Connect with us

Trending

சதீஷ், ஆர்.ஜே. பாலாஜி டிவிட்டரில் மோதல், கலாய்ச்சிக்கிறாங்களாம்…

Published

on

sathish-and-rj-balaji

தமிழ் சினிமாவில் தற்போது காமெடி என்று சொன்னால் அது அடுத்தவரை ‘கலாய்ப்பது’ என்பதாகத்தான் அதிகமாக இருக்கிறது.

வடிவேலு, சந்தானம் இருவரும் ஹீரோ ஆசையில் காமெடி கதாபாத்திரத்தில் நடிப்பதை விட்டு விட்டதால் தமிழ் சினிமாவில் காமெடி நடிகர்களுக்கு கடும் பஞ்சம் ஏற்பட்டுள்ளது.

அதனால், நாமும் வேறு வழியில்லாமல் சதீஷ், பாலாஜி ஆகியோரின் காமெடி(?)களைப் பார்க்க வேண்டியதாகிவிட்டது. அவர்கள் செய்வதைப் பார்த்து சிரிக்கிறோமோ இல்லையோ இருவரும் தங்களை பெரிய காமெடி நடிகர்களாக நினைத்து டிவிட்டரில் தற்போது சண்டையிட்டுக் கொண்டிருக்கிறார்கள்.

ஏ.ஆர்.முருகதாஸ் இயக்கத்தில் மகேஷ் பாபு, ரகுல் ப்ரீத் சிங் நடித்து அடுத்த வாரம் வெளிவர உள்ள ‘ஸ்பைடர்’ படத்தில் ஆர்.ஜே. பாலாஜியும் நடித்துள்ளார். அதன் பிரமோஷனின் ஒரு பகுதியாக நேற்று டிவிட்டரில் ரசிகர்களுடன் சாட் செய்தார்.

அப்போது ஒருவர் “உங்களுக்குப் பிடித்தமான காமெடி நடிகர்” யார் என்று கேட்டதற்கு ஆர்.ஜே. பாலாஜி, “சதீஷ், ப்ளீஸ் நம்புங்க,” என பதிலளித்தார்.

அதற்கு இன்று மதியம் சதீஷ், “ஹா..ஹா..ஜல்லிக்கட்டு பிரச்சனை சமயத்துல கடைசி நிமிஷத்துல நீங்க போட்ட வீடியோ காமெடிய விடவா….நம்புங்க ப்ளீஸ்,” என பதிலடி கொடுத்தார்.

சதீஷின் பதில் டிவீட்டிற்கு ஆர்.ஜே. பாலாஜி, “செம பன்ச், நல்ல காமெடி, இதுல பாதியையாவது படத்துலயும் பண்ணீங்கன்னா நல்லா இருக்கும், குட்லக் பட்ட்டி..”, என பதிலுக்கு கலாய்த்திருக்கிறார்.

தாங்கள் இருவரும் சிறந்த காமெடியர்கள் என நினைத்துக் கொண்டு இவர்கள் போட்டுக் கொள்ளும் இந்த சண்டைக்கு கமெண்ட் போடுபவர்களுக்குக் கொண்டாட்டமாக இருக்கிறது.

அவர்கள் இருவரையும் மாறி மாறி கலாய்த்துக் கொண்டிருக்கிறார்கள் மற்றவர்கள்.

குறிப்பு – சதீஷ், ஆர்.ஜே. பாலாஜி இருவரும் சிவகார்த்திகேயன், நயன்தாரா நடித்து வரும் ‘வேலைக்காரன்’ படத்தில் ஒன்றாக நடித்துக் கொண்டிருக்கிறார்கள்.

 

Trending

யு டியூப் பாடல் வரிகள் வீடியோவில் ‘சொடக்கு’ நம்பர் 1

Published

on

By

tsk-sodakku

யு டியூப் வந்த பிறகு, அதில் பலரும் அவர்களது படங்களின் வீடியோக்களைச் சேர்த்து அவரவர் படங்களை விளம்பரப்படுத்திக் கொண்டிருக்கிறார்கள்.

யார் டீசர், டிரைலர், பாடல்கள் அதிகப் பார்வைகளைப் பெறும் என்பதிலும் போட்டி நிலவி வருகிறது.

டீசர், டிரைலரில் இருந்த அந்த போட்டி இப்போது பாடல்களுக்கும் தொற்றிக் கொண்டது. ஒரு படம் வெளிவருவதற்கு முன்பாக அந்தப் படத்தின் பாடல்களை லிரிக் வீடியோவாக, அதாவது பாடல் வரிகள் என்னவென்று தெரிந்து கொள்ளும் விதத்தில் புகைப்படங்கள் அடங்கிய வீடியோ வெளியிடுவது சமீபத்திய டிரென்ட்.

அதில் இதுவரை ‘மெர்சல்’ படத்தில் இடம் பெற்ற ‘ஆளப் போறான் தமிழன்’… பாடலின் லிரிக் வீடியோதான் அதிகப் பார்வைகளைப் பெற்று முதலிடத்தில் இருந்தது. அந்த சாதனையை தற்போது ‘தானா சேர்ந்த கூட்டம்’ படத்தில் இடம் பெற்ற ‘சொடக்கு மேல…’ பாடல் முறியடித்துள்ளது.

‘சொடக்கு…’ பாடல் இதுவரை 4,15,62,752 பார்வைகளையும், ‘ஆளப் போறான்…’ பாடல் இதுவரை 4,15,32,688 பார்வைகளையும் பெற்றுள்ளது. இருந்தாலும் லைக் விஷயத்தில் ஆளப் போறான் பாடலை சொடக்கு பாடலால் மிஞ்ச முடியவில்லை.

சொடக்கு லிரிக் வீடியோ

ஆளப் போறான் தமிழன் லிரிக் வீடியோ

Continue Reading

Trending

ஸ்டெர்லைட் போராட்டம், சுத்தமில்லாத நீரைக் குடித்த சரத்குமார்

Published

on

By

sarathkumar-sterlite

தூத்துக்குடியில் அமைந்துள்ள ஸ்டெர்லைட் ஆலைக்கு எதிரான போராட்டம் இன்று 48வது நாளை எட்டியுள்ளது. இந்த போராட்டத்திற்கு ஆதரவாக பலரும் களத்தில் குதித்து மக்களுக்கு ஆதரவு தெரிவித்து வருகின்றனர்.

சமத்துவ மக்கள் கட்சியின் தலைவரும், நடிகருமான சரத்குமார் இன்று நடைபெற்ற போராட்டத்தில் கலந்து கொண்டு மக்களுக்கு அவருடைய ஆதரவைத் தெரிவித்தார்.

மேலும் போராட்டக்களத்தில் குமரெட்டியாபுரம் மக்கள் பயன்படுத்தும் மாசு கலந்த நீரை அருந்தி அவருடைய ஆதங்கத்தை வெளிப்படுத்தினார்.

பல ஆண்டுகளாக நடைபெற்று வரும் ஸ்டெர்லைட் ஆலைக்கெதிரான போராட்டத்தில் குழந்தைகள், சிறுவர்கள், சிறுமியர்கள், பெண்கள் என மக்கள் குடும்பம், குடும்பமாய் ஈடுபட்டு வருகிறார்கள்.

அந்தப் பகுதியில் நிலம், நீர், காற்று ஆகியவை மாசுபட்டு வருவதாக மக்கள் போராடி வருவது குறிப்பிடத்தக்கது.

Continue Reading

Trending

இங்கிலாந்து நாட்டில் விருது வென்ற ‘மெர்சல்’

Published

on

By

mersal-records-and-awards

இங்கிலாந்து நாட்டில் நடைபெறும் தேசிய திரைப்பட அகாடமி வழங்கும் 2018ம் ஆண்டு விருதுக்கான போட்டியில் சிறந்த அயல்நாட்டுப் படத்துக்கான விருதை ‘மெர்சல்’ படம் வென்றுள்ளது.

சிறந்த வெளிநாட்டுப் படங்களுக்கான போட்டியில் ‘மெர்சல்’ படத்துடன் பிரான்ஸ், ரஷ்யா, ஜெர்மனி, ஸ்வீடன், சிலி, தென்னாப்பிரிக்கா, லெபனான ஆகிய நாடுகளின் படங்களும் போட்டியில் இருந்தன. அவற்றிலிருந்து ‘மெர்சல்’ படம் தேர்வாகியுள்ளது.

சிறந்த துணை நடிகர் விருதுக்காக விஜய்யும் போட்டியில் இருந்தார். ஆனால், அவர் விருதுக்கு தேர்வாகவில்லை.

போட்டியாளர்களில் சிறந்தவர்களைத் தேர்ந்தெடுப்பதற்கான ஆன்லைன் வாக்குப்பதிவு ஜனவரி 15 முதல் ஆரம்பமாகி 20ம் தேதி வரை நடைபெற்றது.

இந்த வருட ஆல்லைன் வாக்குப்பதிவில் 24 லட்சம் பேர் வாக்களித்துள்ளார்கள். மொத்தம் 18 பிரிவுகளுக்கான தேர்வு நடைபெற்றது.

4வது தேதிய திரைப்பட விருதுகளைப் பெற்றவர்களின் விவரம் நேற்றிரவு அறிவிக்கப்பட்டுள்ளது.

இங்கிலாந்து தேசிய திரைப்பட அகாடமி 1999ம் ஆண்டு அமைக்கப்பட்டது. திரையுலகத்தினருக்கான வளர்ச்சியில் அந்த அமைப்பு ஈடுபடுகிறது. பல திரைப்பட விழாக்கள், காட்சிகள், மாநாடுகள், பயிற்சி வகுப்புகள் ஆகியவற்றை இந்த அமைப்பு இங்கிலாந்து, பிரான்ஸ், ஜெர்மனி, அமெரிக்கா ஆகிய நாடுகளில் நடத்தி வருகிறது.

‘மெர்சல்’ படம் விருது பெற்றது தமிழ்த் திரையுலகத்திற்கும் பெருமையான ஒன்று.

தேனாண்டாள் ஸ்டுடியோஸ் தயாரிப்பில், அட்லீ இயக்கத்தில், ஏ.ஆர்.ரகுமான் இசையமைப்பில் விஜய், சமந்தா, காஜல் அகர்வால், நித்யா மேனன் மற்றும் பலர் நடித்த ‘மெர்சல்’ 2017 தீபாவளியை முன்னிட்டு வெளியானது.

Continue Reading
Advertisement

Tamil Movies Database

Trending

error: