Connect with us

Tamil Cinema News

அழகான காதல் கதையுடன் ‘அழகென்ற சொல்லுக்கு அமுதா’

Published

on

ரால்ப் புரொடக்சன்ஸ் தயாரிப்பில் நாகராஜன் இயக்கி வரும் படம் ‘அழகென்ற சொல்லுக்கு அமுதா’.

இந்தப் படத்தில் ரிஜன் நாயகனாக நடிக்க, ‘ஆரஞ்சு மிட்டாய்’ படத்தில் நடித்துள்ள அர்ஷிதா நாயகியாக நடிக்கிறார். மற்றும் பட்டிமன்றம் ராஜா, ரேகா சுரேஷ், சுவாமிநாதன், ‘சதுரங்க வேட்டை’ வளவன், மகாநதி சங்கர், கலை மற்றும் பலர் நடிக்கிறார்கள்.

இந்தப் படத்தை இயக்கி வரும் நாகராஜன் இயக்குனர் சுசீந்திரனிடம் உதவியாளராகப் பணியாற்றியவர்.

ஒரு அருமையான முருகர் பாடலின் வரிகளின் சாயலில் படத்திற்கு தலைப்பு வைத்திருக்கிறீர்களே என்றதற்கு,

“வேண்டுமென்றே வைத்த பெயர் இல்லை. கதாநாயகியின் பெயர் அமுதா என்று வைத்தோம். வட சென்னையில் நடக்கக் கூடிய ஒரு அழகான காதல் கதைதான் இந்தப் படம். அமுதாவை துரத்துத் துரத்தி நாயகன் காதலிக்கிறான். அவள் விரட்டி விட்டாலும் கூட அவளைத் தொடர்வதை அவன் நிறுத்தவே மாட்டான். அதனால்தான் ‘அழகென்ற சொல்லுக்கு அமுதா’ என பெயர் வைத்தோம். படத்தின் பெயரே இது காதல் படம்தான் என்பதைப் புரிய வைக்கும்.

சென்னை, வியாசர்பாடி பகுதியில் இதுவரை யாரும் படமாக்காத சில இடங்களில் படமாக்கியுள்ளோம். வட சென்னை மீது எனக்கு எப்போதுமே ஒரு ஈர்ப்பு உண்டு. அங்குள்ள மக்கள் மிகவும் பாசமானவர்கள். எனக்கு வட சென்னையைச் சேர்ந்த பலர் நண்பர்கள். அவர்கள் வீட்டுக்கு சென்றால் சாப்பிடாமல் நம்மை அனுப்பவே மாட்டார்கள்.

இதற்கு முன் தமிழில் சில வட சென்னை சம்பந்தப்பட்ட படங்கள் வந்திருந்தாலும், இந்தப் படம் மிகவும் யதார்த்தமான ஒரு காதல் கதையாக இருக்கும்,” என்கிறார் இயக்குனர் நாகராஜன்.

இன்னும் சில நாட்கள் படப்பிடிப்பு மட்டுமே நடத்த வேண்டியுள்ளது. அது முடிந்ததும் படத்தின் வெளியீட்டுத் தேதி அறிவிக்கப்படும் என்கிறார் இயக்குனர்.

Tamil Cinema News

A 1 சர்ச்சை, பப்ளிசிட்டிக்காக செய்கிறார்கள்- சந்தானம்

Published

on

By

A 1 சர்ச்சை, பப்ளிசிட்டிக்காக செய்கிறார்கள் - சந்தானம்

சர்க்கிள் பாக்ஸ் எண்டெர்டெயின்மெண்ட் தயாரிப்பில், ஜான்சன் இயக்கத்தில், சந்தோஷ் நாராயணன் இசையமைப்பில், சந்தானம், தாரா அலிசா பெரி மற்றும் பலர் நடிக்கும் படம் A 1.

இப்படத்தின் இரண்டாவது டீசர் கடந்த வாரம் வெளியிடப்பட்டது.

அந்த டீசரில் ‘ஆப் பாயில் சாப்பிட்டு, தன் காதலை நிரூபிக்கும் அக்ரஹாரத்து மாமி’ என்ற வசனம் இடம் பெற்றிருந்தது. அதற்கு கடும் எதிர்ப்பு கிளம்பி சர்ச்சையானது.

இந்நிலையில் ‘A 1’ படத்தின் பத்திரிகையாளர் சந்திப்பு இன்று சென்னையில் நடைபெற்றது. அப்போது சந்தானத்திடம் இந்த சர்ச்சை குறித்து கேட்கப்பட்டது. அதற்கு பதிலளித்த அவர் இது சீப் பப்ளிசிட்டிக்காக சிலர் செய்வது என்றார்.

அவர் மேலும் பேசுகையில்,

“டீசருங்கறது படத்தை டீஸ் பண்றதுக்காக பண்ற ஒரு விஷயம். படமா பார்க்கும் போது யாரையும் புண்படுத்தறா மாதிரி இருக்காது.

காமெடின்னாலே அதுல ஒரு மோதல் இருந்தால்தான் வரும். சார்லி சாப்ளின், லாரல் ஹார்டி, நாகேஷ் கவுண்டமணி – செந்தில், வடிவேலு வரைக்கும் அப்படித்தான் இருக்கும். நமக்கு எதிரா ஒரு ரியாக்ஷன் பண்ணும் போதுதான் காமெடி நடக்கும்.

இந்தப் படத்துல ஒரு லோக்கல் பையனுக்கும், பிராமின் பொன்னுக்கும் இடையிலான கதைன்னு சொல்லும் போது அதுக்குள்ளதான் காமெடி பண்ண முடியும்.

படத்துல மத்தபடி யாரையும் குறிப்பிட்டு எதுவும் புண்படுத்த. அது படம் பார்க்க வரவங்களுக்குப் புரியும்.

காமெடி பண்ணும் போது பிரீயா விடணும். இதைப் பண்ணக் கூடாது, அதைப் பண்ணக் கூடாதுன்னு சொன்னா எப்படி காமெடி பண்ண முடியும். அப்புறம் தியேட்டர் போய் எல்லார் அக்குள்ளயும் கிச்சுகிச்சு மூட்டிதான் சிரிக்க வைக்கணும்.

ஒரு பிரீடம் இல்லாம காமெடி பண்ண முடியாது. அதே சமயத்துல யாரையும் புண்படுத்ததக் கூடாது, அதை நான் ஒத்துக்கறன். இப்பக் கூட ‘டகால்டி’ படத்துல ஸ்மோக் பண்ற மாதிரி போஸ்டர் வந்ததும் தப்புன்னு சொன்னாங்க, நான் மன்னிப்பு கேட்டேன்.

அதுக்காக எல்லாத்தையுமே தப்பு தப்புன்னா. இதெல்லாம் வேலை வெட்டி இல்லாம பப்ளிசிட்டிக்காக பண்ற விஷயம்.

என் படத்துல யாரையும் குறிப்பிட்டு நான் புண்படுத்தவே மாட்டேன். அப்படி செய்யற ஆளும் கிடையாது.

பாலிவுட், தெலுங்கு, மலையாளத்துல பார்த்தால் காமெடி எக்ஸ்டிரீம் போறாங்க. இருந்தாலும் காமெடி இல்லை. இங்க, ரொம்ப கட்டுப்பாடு. அதுக்குள்ளயே காமெடி பண்ணுன்னா எப்படிதான் பண்றது.

இப்படி சர்ச்சையைக் கிளப்பறவங்க சீப் பப்ளிசிட்டிக்காகத்தான் பண்றாங்க.

Continue Reading

Tamil Cinema News

6 கோடி சேர்த்த கோபி, சுதாகர்

Published

on

By

6 கோடி சேர்த்த கோபி, சுதாகர் - 4 Tamil Cinema

சமுக வலைத்தளமான யூ டுயுப் மூலம் பல ரசிகர்களின் வரவேற்பைப் பெற்றவர்கள் கோபி – சுதாகர்.

தங்களது வீடியோக்களில் தனித்துவத்தை காட்டும் இவர்கள் இருவரும், வெள்ளித்திரையில் கதாநாயகர்களாக களமிறங்க இருக்கும் புதிய படத்தை ‘கிரவுட் பண்டிங்’ முறையில் நிதி திரட்டி படத்தைத் தயாரிக்க உள்ளனர்.

அவர்களது தயாரிப்பு நிறுவனத்திற்கு பரிதாபங்கள் புரொடக்ஷன்ஸ் எனப் பெயரிட்டு, பல முன்னனி இயக்குனர்களுடன் பணியாற்றிய SAK எனும் புதுமுக இயக்குனரின் இயக்கத்தில் உருவாக உள்ள இந்தப் படத்தில் கோபி, சுதாகர் கதாநாயகர்களாக நடிக்க உள்ளனர்.

கிரவுட் பண்டிங் பற்றி அவர்கள் அறிவிப்பு விடுத்த நாள் முதல் பலரும் நிதி தர ஆரம்பித்தனர். இன்று வரை சுமார் 6.3 கோடிகளுக்கு மேல் கிரவுட் பண்டிங் முறையில் நிதி திரட்டப்பட்டுள்ளது. மேலும் பல நிறுவனங்களும் இப்படத்திற்கு ஸ்பான்ஸர் முறையில் நிதியுதவி அளித்துள்ளார்களாம்.

ஆசியாவிலேயே கிரவுட் பண்டிங் முறையில் அதிகப்படியான நிதியைப் பெற்ற ஒரே படம் என்ற பெருமையை இப்படம் பெறுகிறது.

நிதியளித்த அனைவருக்கும் படத்தை பற்றிய முக்கிய தகவல்களும், மேலும் படம் உருவாகும் ஒவ்வொரு கட்டத்தைப் பற்றிய தகவலும் அவர்களுக்கென்று பிரத்தியேகமாக உருவாக்கப்படும் வெப்சைட்டில் இடம்பெறும் என்று படக்குழுவினர் கூறியுள்ளனர்.

படம் உருவாக தொடங்கிய நாள் முதல் நிதியளித்த அனைவரும் ஒரு தயாரிப்பாளர்களாக தங்களை உணரும் வகையில் அனைத்து தகவல்களும் அவர்களுக்கு அளிக்கப்படும் என்றும் கூறியுள்ளனர்.

‘பண்ட் மேலன் ஆப்’ மூலமாக கிரவுட் பண்டிங் முறையில் நிதி திரட்டப்படுவது முறைப்படுத்தப்பட்டு அனைத்து பண முதலீட்டார்களுக்கு விவரம் அளிக்கக வடிவமைக்கப்பட்டது.

இந்த படத்தில் மற்ற முக்கிய கதாபாத்திரங்களில் நடிக்க பிரபல நடிகர்களுடன் தற்போது பேச்சு வார்த்தை நடைபெற்று வருகிறது.

ஜில் ஜங் ஜக், அவள், பாகுபலி நெட்பிலிக்ஸ் சீரியஸ்களில் இணை ஒளிப்பதிவாளராக பணியாற்றிய நிஜய் இப்படத்தின் ஒளிப்பதிவை மேற்கொள்கிறார்.

கோபி – சுதாகர் நடிக்கும் இப்படத்தின் தலைப்பும், நடிகர் நடிகையர் மற்றும் தொழில்நுட்ப கலைஞர்கள் விவரமும் விரைவில் அதிகாரப்பூர்வமாக அறிவிக்கப்படும் என தயாரிப்பு தரப்பு கூறியுள்ளது.

Continue Reading

Tamil Cinema News

தமன்னா நடிக்கும் ‘பெட்ரோமாக்ஸ்’

Published

on

By

தமன்னா நடிக்கும் பெட்ரோமாக்ஸ் - 4 Tamil Cinema

ஈகிள்ஸ் ஐ புரொடக்ஷன்ஸ் தயாரிப்பில், ரோகின் வெங்கடேசன் இயக்கத்தில் முதன்மைக் கதாநாயகியாக தமன்னா நடிக்கும் படம் ‘பெட்ரோமாக்ஸ்’.

பல வெற்றித் திரைப்படங்களை உலகெங்கும் விநியோகம் செய்த ஈகிள்ஸ் ஐ புரொடக்ஷன்ஸ் நிறுவனம், இப்படத்தின் மூலம் முதல் முறையாக திரைப்படத் தயாரிப்பில் தடம் பதிக்கிறது. இப்படத்தை இயக்கும் ரோகின் வெங்கடேசன் ‘அதே கண்கள்’ படத்தின் மூலம் இயக்குனராக அறிமுகமானவர்.

ஈகிள்ஸ் ஐ புரொடக்ஷன்ஸ் தனது முதல் தயாரிப்பிலேயே பெண்களை முன்னிலைப்படுத்தும் ஒரு ஆழமான கதையை திகில் மற்றும் நகைச்சுவை கலந்து ஒரு ஜனரஞ்சகமான படமாக படைக்க இருக்கிறது.

நயன்தாராவை தொடர்ந்து தமன்னாவும், தனக்கென ஒரு தனி பாணியை உருவாக்கும் நோக்கில், பெண் கதாபாத்திரங்களுக்கு அதிக முக்கியத்துவம் தருகின்ற, பெண்களை மையப்படுத்தி எடுக்கப்படுகின்ற திரைப்படங்களுக்கு முன்னுரிமை அளித்து வருகிறார். அந்த வரிசையில் முதல் படமாக இப்படத்தில் நடிக்கவிருக்கிறார்.

இப்படத்தில் யோகி பாபு, முனீஸ் காந்த், சத்தியன், காளி வெங்கட், மற்றும் சின்னத்திரை புகழ் டிஎஸ்கே, பிரேம், ஸ்ரீஜா, கே எஸ் ஜி வெங்கடேஷ், பேபி மோனிகா மற்றும் பலர் நடிக்கின்றனர்.

ஒவ்வொரு மனிதனுக்கும் ஏதாவது ஒரு பிரச்சனை நிச்சயம் இருக்கும். அதைத் தீர்க்கும் நோக்கில் ஒவ்வொருவராக இணைந்து, இறுதியில் ஒரு பலமான கூட்டணியாகச் சேர்ந்து, தங்களது பிரச்சனைகளுக்குத் தீர்வு காணும் முயற்சியில் ஈடுபடுகிறார்கள். அந்த பிரச்சனை தீர்ந்ததா, அந்த பிரச்சனைகளுக்கு காரணம் யார், அவர்கள் அதை எப்படி வெற்றி கொண்டார்கள் என்பதை நகைச்சுவையும் திகிலும் கலந்து ஜனரஞ்சகமாக படமாக்கி வருகிறார் இயக்குனர் ரோகின்.

டேனி ரேமண்ட் ஒளிப்பதிவில், லியோ ஜான் பால் படத்தொகுப்பில், வினோத் ராஜ்குமார் கலை இயக்கத்தில், ஜிப்ரான் இசையமைக்கிறார். ஜிஆர் சுரேந்தர்நாத் வசனம் எழுத, ஹரி தினேஷ் சண்டை பயிற்சி அமைக்கிறார்.

இப்படத்தின் முதல் பார்வை சமீபத்தில் வெளியிடப்பட்டது.

Continue Reading
Advertisement

Tamil Movies Database

Trending

error: Content is protected !!