிதியளித்த அனைவரும் ஒரு தயாரிப்பாளர்களாக தங்களை உணரும் வகையில் அனைத்து தகவல்களும் அவர்களுக்கு அளிக்கப்படும் என்றும் கூறியுள்ளனர்.

‘பண்ட் மேலன் ஆப்’ மூலமாக கிரவுட் பண்டிங் முறையில் நிதி திரட்டப்படுவது முறைப்படுத்தப்பட்டு அனைத்து பண முதலீட்டார்களுக்கு விவரம் அளிக்கக வடிவமைக்கப்பட்டது.

இந்த படத்தில் மற்ற முக்கிய கதாபாத்திரங்களில் நடிக்க பிரபல நடிகர்களுடன் தற்போது பேச்சு வார்த்தை நடைபெற்று வருகிறது.

ஜில் ஜங் ஜக், அவள், பாகுபலி நெட்பிலிக்ஸ் சீரியஸ்களில் இணை ஒளிப்பதிவாளராக பணியாற்றிய நிஜய் இப்படத்தின் ஒளிப்பதிவை மேற்கொள்கிறார்.

கோபி – சுதாகர் நடிக்கும் இப்படத்தின் தலைப்பும், நடிகர் நடிகையர் மற்றும் தொழில்நுட்ப கலைஞர்கள் விவரமும் விரைவில் அதிகாரப்பூர்வமாக அறிவிக்கப்படும் என தயாரிப்பு தரப்பு கூறியுள்ளது.

Continue Reading

Tamil Cinema News

தமன்னா நடிக்கும் ‘பெட்ரோமாக்ஸ்’

Published

on

By

தமன்னா நடிக்கும் பெட்ரோமாக்ஸ் - 4 Tamil Cinema

ஈகிள்ஸ் ஐ புரொடக்ஷன்ஸ் தயாரிப்பில், ரோகின் வெங்கடேசன் இயக்கத்தில் முதன்மைக் கதாநாயகியாக தமன்னா நடிக்கும் படம் ‘பெட்ரோமாக்ஸ்’.

பல வெற்றித் திரைப்படங்களை உலகெங்கும் விநியோகம் செய்த ஈகிள்ஸ் ஐ புரொடக்ஷன்ஸ் நிறுவனம், இப்படத்தின் மூலம் முதல் முறையாக திரைப்படத் தயாரிப்பில் தடம் பதிக்கிறது. இப்படத்தை இயக்கும் ரோகின் வெங்கடேசன் ‘அதே கண்கள்’ படத்தின் மூலம் இயக்குனராக அறிமுகமானவர்.

ஈகிள்ஸ் ஐ புரொடக்ஷன்ஸ் தனது முதல் தயாரிப்பிலேயே பெண்களை முன்னிலைப்படுத்தும் ஒரு ஆழமான கதையை திகில் மற்றும் நகைச்சுவை கலந்து ஒரு ஜனரஞ்சகமான படமாக படைக்க இருக்கிறது.

நயன்தாராவை தொடர்ந்து தமன்னாவும், தனக்கென ஒரு தனி பாணியை உருவாக்கும் நோக்கில், பெண் கதாபாத்திரங்களுக்கு அதிக முக்கியத்துவம் தருகின்ற, பெண்களை மையப்படுத்தி எடுக்கப்படுகின்ற திரைப்படங்களுக்கு முன்னுரிமை அளித்து வருகிறார். அந்த வரிசையில் முதல் படமாக இப்படத்தில் நடிக்கவிருக்கிறார்.

இப்படத்தில் யோகி பாபு, முனீஸ் காந்த், சத்தியன், காளி வெங்கட், மற்றும் சின்னத்திரை புகழ் டிஎஸ்கே, பிரேம், ஸ்ரீஜா, கே எஸ் ஜி வெங்கடேஷ், பேபி மோனிகா மற்றும் பலர் நடிக்கின்றனர்.

ஒவ்வொரு மனிதனுக்கும் ஏதாவது ஒரு பிரச்சனை நிச்சயம் இருக்கும். அதைத் தீர்க்கும் நோக்கில் ஒவ்வொருவராக இணைந்து, இறுதியில் ஒரு பலமான கூட்டணியாகச் சேர்ந்து, தங்களது பிரச்சனைகளுக்குத் தீர்வு காணும் முயற்சியில் ஈடுபடுகிறார்கள். அந்த பிரச்சனை தீர்ந்ததா, அந்த பிரச்சனைகளுக்கு காரணம் யார், அவர்கள் அதை எப்படி வெற்றி கொண்டார்கள் என்பதை நகைச்சுவையும் திகிலும் கலந்து ஜனரஞ்சகமாக படமாக்கி வருகிறார் இயக்குனர் ரோகின்.

டேனி ரேமண்ட் ஒளிப்பதிவில், லியோ ஜான் பால் படத்தொகுப்பில், வினோத் ராஜ்குமார் கலை இயக்கத்தில், ஜிப்ரான் இசையமைக்கிறார். ஜிஆர் சுரேந்தர்நாத் வசனம் எழுத, ஹரி தினேஷ் சண்டை பயிற்சி அமைக்கிறார்.

இப்படத்தின் முதல் பார்வை சமீபத்தில் வெளியிடப்பட்டது.

Continue Reading
Advertisement

Tamil Movies Database

Trending

error: Content is protected !!