Connect with us

Tamil Cinema News

கமல்ஹாசனுக்கு ஆதரவு, பார்த்திபன் பேச்சு

Published

on

கமல்ஹாசனுக்கு ஆதரவு, பார்த்திபன் பேச்சு

பயோஸ்கோப் ஃபிலிம் ஃப்ரேமர்ஸ் சார்பில் பார்த்திபன் ராதாகிருஷ்ணன் தயாரித்து, எழுதி, இயக்கி, நடித்திருக்கும் திரைப்படம் ஒத்த செருப்பு சைஸ் 7.

உலக அளவில் ஒரே ஒரு கதாபாத்திரம் மட்டுமே இயங்கும் 12 படங்கள் உண்டு. இத்தனை துறைகளையும் அவரே கையாண்டதால், அதையும் தாண்டிய சிறப்பை இந்த படம் பெற்றிருக்கிறது.

சந்தோஷ் நாராயணன் இசையமைக்க, ராம்ஜி ஒளிப்பதிவு செய்திருக்கும் இந்த படத்தின் அறிமுக விழா மற்றும் இசை வெளியீட்டு விழா சென்னையில் நடைபெற்றது.

பார்த்திபன் நிகழ்த்திய இந்த விழாவில் கமல்ஹாசன், இயக்குனர் ஷங்கர், பார்த்திபனின் குருநாதர் பாக்யராஜ் ஆகியோர் முதன்மை விருந்தினர்களாக கலந்து கொண்டு விழாவை சிறப்பித்தனர்.

நிகழ்ச்சியில் பேசிய இயக்குனர் ஷங்கர்,

“ஒத்த செருப்பு தலைப்பே ஆர்வத்தைத் தூண்டுகிறது. இது தான் ஒன் மேன் ஷோ. பார்த்திபன் சாரை ஒன் மேன் ஆர்மி என்றே சொல்லலாம். 25 ஆண்டுகள் கழித்தும் பார்த்திபன் சாரின் தேடல் அளப்பரியது. சினிமாவில் ஆகட்டும், அன்பளிப்பு வழங்குவதாகட்டும் எல்லாவற்றிலும் தனித்துவமானவர்.

எல்லோருக்கும் தேடித்தேடி, புதுமையாக தனித்துவமான அன்பளிப்புகளை கொடுப்பவர் பார்த்திபன். இசையில் தனித்தன்மையை வளர்த்துக் கொண்டவர் சந்தோஷ் நாராயணன். அவர் இசையை வைத்தே அவர் படம் என்று கண்டுபிடிக்கும் அளவுக்கு வளர்ந்திருக்கிறார். ரசூல் பூக்குட்டி இந்தப் படத்தில் இருக்கிறார் என்பதுமே இன்னொரு ஆச்சர்யமான, ஆர்வத்தை தூண்டும் விஷயம். படத்தை பார்க்க மிக ஆவலாக இருக்கிறேன்,” என்றார் இயக்குனர் ஷங்கர்.

பாக்யராஜ் பேசுகையில்,

“இந்த விழாவை பொறுத்தவரை பார்த்திபனை விட எனக்கு தான் இரட்டிப்பு மகிழ்ச்சி. ஏனென்றால் பார்த்திபன் என் சிஷ்யன். சிஷ்யன் என்பதைத் தாண்டி அவர் குருவை மிஞ்சிய ஒரு சிஷ்யன்.

16 வயதினிலே படத்தில் நான் உதவி இயக்குனராக வேலை செய்த போது ஒரு காட்சியில் நான் சொன்ன ஒரு விஷயத்தை ஏற்று, கமல் சார் அப்படியே செய்தார். உதவி இயக்குனர்கள் என்பவர்கள் படத்தின் இயக்குனராக தன்னை நினைத்து வேலை செய்ய வேண்டும். கடமைக்கு வேலை செய்யக் கூடாது,” என்றார் இயக்குனர் பாக்யராஜ்.

பார்த்திபன் பேசும் போது,

“சந்தோஷத்திலேயே மிகப்பெரிய ஒரு சந்தோஷம் மற்றவர்களை சந்தோஷப்படுத்தி பார்ப்பதுதான். என்னை சந்தோஷப்படுத்த என் நலம் விரும்பும் அனைவரும் இங்கு வந்திருக்கிறார்கள். கமல் சாரை கவுரவிக்க இந்த டார்ச்லைட் பொருந்திய வெள்ளி செங்கோலை அன்பளிப்பாக அளிக்கிறேன்.

விஜய், அஜித் படம் என்றால் அதில் ஏதாவது ஒரு ஸ்பெஷல் இருக்கும். என் படத்தில் என்ன ஸ்பெஷல் இருக்கணும் என யோசிப்பேன். இந்த கதையின் கரு 15 வருடங்களுக்கு முன்பு தோன்றியது. அதை இயக்க இப்போது தான் நேரம் அமைந்திருக்கிறது. ராம்ஜியுடன் ஆயிரத்தில் ஒருவன் படத்தின் போதே இணைந்து பணிபுரிய ஆசைப்பட்டேன். இப்போது தான் அது நிகழ்ந்திருக்கிறது.

சந்தோஷ் நாராயணன் எனக்காக சிரத்தை எடுத்து இசையைக் கொடுத்திருக்கிறார். நான் கமல் சாரின் தீவிர ரசிகன். மக்கள் திலகத்திற்கு பிறகு தியாகம் செய்து மக்களுக்காக பணிபுரிய கமல் சார் வந்திருக்கிறார். அவருக்கு நாம் ஆதரவாக இருக்க வேண்டும்.

கமல் சார் 40 வருடங்களுக்கு முன்பே இந்த மாதிரி ஒருவர் மட்டுமே நடிக்கும் கதையுடன் வந்திருக்கிறார் என்று ஆனந்தா பிக்சர்ஸ் சுரேஷ் சொன்னார். ஆனால், நல்ல வேளையாக இந்த வகை படத்தை முதலில் இயக்கும் வாய்ப்பு எனக்கு அமைந்திருக்கிறது,” என்றார் இயக்குனர், நடிகர் பார்த்திபன்.

கமல்ஹாசன் பேசுகையில்,

“புதிய பாதை படத்தில் நடிக்க என்னைத்தான் அணுகினார் பார்த்திபன். கால்ஷீட் இல்லாததால் என்னால் அதில் நடிக்க முடியவில்லை, அது ரொம்ப நல்லதாகஙப போய் விட்டது. அதனால் தான் பார்த்திபன் போன்ற ஒரு நல்ல நடிகர் நமக்கு கிடைத்தார்.

16 வயதினிலே படத்தில் பாக்யராஜ் நாட்டு வைத்தியராக நடித்திருப்பார், பின்னாளில் தமிழ் சினிமாவுக்கே நாட்டு வைத்தியராக மாறி இருக்கிறார். அவரின் சிஷ்யன் பார்த்திபன் ஒரு கதாபாத்திரம் மட்டுமே நடிக்கும் தனித்துவமான ஒரு தமிழ் படத்தில் நடித்திருக்கிறார்.

ராபர்ட் ரெட்ஃபோர்ட், டாம் ஹார்டி ஆகியோர் வரிசையில் பார்த்திபன் இணைந்திருப்பது எனக்கு மகிழ்ச்சி. எனக்கு காந்தி வரலாற்று புத்தகத்தை பார்த்திபன் அன்பளிப்பாக வழங்கினார், அதில் இந்த படத்தின் தலைப்புக்கு பொருத்தமாக ஒரு சம்பவம் வரும். ரயில் ஏறும்போது காந்தியடிகளின் ஒரு செருப்பு தவறி விடும், உடனே அடுத்த செருப்பை தூக்கி வீசி விடுவார். யாருக்காவது உபயோகப்படும் என்று. அந்த மாதிரி எனக்கு ஒரு செருப்பு கிடைத்து விட்டது. இன்னொரு செருப்பும் விரைவில் கிடைக்கும்.

எஸ்பி முத்துராமன் எல்லோர் விழாவையும் தன் விழாவாக எடுத்து செய்வார், அதை பார்த்திபன் தற்போது சிறப்பாக செய்து வருகிறார். ஒத்த செருப்பு வெற்றி பெற்று ஜோடியாக மாறும். இந்த படம் வெற்றிப் படமாக அமையும் எல்லா சாத்தியமும் இருக்கிறது,” என்றார் கமல்ஹாசன்.

தோஹா ஆசிய தடகள போட்டியில் தங்கம் வென்ற கோமதி மாரிமுத்துக்கு உலக உருண்டையில் தங்க காலணி பதித்த ஒரு அன்பளிப்பை அளித்து மரியாதை செய்தனர் படக்குழுவினர். கமல்ஹாசனுக்கு டார்ச் லைட் பதித்த வெள்ளி செங்கோலை அன்பளிப்பாக வழங்கினார் பார்த்திபன்.

இந்த விழாவில் தயாரிப்பாளர்கள் டி. சிவா, வெங்கட், செவன்த் சேனல் மாணிக்கம் நாராயணன், எஸ்.ஆர்.பிரபு, இயக்குனர் ராஜேஷ் எம் செல்வா, பாடலாசிரியர் விவேக், ஒளிப்பதிவாளர் ராம்ஜி, ஒலி வடிவமைப்பாளர் ரசூல் பூக்குட்டி, கிருஷ்ணமூர்த்தி, கண்ணதாசன் ஆகியோர் கலந்து கொண்டு சிறப்பித்தனர்.

Tamil Cinema News

திட்டம் போட்டு திருடுற கூட்டம் – என்ன புதுமை ?

Published

on

By

திட்டம் போட்டு திருடுற கூட்டம் - என்ன புதுமை ?

டு மூவி பஃப் நிறுவனம் தயாரிப்பில் சுதர் இயக்கத்தில் பார்த்திபன், கயல் சந்திரன் மற்றும் பலரது நடிப்பில் உருவாகி இருக்கும் படம் ‘திட்டம் போட்டு திருடுற கூட்டம்’.

இப்படத்தை SDC பிக்சர்ஸ் நிறுவனம் தமிழகம் முழுவதும் செப்டம்பர் 27ம் தேதியன்று வெளியிடுகிறது.

படம் பற்றி இயக்குனர் சுதர் கூறுகையில்,

“கிரிக்கெட் உலகக் கோப்பையை திருடுவதே ஒரு தனித்துவமான யோசனை தான். அதையும் தாண்டி திட்டம் போட்டு திருடுற கூட்டத்தில் நான் என்ன தனித்துவம் பார்க்கிறேன் என்றால், இதில் எல்லா காட்சிகளும் இதுவரை யாரும் பார்க்காத காட்சிகளாக இருக்கும்.

பொதுவாக மற்ற படங்களில் சென்டிமென்ட் காட்சியோ, காதல் காட்சியோதான் பொதுவாக இருக்கும், நடிகர்கள் மட்டும் தான் ஒவ்வொரு படத்திற்கும் மாறிக் கொண்டிருப்பாரகள். ஆனால் இந்தப் படத்தில் காட்சிக்கு காட்சி புதுமை இருக்கும். ஒவ்வொரு காட்சியும் வேறு எந்த படத்திலும் எந்த வடிவிலுமே பார்த்திருக்காத வகையில் இருக்கும்.

கலை இயக்கத்தை பற்றி சொல்லியாக வேண்டும், எங்கள் கலை இயக்குனர் மிகச் சிறப்பாக தன் பங்கை அளித்துள்ளார். மியூசியம் செட் ஒன்று படத்தில் உள்ளது. அது செட் என்றே தெரியாத வகையில் அத்தனை வெண்கல சிற்பங்களை கொண்டு துல்லியமாக வடிவமைத்து உள்ளார்.

எங்கள் ஒளிப்பதிவாளர் அவரின் ஒளிப்பதிவின் மூலம் படத்தை அடுத்த தளத்திற்கு கொண்டு சென்றுள்ளார். படம் அவ்வளவு பிரம்மாண்டமாக இருக்கும்,” என்கிறார்.

Continue Reading

Tamil Cinema News

கார்த்திக் சுப்பராஜ் தயாரிப்பில் ஐஸ்வர்யா ராஜேஷ்

Published

on

By

கார்த்திக் சுப்பராஜ் தயாரிப்பில் ஐஸ்வர்யா ராஜேஷ்

இயக்குனர் கார்த்திக் சுப்பராஜின் தயாரிப்பு நிறுவனமான ஸ்டோன்பென்ச் பிலிம்ஸ், ‘மேயாத மான், மெர்க்குரி’ ஆகிய படங்களைத் தொடர்ந்து ஒரே சமயத்தில் அடுத்தடுத்து இரண்டு படங்களைத் தயாரிக்கிறது.

இரண்டு படங்களுமே நாயகிகளுக்கு முக்கியத்துவம் உள்ள படங்கள். ஒரு படத்தில் கீர்த்தி சுரேஷ் கதாநாயகியாக நடிக்கிறார். இப்படத்தை ஈஸ்வர் கார்த்திக் இயக்குகிறார்.

அடுத்த படத்தில் ஐஸ்வர்யா ராஜேஷ் கதாநாயகியாக நடிக்கிறார். இப்படத்தை ரதீந்திரன் ஆர் பிரசாத் இயக்குகிறார்.

பிரித்வி சந்திரசேகர் இசையமைக்க. இத்தாலிய ஒளிப்பதிவாளர் ரொபர்டோ ஸஸ்ஸாரா ஒளிப்பதிவு செய்கிறார்.

ஒரு த்ரில்லர் படமாக உருவாக உள்ள இப்படத்தின் படப்பிடிப்பு ஊட்டியில் ஆரம்பமாகியுள்ளது.

தொடர்ந்து நடைபெற்று அடுத்து ஆண்டு துவக்கத்தில் படத்தை வெளியிட உள்ளார்கள்.

Continue Reading

Tamil Cinema News

பாதுகாப்பு அதிகாரியின் பரபரப்பு ‘காப்பான்’

Published

on

By

பாதுகாப்பு அதிகாரியின் பரபரப்பு காப்பான் - 4 Tamil Cinema

‘அயன், மாற்றான்’ ஆகிய படங்களுக்குப் பிறகு இயக்குனர் கே.வி.ஆனந்த், சூர்யா இணைந்துள்ள மூன்றாவது படம் ‘காப்பான்’.

ஒரு பரபரப்பான ஆக்ஷன் த்ரில்லராக உருவாகியிருக்கும் இந்தப் படம் இந்த வாரம் செப்டம்பர் 20ம் தேதி வெளியாகிறது.

படத்தின் சிறப்புகள் பற்றி இயக்குனர் கே.வி.ஆனந்த் கூறியதாவது,

1987, 88 கால கட்டங்களில் நாவல் ஆசிரியர்களான சுபா, பட்டுக்கோட்டை பிரபாகர் ஆகியோர் எழுதிய நாவல்களுக்கு அட்டைப்பட புகைப்படங்கள் எடுத்து கொடுத்திருக்கிறேன்.

இயக்குனர் ஆன பிறகு சுபா அவர்களுடன் இணைந்து பல படங்கள் பணியாற்றினேன். பட்டுக்கோட்டை பிரபாகருடன் இணைந்து பணியாற்ற வேண்டும் என்று நினைத்த போது இந்தியப் பிரதமரின் பாதுகாப்பு அதிகாரிகள், அவர்களின் சாகசம் ஆகியவற்றைப் பற்றிய கரு ஒன்று கிடைத்தது.

‘அயன், மாற்றான்’ படங்களில் என்னுடன் இணைந்த சூர்யாவிடம் ‘காப்பான்’ கதையைச் சொன்னேன். அவருக்கும் பிடிக்கவே இப்படம் ஆரம்பமானது.

பிரமதராக மோகன்லால், அவருடைய பாதுகாப்பு சிறப்பு அதிகாரியாக சூர்யா நடிக்கிறார். அவர் பிரதமரைக் காப்பாற்றுகிறாரா, வேறு சதி செய்கிறாரா, கொலை செய்ய நினைக்கிறாரா, தனது உயிரை விடவும் தயாராக இருக்கிறாரா என பல கோணங்களில் இந்தக் கதை நகர்கிறது.

இப்படத்திற்காக டில்லியில் உள்ள தேசிய பாதுகாப்புப்படை பிரிவில் துப்பாக்கி சுடுதல், உடற்பயிற்சி உள்ளிட்ட சில பயிற்சிகளை சூர்யா மேற்கொண்டார்.

போலீஸ், மிலிட்டரி வேலைகளும், தேசிய பாதுகாப்புப் படை பணியும் வெவ்வேறானாவை. இவர்கள் யாருடைய அதிகாரத்திற்கும் கட்டுப்படத் தேவையில்லை. சூழ்நிலைக்கு ஏற்ப முடிவு எடுக்கலாம்.

போலீஸ், மிலிட்டரி, எல்லை பாதுகாப்புப் படை ஆகியவற்றில் பணியாற்றும் திறமையான, விசுவாசமான வீரர்களை பல கட்ட தேர்வுக்குப் பின் இந்த பாதுகாப்புப் பிரிவுக்குத் தேர்வு செய்வார்கள்.

த்ரில்லர் பாணியில் இந்தப் படத்தின் கதை இருக்கும். இப்போதெல்லாம் படம் பார்க்க வருபவர்கள் புத்திசாலிகளாக இருக்கிறார்கள். திரைக்கதை வேகமாகப் போக வேண்டும் என நினைக்கிறார்கள். அதற்கேற்பட இந்தப் படத்தில் காட்சிகளை வைத்திருக்கிறேன்.

மோகன்லால் வித்தியாசமான ஒரு நடிகர். சினிமா மீது அவ்வளவு காதல் இருப்பதால்தான் இன்றும் நடித்துக் கொண்டிருக்கிறார். ரொம்பவும் இயல்பாக நடிப்பார். மிகவும் டெடிகேஷனாக நடிப்பார்.

இப்படத்தில் சமுத்திரக்கனி சூர்யாவுன் பணிபுரியும் சக அதிகாரியாக நடிக்கிறார். ஆர்யாவும் மிக முக்கியமான ஒரு கதாபாத்திரத்தில் நடிக்கிறார்.

ரசிகர்களுக்கும் எனக்கும் செட்டாகவில்லை என்று தெரிந்தால் சினிமாவை விட்டு வேறு வேலைக்குப் போய்விட வேண்டும் என்பது என் பாலிசி,” என்கிறார்.

Continue Reading
Advertisement

Tamil Movies Database

Trending

error: