Connect with us

Upcoming Movies

‘எச்சரிக்கை இது மனிதர்கள் நடமாடும் இடம்’ – விரைவில்…திரையில்…

Published

on

Echarikkai Idhu Manithargal Nadamadum Idam

நல்ல படங்களைக் கண்டுபிடித்து அதை முறைப்படி மொத்தமாக வாங்கி சிறப்பாக வெளியிட்டு நல்ல விநியோகஸ்தர் என்று பெயரெடுத்தவர் கிளாப் போர்டு புரொடக்‌ஷன்ஸ் வி.சத்யமூர்த்தி. ‘தப்பு தண்டா’ படத்தின் மூலம் திரைத்துறைக்கு நடிகராகவும் தயாரிப்பாளராகவும் அறிமுகமானவர்.

அதற்குப் பிறகு சுசீந்திரன் இயக்கிய ‘நெஞ்சில் துணிவிருந்தால்’, விஜய்சேதுபதி நடித்த ‘ஒரு நல்ல நாள் பார்த்து சொல்றேன்’, ‘கோலி சோடா 2’, போன்ற படங்களை மொத்தமாக வாங்கி வெளியிட்டார்.

‘எச்சரிக்கை இது மனிதர்கள் நடமாடும் இடம்’ படத்தை பார்த்த சத்தியமூர்த்தி பாராட்டியதுடன் இல்லாமல் படத்தை மொத்தமாக வாங்கி வெளியிடுகிறார்.

டைம் லைன் சினிமாஸ் மற்றும் சுந்தரம் அண்ணாமலை புரொடக்‌ஷன்ஸ் பட நிறுவனங்கள் இணைந்து தயாரித்துள்ள இந்தப் படத்தை சர்ஜுன் எழுதி இயக்கி இருக்கிறார்.

இவர் யூ டியூபில் பிரபலமான ‘லட்சுமி, மா’ ஆகிய குறும்படங்களை இயக்கியவர். அத்துடன் மணிரத்னம், ஏ.ஆர். முருகதாஸ் ஆகியோரிடம் உதவியாளராகப் பணியாற்றியவர்.

இந்தப் படத்தின் சிறப்பையும் ‘மா, லட்சுமி’ ஆகிய குறும் படங்களின் நேர்த்தியையும் கேள்விப்பட்ட “அறம், குலேபகாவலி” படங்களின் தயாரிப்பாளர் ராஜேஷ், நடிகை நயன்தாரா இருவரும் சர்ஜுன் சொன்ன வித்தியாசமான கதையைக் கேட்டு உடனடியாக அவரை அவர்களது அடுத்த படத்திற்கு ஒப்பந்தம் செய்துவிட்டார்கள்.

‘எச்சரிக்கை இது மனிதர்கள் நடமாடும் இடம்’ படத்தைப் பற்றி இயக்குனர் சர்ஜுன் கூறியதாவது,

“படத்தின் டைட்டிலிலேயே இது திரில்லர் படம் என்று சொல்லி இருக்கிறோம். சத்யராஜ் சார் ஓய்வு பெற்ற போலீஸ் அதிகாரியாக தூள் கிளப்பி இருக்கிறார். கடத்தல் பற்றி இதில் சொல்லி இருக்கிறோம்,” என்றார்.

பாண்டிச்சேரி, சென்னை ஆகிய இடங்களில் இப்படத்தின் படப்பிடிப்பு நடைபெற்றுள்ளது.

கிளாப் போர்டு புரொடக்சன்ஸ் தற்போது யூ டியூப் புகழ் இளைஞர்களை வைத்து ‘ஓடவும் முடியாது ஒளியவும் முடியாது’ என்ற படத்தையும் தயாரித்து முடித்றிருக்கிறது என்பது குறிப்பிடத்தக்கது. இந்தப் படத்தின் இசை வெளியீடு விரைவில் நடக்க இருக்கிறது.

ஒளிப்பதிவு…. சுதர்ஷன் ஸ்ரீனிவாஸ்
இசை…சுந்தரமூர்த்தி கே.எஸ்..
பாடல்கள்..கபிலன்
கலை…விஜய் ஆதி நாதன்
நடனம்…விஜய்சதீஷ்..சஅனுஷாசஸ்வாமி
ஸ்டண்ட்…மிராக்கில் மைக்கேல்
இயக்கம்…சர்ஜுன்

Upcoming Movies

மோசடி – விரைவில்…திரையில்…

Published

on

By

மோசடி - விரைவில்...திரையில்...

JCS மூவீஸ் பட நிறுவனம் தயாரிப்பில் ஜெகதீசன் இயக்கும் படம் ‘மோசடி’.

இந்த படத்தில் விஜூ நாயகனாக நடிக்க, நாயகியாக பல்லவி டோரா நடித்துள்ளார். மற்றும் அஜெய்குமார், N.C.B.விஜயன், வெங்கடாச்சலம், நீலு சுகுமாரன், O.S.சரவணன், மோகன் ஆகியோர் நடித்துள்ளனர்.

இது முழுக்க முழுக்க உண்மை சம்பவத்தை அடிப்படையாக கொண்டு உருவாக்கப்பட்டுள்ள படமாம்.

படம் பற்றி இயக்குனர் ஜெகதீசன் கூறியதாவது,

“கடந்த 2016 ம் ஆண்டு நவம்பர் 8 ம் தேதி இரவு 8 மணியளவில் 500, 1000 ரூபாய் நோட்டுகள் செல்லாது என்ற அறிவிப்பு வெளியானது. அதைத் தொடர்ந்து பெரும் புள்ளிகள் அவர்களின் அதிகாரத்தை பயன்படுத்தி 500 மற்றும் 1000 ரூபாய் நோட்டுக்களை எப்படி இரண்டாயிரம் ரூபாய் நோட்டுகளாக மாற்றினார்கள். அதனால் மக்கள் எப்படியெல்லாம் பாதிக்கப்பட்டார்கள். இந்த அறிவிப்பைப் பயன்படுத்தி எப்படி குறுக்கு வழியில் மோசடி செய்தார்கள். இந்த அறிவிப்பு சரியா? தவறா? என்பதை கிரைம் மற்றும் திரில்லருடன் கமர்ஷியல் கலந்து உருவாக்கி உள்ளேன்,” என்கிறார் இயக்குனர்.

ஒளிப்பதிவு – R.மணிகண்டன்
இசை – ஷாஜகான்
பாடல்கள் – மணிஅமுதவன், K.ஜெகதீசன்
எடிட்டிங் – S.M.V.சுப்பு, கோபி ரா நாத்
நடனம் – விமல், பாலா
தயாரிப்பு – JCS மூவீஸ்
கதை, திரைக்கதை,வசனம், இயக்கம் – K.ஜெகதீசன்

Continue Reading

Upcoming Movies

சிறகு – விரைவில்…திரையில்…

Published

on

By

சிறகு - விரைவில்...திரையில்...

உறவுகளின் புரிதல் தேடிப் பயணிக்கும் இரு இளைஞர்களின் கதை. இசையும், பயணமும் இரண்டறக் கலந்திருக்கும் கதைக்களம்.

சென்னையில் தொடங்கும் இப்பயணம் கன்னியாகுமரி வரை நீள்கிறது. எல்லோரும் இயந்திர கதியில் ஓடிக்கொண்டிருக்கும் இக்காலகட்டத்தில் இயற்கையோடு இயைந்த பயணமும் இசையுமே புத்துணர்வைக் கொடுக்கும் என்கிறது ‘சிறகு’.

‘மெட்ராஸ் ‘, ‘கபாலி’, ‘வடசென்னை ‘, ‘சண்டைக்கோழி-2 ‘, ‘பரியேறும் பெருமாள் ‘, ஆகிய படங்களில் நடித்த ஹரி கிருஷ்ணன் இப்படத்தின் நாயகன். நடனத்திலும், யோகாவிலும் பயிற்சி பெறற அக்ஷிதா இப்படத்தின் நாயகி.

டாக்டர் வித்யா, நிவாஸ் ஆதித்தன் ஆகியோர் இரு முக்கிய கதாபாத்திரங்களில் நடித்திருக்கின்றனர். காளி வெங்கட் நட்புக்காக இணைந்துள்ளார் .

மனதை வருடும் பாடல், இதயத்தை நனைக்கும் பாடல், துள்ளலான பாடல் என இசை வடிவம் கொடுத்திருக்கிறார் அரோல் கொரேலி.

திரைப்படத்துறையில் அனுபவம் மிக்க எக்சிகியூடிவ் புரொடியூசராக பல ஆண்டுகள் பணியாற்றிய மாலா மணியன் தனது ஃபர்ஸ்ட் காப்பி புரொடக்ஷன்ஸ் மூலம் இப்படத்தைத் தயாரித்துள்ளார்.

கவிஞர், பாடலாசிரியர் என பன்முகம் கொண்ட குட்டி ரேவதி இப்படத்தை இயக்கியிருக்கிறார் .

தயாரிப்பு : மாலா மணியன்
எழுத்து & இயக்கம் : குட்டி ரேவதி
ஒளிப்பதிவு : ராஜா பட்டச்சார்ஜி
இசை : அரோல் கொரேலி
படத்தொகுப்பு : அருண் குமார் VS
பாடல்கள் : குட்டி ரேவதி, அறிவு
மக்கள் தொடர்பு : யுவராஜ்

Continue Reading

Upcoming Movies

பைரி – விரைவில்…திரையில்…

Published

on

By

பைரி - விரைவில்...திரையில்... - 4 Tamil Cinema

டிகே புரொடக்‌ஷன்ஸ் சார்பாக, V. துரைராஜ் தயாரிக்கும் முதல் திரைப்படம் ‘பைரி’.

புறா பந்தயத்தை மையமாக வைத்து, இந்திய சினிமாவில் சில திரைப்படங்கள் வந்திருந்தாலும், புறா பந்தயத்தின் தீவிரத்தையும், அதில் ஈடுபடுபவர்களின் வாழ்வியலையும் குறித்தும் முழுமையாகப் பேசும் ஒரு திரைப்படமாக உருவாகி வருகிறது ‘பைரி’.

குமரி மாவட்டத்தின் தலைநகரமான, நாகர்கோவிலும், அதன் சிறப்புகளும் அனைவரும் அறிந்ததே. ஆனால் 100 ஆண்டுகளுக்கு மேலாக நாகர்கோவில் நகரில், நடந்த புறா பந்தயங்கள் பற்றிய பெரிய ஆவணங்கள் எதுவும் இல்லாததால், பலருக்கும் இது குறித்து தெரியாமலேயே இருந்து வருகிறது.

பத்து ஆண்டுகளுக்கு முன்பு வரை, நாகர்கோவில் நகரில் மிகத் தீவிரமாக நடைபெற்று வந்த புறா பந்தயத்தை மையமாக வைத்து, நடந்த பல உண்மைச் சம்பவங்களின் அடிப்படையில், உருவாகி வரும் திரைப்படமே ‘பைரி’.

நாளைய இயக்குநர் சீஸன் 5-ல் கலந்து கொண்டு, அனைவரின் கவனத்தையும் ஈர்த்து, ‘நெடுஞ்சாலை நாய்கள்’ என்ற குறும் படத்திற்காக சீஸன் 5-ன் சிறந்த வசனகர்த்தா விருது பெற்ற ஜான் கிளாடி இத்திரைப்படத்தை இயக்குகிறார். இவர் சஞ்சீவ், மற்றும் சில இயக்குநர்களிடமும் உதவியாளராகப் பணியாற்றியிருக்கிறார்.

கூத்துப்பட்டறையில் நடிப்பு பயிற்சி பெற்று நாளைய இயக்குநர் சீஸன் 3– ல் முதல் பரிசு வென்ற, ‘புன்னகை வாங்கினால் கண்ணீர் இலவசம்’ உட்பட பல குறும்படங்களை, நண்பர்களின் வளர்ச்சிக்காக தயாரித்து, 25-க்கும் மேற்பட்ட குறும்படங்களில் கதாநாயகனாக நடித்த சையத் மஜீத் , இதில் கதாநாயகனாக அறிமுகமாகிறார்.

கதாநாயகிகளாக மேக்னா, சரண்யா ரவிச்சந்திரன் நடிக்கிறார்கள். மேலும் முக்கிய கதாபாத்திரங்களில் விஜி சேகர், SR.ஆனந்த குமார், ரமேஷ் ஆறுமுகம், வினு லாரன்ஸ், கார்த்திக் பிரசன்னா, தினேஷ் ஆகியோர் நடிக்கிறார்கள். இவர்களுடன் நாகர்கோவில் நகரைச் சார்ந்த 50-க்கும் மேற்பட்டவர்கள் சிறு கதாபாத்திரத்தில் நடிக்கிறார்கள்.

இப்படத்தின் இறுதிக் கட்டப் படப்பிடிப்பு, நாகர்கோவிலையும் அதைச் சுற்றியுள்ள பகுதிகளிலும் வேகமாக நடந்து வருகிறது.

ஒளிப்பதிவு – ஏ.வி. வசந்த்
படத்தொகுப்பு – R.S சதீஸ் குமார்
இசை – அருண் ராஜ்
பாடல்கள் – பிரான்சிஸ் கிருபா, கவித்ரன்
ஆக்‌ஷன் – விக்கி
ஒலிப்பதிவு – ராஜா
நடனம் – சிவ கிரிஷ்
தயாரிப்பு மேற்பார்வை – மாரியப்பன், விசு
பி.ஆர்.ஓ.– சக்தி சரவணன்

Continue Reading
Advertisement

Tamil Movies Database

Trending

error: Content is protected !!