விஜய் டிவியில் ‘அன்புடன் குஷி’ என்ற புதிய தொடர் வரும் ஜனவரி 27ம் தேதி முதல் ஒளிபரப்பாக உள்ளது.

கலகலப்பு நிறைந்த ஒரு காதல் கதை ஆக இத் தொடர் உருவாகி வருகிறது.

‘காதலிக்கநேரமில்லை, சின்னத்தம்பி’ தொடர்களில் நாயகனாக நடித்த பிரஜன் இத் தொடரில் அன்பு கதாபாத்திரத்தில் நடிக்கிறார்.

அன்பு ஒரு நடுத்தரக் குடும்பத்து இளைஞன், குத்துசண்டை வீரர், எப்போதும் அனைவரிடமும் துறுதுறுவென்று கலகலப்பாக இருப்பார்.

ஆதித்யா லால் என்ற ஒரு வடக்கு இந்திதிய பணக்காரர் வீட்டில் வேலை பார்த்து வருகிறார்.

ஆதித்யா லாலின் மகள் குஷி, அழகான இளம் பெண். ஹாஸ்டலில் தன்படிப்பை முடித்துவிட்டு வீடு திரும்புகிறாள்.

குழந்தைப் பருவத்திலிருந்தே குஷிக்கும், அன்புவுக்கும் மோதல் ஏற்பட்டுக் கொண்டிருக்கும். ஆனால்அதையும் மீறி அன்பு அவளுக்கு பல சமயங்களில் உதவி செய்வார்.

குஷிக்கு தான் ஒரு சொந்த பிசினஸ் தொடங்கி சொந்த முயற்சியில் தொழிலதிபர் ஆக வேண்டும் என்பது கனவு. ஆனால் அவர்களது வீட்டில் பெண்களுக்கு இளம் வயதிலேயே திருமணம் முடித்து விடுவார்கள். அவருக்கு இப்போது திருமணம் செய்து கொள்ள விருப்பமில்லை. தனக்கான சொந்த வாழ்க்கையை உருவாக்க முடிவு செய்கிறாள்.

அன்புவிடம் குஷி உதவி கேட்கிறாள். இந்த சூழ்நிலையில் அந்த குடும்பத்திற்கு விசுவாசமாக இருக்கும் அன்பு இக்கட்டான நிலைக்கு தள்ளப்படுகிறார்.
அவரது விசுவாசம் சோதிக்கப்படுமா, அதற்கு அன்பு என்ன செய்யப் போகிறார், குஷி என்ன செய்தாள் ? என்பதை விறுவிறுப்புடன் சொல்ல வருகிறது ‘அன்புடன் குஷி’ தொடர்.

திங்கள் முதல் வெள்ளி வரை இரவு 10 மணிக்கு விஜய் டிவியில் இத் தொடர் ஒளிபரப்பாக உள்ளது.

கலைஞர் டிவி புத்தாண்டு சிறப்பு நிகழ்ச்சிகள்

ஜனவரி 1, 2020 – புதன்கிழமை

காலை 6 மணி

மங்கள இசைக் கச்சேரி

காலை 8 மணி

அறம் பொருள் இன்பம்

சிறப்பு பேச்சாளர்கள் பங்கேற்று இன்றைய நவீன வாழ்க்கைக்கு தேவையானவற்றை விளக்கும் சிறப்பு நிகழ்ச்சி

காலை 9 மணி

நம்ம வீட்டு நட்சத்திரம்

இஸ்பேட் ராஜாவும் இதய ராணியும் பட நாயகி ஷில்பா மஞ்சுநாத் பங்கு பெறும் நிகழ்ச்சி

காலை 10 மணி

வாழ்வில் இனிமை சேர்ப்பது எது ? – திண்டுக்கல் ஐ.லியோனி தலைமையில் சிறப்பு நகைச்சுவை பட்டிமன்றம்

காலை 11 மணி

அவெஞ்சர்ஸ் தில்லு முல்லு

குழந்தைகள் முதல் பெரியவர்கள் வரை அனைவரையும் கவரும் வகையில், சூப்பர் ஹீரோ வேடமிட்டு சிங்கப்பூர் தீபன், முல்லை, கோதண்டம் உள்ளிட்ட காமெடிக் குழுவினரின் இடைவிடாத சிரிப்பு சரவெடி

நண்பகல் 12 மணி

வரலாம் வா

2019ல் அறிமுகமான நடிகர், நடிகைகள் இணைந்து புத்தாண்டை கொண்டாடிய கலகலப்பான சிறப்பு நிகழ்ச்சி, 2019ன் சிறந்த 10 படங்கள் எது ?, இளைஞர்கள் தேர்ந்தெடுக்கும் 2019ன் கனவுக் கன்னியை யார் ? உள்ளிட்ட பல்வேறு சிறப்பு நிகழ்ச்சிகள்

மதியம் 2.30 மணி

சகா – திரைப்படம்

சரண், கிஷோர், பிரித்விராஜன், ஸ்ரீராம், பாண்டி, ஐரா என இளம் நட்சத்திரங்கள் நடித்துள்ள படம்

விஜய் டிவியில் ‘ஸ்பீட், கெட் செட் கோ’ என்ற தலைப்பில் மற்றொரு சுவாரசியமான விளையாட்டு நிகழ்ச்சி ஒளிபரப்பு தொடங்கி உள்ளது. இந்த விளையாட்டு நிகழ்ச்சியை திவ்யதர்ஷினி தொகுத்து வழங்குகிறார்.

ஒவ்வொரு ஞாயிற்றுக்கிழமையும் பிற்பகல் 1 மணிக்கு இந்நிகழ்ச்சி ஒளிபரப்பாகிறது.

இந்நிகழ்ச்சியில் இரண்டு அணிகள் குழுவாக பங்கேற்கும். ஒவ்வொரு குழுவிலும் ஊடகத் துறையில் பிரபலமான மூன்று ஆண் மற்றும் பெண் பங்கேற்பாளர்கள் இடம்பெறுவர். இரு அணிகளும் எதிர்கொள்ளும் சவால்களைப் பற்றியதுதான் இந்த ‘ஸ்பீட்’ விளையாட்டு நிகழ்ச்சி.

இரு அணிகளும் எதிர் கொள்ளும் பல கட்டங்கள் உள்ளன. முதல் சுற்றில் டம்ப் ஷரட்ஸ், ரிலே, ஆகியவையும், இரண்டாவது மற்றும் மூன்றாவது சுற்றுகள் கடும் போட்டிகள் நிறைந்த சுற்றாகவும் இருக்கும். இறுதிச் சுற்று போட்டியாளர்களின் திறனை அவர்களின் வேகத்தை சோதிக்கும் போட்டியாக இருக்கும்.

போட்டி சுற்றுகளில் ஒவ்வொரு அணியிலிருந்தும் ஒரு உறுப்பினர் ஒரே நேரத்தில் சில பணிகளைச் செய்வார். நிர்ணயிக்கப்பட்ட நேரத்திற்குள் டாஸ்க்குகளை விரைவாக முடிப்பதில் வெற்றி தோல்வி நிர்ணயிக்கப்படும்.

இந்நிகழ்ச்சி வேகம் மற்றும் விவேகம் நிறைந்த ஒரு விளையாட்டுப் போட்டியாகும். இது பார்வையாளர்களை மகிழ்விக்கும் மற்றும் கவர்ந்திழுக்கும் வகையில் அமைக்கப்பட்டுள்ளது.

டிசம்பர் 22 அன்று ஒளிபரப்பாகும் எபிசோடில் சூப்பர் சிங்கர் பாடகர்கள் ராஜலட்சுமி, மாளவிகா, சௌந்தர்யா, செந்தில், லோகேஷ், சத்யா ஆகியோர் பங்கேற்கிறார்கள்.