Connect with us

Tamil Cinema News

‘காற்றின் மொழி’ படப்பிடிப்பை முடித்த ஜோதிகா

Published

on

kaatrin mozhi shoow jyothika

போப்டா மீடியா ஒர்க்ஸ் தயாரிப்பில், ராதா மோகன் இயக்கத்தில், காஷிப் இசையமைப்பில், ஜோதிகா, விதார்த், லட்சுமி மஞ்சு மற்றும் பலர் நடிக்கும் படம் ‘காற்றின் மொழி’.

கடந்த ஜுன் மாதம் 4ம் தேதி ஆரம்பமான இப்படத்தின் படப்பிடிப்பு எந்த இடைவெளியும் இல்லாமல் தொடர்ந்து நடந்து ஒரே கட்டத்தில் முடிந்துள்ளது.

ஹிந்தியில் வெளிவந்த ‘தும்ஹாரி சுலு’ படத்தின் ரீமேக்காக உருவாகி வரும் இப்படத்தில் ஹிந்தியில் வித்யா பாலன் நடித்த கதாபாத்திரத்தில் தமிழில் ஜோதிகா நடிக்கிறார்.

விதார்த், லட்சுமி மஞ்ச, குமரவேல், எம்.எஸ். பாஸ்கர், மனோபாலா, உமா பத்மநாபன், மோகன்ராம உள்ளிட்ட பலர் நடிக்கிறார்கள்.

படப்பிடிப்பின் கடைசி நாளன்று யாரும் எதிர்பாராத வகையில் படக்குழுவினருக்கு தன் சார்பில் பட்டுப் புடவை, பட்டு வேட்டி, சட்டை என அனைவருக்கும் பரிசளித்து அவர்களுடன் புகைப்படம் எடுத்துக் கொண்டார் ஜோதிகா. படத்தின் உதவி இயக்குனர்களுக்கும் சிறப்புப் பரிசளித்து கௌரவித்தார் ஜோதிகா.

ஜோதிகாவின் அன்பினால் மொத்த படக்குழுவும் நெகிழ்ச்சியடைந்தது. படப்பிடிப்பின் கடைசி நாளான ஜுலை 245ம் தேதியன்று கேக் வெட்டி படப்பிடிப்புக் குழுவினர் கொண்டாடி மகிழ்ந்தார்கள்.

அப்போது பேசிய ஜோதிகா, இதுவரை தான் பணியாற்றிய படங்களிலேயே இந்தக் குழுவினர்தான் சிறப்பான குழுவினர் எனத் தெரிவித்தார்.

‘காற்றின் மொழி’ படத்தில் ஈடுபாட்டுடனும், நல்ல ஆதரவுடனும் ஒரே கட்டத்தில் நடித்துக் கொடுத்த, ஜோதிகாவிற்கு இயக்குனர் ராதா மோகன், தயாரிப்பாளர் தனஞ்செயன் வாழ்த்துகளையும் நன்றிகளையும் தெரிவித்தனர்.

மற்ற நட்சத்திரங்கள் நடிக்க வேண்டிய சில காட்சிகள் அடுத்த சில நாட்கள் படமாக உள்ளன. அதன் பின் மொத்த படப்பிடிப்பும் நிறைவடைகிறது.

படப்பிடிப்பு நடக்கும் போது அங்கேயே படத்தின் எடிட்டிங் வேலைகளையும் முடித்துவிடுகிறார்கள். அதனால், படம் அடுத்து டப்பிங் மற்றும் பின்னணி இசை வேலைகளுக்கு உடனே தயாராகிவிடும். ஆகஸ்ட் 6 முதல் அந்த வேலைகள் ஆரம்பமாகின்றன.

சென்சார் உள்ளிட்ட வேலைகளை செப்டம்பர் மாதத்திற்குள் முடித்து அக்டோபர் மாத விழாக் காலத்தில் படத்தை வெளியிட திட்டமிட்டுள்ளார்கள்.

Tamil Cinema News

சங்கத்தமிழன், இசை வெளியீடு

Published

on

By

சங்கத்தமிழன், இசை வெளியீடு

பி.நாகிரெட்டியாரின் விஜயா புரொடக்‌ஷன்ஸ் 60க்கும் மேற்பட்ட வெற்றிப்படங்களை தயாரித்த பழம்பெரும் பட நிறுவனம்.

விஜயா புரொடக்‌ஷன்ஸ் சார்பில் பி.பாரதி ரெட்டி ‘சங்கத்தமிழன்’ படத்தை தயாரித்துள்ளார்.

விஜய் சந்தர் இயக்கியுள்ள இந்தப் படத்தில் விஜய் சேதுபதிக்கு ஜோடியாக ராஷி கண்ணா மற்றும் நிவேதா பெத்துராஜ் ஆகியோர் முதன் முதலாக ஜோடி சேர்ந்து நடித்துள்ளனர். மேலும் இந்த படத்தில் நாசர், சூரி, ஸ்ரீமன், ஆசுதோஷ் ராணா, ரவி கிஷன், மொட்டை ராஜேந்திரன், மாரிமுத்து, ஜான் விஜய், ஸ்ரீ ரஞ்ஜனி மற்றும் மைம் கோபி என பலர் நடித்துள்ளனர்.

இளம் இசையமைப்பாளர்களான விவேக்-மெர்வின் இசையமைத்துள்ள இந்த படத்தின் இசை வெளியீட்டு விழா செப்டம்பர் 17 ஆம் தேதி சன் ஸ்டுடியோஸில் நடைபெற்றது .

இந்த விழாவில் ‘சங்கத்தமிழன்’ படக்குழுவினர்களான கதாநாயகன் விஜய்சேதுபதி, தயாரிப்பாளர் பி.பாரதி ரெட்டி, இயக்குனர் விஜய்சந்தர், ராஷி கண்ணா, நிவேதா பெத்துராஜ், இசையமைப்பாளர்கள் விவேக் – மெர்வின், ஒளிப்பதிவாளர் வேல் ராஜ் , சூரி , ஸ்ரீமன், ஜான் விஜய், அகல்யா வெங்கடேசன், பாடலாசிரியர் விவேகா, நிர்வாக தயாரிப்பாளர்கள் ரவிச்சந்திரன், குமரன் ஆகியோர் கலந்துகொண்டு விழாவை சிறப்பித்தனர்.

Continue Reading

Tamil Cinema News

‘சைரா’ படத்தின் தமிழ் வெளியீடு அறிவிப்பு

Published

on

By

சைரா படத்தின் தமிழ் வெளியீடு அறிவிப்பு

சிரஞ்சீவி, விஜய் சேதுபதி, சுதீப், நயன்தாரா, தமன்னா, சிறப்புத் தோற்றத்தில் அமிதாப்பச்சன், அனுஷ்கா மற்றும் பலர் நடிக்கும் தெலுங்குப் படம் ‘சைரா நரசிம்மா ரெட்டி’.

இப்படத்தை தமிழ் மொழியிலும் டப்பிங் செய்து வெளியிடுகிறார்கள். தமிழ்நாடு வெளியீட்டு உரிமையை பல வெற்றிப் படங்களைத் தயாரித்த சூப்பர் குட் பிலிம்ஸ் நிறுவனம் வாங்கியுள்ளது.

தமிழ், ஹிந்தி, கன்னடம், மலையாளம் ஆகிய மொழிகளில் இப்படத்தை டப்பிங் செய்து வெளியிடுகிறார்கள். அக்டோபர் 2ம் தேதி உலகம் முழுவதும் வெளியாகிறது.

இப்படத்தின் டிரைலர் நாளை வெளியாக உள்ளது. ஹைதராபாத்தில் வரும் ஞாயிறு 22ம் தேதி படத்திற்கான பிரம்மாண்ட விழா ஒன்றை நடத்த உள்ளார்கள். அதில் பவன் கல்யாண், ராஜமௌலி உள்ளிட்டவர்கள் கலந்து கொள்கிறார்கள்.

அதன் பின் சென்னையிலும் நடக்கும் என்று எதிர்பார்க்கப்படுகிறது. அதில் கலந்து கொள்ள ரஜினிகாந்த்துக்கு அழைப்பு விடுக்கப்பட்டுள்ளதாகத் தெரிகிறது.

Continue Reading

Tamil Cinema News

பிகில் வெளியீடு – தயாரிப்பாளர் புதிய அறிவிப்பு

Published

on

By

பிகில் வெளியீடு - தயாரிப்பாளர் புதிய அறிவிப்பு

எஜிஎஸ் என்டர்டெயின்மென்ட் தயாரிப்பில், அட்லீ இயக்கத்தில், ஏஆர் ரகுமான் இசையமைப்பில், விஜய், நயன்தாரா, ஜாக்கி ஷெராப், கதிர், இந்துஜா மற்றும் பலர் நடிக்கும் படம் ‘பிகில்’.

இப்படத்தின் இசை வெளியீடு நாளை மாலை சென்னையில் நடைபெற உள்ளது.

இதனிடையே, படத்தின் வெளியீட்டுத் தேதி பற்றி தயாரிப்பாளர் அர்ச்சனா கல்பாத்தி புதிய அறிவிப்பு ஒன்றை டிவிட்டரில் வெளியிட்டுள்ளார்.

அதில், “யூகங்களின் அடிப்படையில் வெளியீட்டுத் தேதி பற்றி தவறான வதந்திகளை தயவு செய்து பரப்பாதீர்கள். படத்தின் சென்சார் முடிந்த பிறகே அது பற்றி அறிவிப்போம். பாக்ஸ் ஆபிசில் புதிய சாதனை படைக்கும் விதத்தில் சரியான நாளைத்தான் தேர்வு செய்வோம் என்பதை நம்புங்கள்,” என்று பதிவிட்டுள்ளார்.

‘பிகில்’ படம் தீபாவளி தினமான அக்டோபர் 27ம் தேதி வெளியாகும் என்றும், அதற்கு இரண்டு நாட்கள் முன்னதாக அக்டோபர் 25ம் தேதி வெளியாகும் என்றும் சமூக வலைத்தளங்களில் பரவி வந்தது.

தற்போது தயாரிப்பாளர் தரப்பில் விளக்கமளித்துவிட்டதால் அது பற்றி இனி தவறான செய்திகள் வெளிவராது. தயாரிப்பாளர் அதிகாரப்பூர்வமாக அறிவிக்கும் வரை ரசிகர்கள் காத்திருக்க வேண்டும்.

Continue Reading
Advertisement

Tamil Movies Database

Trending

error: