Connect with us

Television

கலைஞர் டிவியில் ‘பூவே செம்பூவே’ புதிய தொடர்

Published

on

கலைஞர் டிவியில் பூவே செம்பூவே புதிய தொடர்

கலைஞர் தொலைக்காட்சியில் ஒளிபரப்பாகும் புத்தம் புதிய தொடர் ‘பூவே செம்பூவே’.

குடும்ப உறவுக்கும், காக்கிச் சட்டைக்கும் இடையேயான போராட்டத்தை எடுத்துச் சொல்லும் தொடர் இது.

திங்கள் முதல் வெள்ளி வரை மாலை 7:00 மணிக்கு கலைஞர் தொலைக்காட்சியில் ஒளிபரப்பாகிறது .

இதில் நாயகியாக பத்ரா என்ற நேர்மையான இளம் போலீஸ் அதிகாரி கதாபாத்திரத்தில் மௌனிகா நடிக்கிறார். சமூகத்தில் நடக்கும் அவலங்களை தட்டிக் கேட்டு அதற்குரிய தண்டனையை வாங்கித் தர துடிக்கும் இவருக்கு, குடும்ப ரீதியாகவும், பணி ரீதியாகவும் சவாலாக விளங்கும் அண்ணி கதாபாத்திரத்தில் உமா மகேஸ்வரி (இ.ஆ.ப)யாக ஷமிதா வில்லத்தனமான கதாபாத்திரத்தில் நடிக்கிறார்.

ஒரு சராசரி தமிழ் குடும்பத்தை பின்புலமாகக் கொண்டு அமைக்கப்பட்ட களத்தில், பணியிலிருக்கும் குடும்பப் பெண்கள் சந்திக்கும் முரண்பாடுகளை மையப்படுத்தி இத் தொடரின் கதை நகர்கிறது.

திருமணமாகி புகுந்த வீட்டிற்குச் செல்லும் ஒரு பெண் தனது கடமையை செவ்வனே செய்து, தனது குடும்ப மானத்தை எப்படி காப்பாற்றுகிறாள் என்பதை பல்வேறு எதிர்பாராத திருப்பங்களோடு சொல்லி இருக்கிறார்கள்.

தனது கணவன் மீதான காதலுக்கிடையே, கடமையை ஆற்ற பாடுபடும் பத்ரா, உமா மகேஷ்வரியால் என்னென்ன பிரச்சனைகளை சந்திக்கிறாள் ?, தனது கணவனின் அன்பையும் குடும்பத்தினரின் மனதையும் எப்படி வெல்கிறார் ?, அதன் பின்னணியில் என்ன நடக்கிறது ?, என்பதே இத் தொடரின் கதை.

லைட் சவுண்ட் & மேஜிக் நிறுவனம் தயாரிக்கும் இத் தொடருக்கு சார்லஸ் திரைக்கதை அமைத்திருக்கிறார். இவர் ஏற்கனவே காத்து கருப்பு, ஜீ பூம் பா, ரோஜா கூட்டம் மற்றும் என் தோழி, என் காதலி, என் மனைவி உள்ளிட்ட பல்வேறு சூப்பர்ஹிட் தொடர்களை இயக்கியவர் என்பது குறிப்பிடத்தக்கது.

இத் தொடர்பற்றி பற்றி அவர் கூறுகையில், “தங்கப்பதக்கம் மற்றும் கௌரவம் படங்களில் நடிகர் திலகத்தின் கதாபாத்திரம் போன்று, ஒரு பெண் கதாபாத்திரத்தை உருவாக்க வேண்டும் என்பது எனது நீண்ட கால அவா. அதனை பூவே செம்பூவே தொடர் நிச்சயம் நிறைவேற்றி வைக்கும் என்பதோடு, நேயர்கள் விரும்பும் தொடராகவும் இது அமையும் என்பதில் ஐயமில்லை.

மௌனிகா, ஷமிதா ஆகிய இருவருமே அவர்களது கதாபாத்திரத்தில் அசத்தி இருக்கிறார்கள். அவர்களது திரைப் பயணத்தில் பெயர் சொல்லும் தொடராக இது நிச்சயம் இருக்கும்,”. என்கிறார்.

இந்த நெடுந்தொடரை ‘குள்ள நரி கூட்டம்’ படத்தை இயக்கிய ஸ்ரீ பாலாஜி இயக்குகிறார்.

Television

காவிரி பிரச்சினைக்காக கையை அறுத்துக் கொண்ட மதுமிதா ?

Published

on

By

காவிரி பிரச்சினைக்காக கையை அறுத்துக் கொண்ட மதுமிதா ?

பிக் பாஸ் 3 நிகழ்ச்சியிலிருந்து கடந்த சனிக்கிழமை, விதிகளை மீறியதாகச் சொல்லி மதுமிதாவை வெளியேற்றினார்கள்.

மதுமிதா தற்கொலைக்கு முயற்சித்தார் என்று பல ஊடகங்களில் செய்திகள் வெளிவந்தன. ஆனால், மதுமிதாவுக்கு அன்றைய தினம் நடந்தது என்ன, எதற்காக அவரது கையில் கட்டு கட்டப்பட்டிருந்தது என்று நிகழ்ச்சியிலும் எந்த ஒரு விளக்கமும் அளிக்கப்படவில்லை.

இதனிடையே, காவிரி பிரச்சினை பற்றிப் பேசித்தான் மதுமிதாக கையை அறுத்துக் கொண்டதாக சமூக வலைத்தளங்களில் பரவலாக கருத்துகள் பதிவாகி வருகின்றன.

‘ஹலோ மொபைல் ஆப்’ டாஸ்க் ஒன்றில் அவர்களது பக்கங்களில் பதிவிடுவதற்காக போட்டியாளர்கள் ஏதாவது கருத்தைச் சொல்லலாம் என்றார்கள். அதில் கலந்து கொண்டவர்களில் மதுமிதா பேசியதைத் தவிர மற்றவர்களின் கருத்துக்கள் டிவியில் ஒளிபரப்பாகின. ஆனால், மதுமிதாவின் கருத்தை ஒளிபரப்பவேயில்லை. அதில்தான் மதுமிதா காவிரி பிரச்சினை பற்றி பேசினார் என்கிறார்கள்.

வேறு சிலரோ, அவர் சேரனுடன் காவிரி பிரச்சினை பற்றி விவாதித்துக் கொண்டிருந்த போது, வருணபகவானும் கர்நாடகாதான் போலிருக்கிறது. நமக்கு மழையும் வரவில்லை, காவிரியில் தண்ணீரும் வரவில்லை என மதுமிதா சொன்னாராம். அப்போது அதைக் கேட்ட ஷெரின், எப்படி இந்தப் பிரச்சினையைப் பற்றிப் பேசலாம் என சண்டை போட்டாராம்.

மதுமிதா மீது ஏற்கெனவே கடுப்பில் இருந்த ஐவர் அணியான கவின், சாண்டி, முகேன், தர்ஷன், லாஸ்லியா இந்த சந்தர்ப்பத்தைப் பயன்படுத்தி பிரச்சினையை மேலும் பெரிதாக்கியிருக்கிறார்கள்.

தமிழ், தமிழ் எனப் பேச வேண்டாம் என்றும், அவ்வளவு பாசம் இருந்தால் காவிரிக்காக நீ உயிரை விடுவாயா என்று கேலி செய்தார்களாம். தன்னைக் கிண்டல் செய்ததைப் பொறுக்க முடியாத மதுமிதா கத்தியால் கையை அறுத்துக் கொண்டார் என்றும் சொல்கிறார்கள். அப்போது சேரன், கஸ்தூரி மட்டுமே மதுமிதாவுக்கு ஆதரவாகப் பேசி அவரைக் காப்பாற்றியிருக்கிறார்கள். அதனால்தான், நேற்று நாமினேஷனில் சேரன், கஸ்தூரி இருவரது பெயரையும் ஐவர் அணி பேசி வைத்து சேர்த்திருக்கிறது.

தமிழ் மக்களுக்காகவும், தமிழ்நாட்டுக்காகவும் காவிரி பிரச்சினை பற்றிப் பேசப் போய் கூட இருந்த மற்ற தமிழர்களாலேயே ஏளனத்துக்கு ஆளாகியுள்ளார் மதுமிதா என்கிறார்கள்.

நடந்தது என்ன என்பதை பிக் பாஸ் நிகழ்ச்சி அமைப்பாளர்கள் முழுமையாக ஒளிபரப்ப வேண்டும். காவிரி பிரச்சினையால்தான் மதுமிதா அப்படி நடந்து கொண்டார் என்றால், கமல்ஹாசன் அதை அப்படியே ஒளிபரப்ப சொல்லியிருக்கலாமே, அவரும் சேர்ந்து இதை ஏன் மறைக்க வேண்டும் என்றும் பலர்  சமூக வலைத்தளங்களில் கேள்வி எழுப்புகிறார்கள்.

தற்கொலை முயற்சி என்பது சாதாரண விஷயமல்ல. முதல் சீசனில் நீச்சல் குளத்தில் விழுந்து ஓவியா தற்கொலைக்கு முயன்றார் என்ற பரபரப்பு ஏற்பட்டது. உடனடியாக அவரை நிகழ்ச்சியை விட்டு நீக்கினார்கள். இரண்டாவது சீசனில் டேனியிடம் தரக்குறைவாக சண்டை போட்ட மகத்தை ரெட் கார்டு காட்டி வெளியேற்றினார்கள்.

மூன்றாவது சீசனில் ஏற்கெனவே சரவணன் விமர்சனத்துக்கு ஆளாகி வெளியேற்றப்பட்டார். தாங்கள் நியாயமாக நடந்து கொள்கிறோம் என சொல்லிக் கொள்ளும் பிக் பாஸ் நிகழ்ச்சி அமைப்பாளர்கள், அந்த நியாயத்தை மதுமிதா விவகாரத்தில் காட்ட மறுப்பது ஏன் எனப் பலரும் கேள்வி கேட்கிறார்கள்.

Continue Reading

Television

போங்கு ஆட்டம் ஆடும் ‘பிக் பாஸ்’

Published

on

By

போங்கு ஆட்டம் ஆடும் பிக் பாஸ் - 4 Tamil Cinema

விஜய் டிவியில் ஒளிபரப்பாகி வரும் பிக் பாஸ் சீசன் 3 நிகழ்ச்சி இதற்கு முந்தைய இரண்டு சீசன்களை விட இந்த சீசனில் தனது தரத்தைக் குறைத்துக் கொண்டு வருகிறது.

இரண்டு வாரங்களுக்கு முன்பு போட்டியாளரான சரவணன் வெளியேற்றப்பட்டார். அவர் கல்லூரியில் படித்த போது பேருந்தில் உரசுவதற்காகச் சென்றுள்ளேன் என்று சொன்னதை பெண்களுக்கு அவமரியாதை எனக் கருதி அவரை வெளியேற்றியதாகச் சொன்னார் பிக் பாஸ்.

ஆனால், கமல்ஹாசன் அது குறித்து எதுவுமே சொல்லாமல் சரவணன் வெளியேற்றப்பட்டதை சர்வ சாதாரணமாகக் கடந்து போனார்.

கவின், சாண்டி ஆகியோர் ஒவ்வொரு நாளும் பெண் போட்டியாளர்களை அவமரியாதை செய்தும், கிண்டலடித்தும் வருகிறார்கள். அவர்கள் மீது இதுவரை பிக் பாஸ் எந்த ஒரு நடவடிக்கையும் எடுக்கவில்லை. கமல்ஹாசனும் கவின் பேசுவதை காமெடியாக எடுத்துக் கொண்டு அவருக்கு மேலும் ஊக்கம் கொடுக்கிறார்.

கடந்த வாரம் மதுமிதா தற்கொலைக்கு முயன்றதாக செய்திகள் பரவின. கை மணிக்கட்டில் கட்டு போட்ட நிலையில் அவருக்கு என்ன நடந்தது என்று நிகழ்ச்சியில் காட்டாமலேயே அவர் விதிகளுக்கு மீறி செயல்பட்டதாகவும் அதனால் அவரை வெளியேற்றுவதாகவும் அறிவித்தார் பிக் பாஸ். கமல்ஹாசனும் அது குறித்து எதையும் வெளிப்படையாகச் சொல்லவில்லை.

மதுமிதாவுக்கு நடந்த ‘கொடுமை’ யாரால், எதனால் நடந்தது என்பது இதுவரை யாருக்கும் தெரியவில்லை. எப்போதோ பேசியது இப்போது தவறாகத் தெரிந்து சரவணனை வெளியேற்றினார்கள். ஆனால், மதுமிதா தற்கொலைக்கு முயற்சித்தார் என்பது உண்மையாக இருக்கும் பட்சத்தில் அதற்குக் காரணமானவர்களை நிகழ்ச்சியை விட்டு உடனடியாக வெளியேற்றாமல் அதை மூடி மறைக்கிறார்கள்.

அடுத்து, கடந்த வாரம் விருந்தாளியாக வருகிறார் வனிதா என்றார்கள். நேற்றைய நிகழ்ச்சியில் ‘வைல்டு கார்டு என்ட்ரி’ மூலம் வந்திருக்கிறார் வனிதா, அதனால் அவரை இந்த வாரம் நாமினேட் செய்ய முடியாது என்று பிக்பாஸ் அறிவிக்கிறார். இதை கடந்த வாரம் அவர் வரும் போதே வைல்டு கார்டு மூலம் மீண்டும் வருகிறார் வனிதா என்று சொல்லியிருக்கலாமே.

மேலும், இந்த நிகழ்ச்சியை விட்டு இரண்டாவது நபராக மக்களால் வாக்களிக்கப்பட்டு வெளியேற்றப்பட்டவர் வனிதா. அவரை மீண்டும் வைல்டு கார்டு மூலம் வரவழைத்திருப்பது எந்த விதத்தில் நியாயம் ?.

ஆக, இந்த மூன்றாவது சீசனில் பிக் பாஸ் நிறையவே ‘போங்கு ஆட்டம்’ ஆடுகிறார்.

Continue Reading

Television

கலைஞர் டிவியில் ‘பேச்சுத் திருவிழா’

Published

on

By

கலைஞர் டிவியில் பேச்சுத் திருவிழா - 4 Tamil Cinema

பேச்சுத்திறமையை ஊக்கப்படுத்தும் வகையில், இளம் பேச்சாளர்களுக்காக ‘பேச்சுத் திருவிழா’ என்ற நிகழ்ச்சி கலைஞர் தொலைக்காட்சியில் ஒளிபரப்பாகி வருகிறது.

பிரபல பட்டிமன்ற நடுவர் திண்டுக்கல் ஐ.லியோனி தொகுத்து வழங்க ஞாயிறுதோறும் காலை 10:00 மணிக்கு ஒளிபரப்பாகும் இந்த நிகழ்ச்சியில் பள்ளி குழந்தைகள் முதல் கல்லூரி மாணவர்கள் வரை பலரும் ஆர்வமுடன் பங்கேற்று தங்களது பேச்சுத் திறமையை வெளிப்படுத்தி வருகின்றனர்.

பல்வேறு மாவட்டங்களுக்குச் சென்று திறமையாளர்களைத் தேர்வு செய்து அவர்களின் பேச்சாற்றலை உலகிற்கு கொண்டு வரும் இந்த நிகழ்ச்சியில், சிறப்பாக பேசும் இருவர் தேர்ந்தெடுக்கப்பட்டு, சென்னையில் நடக்க உள்ள இறுதிச்சுற்றில் பங்கேற்பார்கள். அந்த மேடையில் தனது பேச்சுத்திறமையை நிரூபிக்கும் திறமையாளர், தமிழகத்தின் சிறந்த பேச்சாளராக அறிவிக்கப்படுவார்.

பல்வேறு மாவட்டங்களில் நடைபெறும் இந்த நிகழ்ச்சியில் அந்தந்த ஊர்களின் சிறப்பு குறித்த வீடியோ ஒன்றும் நிகழ்ச்சியின் ஆரம்பத்தில் ஒளிபரப்பப்படுகிறது.

சமூக வலைதளம் மற்றும் தொலைக்காட்சிகளில் ஒளிபரப்பாகும் நேரலை விவாத மேடைகளால் பேச்சுப் போட்டி மீதான நாட்டம் மக்களிடையே குறைந்து வரும் நிலையில், அதனை ஊக்கப்படுத்தும் விதமாக ஒளிபரப்பாகி வரும் நிகழ்ச்சிதான் ‘பேச்சுத் திருவிழா’.

லியோ சிவக்குமார் இயக்கும் இந்த நிகழ்ச்சியை அசாசி கிரியேஷன்ஸ் தயாரித்து வருகிறது.

Continue Reading
Advertisement

Tamil Movies Database

Trending

error: