Warning: session_start(): open(/var/cpanel/php/sessions/ea-php70/sess_23ced9a48fba50d6804a4e964b2ea6f2, O_RDWR) failed: No such file or directory (2) in /home/tamilcin/public_html/wp-content/plugins/wccp-pro/preventer-index.php on line 2

Warning: session_start(): Failed to read session data: files (path: /var/cpanel/php/sessions/ea-php70) in /home/tamilcin/public_html/wp-content/plugins/wccp-pro/preventer-index.php on line 2
அசுரன் விமர்சனம் - 4 Tamil Cinema
Connect with us

Movie Reviews

அசுரன் – விமர்சனம்

4 Tamil Cinema Rating – 4/5

Published

on

அசுரன் விமர்சனம் - 4 Tamil Cinema

கதை

1980களில் நடக்கும் கதை. மனைவி இரண்டு மகன்கள், ஒரு மகள் என கிராமத்தில் வசிப்பவர் தனுஷ். அவருடைய குடும்பத்து சொத்தாக இருக்கும் 3 ஏக்கர் நிலத்தைக் கைப்பற்ற நினைக்கிறார் பக்கத்து ஊர் பெரிய மனிதர் ஆடுகளம் நரேன். அதனால் தொடரும் தகராறில் தனுஷின் மூத்த மகன் கொல்லப்படுகிறான். பதிலுக்கு நரேனை தனுஷின் சிறுவனாக இருக்கும் இளைய மகன் கென் கருணாஸ் கொலை செய்கிறார். அவர்களிடம் சிக்காமல் இருக்க தனுஷ் குடும்பத்தினர் ஊரை விட்டு வெளியேறுகிறார்கள். நீதிமன்றத்தில் சரணடைய விரும்புகிறார் தனுஷ். அதைச் செய்ய விடாமல் தனுஷ் மற்றும் குடும்பத்தினரைக் கொல்லத் துடிக்கிறது நரேன் குடும்பம். இவர்களது போட்டியில் யார் வென்றார்கள் என்பதுதான் படத்தின் மீதிக் கதை.

நடிப்பு

40, 50 வயதுள்ள நடுத்தரக் குடும்பத்து ஏழை, விவசாயி ஆக தனுஷ். ஒல்லியான தேகம், கத்தையான மீசை, லேசாக நரைத்த தாடி, கொஞ்சம் தளர்ந்த நடை, அனுபவப் பேச்சு, குடும்பத்தினர் மீது அதிக பாசம் என சிவசாமி கதாபாத்திரத்தில் தன்னை அப்படியே ஐக்கியப்படுத்திக் கொண்டிருக்கிறார். இன்றைய முன்னணி நடிகர்கள் ஏற்று நடிக்கத் தயங்கும் ஒரு கதாபாத்திரம். அதில் நடித்ததோடு மட்டுமல்லாமல், இதுவரையிலும் அவர் இப்படி நடித்ததில்லை என்று சொல்லுமளவிற்கு அப்படி ஒரு நடிப்பை வாரி வழங்கியிருக்கிறார். இந்த வருட தேசிய விருதுக்கான போட்டியில் வெல்வதில் தனுஷைத் தவிர வேறு யாரையும் நினைத்துக் கூடப் பார்க்க முடியாது.

மிகவும் தாமதமாக தமிழ் சினிமாவில் அறிமுகமானாலும் எப்போதும் ஞாபகம் வைத்துக் கொள்ளக் கூடிய பேச்சியம்மாள் கதாபாத்திரத்தில் மஞ்சு வாரியர். வேறு எந்த நடிகையரும் கோடி ரூபாய்க்கு மேல் சம்பளம் வாங்கலாம். ஆனாலும், மஞ்சு வாரியர் போல அவர்களால் இத்தனை நேர்த்தியாக ஒரு கிராமத்துக் கதாபாத்திரத்தில் நடித்துவிட முடியாது என்று தாராளமாகச் சொல்லலாம். சொந்தக் குரலில் வேறு பேசியிருக்கிறாராம் மஞ்சு.

தனுஷ், மஞ்சு வாரியர் பெயரை இப்போதே தேசிய விருதுப் பட்டியலில் சிறந்த நடிகர், சிறந்த நடிகை என எழுதி வைத்துவிடுங்கள். அது மட்டுமல்லாமல் பல விருதுகள் அவர்களுக்குக் காத்துக் கொண்டிருக்கிறது-

தனுஷ் கூடவே படம் முழுவதும் இருக்கும் அவருடைய இளைய மகன் கதாபாத்திரத்தில் கென் கருணாஸ். அப்பா செய்வது தவறு என்று சுட்டிக் காட்டி அப்பாவையே விமர்சிக்கும் ஒரு கதாபாத்திரம். தன் அண்ணன் இழப்பைத் தாங்க முடியாமல், அம்மா தவிப்பதைப் பார்க்க முடியாமல் திட்டம் போட்டு, உருண்டை (கிராமத்து வெடிகுண்டு) உருட்டி, ஆடுகளம் நரேனை ஒரே வெட்டில் சாய்த்து கொலை செய்கிறார். தன்னைக் காப்பாற்றிக் கொள்ள தனக்குத் தெரியும் என அப்பா தனுஷிடமே சவால் விடுபவர், நடிப்பிலும் சாதித்திருக்கிறார். தமிழ் சினிமாவில் கென்னுக்கு சிறந்த எதிர்காலம் காத்திருக்கிறது.

தனுஷ் மச்சான் ஆக பசுபதி, வக்கீலாக பிரகாஷ் ராஜ். அவர்கள் இருவரின் நடிப்பிலும் அனுபவம் பேசுகிறது. அவர்கள் வரும் காட்சிகளில் வழக்கம் போல தனி முத்திரை பதித்துவிடுகிறார்கள்.

தனுஷ் மூத்த மகனாக டீஜே அருணாச்சலம். எதற்கும் பயப்படாத துணிச்சலான கதாபாத்திரம். நரேனை செருப்பால் அடித்து அவமானப்படுத்தியதால், கொடூரமாகக் கொலை செய்யப்படுகிறார். கொஞ்ச நேரமே வந்தாலும் அவருடைய கதாபாத்திரத்தை நமக்குள் புகுத்தி விடுகிறார்.

சிறிய கதாபாத்திரங்களில் நடித்திருந்தாலும் அம்மு அபிராமி, பாலாஜி சக்திவேல், சுப்பிரமணிய சிவா, நரேன், பவன் அவர்களது நடிப்பைப் பேச வைக்கிறார்கள்.

படத்தில் ஒவ்வொருவரின் நடிப்பைப் பற்றியும், படத்தில் உள்ள பல நுணுக்கங்கள் பற்றியும் எழுதினால் எழுதிக் கொண்டே போகலாம். அது ‘அசுரன்’ திரைக்கதை, வசனம் புத்தகத்தை விடவும் அதிகமாக வரும்.

நீண்ட வருடங்களுக்குப் பிறகு தமிழ் சினிமாவில் ஒரு தரமான படைப்பு இந்தப் படம். வெற்றிமாறன், தனுஷ் கூட்டணியிடமிருந்து இன்னும் பல வித்தியாசமான படங்கள் வரும் என்பதற்கு இந்தப் படம் அதீத நம்பிக்கை அளித்துள்ளது.

இசை, மற்றவை

ஜி.வி.பிரகாஷ் படத்தின் முதல் காட்சியிலேயே தன் திறமையை வெளிப்படுத்தி விடுகிறார். நல்ல கூட்டணி இணையும் போது எப்படியான தரமான படைப்பு வெளிப்படுகிறது என்பதற்கு வெற்றிமாறன், தனுஷ், ஜிவி பிரகாஷ் கூட்டணி ஒரு உதாரணம். ஒளிப்பதிவாளர் வேல்ராஜ், கலை இயக்குனர் ஜாக்கி, படத் தொகுப்பாளர் ராமர் அசுரனுக்கு நல்ல கூட்டாளிகளாக இருந்து சிறப்பு சேர்த்திருக்கிறார்கள். சுகா, வெற்றிமாறனின் வசனங்கள் பல இடங்களில் ரசிகர்களின் கைத்தட்டலைப் பெறுகிறது.

+

படிப்பை மட்டுமே யாரும் பறிக்க முடியாது என்ற உயர்ந்த கருத்தைச் சொன்னதும், சாதீய கொடுமைகளை தெளிவாக விளக்கியதும், அனைவரின் நடிப்பும், உழைப்பும்.

கத்தி, வெட்டு, ரத்தம், கொலைகள்

 

Movie Reviews

சாம்பியன் – விமர்சனம்

4 Tamil Cinema Rating – 3/5

Published

on

By

சாம்பியன் விமர்சனம் - 4 Tamil Cinema

கதை

சென்னை, வியாசர்பாடியைச் சேர்ந்த விஷ்வாவுக்கு சிறு வயதிலிருந்தே கால்பந்தின் மீது பேராசை. ஆனால், அவருடைய அம்மா கால்பந்து விளையாடக் கூடாதென தடுக்கிறார். அம்மாவுக்குத் தெரியாமல் விளையாடி பள்ளி மற்றும் கல்லூரி அணியில் இடம் பிடிக்கும் அளவிற்கு முன்னேறுகிறார் விஷ்வா. பிரபல கோச் நரேன் நடத்து அகாடமியில் சேர்ந்து பயிற்சி பெற ஆரம்பிக்கிறார். முக்கிய போட்டிகளில் விளையாடும் அளவிற்கு தேர்வாகும் சமயம், தன் அப்பா கொலை செய்யப்பட்டதுதான் இறந்தார் என்ற உண்மை விஷ்வாவுக்குத் தெரிய வருகிறது. கால்பந்து விளையாடுவதை விட அப்பாவைக் கொன்றவர்களை பழி வாங்கத் துடிக்கிறார். இதன் பின் என்ன நடந்தது என்பதுதான் படத்தின் கதை.

நடிப்பு

அறிமுக நாயகன் விஷ்வா, முதல் படத்திலேயே பொருத்தமான கதாபாத்திரத்தைத் தேர்வு செய்து பொருத்தமாக நடித்திருக்கிறார். கால்பந்து விளையாட ஒரு வருடம் பயிற்சி எடுத்தாராம். அதன் பலன் திரையில் தெரிகிறது. அடுத்தடுத்து நல்ல கதைகளையும், கதாபாத்திரங்களையும் தேர்வு செய்து நடித்தால் தமிழ் சினிமாவில் ஒரு இடத்தைப் பிடிக்கலாம்.

விஷ்வாவுக்கு அடுத்து படத்தில் கோச் ஆக முக்கிய கதாபாத்திரத்தில் நடித்திருப்பவர் நரேன். அந்த கோச் ஆகவே வாழ்ந்திருக்கிறார் என்று சொன்னால் அது மிகையில்லை. வில்லனாக ஸ்டன் சிவா, வட சென்னை பகுதி கவுன்சிலர் மற்றும் ரவுடியாக மிரட்டுகிறார்.

சௌமிகா, மிருணாளினி என இரண்டு ஹீரோயின்கள். சினிமாத்தனமில்லாமல் இருக்கிறார்கள், நடிக்கிறார்கள்.

இசை, மற்றவை

அரோல் கொரேலி இசையில் பின்னணி இசை குறிப்பிடும்படி உள்ளது.  கால்பந்தாட்டக் காட்சிகள், கதை நகரும் மற்ற இடங்கள் என உள்ளதை உள்ளபடி காட்டியிருக்கிறது சுஜித் சாரங் ஒளிப்பதிவு.

+

உணர்வுபூர்வமான கதை, யதார்த்தமான கதாபாத்திரங்கள், நட்சத்திரத் தேர்வு

காதல் காட்சிகள் படத்திற்கு தேவையில்லாதது…

Continue Reading

Movie Reviews

காளிதாஸ் – விமர்சனம்

4 Tamil Cinema – Rating – 3.5/5

Published

on

By

காளிதாஸ் விமர்சனம் - 4 Tamil Cinema

கதை

சென்னை, ஆதம்பாக்கம் பகுதியில் தொடர்ந்து மூன்று பெண்கள் மாடி மீதிருந்து விழுந்து இறந்து போகிறார்கள். அவர்கள் கொலை செய்யப்பட்டார்களா, அல்லது தற்கொலை செய்து கொண்டார்களா என்பதை இன்ஸ்பெக்டர் பரத் விசாரிக்க ஆரம்பிக்கிறார். டெபுடி கமிஷனர் உத்தரவுப்படி அசிஸ்டென்ட் கமிஷனர் சுரேஷ் மேனனும் விசாரணைக்கு தலைமை ஏற்கிறார். இரவு, பகல் பார்க்காமல் போலீசார் விசாரணையைத் தொடர்கிறார்கள். நான்காவதாக ஒரு கொலை நடக்கும் போது ஒரு துப்பு கிடைக்கிறது. அது என்ன, கொலையாளி யார் என்பதை நாம் எதிர்பார்க்காத கிளைமாக்சுடன் இப்படத்தைக் கொடுத்திருக்கிறார் அறிமுக இயக்குனர் ஸ்ரீ செந்தில்.

நடிப்பு

இன்ஸ்பெக்டர் ஆக பரத். ஒரு இடைவெளிக்குப் பிறகு தமிழில் மீண்டும் முத்திரை பதிக்கும்படியான கதாபாத்திரம். எந்தவித அலட்டலும் இல்லாமல், போலீஸ் என்ற கர்வம் இல்லாமல், ஒரு யதார்த்தமான இன்ஸ்பெக்டர் கதாபாத்திரத்தில் பரத்தின் நடிப்பு படம் பார்க்கும் அனைவருக்கும் பிடிக்கும்.

அசிஸ்டென்ட் கமிஷனர் ஆக முக்கிய கதாபாத்திரத்தில் சுரேஷ் மேனன், மிடுக்கான நடிப்பு. பரத்தின் மனைவியாக ஆன் ஷீத்தல். ஒரு நடுத்தரக் குடும்பத்து மனைவி, தன் கணவனிடம் என்னவெல்லாம் எதிர்பார்ப்பாரோ அதை எதிர்பார்க்கும் ஒரு இயல்பான கதாபாத்திரம். அறிமுகப் படத்திலேயே அசத்துகிறார் ஆன்.

ஆதவ் கண்ணதாசன் கதாபாத்திரம் மீதுதான் நம் அனைவரின் சந்தேகமும் விழுகிறது. அவர் கொலையாளி ஆக இருப்பாரோ என்ற சந்தேகத்தை பார்வையாளர்களுக்கு தன் திரைக்கதை மூலம் அழுத்தமாய் உணர வைக்கிறார் இயக்குனர். ஆதவ்வின் நடிப்பும் ஆகா சொல்ல வைக்கிறது.

இசை, மற்றவை

த்ரில்லர் படம் என்றால் பின்னணி இசை மிக முக்கியம். அதை உணர்ந்து காட்சிகளின் பரபரப்பை மேலும் கூட்டும் வகையில் இசையமைத்திருக்கிறார் விஷால் சந்திரசேகர். ஒளிப்பதிவாளர் சுரேஷ் பாலா, கொலை நடக்கும் இடங்களை பல வித கோணங்களில் படம் பிடித்து காட்சிகள் மூலம் பரபரப்பைக் கூட்டுகிறார். காட்சிகளின் தன்மை சிறிதும் குறையாமல் தெளிவான படத் தொகுப்பைக் கொடுத்திருக்கிறார் புவன் சீனிவாசன்.

+

கதை, திரைக்கதை, நடிப்பு, இயக்கம்

பெரிதாக எதுவுமில்லை

Continue Reading

Movie Reviews

இரண்டாம் உலகப் போரின் கடைசி குண்டு – விமர்சனம்

4 Tamil Cinema Rating – 3.5/5

Published

on

By

இரண்டாம் உலகப் போரின் கடைசி குண்டு விமர்சனம்

கதை

இரண்டாம் உலகப் போரில் பயன்படுத்தப்படாமல் விட்ட குண்டுகள் சில இந்திய கடற்கரையில் கரை ஒதுங்குகின்றன. மாமல்லபுரத்தில் அப்படி கரை ஒதுங்கும் ஒரு குண்டு, சென்னைக்கு வந்து, அங்கிருந்து பாண்டிச்சேரிக்கு செல்கிறது. அந்த குண்டடை சென்னையிலிருந்து மற்ற இரும்பு சாமான்களுடன் ஏற்றிச் செல்லும் லாரி டிரைலர் தினேஷுக்கு அந்த குண்டு பற்றி தெரிய வருகிறது. அதை செயலிழக்க வைக்க அவர் முயற்சி செய்கிறார். அது நடந்ததா இல்லையா என்பதுதான் படத்தின் கிளைமாக்ஸ்.

நடிப்பு

தனக்கான கதையும், கதாபாத்திரங்களும் கிடைக்கும் போது தினேஷுக்குள் ஒளிந்திருக்கும் நடிகர் மிக யதார்த்தமாக எட்டிப் பார்க்கிறார். இந்தப் படத்தில் ஒரு நிஜமான இளம் லாரி டிரைவர் எப்படி இருப்பாரோ அப்படியே இருக்கிறார். வாயைத் திறந்தாலே பேசிக் கொண்டே இருக்கும் ஒரு குணம். பல காட்சிகள் அட, அசத்துகிறாரே என சொல்ல வைத்திருக்கிறார்.

நாயகி ஆனந்திக்கு தினேஷைக் காதலிப்பதும், குடும்பத்தினரிடம் திட்டு வாங்குவதும்தான் வேலை. இவருக்கும் தினேஷுக்குமான காதலில் இன்னும் கொஞ்சம் அழுத்தத்தைக் காட்டியிருக்கலாம்.

காயலான் கடை முதலாளியாக மாரிமுத்து, இவர் சொன்னதை அப்படியே செய்து காட்டும் முனிஷ்காந்த் மனதில் பதிகிறார்கள். மற்ற கதாபாத்திரங்களில் ரித்விகா அதிகம் கவர்கிறார். இன்ஸ்பெக்டர் லிஜேஷ் குறிப்பிட வைக்கிறார்.

இசை, மற்றவை

தென்மாவின் இசையில் கதையுடன் சேர்ந்து பாடல்களும், பின்னணி இசையும் படத்திற்கு பலத்தைக் கொடுத்திருக்கின்றன. கிஷோர் குமார் ஒளிப்பதிவு கதைக்கு என்ன தேவையோ அதனுடன் இயல்பாய் அமைந்துள்ளது. கலை இயக்குனர் ராமலிங்கம் தன் முழு உழைப்பை படத்தில் காட்டியிருக்கிறார்.

+

புதிய கதைக்களம், இயல்பான கதாபாத்திரங்கள், அதில் அனைவரின் சிறந்த நடிப்பு

இடைவேளைக்குப் பின் பயணத்திலேயே நகர்கிறது கதை. திரைக்கதை சிறப்பாக இருந்தாலும் இன்னும்  சில அழுத்தமான காட்சிகள் படத்தில் இருந்திருக்கலாம்.

Continue Reading
Advertisement

Tamil Movies Database

Trending

error: