Connect with us

Tamil Cinema News

‘தேவ்’ காதல் படம் மட்டுமல்ல – கார்த்தி

Published

on

karthi dev press meet

பிரின்ஸ் பிக்சர்ஸ் தயாரிப்பில், ரஜத் ரவிசங்கர் இயக்கத்தில், ஹாரிஸ் ஜெயராஜ் இசையமைப்பில், கார்த்தி, ரகுல் ப்ரீத் சிங் மற்றும் பலர் நடிக்கும் படம் ‘தேவ்’.

இப்படத்தின் பத்திரிகையாளர் சந்திப்பு சென்னையில் நடைபெற்றது.

நிகழ்ச்சியில் தயாரிப்பாளர் லட்சுமணன், படத்தை தமிழ்நாடு முழுவதும் வெளியிடும் வினியோகஸ்தர் எச். முரளி, இயக்குனர் ரஜத் ரவிசங்கர், கார்த்தி, ரகுல் ப்ரீத் சிங், கேமராமேன் வேல்ராஜ் , கலை இயக்குனர் ராஜீவன், பாடலாசிரியர் தாமரை, நடிகர் ஆர்.ஜே. விக்னேஷ், நடிகை அம்ருதாஉள்ளிட்டவர்கள் கலந்து கொண்டனர்.

நிகழ்ச்சியில் கார்த்தி பேசும்போது

தயாரிப்பாளர் லட்சுமணும் நானும் சிறு வயதிலிருந்தே நண்பர்கள். எப்போதும் ஒன்றாகத்தான் இருப்போம். அவரைப் பார்த்து இப்படி ஒரு உண்மையான மனிதன் இருக்க முடியுமா ? என்று ஆச்சர்யபட்டிருக்கிறேன். அவரின் தாத்தா எம்ஜிஆர் நடித்த ‘மதுர வீரன்’ படத்தைத் தயாரித்தவர்.

இப்படம் காதல் கதை மட்டுமல்ல. உங்களை சுற்றியிருக்கும் அனைத்தையும் விரும்ப வேண்டும் என்று கூறும் படம். இந்த நிமிடம் உன்னுடைய இதயம் என்ன சொல்கிறதோ அதை செய் என்ற கருத்தைத் தாங்கி வரும்.

ரஜத் திறமையான இயக்குநர். அவர் இன்னும் நிறைய படங்கள் இயக்க வேண்டும் என்று அவரை பார்க்கும் போதெல்லாம் கூறுவேன்.

ரகுல் ப்ரித் சிங் சிறந்த நடிகை. இது போல அவர் பல கதாபாத்திரங்களில் நடிக்க வேண்டும். இப்படத்திற்காக ஒவ்வொருவரும் கடுமையாக உழைத்திருக்கிறார்கள். அனைவருக்கும் இப்படம் மிகவும் பிடிக்கும்,” என்றார்.

தயாரிப்பாளர் லக்ஷ்மன் பேசுகையில்,

“குழந்தை பருவத்தில் என் வாழ்க்கையின் ஒரு பகுதியாகவே கார்த்தி இருந்தார். அவருடன் இருக்கும் தருணங்கள் அழகானதாக இருக்கும். ரஜத் கதை சொல்லும்போது என்ன கூறினாரோ அதை அப்படியே படமாக்கிக் கொடுத்திருக்கிறார். பல இடங்களில் படப்பிடிப்பு நடத்தினோம். அங்கு சவாலான பல தருணங்களை சந்தித்தோம். படக் குழுவினரின் இந்த செயலைக் கண்டு நான் பிரமித்தேன்,” என்றார்.

ரகுல் ப்ரீத் சிங் பேசும் போது,

இயக்குநர் ரஜத் என் மேல் நம்பிக்கை வைத்து இந்த கதாபாத்திரத்தைக் கொடுத்திருக்கிறார். கதை கேட்டதும் எனக்கு மிகவும் பிடித்திருந்தது. அதிலும் என்னுடைய கதாபாத்திரத்தை விரும்பி நடித்தேன். இயக்குநர் மிகவும் கடினமாக உழைத்திருக்கிறார்.

கார்த்தியைப் பற்றி நான் சொல்லித் தெரிய வேண்டியதில்லை. அவருடன் பணியாற்றுவது கடினமாக இருக்காது. ‘தீரன் அதிகாரம் ஒன்று’ படத்தில் எங்கள் கூட்டணி வெற்றி பெற்றது. அதுபோல் இப்படத்திலும் வெற்றி பெரும் என்று நம்புகிறேன். கார்த்திக்குடன் இன்னும் பல படங்களில் இணைந்து பணியாற்றும் அழகான வாய்ப்பு கிடைக்க வேண்டும் என்று விரும்புகிறேன்,” என்றார்.

இயக்குநர் ரஜத் ரவி சங்கர் பேசுகையில்,

இந்தக் கதை தான் என்னுடைய முதல் படமாக இருக்கும் என்று எதிர்பார்க்கவில்லை. ஒரு இரவு உணவு வேளையில் பேசிக் கொண்டிருக்கும் போது தான் இப்படம் முடிவானது.

இப்படம் எடுத்து முடிக்க குறைவான நேரம் தான் ஒதுக்கினோம். ஆனால் அதற்குள் படப்பிடிப்பிற்கு தேவையான அனைத்து உபகாரணங்களையும் தயாரிப்பு நிர்வாகம் சிறப்பாக செய்து கொடுத்தார்கள்.

கார்த்திக் அண்ணாவின் முதல் படத்திலிருந்தே நான் அவருடைய ரசிகன். இப்படத்திற்காக கடினமாக உழைத்திருக்கிறார். மேலும் எனக்கு மிகவும் உறுதுணையாக இருந்தார்.

ரகுல் ப்ரீத் சிங்கை பொறுத்தவரை வந்தோம், நடித்தோம், சென்றோம் என்ற பழக்கம் அவரிடம் இருக்காது. அவரது நடிப்பு நிச்சயம் தாக்கத்தை ஏற்படுத்துவது போல் தான் இருக்கும். இந்தப் படத்தில் அவருடைய முழு திறமையையும் காட்டியிருக்கிறார்.

அனைத்து தொழில்நுட்ப கலைஞர்களுடன் பணியாற்றியதில் மகிழ்ச்சி,” என்றார்.

பிரின்ஸ் பிக்சர்ஸ் லட்சுமண் தயாரிப்பில் கார்த்தி நடிக்கும் திரைப்படம் “ தேவ் “. இப்படத்தின் பத்திரிகையாளர் சந்திப்பு இன்று நடைபெற்றது. இதில் கதாநாயகன் கார்த்தி, கதாநாயகி ரகுல்ப்ரீத் சிங், தயாரிப்பாளர் லட்சுமண், இயக்குனர் ரஜத் ரவிசங்கர், உள்ளிட்டோர் பங்கேற்றனர்.

Tamil Cinema News

அறிவழகன், அருண் விஜய் படம் ஆரம்பம்

Published

on

By

அறிவழகன், அருண் விஜய் படம் ஆரம்பம்

ஆல் இன் ஆல் பிக்சர்ஸ் சார்பில் ராகவேந்திரா தயாரிக்க, அறிவழகன் இயக்கத்தில், சாம் சிஎஸ் இசையமைப்பில், அருண் விஜய், ரெஜினா, அறிமுக நாயகி ஸ்டெபி பட்டேல், பகவதி பெருமாள் மற்றும் பலர் நடிக்கும் புதிய படத்தின் படப்பிடிப்பு இன்று பூஜையுடன் ஆரம்பமானது.

‘குற்றம் 23’ படத்திற்குப் பிறகு அறிவழகன், அருண் விஜய் இணைந்துள்ள இந்தப் படம் ஒரு ஸ்பை ஆக்ஷன் த்ரில்லர் படம்.

சென்னை, ஹைதராபாத், டெல்லி ஆகிய இடங்களில் படப்பிடிப்பு நடைபெற உள்ளது.

இன்று நடைபெற்ற பூஜையில் படக்குழுவினர் கலந்து கொண்டனர்.

Continue Reading

Tamil Cinema News

தமிழ் சினிமாவைக் கவிழ்க்கும் ‘கேப்மாரி’ பிரமோட்டர்கள்

Published

on

By

தமிழ் சினிமாவைக் கவிழ்க்கும் கேப்மாரி பிரமோட்டர்கள்

தமிழ் சினிமா பல தடைகளைத் தாண்டி எப்படியாவது ஒரு அடியாவது முன்னேறினாலும், அந்த சினிமாவை வைத்து எப்படியாவது சம்பாதிக்க வேண்டும் என்று நினைக்கும் சிலரால் பின்னுக்கு இழுக்கப்படுகிறது.

ஒரு காலத்தில் திரைப்படங்களுக்கான விளம்பர தளமாக பத்திரிகைகள் மட்டுமே இருந்தன. தினசரி, வாரப் பத்திரிகைகளில் அதன் விளம்பரங்கள் வெளியாகும்.

அதன்பின் சாட்டிலைட் டிவிக்கள் வந்த பிறகு சில வசதியுள்ள தயாரிப்பாளர்கள் அவற்றில் விளம்பரங்களைக் கொடுத்தனர்.

இப்போது டிஜிட்டல் யுகம். இணையதளங்கள், சமூக வலைத்தளங்கள் என டிஜிட்டல் தொழில்நுட்பத்தில் சில முன்னேற்றங்கள் வந்துள்ளன. அவற்றிலும் சினிமா விளம்பரங்கள் வர ஆரம்பித்துள்ளன.

குறைந்த செலவில் நிறைவான விளம்பரம் என்பது டிஜிட்டல் தொழில்நுட்பத்தில் இருக்கும் ஒரு வசதி.

தினசரி, வார பத்திரிகைகளில் ஆகியவற்றில் நீங்கள் பக்கத்தைப் புரட்டும் போது மட்டும்தான் உங்கள் கண்களில் விளம்பரம் படும். டிவிக்களில் நிகழ்ச்சிகளுக்கு இடையே தான் நீங்கள் விளம்பரங்களைப் பார்க்க முடியும். விளம்பரம் வரும் போது டிவியை மாற்றுபவர்கள்தான் பலர்.

ஆனால், இணையதளங்களில் அப்படியில்லை. நீங்கள் எத்தனை பக்கங்களைப் பார்த்தாலும் மேல்புறம், இடது, வலது பக்கங்கள் என நிரந்தரமாக அவை நம் கண்களுக்குத் தெரியும். இது பார்வையாளர்களுக்கும் எந்த இடைஞ்சலையும் தராது.

இணையதளங்களில் விளம்பரம் செய்வது, அதற்காக செலவிடும் பணத்திற்கு உரிய அளவில் பார்வையாளர்களைச் சென்றடையும்.

டிஜிட்டல் விளம்பரங்களில் மற்றொரு வகை சமூக வலைத்தளங்கள். அதில் டிவிட்டர் தளத்தைத்தான் சினிமா தயாரிப்பாளர்கள் அதிகம் பயன்படுத்துகின்றனர்.

டிவிட்டரில் ‘டிரென்டிங்’ என்ற ஒன்று வந்துவிட்டால் அது படத்திற்கு பெரிய விளம்பரம் என பொய்யான ஒரு தகவலை சில டிவிட்டர் பிரமோட்டர்கள் பரப்பி உள்ளனர். இந்த டிரென்டிங் விவகாரம் கடந்த சில வருடங்களில் அதிகரித்துள்ளது.

டிரென்டிங்கில் வந்த படங்கள் என்றால் அவை அனைத்துமே வெற்றிப் படங்களாக அல்லவா அமைந்திருக்க வேண்டும்.

மேலும், டிவிட்டரில் ஒரு படத்தின் விளம்பரத்தை ஒரு டிவிட்டர் கணக்காளர் வெளியிட்டால், அவர் மேலும் மேலும் வேறு தகவல்களைப் பதிவிடும் போது அந்த விளம்பரம் கீழே போய்விடும். அவற்றை யாரும் தேடிப் பிடித்துப் பார்க்கப் போவதில்லை.

அதோடு, டிவிட்டரில் அப்படி எழுதும் கணக்காளர்கள் பெரும்பாலும் அவர்களது சொந்தக் கருத்துக்களை என்றுமே பதிவிடுவதில்லை. பிரமோஷனுக்காக யாரோ ஒருவர் எழுதிக் கொடுப்பதை அப்படியே ‘காப்பி, பேஸ்ட்’ செய்து மட்டுமே பதிவிடுகிறார்கள்.

உண்மையிலேயே ஒரு படம் சிறப்பாக இருந்தால் அந்தப் படத்தைப் பற்றி பதிவிடுவதில் எந்த தவறுமில்லை. ஆனால், மக்களால் ஏற்றுக் கொள்ளப்படாத, ரசிக்கப்படாத ஒரு படத்திற்கு பொய்யாக அதிக வரவேற்பு இருக்கிறது என்ற ஒரு மாயையை அவர்கள் ஏற்படுத்துகிறார்கள்.

இப்படியான போலியான டிவிட்டர் பிரமோஷன்களைச் செய்ய சிலர் தமிழ் சினிமா உலகில் இருக்கிறார்கள்.

அவர்கள் தங்களுக்கு வசதியான சிலரைத் தேர்ந்தெடுத்து அந்தப் படங்களைப் பற்றி அதிகபட்சமான ஸ்டார்களைக் கொடுக்க வைத்து தயாரிப்பாளரைத் திருப்திப்படுத்த முயற்சிக்கிறார்கள்.

அப்படி போலியான ஸ்டார்கள் வாங்கும் படங்களுக்குத் தியேட்டரில் கொஞ்சமாவது ஆட்கள் வர வேண்டுமே. அப்படி யாரும் வருவதில்லை. கடந்த வாரம் வெளிவந்த ‘இருட்டு’ படத்திற்கு இப்படித்தான் ஸ்டார்களை அள்ளிக் கொடுத்தார்கள். ஆனால், தியேட்டரில் அந்தப் படத்திற்கு வருகை தந்தவர்கள் மிக மிகக் குறைவு.

உண்மையில் இந்தப் படத்திற்கு பத்திரிகையாளர் காட்சி கூட போடவில்லை. ஒரு படம் என்றால் அதன், நிறை, குறைகளை அலசி ஆராய்ந்து எழுதுவதுதான் விமர்சனம். அப்படியான விமர்சனங்களை எழுதுபவர்களை இந்த டிவிட்டர் பிரமோட்டர்கள் கணக்கில் எடுத்துக் கொள்ள மாட்டார்கள்.

டிவிட்டரில் எதிர்மறையாக வேண்டுமென்றே உருவாக்கப்படும், சில தவறான விமர்சனங்கள் காரணமாக நன்றாக இருக்கும் ஒரு படத்திற்குக் கூட ரசிகர்கள் வரத் தயங்குகிறார்கள். இது நல்ல படம் எடுக்கும் தயாரிப்பாளர்கள், இயக்குனர்கள், நடிகர்கள் ஆகியோரை மிகவும் பாதிக்கிறது.

மேலும், அவற்றில் மறைமுகமாக மற்றவர்களையும் தாக்குகிறார்கள். சில சமயங்களில் ரசிகர்கள் என்ற போர்வையில் நேரடித் தாக்குதல்களும் நடக்கிறது.

அடிக்கடி இப்படி டிவிட்டரில் கருத்துக்கள் வர வேண்டும் என்பதற்கு சில காப்பி பேஸ்ட் இணையதளங்கள், போலியான டிவிட்டர் கணக்குகள் ஆகியவற்றை பயன்படுத்துகிறார்கள்.

இப்படி டிவிட்டர் பிரமோஷன்களைத் தருவதில் தமிழ் சினிமாவில் சிடிசி (CTC)  என்பவர்கள் மீது திரையுலகில் சில குற்றச்சாட்டுக்கள் ஏற்கெனவே எழுந்துள்ளன. சில பல லட்சங்களை வாங்கிக் கொண்டு ‘டிரென்டிங்’ என்ற ஒற்றை வார்த்தையை வைத்துக் கொண்டு தயாரிப்பாளர்களுக்குத் தேவையான முழுமையான விளம்பரத்தை அவர்கள் ஏற்படுத்தித் தருவதில்லை என்கிறார்கள். இவர்களது கையில் அடுத்து வந்துள்ளது ஆபாசப் படமான ‘கேப்மாரி’.

ஒரு படத்தை அதன் பூஜையிலிருந்து படம் வெளிவரும் வரை பத்திரிகைகள் இணையதளங்கள், டிவிக்கள் என அனைத்து தரப்பு மீடியாக்களிடமும் கொண்டு போய் சேர்ப்பதில் திரைப்பட மக்கள் தொடர்பாளர்கள் (பிஆர்ஓ) கடுமையாக உழைக்கிறார்கள்.

அவர்களது உழைப்பையும் முடக்கும் அளவிற்கு சில பிரமோட்டர்கள் நடந்து கொள்வதை பிஆர்ஓ-க்களும் தயாரிப்பாளர்களும் உணர வேண்டும்.

மேலும், ஆபாசப் படமாக இருந்தாலும் பரவாயில்லை, அவற்றை டிரென்டிங்கில் வரவைத்து அவற்றை நல்ல படம் போல ரசிகர்களிடம் காட்டி ஓட வைத்துவிடலாம் என்பதும் டிவிட்டர் பிரமோட்டர்களின் எண்ணமாக இருக்கிறது.

இதற்கு இந்த வாரம் வெளிவர உள்ள ‘கேப்மாரி’ என்ற படம் ஒரு உதாரணம். நடிகர் விஜய்யின் அப்பா எஸ்.ஏ. சந்திரசேகர் இயக்கியுள்ள இந்தப் படத்திற்கு ‘ஏ’ சான்றிதழ் வழங்கப்பட்டுள்ளது. ஆபாசமான கதை என்பதால்தான் ‘ஏ’ சான்றிதழ். இந்தப் படத்தை 18 வயதுக்குக் கீழ் உள்ளவர்கள் பார்க்கக் கூடாது.

இந்தப் படத்தின் டிவிட்டர் பிரமோஷனை இப்போது ஆரம்பித்துள்ளார்கள். இப்படியான படங்கள் மக்களின் கண்களில் அதிகம் படுவது சமூகத்திற்கும், இளம் தலைமுறைக்கும் கேடான ஒரு விஷயம்.

நாட்டில் கற்பழிப்புகள், கொலைகள் அதிகம் வருவதற்கு இது போன்ற சில தரமற்ற ஆபாசத் திரைப்படங்களும் ஒரு மறைமுகக்  காரணம் என முந்தைய சில சம்பவங்கள் நிரூபித்துள்ளன.

இன்று தமிழ் சினிமாவில் உயர்ந்த நிலையில் இருக்கும் நடிகர் விஜய்யின் அப்பா எஸ்.ஏ. சந்திரசேகர், ‘ஏ’ சான்றிதழ் பெறும் அளவிற்கு ‘கேப்மாரி’ என்ற இந்த ஆபாசப் படத்தை இயக்கியருக்கிறார் என்பது அதிர்ச்சியான ஒரு விஷயம்.

மோசமான படம் எடுத்தாலும் பரவாயில்லை, டிவிட்டர் டிரென்டிங் மூலம் அவற்றை மக்களிடம் கொண்டு போய் சேர்த்துவிடலாம் என நினைப்பது எந்த மாதிரியான மனோபாவம் ?.

Continue Reading

Tamil Cinema News

தர்பார் இசை வெளியீடு – தமிழக அரசுக்கு நன்றி தெரிவித்த ரஜினிகாந்த்

Published

on

By

தர்பார் இசை வெளியீடு - தமிழக அரசுக்கு நன்றி தெரிவித்த ரஜினிகாந்த்

ரஜினிகாந்த், நயன்தாரா மற்றும் பலர் நடிக்க அனிருத் இசையமைப்பில் ஏஆர் முருகதாஸ் இசையமைப்பில், லைகா புரொடக்ஷன்ஸ் தயாரித்துள்ள ‘தர்பார்’ படத்தின் இசை வெளியீட்டு விழா நேற்று சென்னையில் நடைபெற்றது.

நிகழ்ச்சியில் தயாரிப்பாளர் லைக்கா சுபாஷ்கரன், ரஜினிகாந்த். இயக்குனர் ஏஆர் முருகதாஸ், இசையமைப்பாளர் அனிருத், ஆகியோர் குடும்பத்துடன் கலந்து கொண்டனர்.

படத்தில் நடித்துள்ள சுனில் ஷெட்டி, நிவேதா தாமஸ், யோகிபாபு, ஒளிப்பதிவாளர் சந்தோஷ் சிவன், பாடலாசிரியர் விவேக் உள்ளிட்டோரும் பங்கேற்றனர்.

இயக்குனர் ஷங்கர், ராகவா லாரன்ஸ், அருண் விஜய் ஆகியோரும் வந்திருந்தனர்.

நிகழ்ச்சியில் பேசிய ரஜினிகாந்த்,

“இந்த அரங்கைத் தமிழக அரசு நிர்வாகித்து வருகிறது. இசை வெளியீட்டு விழாவுக்கு பெரும்பாலும் கொடுப்பதில்லை. தமிழக அரசைப் பலமுறை விமர்சித்திருக்கிறேன். அதெல்லாம் மறந்து, இந்த இசை வெளியீட்டு விழாவுக்கு அரங்கைக் கொடுத்தமைக்கு நன்றியை தெரிவித்துக் கொள்கிறேன்.

பாலசந்தர் சாருடைய மனதுக்கு ரொம்ப நெருக்கமான பெயர் ரஜினிகாந்த். அவர் பல புதுமுகங்களை அறிமுகப்படுத்தினாலும், அந்தப் பெயரை யாருக்கு வைக்கலாம் என்று யோசித்து, நல்ல நடிகனுக்குத் தான் வைக்க வேண்டும் என்ற நம்பிக்கையில் எனக்கு வைத்தார். அவருடைய நம்பிக்கை வீண் போகவில்லை.

இவனை வைத்துப் படமெடுத்தால் லாஸாகிவிடும் வேண்டாம் என்று சொன்ன போது, என் மீது நம்பிக்கை வைத்து ஹீரோவாக போட்டு படமெடுத்தார். அந்த நம்பிக்கை வீண் போகவில்லை. அதே போல் என்னை நம்பி இதுவரை பணம் போட்ட தயாரிப்பாளர்களுடைய பணம் எதுவும் வீண் போகவில்லை. அதே போல் நீங்கள் என் மீது வைத்திருக்கும் நம்பிக்கையும் வீண் போகாது.

‘தர்பார்’ படம் எல்லோருக்கும் ஒரு விருந்தாக இருக்கும். ரமணா, கஜினி ஆகிய முருகதாஸ் படங்கள் பார்த்து அவருடன் படம் எடுக்க வேண்டும் என முடிவு செய்து பேசினோம். நான் சிவாஜியும், அவர் இந்தியில் கஜினியும் செய்தார். நான் லிங்கா படத்துல நடிச்ச பிறகு இனி இளமையான தோற்றத்துல படம் நடிக்கக் கூடாதுனு நினைச்சேன். அதனால் நாங்க படம் பண்ணுவது தள்ளி போய் கொண்டே இருந்தது.

இடையில என் வயதுக்கேற்றாற் போல காலா, கபாலி என படங்கள் பண்ணி கொண்டிருந்தேன். அப்போது 90’இல் இருந்தது போல் என்னைப் பார்க்க வேண்டும் என கார்த்திக் சுப்புராஜ் `பேட்ட’ எடுத்தார். அவர் என்னை இளமையாகக் காண்பிக்க நினைத்து வேலைபார்த்தார்.

அதைப் பார்த்து முடிக்கும்முன் ஒருவாரத்தில் அதேபோல் ஒரு ஸ்கிரிப்ட் உடன் முருகதாஸ் வந்திருந்தார். அருமையான ஒரு படத்தை முருகதாஸ் கொடுத்து இருக்கார். மூன்று முகத்துக்கு அப்புறம் இந்தப் படம் ஃபவர் புல் கேரக்டர் ல பண்ணி இருக்கேன்.

150 படங்கள் பண்ணியிருந்தாலும் த்ரில்லர் சஸ்பென்ஸில் இது ஒரு திருவிழா. அவ்வளவு சிறப்பாகச் செய்துள்ளார் முருகதாஸ். தளபதி படத்திற்குப் பின் சந்தோஷ் சிவனுடன் இணைந்துள்ளேன். என்னுடைய ஒவ்வொரு படத்திலும் அவர் உள்ளாரா என கேட்பேன். 29 வருடங்களுக்கு பிறகு அவருடன் இணந்துள்ளது மகிழ்ச்சி.

சந்திரமுகிக்குப் பிறகு நயன்தாராவுக்கு என்னுடய படத்தில் அருமையான கேரக்டர்.

அனிருத் நம்ம வீட்டுக் குழந்தை. அவரது வளர்ச்சி படத்துக்குப் படம் சந்தோஷம். இளையராஜாக்கு ஸ்டோரி சென்ஸ் இருப்பது போல எந்த இசையமைப்பாளருக்கும் இல்லை. அந்த க்வாலிட்டி அனிருத்துக்கு இப்போதே வந்துள்ளது. பேட்ட ஆலபத்தை விட தர்பார் இன்னும் சிறப்பாக இருக்கும்.

வரும் 12-ம் தேதி எனக்குப் பிறந்த நாள். இந்தாண்டு ரொம்பவே ஸ்பெஷல். 69 வயது முடிந்து 70 வயதைத் தொடங்குகிறேன். எப்போதும் போல் இந்தாண்டும் பிறந்த நாளன்று ஊரில் இருக்கமாட்டேன். ரசிகர்கள் ரொம்ப ஆடம்பரமாக என் பிறந்த நாளைக் கொண்டாட வேண்டாம். ஏழை மக்களுக்கு உதவிகள் செய்யுங்கள்.

இதுவரைக்கும் யாருக்கும் தெரியாத 2 விசயங்களை இந்த விழாவில் சொல்கிறேன்.

முதல் விஷயம் நான் சென்னைக்கு வந்தது பற்றி,

கன்னட மீடியத்தில் படித்த என்னை ஆங்கில மீடியத்தில் சேர்த்தார்கள். படிப்பில் பின் தங்கினேன். ஆனால், அதன் பிறகு ஒரு பணக்கார காலேஜில் சேர்த்து விட்டனர். அங்கும் என்னைப் போல ஆர்வமில்லாதவர்களுடன் சேர்ந்து ஊர் சுற்றினேன். கஷ்டப்பட்டு எனக்கு அண்ணா காலேஜ் ஃபீஸ் கட்டினார். எக்ஸாம் எழுதினால் பாஸ் ஆக மாட்டேன் என்று எனக்குத் தெரியும்.

நடு இரவில் பெங்களூரூவிலிருந்து ட்ரெயின் ஏறினேன். அது தமிழ்நாடு மெட்ராஸூக்கு போகும் என்றார்கள். ஏறினேன், இறங்கும் போது டிக்கெட்டை தொலைத்து விட்டேன். அப்போது எனக்கு கன்னடம் மட்டும் தான் தெரியும். டிக்கெட் தொலைத்து விட்டேன் என்று சொல்லியும் செக்கர் நம்பவில்லை. அப்ப அங்கு வந்த கூலி ஆட்கள் எனக்காக சப்போர்ட் செய்து பேசினார்கள். அதன் பிறகு தான் செக்கர் போ என்று சொல்லி தமிழ்நாட்டு மண்ணுக்குள் விட்டார்.

16 வயதினிலே பரட்டை தான் என்னை பட்டி தொட்டியெல்லாம் கொண்டு போய்ச் சேர்த்தது. அந்தப் படத்தில் எனக்கு ஆயிரம் ரூபாய் அட்வான்ஸ் கூடத் தரால் நடிக்க வரச் சொன்னார்கள். ஆனால், பணம் தராமல் என்னை அவமானப்படுத்தினார்கள். அப்போது, பெரிய ஆள் ஆகி ஏவிஎம் ஸ்டுடியோவில் கால்மேல் கால்போட்வில்லை என்றால் ரஜினி இல்லை என்று முடிவுசெய்தேன். அதே போல், ஃபாரின் கார், ஃபாரின் ட்ரைவர் என ஃப்ரண்ட் சீட்டில் உட்கார்ந்து விடுறா வண்டிய என ஏவிஎம் ஸ்டுடியோ நோக்கி சென்று 555 சிகரெட் பிடித்தேன். அங்கிருந்தவர்கள் கவர்னர்தான் வந்து விட்டாரோ என நினைத்தார்கள்.

அதன் பிறகு பாலச்சந்தரை பார்க்கப் போனேன். 2 வருடத்தில் சாதித்தேன் என்றால், நான் மட்டும் என்று சொல்வது தப்பாகிவிடும். அந்த நேரத்தில் இயக்குநர்கள், பாத்திரம், கதை என எல்லாம் சரியாக அமைந்தது தான் காரணம்.

நம்மால் தான் வெற்றி என்றால் 10% தான். வெற்றி என்பது சந்தர்ப்பம், நேரம், சாணக்கியத்தனம் தான். இப்போது நிறைய நெகட்டிவிட்டி இருக்கிறதும், பிறரைப் புண்படுத்துவதும் சகஜமாகிவிட்டது. சினிமா, அரசியல் என எல்லாவற்றிலும் அன்பு செய்யுங்கள்,” என்றார் ரஜினிகாந்த்.

Continue Reading
Advertisement

Tamil Movies Database

Trending

error: