Connect with us

Tamil Cinema News

அரசியலில் இழுக்காதீர்கள் – ராகவா லாரன்ஸ் அறிக்கை

Published

on

அரசியலில் இழுக்காதீர்கள் - ராகவா லாரன்ஸ் அறிக்கை

இயக்குனரும், நடிகருமான ராகவா லாரன்ஸ் இன்று திடீரென ஒரு நீளமான பரபரப்பான அறிக்கை ஒன்றை வெளியிட்டுள்ளார். அது, வளர்ந்து வரும் ஒரு அரசியல் கட்சித் தலைவருக்கு வேண்டுகோள் மற்றும் எச்சரிக்கை எனத் தெரிவித்துள்ளார்.

அந்த அறிக்கை,

“வளர்ந்து வருகிற ஒரு அரசியல் தலைவருக்கும் அவரது தொண்டர்களுக்கும் ஒரு வேண்டுகோள் மற்றும் எச்சரிக்கை. இது யாருக்கு புரிகிறதோ இல்லையோ, குறிப்பிட்ட அந்த அரசியல் தலைவருக்கும் அவரது ஒரு சில தொண்டர்களுக்கும் புரிந்தால் போதும்!

அண்ணா வணக்கம்! உங்களுக்கு நினைவு இருக்கும் என்று நினைக்கிறேன்!

மூன்று ஆண்டுகளுக்கு முன்பு உங்கள் மேடைப் பேச்சை கேட்டுவிட்டு நானே உங்களுக்கு போன் செய்து *”அண்ணே நீங்கள் மேடையில் பேசியதை நான் கேட்டேன்! மிகவும் அருமையாக இருந்தது நீங்கள் நல்லா வர வேண்டும்”* என,
மனதார வாழ்த்தினேன்! அதற்குத் தாங்கள் நன்றியும் மகிழ்ச்சியும் தம்பி என தெரிவித்திருந்தீர்கள்…. அதன் பிறகும்… இரண்டு மூன்று முறை போனில் உங்களிடம் பேசி இருக்கிறேன்!

இரண்டு ஆண்டுகளுக்கு முன்பு நடந்த ஒரு போராட்டத்திற்கு ஒரு நல்ல விஷயத்தை செய்திட, சேவை மனப்பான்மையோடு சென்றிருந்தேன் அதை செவ்வனே செய்து விட்டு வழக்கம் போல் அமைதியாக எனது வேலைகளை செய்துகொண்டு இருந்தேன்.

ஆனால்….. நீங்கள் தான் முதன் முதலில் உங்களது மேடையில், எனது பெயரை இழுத்து, என்னையும் எனது ரசிகர்களையும், தன்னலமற்ற எனது சேவைகளையும், தரமற்ற முறையில் கொச்சைப்படுத்தி பேசினீர்கள்…. அப்பொழுது எனக்கு ஒரு சந்தேகம் ஏற்பட்டது….

எனக்கும் அண்ணனுக்கும் எந்த ஒரு பிரச்சினையும் இல்லையே… பிறகு ஏன் அண்ணன் இப்படி தப்பு தப்பாக பேசுகிறார் என எனது நண்பர்களிடம் கேட்டேன்….அவர்கள் சொன்னது…..ஒன்று அரசியலாக இருக்கலாம் அல்லது பயமாக இருக்கலாம் என்றார்கள். அப்பொழுதுதான் இது அரசியல் என்று நான் புரிந்து கொண்டேன்! அதே சமயம்….. நீங்கள் அப்படி என்னைப்பற்றி பேசியதற்கு நான் பதில் சொல்லும் பொழுது கூடஉங்களைப்பற்றி மிக மரியாதையோடு தான் பேசினேன்!

இது அச்சமயத்தில் அனைவருக்குமே தெரியும்! சரி இந்த விஷயம் அத்தோடு முடிந்து விட்டது என நான் என்னுடைய திரைப்பட பணியையும், பொது சேவையையும் அமைதியாக செய்து கொண்டு இருக்கிறேன்…‌!

*”என்னைப்பற்றி தரக்குறைவாக நீங்கள் பேசி விட்டுப் போய் விட்டீர்கள்….ஆனால் உங்கள் பேச்சால் *தூண்டிவிடப்பட்ட உங்களுடைய ஒரு சில தொண்டர்கள் என்னை எதிரியாகவே இன்றளவும் பாவித்து வருகிறார்கள்

நீங்கள் என்னை தவறாகப் பேசியதையும், அதற்கு நான் நாகரீகமாக பதில் சொன்னதையும், முடிந்துபோன ஒரு விஷயமாய் விடாமல் உங்களுடைய ஒரு சில தொண்டர்கள் எனது சேவை சம்பந்தப்பட்ட பதிவுகள் போடப்படும் ஃபேஸ்புக், ட்விட்டர், வாட்ஸ் ஆப் போன்ற வலைதளங்களில் கமெண்ட்ஸ் என்கிற பெயரில்….. தப்புத்தப்பான வார்த்தைகளில் கொச்சையாகவும், அசிங்கமாகவும் நாலாந்தர நடையில் பதிவிடுகிறார்கள் ! அது எனக்கு பெரும் மன உளைச்சலை ஏற்படுத்தியது.

ஏதேனும் பொது நிகழ்ச்சிகளுக்கு நான் போகும்போது கூட உங்களது ஒரு சில தொண்டர்கள் அங்கு வந்து மிகவும் நாகரீகமற்ற முறையில் மறைமுகமாக பேசுகிறார்கள்!

இவையெல்லாம், எப்பொழுது நீங்கள் மேடையில் என்னைப் பற்றி தவறாக பேசினீர்களோ, அப்பொழுதிருந்தே இது நடந்து வருகிறது…..நான் இதைப் பற்றியெல்லாம் கவலைப் படுவதில்லை! ஆனால்…. மாற்றுத்திறனாளிகளான எனது பசங்க, நிகழ்ச்சி நடத்த எங்கு சென்றாலும், அவர்களை சொல்லொண்ணா வார்த்தைகளாலும் செயல்களாலும் உங்களது ஒரு சில தொண்டர்கள் மனம் புண்படும்படி பேசுகிறார்கள்!

இவ்வளவு நாள் பொறுமையாக தான் இருந்தேன் ஆனால் உங்களது ஒரு சில தொண்டர்களின் செயல்பாடுகள் தற்பொழுது எல்லை மீறி போகிறது…கடந்த வாரம் கூட இந்த கசப்பான சம்பவம் நடந்துள்ளது. அதை மாற்றுத்திறனாளிகளான எனது பசங்க என்னிடம் கூறி, மிகவும் வருத்தப்பட்டார்கள்! அதற்காகத்தான் இந்தப் பதிவு.

இறுதியாக ஒன்றை மட்டும் உறுதிபட கூறுகிறேன்….. எனக்கு எது நடந்தாலும் அதைத் தாங்கிக் கொள்வேன். ஆனால்… மாற்றுத்திறனாளிகளான என் பசங்களுக்கும் பாசமிக்க எனது ரசிகர்களுக்கும், ஏதாவது ஒரு சிறு தொந்தரவு ஏற்பட்டாலும் என்னால் தாங்கிக் கொள்ள முடியாது. ஏனென்றால் அவர்கள் எனது பிள்ளைகள் மாதிரி.

உங்களது ஒரு சில தொண்டர்களால் எனக்கு ஏற்பட்ட பிரச்சினை போலவே, தமிழகத்தில் உள்ள பல அரசியல் தலைவர்களுக்கும் எனது சக திரைப்பட நண்பர்களுக்கும், உங்களின் ஒரு சில தொண்டர்களால் தொடர்ந்து ஏற்படுகிறது என்பதை
இந்த நேரத்தில் சுட்டிக் காட்ட விரும்புகிறேன்.

எனவே, உங்களுடைய அந்த ஒருசில தொண்டர்களை அழைத்து தப்புத்தப்பாக என்னைப்பற்றி பேசுவதையும் எழுதுவதையும் கண்டிப்பாக தவிர்க்கும் படி கூறிடுங்கள்.

பொதுவாக தாங்கள் அனைவரையுமே தம்பி, தம்பி என்றுதான் அழைக்கிறீர்கள்… அந்த தம்பியில் ஒருத்தனாக கேட்கிறேன் எந்த அண்ணனும் தனது தம்பியோட வளர்ச்சியை பார்த்து ரசிக்கத்தான் செய்யனும், அந்தத் தம்பியின் வளர்ச்சியை அழிக்க வேண்டுமேன நினைக்கக்கூடாது.

நான் எந்த ஒரு பேக் கிரவுண்டும் இல்லாமல் கஷ்டப்பட்டு இந்த நிலைக்கு முன்னேறி வந்து இருக்கிறேன் இதை நீங்கள் புரிந்துகொள்ள வேண்டும். இதற்கு மேலும் உங்களுடைய ஒரு சில தொண்டர்கள் இந்த பிரச்சனையில் எனக்கும் எனது மாற்றுத்திறனாளி பசங்களுக்கும் தொந்தரவு கொடுத்து வந்தால்….?

எச்சரிக்கை தான்! அந்த எச்சரிக்கை* என்னவென்றால்…?

*”எனக்கு “இந்த அரசியல்” எல்லாம் தெரியாது அரசியலைப் பொருத்தவரை நான் ஒரு ஜீரோ!”*
*”முன்பு நடனத்தில் கூட நான் ஜீரோவாகத்தான் இருந்தேன்,* *பிறகு கற்றுக் கொண்டேன்!”*
*”டைரக்‌ஷன் கூட எனக்கு ஜீரோவாகத்தான் இருந்தது,* *பிறகு கற்றுக்கொண்டேன்!”*
*”படத்தயாரிப்புக் கூட எனக்கு ஜீரோவாகத்தான் இருந்தது, *பிறகு கற்றுக்கொண்டேன்*
*”அரசியலில் இப்பொழுது கூட நான் ஜீரோவாகத்தான் இருக்கிறேன், அதில் “ஹீரோவாக்கி” என்னை அரசியலில் இழுத்து விடாதீர்கள்!”*
*”நீங்கள் பேச்சை அதிகமாக பேசுவீர்கள்…!*”நான் சேவையை அதிகமாக செய்வேன்!”*
*”மக்களுக்கு பேசுகிறவர்களை விட,* *”செயலில்”காட்டுகிறவர்களைத்தான் அதிகம் பிடிக்கும்!”*
*”நாமிருவரும் ஏதேனும் ஒரு பொதுவிவாத மேடையில் அமர்ந்து*
*நீங்கள் மக்களுக்கு என்ன நன்மைகள் செய்தீர்கள்?*
*”நான் என்னென்ன நன்மைகள் செய்தேன்” என பட்டியலிட்டேன் ஏன்றால்* *உங்களால் பதில் சொல்ல முடியாது.

நான், ஏழைகளுக்கு செய்கிற சேவைகளை, ஆளுங்கட்சி, எதிர்கட்சி உள்பட, மற்றும் அனைத்துக்கட்சி தலைவர்களும் பாராட்டுகிறார்கள்,*
*எனது தலைவனும், என் நண்பனும் கூட, நான் எந்த உதவி கேட்டாலும் உடனே, செய்து கொடுக்கிறார்கள்…செய்தும் வருகிறார்கள்…அத்துடன் மனப்பூர்வமாக என்னை வாழ்த்துகிறார்கள்…. ஆனால்…நீங்களும் உங்களது ஒரு சில தொண்டர்கள் மட்டும் தான், என்னையும் எனது தன்னலமற்ற சேவைகளையும் மிகக் கடுமையாக கேவலப்படுத்தி வருகிறார்கள்.

அப்புறம் உங்களது பெயரை நான் இங்கு குறிப்பிடாமல் இருப்பதற்கு காரணம் ? பயம் இல்லை நாகரிகம்தான் காரணம்!

அது மட்டுமல்லாமல்…இது தேர்தல் நேரம் வேறு இந்த எனது அறிக்கையின் மூலமாக உங்களுக்கு எந்த வித பாதிப்பும் வந்துவிடக்கூடாது என்கிற நல்லெண்ணத்தில் தான் உங்களது பெயரை இங்கு குறிப்பிடவில்லை!

தயவுசெய்து என்னையும் எனது மாற்றுத்திறனாளி பிள்ளைகளின் மன உணர்வுகளையும், புரிந்து கொள்ள முயற்சி செய்யுங்கள்….

நான் சொல்வது சரி என உங்களுக்கு தோன்றினால் தம்பி வாப்பா பேசுவோம் என கூப்பிடுங்கள்…. நானே உங்களது வீட்டுக்கு வருகிறேன்….உட்கார்ந்து…..மனம் விட்டு பேசுவோம். சுமூகமாகி அவரவர் வேலையை, அவரவர் செய்வோ.

நீங்களும் வாழுங்கள், வாழவும் விடுங்கள், இல்லை……இதை பிரச்சனையாகத்தான் நானும் எனது தொண்டர்களும் அணுகுவோம் என நீங்கள் முடிவெடுத்தால்…. அதற்கும் நான் தயார்.

சமாதானமா ? சவாலா ? முடிவை நீங்களே எடுங்கள்!

சாய்ஸ் இஸ் யுவர்ஸ்… அன்புடன்… உங்கள் அன்புத்தம்பி ராகவா லாரன்ஸ்.

என அந்த அறிக்கையில் தெரிவித்துள்ளார்.

Tamil Cinema News

விஷால் இயக்குனரின் நடிகர் – சுந்தர் .சி

Published

on

By

விஷால் இயக்குனரின் நடிகர் - சுந்தர் .சி

டிரைடன்ட் ஆர்ட்ஸ் தயாரிப்பில், சுந்தர். சி இயக்கத்தில், ஹிப்ஹாப் தமிழா இசையமைப்பில், விஷால், தமன்னா, ஐஸ்வர்ய லட்சுமி, அகன்ஷா பூரி மற்றும் பலர் நடிக்கும் ‘ஆக்ஷன்’ படத்தின் பத்திரிகையாளர் சந்திப்பு சென்னையில் நடைபெற்றது.

அந்நிகழ்வில் இயக்குநர் சுந்தர்.சி. பேசும்போது,

இப்படம் என்னுடைய கனவு படம் என்றும் கூறலாம். முதன்முதலாக நான் எடுத்த படம் கிராம பின்னணி கொண்ட படம் இயக்கினேன். அப்படத்தைப் பார்த்த அனைவரும் இது உன்னுடைய படம் மாதிரி இல்லையே? என்று. இந்த கேள்வியை நான் ஒவ்வொரு படத்திலும் சந்தித்தேன்.

எதுதான் என்னுடைய படம்? என்னுடைய படமென்றால் எந்த பாணியில் இருக்கும் என்று அனைவரும் எதிர்பார்க்கிறார்கள்? என்று குழப்பமடைந்தேன். ஆனால், இப்படம் மூலம் எல்லோருக்கும் இது என்னுடைய படமென்ற உணர்வு இருக்குமென்று நினைக்கிறேன்.

இதுபோன்ற பெரிய படங்களுக்கு தயாரிப்பாளர் ரவிசந்திரன் மாதிரி அமைவது வரம். சண்டைக் காட்சிகளில் தமன்னா டூப் போடாமல் அவரே தைரியமாக பணியாற்றினார். இதுவரை இப்படியொரு கதாநாயகி தமிழ் சினிமாவில் இருந்திருப்பார்களா? என்று சந்தேகம்தான். அக்கன்ஷாவும் ஒரு நிகழ்ச்சியில் பார்த்து தான் தேர்ந்தெடுத்தோம்.

விஷாலுக்கு பெண் வேடமிட்டால் அக்கன்ஷா மாதிரிதான் இருப்பார். அவரும் நன்கு ஒத்துழைப்பு கொடுத்து நடித்தார். தமன்னா, அக்கன்ஷா இருவரும் தினமும் படப்பிடிப்பு முடிந்து போகும்போது காயத்தோடு தான் போவார்கள். ஐஸ்வர்யா லக்ஷமி இப்படத்தில் நடித்திருக்கிறார். மலையாளத்தில் அவர் நடித்த எல்லா படம்மும் மாபெரும் வெற்றியடைந்தது. தமிழில் அவருக்கு இது முதல் படம். இப்போது கார்த்திக் சுப்புராஜ் படத்தில் நடித்துக் கொண்டிருக்கிறார்.,

சாயாசிங் சில காட்சிகளில் வந்தாலும் கண்ணியமாக நடித்திருப்பார். லட்சுமிகரமாக இருக்க வேண்டும், அனைவரின் மனதில் இடம்பிடிக்க வேண்டும் என்ற சவாலான கதாபாத்திரத்தைக் கூறியதும், சிறு புன்னகையுடன் ஒப்புக் கொண்டார்.

மேலும், இப்படத்தில் எனக்கு பக்க பலமாக அமைந்தது தேசிய விருது பெற்ற அன்பறிவு இருவரும் தான். அடுத்து ஹிப்ஹாப் ஆதி. முதலில் நான் ஆதிக்கு கொடுக்க கூடாது என்றிருந்தேன். ஆனால், என்னிடமிருந்து இசையமைப்பாளர் வாய்ப்பைப் பிடுங்கிச் சென்று இசையமைத்தார். நான் நினைத்ததைவிட வேகமாக தன் பணியை முடித்துவிட்டார் ஆதி.

மிலிட்டரி, தீவிரவாதம், அரசியல் என்று அனைத்தும் இப்படத்தில் இருக்கிறது. இப்படத்தில் வில்லி கிடையாது, வில்லன் தான். அந்த வில்லன் யார் என்பது தான் சஸ்பென்ஸ். அது படம் பார்க்கும்போதுதான் தெரியும்.

தமன்னாவை எனக்கு பிடிக்கும். எனது ஒவ்வொரு படத்திலும் அவரை நடிக்க வைக்க முயற்சி செய்தேன். அது இப்படத்தில்தான் நிறைவேறியது. ‘பாகுபலி’ படத்தில் தமன்னாவின் சண்டைக் காட்சிகளைப் பார்த்தேன். அவர் தான் இந்த படத்திற்கு பொருத்தமாக இருப்பார் என்று அவரை நடிக்க வைத்தேன்.

இப்படத்தின் CG பணி செய்த அனைவருமே சென்னையைச் சார்ந்த தொழில்நுட்ப வல்லுநர்கள் தான். சென்னையில் இந்தளவு உயர்தரமான காட்சிகளைக் கொடுக்க முடியுமா ? என்று அனைவரையும் ஆச்சரியப்பட வைக்கும்.

மேலும், விஷால் இயக்குநரின் நடிகர். ஒருமுறை அவரை ஒப்பந்தம் செய்துவிட்டால் நாம் என்ன சொல்கிறோமோ அதை அர்ப்பணிப்போடு செய்வார். மேலிருந்து குதிக்கச் சொன்னேன். உடனே குதித்து விட்டார். விஷாலைத் தவிர வேறு யாராலும் இப்படிப்பட்ட பெரிய திரைப்படத்தை 6 மாத காலங்களிலேயே முடித்திருக்க முடியாது. அதற்கு தயாரிப்பாளரும் ஒத்துழைப்புக் கொடுத்தார் என்றார்.

நடிகர் விஷால் பேசும்போது,

சமூக சிந்தனைகள் இருந்தாலும் சம்பாத்தியம் தான் முதலில் முக்கியம் என்று எனக்கு புரிய வைத்தது இயக்குநர் சுந்தர்.சி தான். நாங்கள் மேடையில் அமர்ந்திருப்பதற்கும், இந்த அமைப்பைக் கொண்டு வருவதும் சாதாரணமான செயல் அல்ல. அதை டிரைடண்ட் ஆர்ட்ஸ் ரவிசந்திரன் செய்திருக்கிறார்.

‘சங்க மித்ரா’ தான் சுந்தர்.சி-யின் கனவு திரைப்படம். ஆனால், அப்படம் தாமதமாவதால் இப்படத்தை எடுத்து விட்டோம். என் கேரியரிலேயே அதிகமான சண்டைக் காட்சிகள் கொண்ட திரைப்படமும், அதிகமாக அடிப்பட்ட திரைப்படமும் ‘ஆக்ஷன்’ தான். ஏனென்றால், ஒரு கணத்தில் என் சாவை என் கண்ணால் பார்த்தேன்.

ஒரு காட்சியில் என் கைகளை தடுக்க கொண்டு வரும்போது கையிலும், காலிலும் அடிப்பட்டு 5 மாதங்கள் படப்பிடிப்பு நடக்க விடாமல் செய்தது. அதன்பிறகு ஒரு கட்டத்தில் இயக்குநர் சுந்தர்.சி மற்றும் தயாரிப்பாளர் ரவி இருவரையும் எதிர்கொள்வது சிரமமாக இருந்தது. ஆனால், அதையெல்லாம் அவர்கள் பொருட்படுத்தாமல் எனக்காகக் காத்திருந்து மீண்டும் படப்பிடிப்பு நடத்தினார்கள்.

வருடம் ஒருமுறை சுந்தர்.சியுடன் பணியாற்றினால் உடல்நிலை நன்றாக இருக்கும். ஒவ்வொருவரும் ஈகோ பார்க்காமல் இயக்குநர் சுந்தர்.சியுடன் உதவி இயக்குநராக பணிபுரிய வேண்டும். ஒரு சாதாரண இடத்தையும் பிரம்மாண்டமாக காட்சிப்படுத்துவார்.

90 நாட்களில் இப்படத்தை முடித்தது சவாலான விஷயம். உதவி இயக்குநராக நான் அவரிடம் நிறைய கற்றுக் கொள்ளும் வாய்ப்பு இப்படத்தின் மூலம் எனக்கு அமைந்தது. அவரிடம் கற்றுக் கொண்டதை இனி வரும் என் படங்களில் பயன்படுத்துவேன். ஆதி மாதிரியான திறமையான இளம் இசையமைப்பாளர் பலர் வரவேண்டும்.

எனக்கு அடிபட்ட பிறகு, அன்புறிவு, சுந்தர்.சி இருவரும் சண்டைக் காட்சிகளில் டூப் போட வேண்டுமென்று எவ்வளவோ முயற்சி செய்தார்கள். ஆனால், நான் ஒப்புக்கொள்ளவில்லை. மேலும், இப்படத்திற்கு இருந்த சவாலான விஷயம் படத்தொகுப்பு. அதை ஸ்ரீகாந்த் திறமையாக செய்து முடித்திருக்கிறார்.

சண்டைக் காட்சிகளில் எனக்கும் தமன்னாவுக்கு இருந்த கெமிஸ்ட்ரி நன்றாக வந்திருக்கிறது. அகன்ஷாபூரியைப் பற்றி சொல்லியே ஆக வேண்டும். நான் இதுவரை பெண்களை அடித்ததே கிடையாது. ஆனால், இப்படத்தில் வரும் காட்சிக்காக அகன்ஷாவை பல தடவை அடித்தேன். அதற்காக இந்த இடத்தில் மன்னிப்பு கேட்டுக் கொள்கிறேன். அடிபடாமல் இருப்பதற்காக சிறப்பு உடை கொடுப்பார்கள். ஆனால், அகன்ஷா அதைப்பற்றி சிறிதும் பொருட்படுத்தாமல் அடிபட்ட அன்றே படப்பிடிப்பை நிறுத்தாமல் நடித்து முடித்தார்.

சாயாசிங் உடன் நடித்ததில் மகிழ்ச்சி. எனக்கு நல்ல நண்பர் கிடைத்திருக்கிறார். யூடியூப்-ல் சாரா உடைய குறும்படத்தைப் பார்த்தேன். தைரியமாக நடித்திருக்கிறார். மிகவும் திறமையான நடிகர். 15 வருடங்களுக்கு முன்பிருந்தது போல் இப்பொழுது இல்லை. இன்று யார் வேண்டுமானாலும் பத்திரிகையாளராக ஆகி விடுகிறார்கள்.

‘ஆக்ஷன்’ படத்தை பெரிய திரையில் காணுங்கள். இப்படத்தில் நடித்த அனைத்துப் பெண்களும் திறமையானவர்கள். ஐஸ்வர்யா லட்சுமி அனைவரிடமும் பேசப்படுவார் என்றார். ஒரே ஒரு வேண்டுகோள். ஒவ்வொருத்தரும் , மற்றவர்கு ஏதாவது ஒரு உதவி செய்யவேண்டும் என்று கேட்டுக்கொள்கிறேன்,” என்றார் விஷால்.

Continue Reading

Tamil Cinema News

‘தர்பார்’ மோஷன் போஸ்டரை வெளியிடும் கமல்ஹாசன்

Published

on

By

தர்பார் மோஷன் போஸ்டரை வெளியிடும் பிரபலங்கள்

லைக்கா புரொடக்ஷன்ஸ் தயாரிப்பில், ஏஆர் முருகதாஸ் இயக்கத்தில், அனிருத் இசையமைப்பில், ரஜினிகாந்த், நயன்தாரா மற்றும் பலர் நடிக்கும் படம் ‘தர்பார்’.

இப்படத்தின் மோஷன் போஸ்டர் நாளை நவம்பர் 7ம் தேதி மாலை 5.30 மணிக்கு தமிழ், தெலுங்கு, மலையாளம், ஹிந்தி ஆகிய மொழிகளில் வெளியிடப்படுகிறது.

தமிழ், தெலுங்கு போஸ்டரை நடிகர் கமல்ஹாசன் அவருடைய டிவிட்டரிலும், மலையாளப் போஸ்டரை நடிகர் மோகன்லால், ஹிந்தி போஸ்டரை நடிகர் மோகன்லால் அவர்களுடைய டிவிட்டரிலும் வெளியிடுகிறார்கள்.

இப்படத்தை 2020ம் ஆண்டு பொங்கல் திருநாளை முன்னிட்டு வெளியிட உள்ளார்கள்.

 

Continue Reading

Tamil Cinema News

சிவாஜியும், கமலும் ஏன் நடிப்பு ராட்சசர்கள் – அருண் வைத்யநாதன்

Published

on

By

சிவாஜியும், கமலும் ஏன் நடிப்பு ராட்சசர்கள் - அருண் வைத்யநாதன்

தமிழ்த் திரையுலகில் பன்முகக் கலைஞனாய், சினிமாவை நேசிப்பவர்கள் மத்தியில் தனி சிம்மாசனம் போட்டு அமர்ந்திருப்பவர் கமல்ஹாசன்.

பல புதிய தொழில்நுட்பங்களை இந்தியத் திரையுலகிற்கு அறிமுகப்படுத்தியவர். அவரை நேசித்து அவருடைய சினிமாவால் ஈர்க்கப்பட்டு திரையுலகத்திற்குள் நுழைந்தவர்கள் பல பேர்.

இப்போது சினிமா பிரபலங்கள் ஆனாலும், தங்களை கமல்ஹாசனின் ரசிகன் என்று சொல்லிக் கொள்வதில் அவர்கள் பெருமைப்படுபவர்கள். அப்படி ஒருவர்தான் இயக்குனர் அருண் வைத்யநாதன். நாளை கமல்ஹாசனின் பிறந்தாளை முன்னிட்டு அவருடைய முகப்புத்தகத்தில் கமல்ஹாசனைப் பற்றி அவர் பதிவிட்டிருப்பதாவது,

“சிவாஜியும், கமலும் ஓவர் ஆக்டிங் என்று பிதற்றுபவர்களைப் பார்த்தால் , அவர்கள் செய்யும் பரிகாசத்தைப் பார்த்து பரிகாசிக்கவே தோன்றுகிறது. தமிழர்கள், பெரும்பான்மையாய் உணர்ச்சிவசப்படுவதில் மன்னர்கள். 

நாம் சட்டென கொதிப்போம், சிரிப்போம், அழுவோம். அந்தந்த காலத்தில் அவரவர் நடிப்பு…சற்று மிகையே என்று சில இடங்களில் இப்போது தென்பட்டாலும், அன்றைய பொழுதில் அந்த நடிப்பு சிலாகிக்கப்பட்டதே!

திரிசூலம் தொலைபேசிக் காட்சியை பலர் கிண்டல் அடித்திருப்பதை இப்போது பார்க்கிறேன் – ஆனால், மாயவரம் பியர்லெஸ்ஸில் எழுந்த கரவொலியும், விசில் சத்தமும் இன்னும் என் காதுகளில் ஒலிக்கிறது. தெய்வமகனில் தந்தை சிவாஜி, கையை நீட்டி…தலையை உதறி, கால்களை டப் டப்பென்று தட்டுவார்…கோபத்தில்! ஏன், நவராத்திரியில் கடைசி காட்சிகளில் பேசாமலேயே கண்களால் நடிக்கத் தெரிந்த சிவாஜிக்கு, தெய்வமகனில் அடக்கி வாசிக்கத் தெரியாதா?

உதாரணத்திற்கு பார் மகளே பார் படத்தில் ஒரு காட்சியில் சிவாஜி அழ, படப்பிடிப்பு தளமே கண்கள் கலங்கி கரகோஷம் எழுப்ப, சோ மட்டும் சிரித்தபடி வெளியே சென்றாராம்.

சிவாஜி மேக்கப் அறைக்கு கூப்பிட்டு ‘என்னடா உனக்கு பிடிக்கலையா?’ என்று கேட்டாராம். சோ உடனே ‘ஆமாம்….எதுக்கு இப்படி அழணும்…கொஞ்சம் யதார்த்தத்தை மீறி இருக்கே!’ என்று கேட்க, சிவாஜி உடனே பத்து விதமாய் அந்தக் காட்சியை யதார்த்த பாணியில் நடித்துக் காட்டினாராம். கடைசியாக ‘என் மக்களுக்கு எத்தகைய நடிப்பு சென்றடையும்’ என்று தெரியும் என்று சொன்னாராம். சோவே சிலாகித்து எழுதிய விஷயம் இது!

இதே போன்று, கமல்ஹாசனுக்கும் என்னால் ஏன் ஏதற்கு எப்படி என்று எழுத முடியும்.

They are masters – They are legends. They know exactly what they are doing!

மகாநதியில் ஜெயில் கம்பிகளுக்குப் பின்னால், கண்கள் கலங்க, கட்டை விரலை வாய்க்குள் பக்கவாட்டில் நுழைத்து ‘ஏன்’ என்று குரல் கமறக் கேட்கத் தெரிந்த நடிப்புத் தகப்பனுக்கு, நாயகன் தகப்பனாய் எண்பதுகளில் ஏன் ஓலமிட்டார் என்பதற்கும் ஒரு காரணம் இருந்திருக்கும். இல்லையென்றால் அந்தப் படம் இன்றளவும் அப்படி பேசப்பட்டுக்கொண்டிருக்குமா?

சச்சின் இரண்டு முறை பரிசோதனையில் ஏதேனும் ஒரு ஷாட் அடித்து அவுட் ஆகும் போது, இந்த சச்சினே இப்படித்தான் என்று சொல்வது போல் ….அவர் அதே போல பல முயற்சிகளில் எத்தனையோ பரிசோதனைகள் செய்து வெற்றி பெற்றதை மறந்து விடுவோம். அது போலத் தான், இந்த விவாதங்கள்.

சிவாஜியும், கமலும் ஏன் நடிப்பு ராட்சசர்கள் என்றால்….ஒரு கதாபாத்திரத்திற்காக தன்னை தயார்படுத்திக் கொள்ளும் விதம்.

சின்னதாய் ஒரு விஷயம் எடுத்துக் கொள்வோம்….

எல்லோரும் கொண்டாடுவோம் என்று பாவமன்னிப்பில் ஒரு பாட்டு வரும், அதில் ஆரம்பித்து ‘உன்னை ஒன்று கேட்பேன்’ பாடலில் பியானோ, சாக்ஸபோன் என்று ஒவ்வொரு வாத்தியமாய் வாசிப்பார்.

அதே போல் நம்மவர் படத்தில் கமல்ஹாசன் பியானோ வாசிப்பார், அபூர்வ ராகங்களில் மிருந்தங்கம் …பாருங்கள். அதில் ஒரு நேர்த்தியும் மெனக்கெடலும் இருக்கும் – அதற்குப் பெயர் தான் உழைப்பு. செய்யும் தொழிலுக்கு நேர்மையுடன் பணிபுரியும் ஒரு உழைப்பாளியின் நேர்த்தி.

சிவாஜி, கமல் மேல் எனக்கு விமர்சனங்கள் இல்லையா…இருக்கின்றது…. சிவாஜி தவறான கதையமைப்பில், இயக்கத்தில் சில படங்களில் எண்பதுகளின் கடைசியில் செய்ய ஆரம்பித்தார். அதே கதையமைப்பில் சிறந்து விளங்கிய கமல், வேறு எந்தக் கதையாசிரியரையும், திறமையையும் தற்போதெல்லாம் சேர்த்துக் கொள்ளத் தவறி விட்டார். அதனால் தான் ஒரு வேட்டையாடு விளையாடு பல போராட்டங்களுக்குப் பின்னர் வந்தாலும், மிகப் புதியதானதொரு பரிமாணத்தில் கமல் வெளிப்படுகிறார். முழு பாராட்டும் கௌதம் மேனனுக்கே!

தமிழ்த்திரையுலகில் சிவாஜி,கமல் இருவரும் கடைசியாக நடித்த தேவர்மகனில் ‘தந்தை-மகன்’ வாக்குவாதக் காட்சி – இன்றளவும் யதார்த்த நடிப்பின் உச்சக்கட்டம்.

தமிழ்த்திரையுலகில் எந்த நாற்காலியையும் யாருக்கு வேண்டுமானால் கொடுத்து அமரச் செய்யுங்கள். பரிசோதனை முயற்சி, கதாபாத்திரத்திற்காக தன்னை தயார் செய்து கொள்வது, வெற்றி தோல்விகளைக் குறித்து கவலைப்படாமல் முன்னேறிக்கொண்டே இருந்தது என்ற விஷயங்களை எடுத்துக் கொண்டால்…அந்த சிம்மாசனம் சிம்மக்குரலோனுக்கும், அதற்குப் பிறகு அவரது கலையுலகப் பிள்ளை கமல்ஹாசனுக்கும் தான்.

தேவர் மகன் – ஒரு திரைப்படம் மட்டுமல்ல. சிவாஜி அமர்ந்த நாற்காலியில், அதுவரை பவ்யமாய் மரியாதை காட்டும் கமல், மறைவுக்குப் பிறகு அமருவார்.

கதையைக் கேட்டவுடன் ‘நீ ஏண்டா என் நாற்காலிக்கு ஆசைப்படறே’ என்று சிவாஜி கேட்க, ‘எனக்கு அது தான் வேணும்…அது மட்டும் போதும்!’ என்று கமல் பதில் சொன்னாராம்.

ஏனெனில், கமலுக்குத் தெரியும்…அது நாற்காலி அல்ல, சிம்மாசனம்!

They are masters – They are legends. They know exactly what they are doing!

 

Continue Reading
Advertisement

Tamil Movies Database

Trending

error: