Connect with us

Tamil Cinema News

குழந்தைகளை மகிழ்விக்க வரும் ‘கொரில்லா’

Published

on

குழந்தைகளை மகிழ்விக்க வரும் கொரில்லா - 4 Tamil Cinema

ஆல் இன் பிக்சர்ஸ் தயாரிப்பில், டான் சான்டி இயக்கத்தில், சாம் சிஎஸ் இசையமைப்பில், ஜீவா, ஷாலினி பான்டே, யோகி பாபு, சதீஷ் மற்றும் பலர் நடிக்கும் படம் கொரில்லா.

இப்படத்தின் இசை வெளியீட்டு விழா சென்னையில் நடைபெற்றது. படக்குழுவினர் பல திரைப் பிரபலங்கள் விழாவில் கலந்து கொண்டு சிறப்பித்தனர்.

நிகழ்ச்சியில் நடிகர் ராதாரவி பேசியதாவது,

“என்னை அன்பாக அழைத்த இயக்குநர் சாண்டி அவர்களுக்கும் கதாநாயகன் ஜீவா அவர்களுக்கும் நன்றி. அவர் அப்பா கொடுத்த பணத்தில் தான் நாங்கள் வாழ்ந்திருக்கோம். இப்போது போடப்பட்ட பாடல் நன்றாக இருந்தது. இசை அமைப்பாளரைப் பாராட்டுகிறேன். ஜீவாவிற்கு யாரும் காம்படிஷனே கிடையாது. அது அவரது பெரியபலம். அவர் அற்புதமான நடிகர். அவரை முதல் படத்தில் இருந்தே பார்த்து வருகிறேன். மனிதர்களை வைத்து படமெடுப்பதே பெரிய கஷ்டம். இவர்கள் மிருகத்தை வைத்து மிக அழகாக எடுத்திருக்கிறார்கள். நான் சில காட்சிகளைப் பார்த்தேன், நன்றாக இருக்கிறது. எனக்கும் ஒரு நல்ல கேரக்டர் தந்திருக்கிறார்கள். படத்தில் ஒரு வசனம் எனக்குப் பிடிக்காமல் பேசி இருக்கிறேன். யோகிபாபு நெகட்டிவ் விசயங்களை பாஸிட்டிவாக எடுத்துக் கொள்ளும் நடிகன். இந்தப் படத்தில் அவரையும் மிகச் சிறப்பாகப் பயன்படுத்தி இருக்கிறார்கள். தயவுசெய்து தியேட்டர்காரர்கள், விநியோகஸ்தர்கள், பொதுமக்கள் அனைவரும் இந்தப்படத்தை ஆதரிக்க வேண்டும்,” என்றார்.

இயக்குநர் டான் சாண்டி பேசுகையில்,

“இசை அமைப்பாளர் எனக்கு மிக நெருக்கமான நண்பர். யுகபாரதி மிக முக்கியமானவர் எனக்கு. மற்றபடி கேமராமேன், எடிட்டர், அவர்களுக்கும் நன்றி. காஸ்ட்யூமர் பூர்த்தி ரொம்ப சிரமப்பட்டிருக்கிறார். கொரில்லா டீசரின் பார்த்துவிட்டு சிம்பன்ஸி வைத்து என்னை ஏமாத்துறீயான்னு கேட்டாங்க. ஜீவா சாரை ‘கற்றது தமிழ்’ படத்தில் இருந்து பார்த்து வருகிறேன். அவர் இல்லை என்றால் இந்தப் படம் இல்லை. இந்தப் படத்தில் அவர் நிறைய உதவி பண்ணி இருக்கிறார். இந்தக் குரங்கு எங்களை அவ்வளவு அடித்திருக்கிறது. தாய்லாந்து சென்று மசாஜ் செய்யாமல் வந்த டீம் நாங்கள். எங்களின் இந்த நேர்மையைப் பாராட்டி படத்தை வெற்றியடையச் செய்ய வேண்டும்,” என்றார்

இசை அமைப்பாளர் சாம் சிஎஸ் பேசியதாவது,

“முன்னாடியே ரிலீஸ் ஆகியிருக்க வேண்டிய படம் இது. நான் ரொம்ப கஷ்டப்பட்டு இசை அமைத்த படம் இது. ஒரு படம் பார்க்கும் போது இசை மனசுக்குள் ஓடும். இந்தப் படத்தைப் பார்க்கும் போது நிறைய பதட்டம் இருந்தது. ஏனென்றால் நிறைய வசனங்கள் இருந்தது. அவை நன்றாகவும் இருந்தது. இந்தப் படம் எனக்கு மிகப் புதுமையாக இருந்தது. பாடலாசியர்கள் யுகபாரதி, லோகன் இருவரும் நன்றாக பாடல் எழுதி இருக்கிறார்கள். இந்த ஆல்பம் ரொம்ப நல்லா வந்திருப்பதாக நினைக்கிறேன். என்னுடைய மியூசிக் டீம் அனைவருக்கும் இந்த நேரத்தில் நன்றி சொல்லிக் கொள்கிறேன். இந்தப்படத்தில் நிறைய அரசியல் நய்யாண்டிகள் இருக்கிறது. இது குடும்பத்தோடு பார்க்க வேண்டிய ஒரு படம்,” என்றார்.

நடிகர் சதிஷ் பேசுகையில்,

“இந்தப்படத்தில் பெண் குரங்கு நடித்திருக்கிறது. ஆனால் அது கூட என்னிடம் ஒட்டவில்லை. மனிதரோடு நடிப்பது சுலபம். குரங்கோடு நடித்தது மிகவும் சிரமம். இது எல்லோரையும் கடித்திருக்கிறது. ஒவ்வொருத்தரும் படத்தில் என்ஜாய் பண்ணி நடித்திருக்கோம். இயக்குநர் டான் சாண்டி சொன்னதைச் செய்தாலே போதும், அவருக்கு காமெடி அப்படி வரும்,” என்றார்

நடிகர் ஜீவா பேசியதாவது,

“கொரில்லா படம் ஒரு எக்ஸ்டாடினரி எக்ஸ்பீரியன்ஸ். ஏன், இந்தப் படத்தை தாய்லாந்தில் எடுத்தோம் என்றால் இந்தக் குரங்கு ஒரு ஆங்கிலப்படத்தில் நடித்த குரங்கு, அதனால் தான். இந்தக் குரங்கு நல்ல ப்ரண்ட்லியாக ஆகிவிட்டது. தயாரிப்பாளர் விஜய் ராகவேந்திராவிற்கு முதலில் நன்றி சொல்லிக் கொள்கிறேன். கொரில்லா மாதிரி ஒரு படம் பண்ணுவேன் என்று நினைத்துப் பார்க்கவே இல்லை. இப்படி ஜாலியாக ஒரு படம் பண்ணி ரொம்ப நாட்களாகி விட்டது. இந்த மாதிரி ஒரு படம் கொடுத்த தயாரிப்பாளருக்கு மறுபடியும் ஒரு நன்றி. டான் சாண்டி இந்தக் கதையை என்னிடம் சொல்லும் போது ரொம்ப என்ஜாய் பண்ணிக் கேட்டேன். படத்தையும் என்ஜாய் செய்து நடித்தேன். பக்கா காமெடி மசாலா தாண்டி ஒரு நல்ல மெசேஜும் இருக்கும். யுகபாரதி சாருக்கு நன்றி. அவர் எனக்கு நல்ல நல்ல பாடல்களை எழுதிக் கொடுத்திருக்கிறார். ரொம்ப ஜாலியான ஒரு படத்தை எடுத்திருக்கோம்,” என்றார்

தயாரிப்பாளர் விஜய் ராகவேந்திரா பேசுகையில்,

“இந்தப் படத்தை பண்ணும் போது குரங்கை வைத்து பண்ணாமல் சிம்பான்ஸியை வைத்து எடு என்று தயாரிப்பாளர் ஞானவேல்ராஜா சொன்னார். சாண்டி சிறப்பாக படத்தை எடுத்து இருக்கிறார். படத்தில் உழைத்த அனைவருக்கும் நன்றி. படத்தை தியேட்டரில் சென்று, பாருங்கள்” என்றார்

இந்த விழாவில் அழிந்து வரும் உயிரினமான சிம்பான்ஸி குரங்கில் இரண்டை திரைப்படக்குழு தத்தெடுத்தது. ‘கொரில்லா’ படம் வரும் ஜுன் மாதம் 21-ம் தேதி வெளியாக இருக்கிறது.

Tamil Cinema News

விக்ரம் 58 படத்தில் கிரிக்கெட் வீரர் இர்பான் பதான்

Published

on

By

விக்ரம் 58 படத்தில் கிரிக்கெட் வீரர் இர்பான் பதான்

அஜய் ஞானமுத்து இயக்கத்தில், விக்ரம் நடிக்கும் புதிய படத்தில் இந்திய கிரிக்கெட் வீரர் இர்பான் பதான் ஒரு முக்கிய கதாபாத்திரத்தில் நடிக்க உள்ளார்.

2006 ஆம் ஆண்டு, லாகூர் நகரத்தில் நடந்த ஒரு டெஸ்ட் போட்டியில் பாகிஸ்தான் கிரிக்கெட் அணியின் முக்கிய வீரர்களை வீழ்த்தி, ஹாட்ரிக் எடுத்து சாதனை புரிந்தவர் இர்பான்.

‘டிமான்டி காலனி, இமைக்கா நொடிகள்’ ஆகிய இரண்டு வெற்றி படங்களைக் கொடுத்தவர் இப்படத்தின் இயக்குனர் அஜய் ஞானமுத்து.

ஏஆர் ரகுமான் இசையமைக்கும் இந்தப் படத்தின் அறிவிப்பு வெளியான போதே எதிர்பார்ப்பை ஏற்படுத்தியது.

கிரிக்கெட் வீரர் இர்பான் பதான் இப்படத்தில் நடிக்க உள்ளார் என்பதும் மேலும் ஒரு எதிர்பார்ப்பை அதிகப்படுத்தியுள்ளது.

இன்னும் பெயரிடப்படாத இந்தப் படம் பல வெளிநாடுகளிலும் இந்தியாவின் பல இடங்களிலும் படமாக்கப்பட இருக்கிறது.

செவன் ஸ்க்ரீன் ஸ்டுடியோ தயாரிக்கும் இப்படத்தில் பணியாற்ற இருக்கும் மற்ற கலைஞர்களின் விவரங்களை படக்குழுவினர் விரைவில் அறிவிக்க உள்ளனர்.

Continue Reading

Tamil Cinema News

ஸ்ரீகாந்த், தினேஷ் நடிக்கும் ‘சம்பவம்’

Published

on

By

ஸ்ரீகாந்த், தினேஷ் நடிக்கும் சம்பவம் - 4 Tamil Cinema

“மைனா, சாட்டை, மொசக்குட்டி, சௌகார்பேட்டை, பொட்டு” ஆகிய படங்களைத் தயாரித்த ஷாலோம் ஸ்டூடியோஸ் ஜான் மேக்ஸ் அடுத்து தயாரிக்கும் படம் ‘சம்பவம்’.

இப்படத்தில் ஸ்ரீகாந்த் மற்றும் நடன இயக்குனர் தினேஷ் இருவரும் இணைந்து நடிக்கிறார்கள். நாயகிகளாக பூர்ணா மற்றும் சிருஷ்டி டாங்கே நடிக்கின்றனர்.

மேலும் இவர்களுடன், பக்ரீத் படத்தில் நடித்த பேபி ஸ்ருதிகா, கிஷோர், இயக்குனர் ஏ.வெங்கடேஷ், தம்பி ராமையா, மொட்டை ராஜேந்திரன், ஜெயப்பிரகாஷ் மற்றும் பலர் நடிக்க உள்ளனர்.

நேர்மையுடன், மனசாட்சிக்கு உட்பட்டு வாழும் ஒருவன், சந்தர்ப்ப சூழ்நிலைகளால் நேர்மைக்குப் புறம்பாக தள்ளப்படும் போது ஏற்படும் பிரச்சினைகளை மையப்படுத்தி, சில உண்மைச் சம்பவங்களை அடிப்படையாக வைத்து இப்படத்தின் திரைக்கதை அமைக்கப்பட்டுள்ளது.

இயக்குனர் ஏ.வெங்கடேஷிடம் உதவி இயக்குனராக இருந்த ரஞ்சித் பாரிஜாதம் கதை, திரைக்கதை, எழுதி இயக்குகிறார். அம்ரிஷ் இப்டத்திற்கு இசையமைக்கிறார்.

இப்படத்தின் பூஜை இன்று சென்னையில் நடைபெற்றது.

இதில் கதையின் நாயகன்கள் ஸ்ரீகாந்த், நடன இயக்குனர் தினேஷ், கதாநாயகிகள் பூர்ணா, சிருஷ்டி டாங்கே, தயாரிப்பாளர் ஜான்மேக்ஸ், இயக்குனர் ரஞ்சித் பாரிஜாதம் உள்ளிட்ட படக்குழுவினரும், தயாரிப்பாளர் கலைப்புலி தாணு, ஜாக்குவார் தங்கம், இயக்குனர்கள் பேரரசு, ஏ.வெங்கடேஷ், தரணி, திருமலை, நடிகர் நட்ராஜ், நாஞ்சில் சம்பத், தயாரிப்பாளர்கள் ராதாகிருஷ்ணன், கே.ராஜன் உள்ளிட்ட பிரபலங்களும் பலர் கலந்து கொண்னர்.

Continue Reading

Tamil Cinema News

தமன்னா நடிக்கும்….என்பதை ஏற்க மறுக்கும் தமன்னா

Published

on

By

தமன்னா நடிக்கும்....என்பதை ஏற்க மறுக்கும் தமன்னா

தெலுங்கில் 2017ல் வெளிவந்த வெற்றி பெற்ற ‘ஆனந்தோ பிரம்மா’ என்ற படத்தை தமிழில் ‘பெட்ரோமாக்ஸ்’ என்ற பெயரில் தயாரித்து அக்டோபர் 11ம் தேதி வெளியிட உள்ளார்கள்.

‘அதே கண்கள்’ படத்தை இயக்கிய ரோகின் வெங்கடேசன் இயக்கியுள்ள இந்தப் படத்தில் தமன்னா, யோகி பாபு, காளி வெங்கட், முனிஷ்காந்த், சத்யன், திருச்சி சரவணகுமார் மற்றும் பலர் நடித்திருக்கிறார்கள். இப்படத்தின் பத்திரிகையாளர் சந்திப்பு இன்று நடைபெற்றது.

படத்திற்கான விளம்பரங்களில் ‘தமன்னா நடிக்கும்’ என்றுதான் குறிப்பிட்டு வருகிறார்கள். ஆனால், அதை பெருந்தன்மையுடன் ஏற்க மறுக்கிறார் தமன்னா.

‘‘பெட்ரோமாக்ஸ்’ படத்தோட கதைதான் முதன் முதல்ல என்னை ஈர்த்த ஒரு விஷயம். தெலுங்குல பார்க்கும் போதே இந்தக் கதையை தமிழ் ரசிகர்கள் கண்டிப்பா ரசிப்பாங்கன்னு புரிஞ்சுது.

என்னோட பேரு, படத்தோட விளம்பரங்கள்ல முதல்ல இருக்கிறத என்னால ஏத்துக்க முடியலை. ஏன்னா, இந்தப் படத்துல நடிச்சிருக்கிற நடிகர்கள், மொத்த குழுவினரும் காரணம். அந்த அளவுக்கு ஒவ்வொருத்தரும் ஈடுபாட்டோட நடிச்சிருக்காங்க. நானும் அவங்களை மாதிரி ஒரு பகுதியாதான் இந்தப் படத்துல இருக்கேன்.

‘பாகுபலி, சைரா’ மாதிரி பெரிய படமா கூட இருக்கலாம். நமக்கு என்ன கதாபாத்திரம் கிடைக்குதா அதை நேர்மையா பண்ணணும்னு நினைப்பேன்.

31 நாள்ல ஒரு படத்தை முடிக்கிறது பெரிய விஷயம். படத்தோட இயக்குனர் ரோகினுக்கு இது இரண்டாவது படமா இருந்தாலும் சிறப்பா வேகமா செஞ்சி முடிச்சாரு. நல்ல கதை அமைஞ்சால் திரும்பவும் அவர் படத்துல நடிப்பேன்.

தமிழ் சினிமாவுல நிறைய ஹாரர் காமெடி இதுக்கு முன்னாடி வந்திருக்கு. இந்தப் படம் பண்ணலாமான்னு முதல்ல நம்பிக்கை இல்லாம இருந்தேன். படம் நல்லா இருந்துச்சி, அதனால கண்டிப்பா பண்ணனும்னு முடிவு பண்ணேன். இந்தப் படத்துல நடிச்சது நல்ல அனுபவமா இருந்தது,” என்றார் தமன்னா.

Continue Reading
Advertisement

Tamil Movies Database

Trending

error: