Connect with us

Tamil Cinema News

இந்தித் திணிப்பு சர்ச்சை, தமிழர்கள் பாராட்டில் ஏ.ஆர். ரகுமான்

Published

on

இந்தித் திணிப்பு சர்ச்சை, தமிழர்கள் பாராட்டில் ஏ.ஆர். ரகுமான்

மத்திய அரசு, இந்தி பேசாத மாநிலங்களில் மூன்றாம் மொழியாக இந்தி மொழியைப் பயிற்றுவிக்கும் வரைவு திட்ட அறிக்கை ஒன்றினால் கடந்த சில நாட்களாக கடும் சர்ச்சை எழுந்தது.

தமிழ்நாட்டில் பலரும் இந்தித் திணிப்பிற்கு எதிராக சமூக வலைத்தளங்களில் கருத்துக்களைத் தெரிவித்து வந்தார்கள். அரசியல் கட்சித் தலைவர்கள் உள்ளிட்ட பலரும் எதிர்ப்பு அறிக்கை வெளியிட்டார்கள்.

ஆஸ்கர் விருது வென்ற தமிழ்நாட்டைச் சேர்ந்த இசையமைப்பாளர் ஏஆர் ரகுமான் நேற்றே ‘பஞ்சாப்பில் பரவும் தமிழ்’ என ஒரு பஞ்சாப் இளைஞர் ‘மரியான்’ படப் பாடலைப் பாடிய வீடியோவை அவருடைய டுவிட்டரில் பதிவிட்டிருந்தார். 2018ல் வெளியான அந்த வீடியோவை நேற்று ரகுமான் ஷேர் செய்தது ரசிகர்களின் கவனத்தை ஈர்த்தது.

இந்தி எதிர்ப்புக்காக தன் கருத்தை மறைமுகமாக வலியுறுத்தவே ரகுமான் அந்த வீடியோவை ஷேர் செய்துள்ளார் என ரசிகர்கள் அவரைப் பாராட்டினார்கள்.

இன்று வரைவு திட்ட அறிக்கையில் இடம் பெற்ற இந்தி பயிற்றுவிப்பு நீக்கப்பட்டு வரைவு திட்ட அறிக்கை மாற்றியமைக்கப்பட்டது. அந்த செய்தி வெளிவந்ததும், உடனடியாக தன் மகிழ்ச்சியை டுவிட்டரில் பகிர்ந்தார் ரகுமான்.

https://twitter.com/arrahman/status/1135427893557776384

ரகுமானின் இந்த தாய்மொழிப் பாசத்திற்கு தமிழர்கள் பலரும் பாராட்டும், வாழ்த்துகளும் தெரிவித்து வருகிறார்கள். பல சினிமா பிரபலங்கள் இந்தித் திணிப்பு பற்றி வெளிப்படையாக கருத்து கூறாத நிலையில், ரகுமானின் நேற்றைய, இன்றைய கருத்துப் பரிமாற்றம் அனைவரையும் வியப்படைய வைத்துள்ளது.

‘ஆளப் போறான் தமிழன்’ என்று அசத்தலான பாடலைக் கொடுத்தவராயிற்றே…எத்தனை மொழிகளுக்குப் போனாலும், நாடுகளுக்குப் போனாலும் தன் மொழி, தன் இனம் என ரகுமானின் உணர்வு வெளிப்படுவதாக தமிழர்கள் பலரும் கருத்து தெரிவித்து வருகிறார்கள்.

Tamil Cinema News

சங்கத்தமிழன், இசை வெளியீடு

Published

on

By

சங்கத்தமிழன், இசை வெளியீடு

பி.நாகிரெட்டியாரின் விஜயா புரொடக்‌ஷன்ஸ் 60க்கும் மேற்பட்ட வெற்றிப்படங்களை தயாரித்த பழம்பெரும் பட நிறுவனம்.

விஜயா புரொடக்‌ஷன்ஸ் சார்பில் பி.பாரதி ரெட்டி ‘சங்கத்தமிழன்’ படத்தை தயாரித்துள்ளார்.

விஜய் சந்தர் இயக்கியுள்ள இந்தப் படத்தில் விஜய் சேதுபதிக்கு ஜோடியாக ராஷி கண்ணா மற்றும் நிவேதா பெத்துராஜ் ஆகியோர் முதன் முதலாக ஜோடி சேர்ந்து நடித்துள்ளனர். மேலும் இந்த படத்தில் நாசர், சூரி, ஸ்ரீமன், ஆசுதோஷ் ராணா, ரவி கிஷன், மொட்டை ராஜேந்திரன், மாரிமுத்து, ஜான் விஜய், ஸ்ரீ ரஞ்ஜனி மற்றும் மைம் கோபி என பலர் நடித்துள்ளனர்.

இளம் இசையமைப்பாளர்களான விவேக்-மெர்வின் இசையமைத்துள்ள இந்த படத்தின் இசை வெளியீட்டு விழா செப்டம்பர் 17 ஆம் தேதி சன் ஸ்டுடியோஸில் நடைபெற்றது .

இந்த விழாவில் ‘சங்கத்தமிழன்’ படக்குழுவினர்களான கதாநாயகன் விஜய்சேதுபதி, தயாரிப்பாளர் பி.பாரதி ரெட்டி, இயக்குனர் விஜய்சந்தர், ராஷி கண்ணா, நிவேதா பெத்துராஜ், இசையமைப்பாளர்கள் விவேக் – மெர்வின், ஒளிப்பதிவாளர் வேல் ராஜ் , சூரி , ஸ்ரீமன், ஜான் விஜய், அகல்யா வெங்கடேசன், பாடலாசிரியர் விவேகா, நிர்வாக தயாரிப்பாளர்கள் ரவிச்சந்திரன், குமரன் ஆகியோர் கலந்துகொண்டு விழாவை சிறப்பித்தனர்.

Continue Reading

Tamil Cinema News

‘சைரா’ படத்தின் தமிழ் வெளியீடு அறிவிப்பு

Published

on

By

சைரா படத்தின் தமிழ் வெளியீடு அறிவிப்பு

சிரஞ்சீவி, விஜய் சேதுபதி, சுதீப், நயன்தாரா, தமன்னா, சிறப்புத் தோற்றத்தில் அமிதாப்பச்சன், அனுஷ்கா மற்றும் பலர் நடிக்கும் தெலுங்குப் படம் ‘சைரா நரசிம்மா ரெட்டி’.

இப்படத்தை தமிழ் மொழியிலும் டப்பிங் செய்து வெளியிடுகிறார்கள். தமிழ்நாடு வெளியீட்டு உரிமையை பல வெற்றிப் படங்களைத் தயாரித்த சூப்பர் குட் பிலிம்ஸ் நிறுவனம் வாங்கியுள்ளது.

தமிழ், ஹிந்தி, கன்னடம், மலையாளம் ஆகிய மொழிகளில் இப்படத்தை டப்பிங் செய்து வெளியிடுகிறார்கள். அக்டோபர் 2ம் தேதி உலகம் முழுவதும் வெளியாகிறது.

இப்படத்தின் டிரைலர் நாளை வெளியாக உள்ளது. ஹைதராபாத்தில் வரும் ஞாயிறு 22ம் தேதி படத்திற்கான பிரம்மாண்ட விழா ஒன்றை நடத்த உள்ளார்கள். அதில் பவன் கல்யாண், ராஜமௌலி உள்ளிட்டவர்கள் கலந்து கொள்கிறார்கள்.

அதன் பின் சென்னையிலும் நடக்கும் என்று எதிர்பார்க்கப்படுகிறது. அதில் கலந்து கொள்ள ரஜினிகாந்த்துக்கு அழைப்பு விடுக்கப்பட்டுள்ளதாகத் தெரிகிறது.

Continue Reading

Tamil Cinema News

பிகில் வெளியீடு – தயாரிப்பாளர் புதிய அறிவிப்பு

Published

on

By

பிகில் வெளியீடு - தயாரிப்பாளர் புதிய அறிவிப்பு

எஜிஎஸ் என்டர்டெயின்மென்ட் தயாரிப்பில், அட்லீ இயக்கத்தில், ஏஆர் ரகுமான் இசையமைப்பில், விஜய், நயன்தாரா, ஜாக்கி ஷெராப், கதிர், இந்துஜா மற்றும் பலர் நடிக்கும் படம் ‘பிகில்’.

இப்படத்தின் இசை வெளியீடு நாளை மாலை சென்னையில் நடைபெற உள்ளது.

இதனிடையே, படத்தின் வெளியீட்டுத் தேதி பற்றி தயாரிப்பாளர் அர்ச்சனா கல்பாத்தி புதிய அறிவிப்பு ஒன்றை டிவிட்டரில் வெளியிட்டுள்ளார்.

அதில், “யூகங்களின் அடிப்படையில் வெளியீட்டுத் தேதி பற்றி தவறான வதந்திகளை தயவு செய்து பரப்பாதீர்கள். படத்தின் சென்சார் முடிந்த பிறகே அது பற்றி அறிவிப்போம். பாக்ஸ் ஆபிசில் புதிய சாதனை படைக்கும் விதத்தில் சரியான நாளைத்தான் தேர்வு செய்வோம் என்பதை நம்புங்கள்,” என்று பதிவிட்டுள்ளார்.

‘பிகில்’ படம் தீபாவளி தினமான அக்டோபர் 27ம் தேதி வெளியாகும் என்றும், அதற்கு இரண்டு நாட்கள் முன்னதாக அக்டோபர் 25ம் தேதி வெளியாகும் என்றும் சமூக வலைத்தளங்களில் பரவி வந்தது.

தற்போது தயாரிப்பாளர் தரப்பில் விளக்கமளித்துவிட்டதால் அது பற்றி இனி தவறான செய்திகள் வெளிவராது. தயாரிப்பாளர் அதிகாரப்பூர்வமாக அறிவிக்கும் வரை ரசிகர்கள் காத்திருக்க வேண்டும்.

Continue Reading
Advertisement

Tamil Movies Database

Trending

error: