Connect with us

Tamil Cinema News

ஒரே ஒரு டிவீட், ரசிகர்களிடம் சிக்கிய அருண் விஜய்

Published

on

arun vijay

சமூக வலைத்தளங்கள் மூலம் ரசிகர்களிடம் நேரடியாகச் சென்று சேர முடிகிறது என ஏறக்குறைய அனைத்து திரைப் பிரபலங்களும் அதில் அடிக்கடி ஏதாவது ஒரு பதிவை இட்டுக் கொண்டிருக்கிறார்கள்.

பல சமயங்களில் பாராட்டுக்கள் கிடைத்தாலும், சில சமயங்களில் எதிர்மறை கருத்துக்களும் பரிசாகக் கிடைக்கின்றன. அதோடு இருந்தால் பரவாயில்லை, சில எதிர்மறை கருத்துக்கள் எல்லை மீறியும் வரும்.

இன்னமும் வளர்ந்து வரும் நாயகர்களில் ஒருவராக இருக்கும் அருண் விஜய், அவருடைய டிவிட்டரில் விடியற்காலையில் ஒரு பதிவைப் போட்டிருந்தார். அதில் அவர் சிவகார்த்திகேயனைப் பற்றித்தான் குறிப்பிடுகிறார் என ரசிகர்கள் அருண் விஜய்யை கமெண்ட்டுகளால் கதற விட்டனர்.

பின்னர் காலையில், தன்னுடைய டிவிட்டர் கணக்கு ‘ஹேக்’ செய்யப்பட்டுவிட்டதாகவும் அதை சரி செய்ய முயற்சித்து வருவதாகவும் தெரிவித்து, முதலில் போட்ட பதிவையும் நீக்கி விட்டிருந்தார். ஹேக் செய்யப்பட்டதாகச் சொன்ன அந்ததப் பதிவுக்கும் ரசிகர்கள் கடுமையான தாக்குதல்களைக் கொடுத்தனர். அதனால், பின்னர் அந்தப் பதிவையும் நீக்கிவிட்டார்.

சற்று முன்தான் அவருடைய டிவிட்டரில் இதற்காக மீண்டும் ஒரு பெரிய விளக்கத்தைக் கொடுத்திருக்கிறார்.

“டிவிட்டர் கணக்கு பிரச்சனை சரி செய்யப்பட்டுவிட்டது, இந்த நிலைமையை நீங்கள் புரிந்து கொண்டதற்கு நன்றி. நான் பல வருடங்களாக இந்தத் துறையில் இருக்கிறேன். கடின உழைப்புக்கும், பொறுமைக்கும் உள்ள மதிப்பு எனக்குத் தெரியும். திறமைசாலிகளை நான் என்றுமே மதிப்பேன், மதித்தும் வருகிறேன். என்னுயை சக நடிகர்களைப் பற்றி நான் என்றும் தரக் குறைவாக நினைத்தது கிடையாது. நடிகர்கள் சகோதரப் பாசத்துடன் பழகும் ஆரோக்கியம்ன விஷயத்தைப் பிரித்துவிடாதீர்கள்,” என்று கேட்டுக் கொண்டுள்ளார்.

https://twitter.com/arunvijayno1/status/1036244175849746433

https://twitter.com/arunvijayno1/status/1036244308318466049

அருண் விஜய் விடியற்காலையில் பதிவிட்டது சிவகார்த்திகேயனைப் பற்றித்தான் என்று அவருடைய ரசிகர்கள், நடுநிலை ரசிகர்கள் பலரும் அருண் விஜய்க்கு அவர்களது கண்டனங்களைப் பதிவு செய்தனர்.

இதற்காக சிவகார்த்திகேயனுக்கு ஆதரவாக பல மீம்ஸ்களும் காலை முதலே சமூக வலைத்தளங்களில் பரவி வருகின்றன.

அருண் விஜய்யின் டிவிட்டர் கணக்கு ஒரு உறுதி செய்யப்பட்ட கணக்க. அதை அவ்வளவு சீக்கிரம் யாரும் ‘ஹேக்’ செய்ய முடியாது.

எப்படியோ அருண் விஜய், உண்மையிலேயே அந்த டிவிட்டரை பதிவிட்டாரோ இல்லையோ, இதன் மூலம் சிவகார்த்திகேயன் பற்றிய ரசிகர்களின் ஆதரவு பலம் இன்னும் அதிகரித்துவிட்டது என்பதே உண்மை.

 

Tamil Cinema News

சூர்யாவுக்கு ஆதரவு தெரிவித்த கமல்ஹாசன்

Published

on

By

சூர்யாவுக்கு ஆதரவு தெரிவித்த கமல்ஹாசன்

புதிய கல்விக் கொள்கை குறித்த பல கருத்துக்களை நடிகர் சூர்யா சில தினங்களுக்கு முன்பு பேசியிருந்தார். நுழைவுத் தேர்வு, தகுதித் தேர்வு ஆகியவற்றிற்கு சூர்யா கடும் எதிர்ப்பு தெரிவித்திருந்தார். அவருடைய கருத்துக்கு அதிமுக, பாஜக உள்ளிட்ட கட்சிகள் கடுமையாக எதிர்ப்பு தெரிவித்தன.

சூர்யாவின் கருத்துக்களுக்கு மக்கள் மத்தியில் மிகுந்த ஆதரவு கிடைத்துள்ளது. சமூக வலைத்தளங்களில் பலரும் அவரைப் பாராட்டி வருகிறார்கள். அன்புமணி ராமதாஸ், சீமான் உள்ளிட்ட பல்வேறு கட்சியினரும் சூர்யாவுக்கு ஆதரவு தெரிவித்து வருகிறார்கள்.

இந்நிலையில், மக்கள் நீதி மய்யம் கட்சியின் தலைவரும், நடிகர் கமல்ஹாசன் சூர்யாவுக்கு ஆதரவு தெரிவித்து அறிக்கை வெளியிட்டுள்ளார். அதில்,

“ஏழை மற்றும் நடுத்தர வகுப்பு மாணவ, மாணவியரின் கல்வி மேம்பாட்டிற்காக தம்பி சூர்யா மற்றும் அவரது குடும்பத்தார் பல வருடங்களாக உதவி செய்துவருகிறார்கள்.

எனவே கல்வி குறித்துப் பேசுவதற்கான உரிமை சூர்யாவுக்கு உண்டு.

புதிய கல்விக் கொள்கை குறித்த தம்பி சூர்யாவின் கருத்துகள் பலவற்றில் எனக்கும் உடன்பாடு உண்டு.

மக்களின் கருத்தை அறிவதற்காக என்று சொல்லப்பட்டு வெளியிடப்பட்டிருக்கின்ற ‘வரைவு அறிக்கை’ மீது கருத்து சொன்னதற்காக சூர்யா மீது அவதூறு பேசி வரும் ஆளும் அரசுகளின் ஆதிக்கப் போக்கினை மக்கள் நீதி மையம் வன்மையாகக் கண்டிக்கிறது.

தம்பி சூர்யாவிற்கு எனது ஆதரவு கண்டிப்பாக உண்டு,” என்று தெரிவிக்கப்பட்டுள்ளது.

Continue Reading

Tamil Cinema News

கண்ணும் கண்ணும் கொள்ளையடித்தால் – துல்கர் சல்மானின் 25வது படம்

Published

on

By

கண்ணும் கண்ணும் கொள்ளையடித்தால் - துல்கர் சல்மானின் 25வது படம்

வியாகாம் 18 ஸ்டுடியோஸ் மற்றும் ஆண்டோ ஜோசஃப் ஃபிலிம் கம்பெனி தயாரிக்கும் படம் ‘கண்ணும் கண்ணும் கொள்ளையடித்தால்’.

தேசிங் பெரியசாமி இயக்கும் இப்படத்தில் துல்கர் சல்மான், ரிது வர்மா, ரக்‌ஷன், நிரஞ்சனி அகத்தியன் மற்றும் பலர் நடிக்கின்றனர்.

படம் பற்றி வியாகாம் 18 ஸ்டுடியோஸின் தலைமை செயல் அதிகாரி அஜித் அந்தரே கூறும்போது,

“ஒரு திரைப்பட தயாரிப்பாளராக, மொழிகளைத் தாண்டி பார்வையாளர்களை ஈர்க்கக் கூடிய கதைகளைச் சொல்வதை விட திருப்தி எதுவும் இல்லை. தமிழ் சினிமாவில் ரசிகர்களுக்கு கொடுக்கப்படும் கதைகளைக் கண்டு நான் எப்போதுமே ஈர்க்கப்பட்டிருக்கிறேன். ஆண்டோ ஜோசஃப்புடன் இணைந்து நாங்கள் தயாரிக்கும் ‘கண்ணும் கண்ணும் கொள்ளையடித்தால்’ படத்தின் மூலம் தமிழ் சினிமாவில் நுழைவது குறித்து மகிழ்ச்சியடைகிறேன்,” என்றார்.

தயாரிப்பாளர், ஆண்டோ ஜோசஃப் கூறுகையில்,

‘கண்ணும் கண்ணும் கொள்ளையடித்தால்‘ போன்ற ஒரு படத்தை பார்வையாளர்களுக்கு வழங்குவதில் பெருமைப்படுகிறேன். இது வியாகாம் 18 ஸ்டுடியோஸ் உடன் எனது முதல் திரைப்படம், மற்றும் மூன்றாவது முறையாக நான் துல்கர் சல்மானுடன் பணிபுரியும் படம். இந்த படத்திற்கு இதை விட ஒரு சிறந்த கூட்டணி கிடையாது,” என்றார்.

இயக்குனர் தேசிங் பெரியசாமி கூறும்போது,

“எனது முதல் படம் இந்தியாவின் முன்னணி ஸ்டுடியோக்களில் ஒன்றான வியாயாகாம் 18 ஸ்டுடியோஸால் வெளியிடப்படுவது என் கனவு நனவான தருணம். இந்த திரைப்படத்தை தயாரித்த ஆண்டோ ஜோசஃப் பிலிம் நிறுவனத்துக்கும், அதை மேலும் உயர்த்திய வியாகாம் 18 ஸ்டுடியோவுக்கும் நான் நன்றி தெரிவிக்க விரும்புகிறேன். மிகவும் ரசிக்கப்படக் கூடிய ஒரு ஜாலியான இந்தப் படம் பார்வையாளர்களை மகிழ்விக்கும் என்று நான் உறுதியளிக்கிறேன்,” என்றார்.

துல்கர் சல்மான் கூறுகையில்,

‘கண்ணும் கண்ணும் கொள்ளையடித்தால்’ ஒரு சுவாரஸ்யமான கதை. இதுபோன்ற அருமையான நடிகர்கள் மற்றும் குழுவினருடன் ஒரு பகுதியாக இருந்ததில் நான் மிகவும் மகிழ்ச்சியடைகிறேன். இது எனது 25 வது படம் என்பது என்னை மேலும் சிறப்பாக உணர வைக்கிறது. ‘கண்ணும் கண்ணும் கொள்ளையடித்தால்’ படத்துக்காக வியாகாம் 18 ஸ்டுடியோஸ் மற்றும் ஆண்டோ ஜோசஃப் ஆகியோருடன் இணைந்திருப்பதில் நான் மகிழ்ச்சியடைகிறேன். இப்படம் சொல்லும் காதலை பார்வையாளர்கள் உணர்வார்கள் என்று நம்புகிறேன்,” என்றார்.

Continue Reading

Tamil Cinema News

ஜோதிகா நடிக்கும் ‘பொன்மகள் வந்தாள்’

Published

on

By

ஜோதிகா நடிக்கும் பொன்மகள் வந்தாள் - 4 Tamil Cinema

நடிகர் சூர்யாவின் தயாரிப்பு நிறுவனமான 2 டி என்டர்டெயின்மென்ட் அடுத்து தயாரிக்க உள்ள படத்தின் அறிவிப்பை வெளியிட்டுள்ளது.

ஜோதிகா முதன்மை கதாபாத்திரத்தில் நடிக்கும் இந்தப் படத்திற்கு ‘பொன்மகள் வந்தாள்’ எனப் பெயர் வைத்துள்ளார்கள். இயக்குனர்கள் பாக்யராஜ், பார்த்திபன், பாண்டியராஜன் ஆகியோர் இப்படத்தில் முக்கிய கதாபாத்திரங்களில் நடிக்க உள்ளார்கள். இயக்குனர், நடிகர் பிரதாப் போத்தனும் முக்கிய கதாபாத்திரத்தில் நடிக்கிறார்.

அறிமுக இயக்குனர் ஜேஜே. பிரட்ரிக் இப்படத்தை இயக்குகிறார். ‘96’ படத்தின் இசையமைப்பாளர் கோவிந்த் வசந்தா இசையமைக்கிறார். பல தரமான படங்களை ஒளிப்பதிவு செய்த ராம்ஜி ஒளிப்பதிவு செய்கிறார்.

இப்படத்தின் பூஜை சென்னையில் நடைபெற்றது. நிகழ்ச்சியில் நடிகர் சிவக்குமார், 2D எண்டெர்டெயின்மெண்ட் நிறுவனரும் தயாரிப்பாளருமான சூர்யா, நடிகர் கார்த்தி, இயக்குநர்கள் ஹரி, பிரம்மா, முத்தையா, T.J.ஞானவேல், 2 D எண்டெர்டெயின்மெண்ட் நிறுவனத்தின் சி.இ.ஓ ராஜ்சேகர் கற்பூர சுந்தரபாண்டியன், தயாரிப்பாளர் எஸ்.ஆர் பிரபு, எஸ்.ஆர் பிரகாஷ் பாபு விநியோகஸ்தர் B.சக்திவேலன் ஆகியோரும், மற்றும் படத்தின் நட்சத்திரங்கள் ஜோதிகா, பாக்கியராஜ், பார்த்திபன், பாண்டியராஜன், பிரதாப் போத்தன் படத்தின் இயக்குநர் பிரட்ரிக் உள்பட படக்குழுவினர் பலரும் கலந்து கொண்டனர்.

Continue Reading
Advertisement

Tamil Movies Database

Trending

error: Content is protected !!