Connect with us

Trending

சத்யா – விமர்சனம்

Published

on

sathya-review

தெலுங்கில் வெற்றி பெற்ற ‘க்ஷனம்’ திரைப்படத்தைத் தமிழில் ‘சத்யா’ வாக ரீமேக் செய்திருக்கிறார்கள். ஒரு பெண் குழந்தை காணாமல் போனதைக் கண்டு பிடிக்க முயலும் நாயகனின் கதை. ஆனால், அதில் காதல், தாய்ப் பாசம் இரண்டையும் கலந்து ரசிக்க வைத்திருக்கிறார்கள்.

கதை

சிபிராஜ், ரம்யா நம்பீசன் இருவரும் காதலர்கள். ஆனால், இருவரும் கல்யாணம் செய்து கொள்ள முடியாமல் பிரிந்து விடுகிறார்கள். சிபி வெளிநாட்டிற்கு வேலை சென்று விடுகிறார். ரம்யாவிற்கு வேறு ஒருவருடன் திருமணம் நடக்கிறது. நான்கு வருடங்களுக்குப் பிறகு, சிபியைத் தொடர்பு கொள்ளும் ரம்யா, காணாமல் போன அவருடைய குழந்தையைக் கண்டுபிடித்துத் தருமாறு கெஞ்சுகிறார். முன்னாள் காதலியின் நினைவாகவே இருக்கும் சிபி, அதைத் தட்ட முடியாமல், சென்னை திரும்பி, ரம்யாவின் குழந்தையைத் தேடிக் கண்டுபிடிக்கும் வேலையில் இறங்குகிறார். அதில் அவர் வெற்றி பெற்றாரா, இல்லையா என்பதுதான் படத்தின் கதை.

இயக்கம் 

பிரதீப் கிருஷ்ணமூர்த்தி ஒரு சஸ்பென்ஸ் த்ரில்லர் கதையை விறுவிறுப்புடன் கொடுத்திருக்கிறார். படத்தின் முக்கியமான சஸ்பென்ஸ் கடைசி வரை காப்பாற்றப்பட்டுள்ளது. அந்த சஸ்பென்ஸ் என்ன என்பதை யாராலும் யூகிக்க முடியாது என்பதுதான் படத்தின் திரைக்கதையில் உள்ள சிறப்பம்சம்.

நடிப்பு

சிபிராஜுக்கு அடுத்து ஒரு வெற்றிப் படம் எனத் தாராளமாகச் சொல்லலாம். தாடி வைத்தாலே காதல் தோல்வி என்று சொல்வார்கள். இந்தப் படத்திலும் காதல் தோல்வி நாயகன்தான் அவர். ஆனாலும, அந்த தாடியும், தோற்றமும் அவரை இதுவரை இல்லாத அளவில் புதுமாதிரியாகக் காட்டியிருக்கிறது. மனதுக்குள் இருக்கும் காதல் வலி முகத்தில் இயல்பாகவே வெளிப்படுகிறது.

ரம்யா நம்பீசன், அவருடைய பெண் குழந்தை காணாமல் போன தவிப்பை யதார்த்தமாக வெளிப்படுத்தியிருக்கிறார். காவல் துறையிலிருந்து பக்கத்து வீட்டில் உள்ளவர்கள் வரையில் ரம்யாவுக்கு அப்படி ஒரு குழந்தையே இல்லை என சொல்வதைக் கேட்டு அவர் தவிக்கும் தவிப்பு படம் பார்க்கும் பெண்களுக்கும் தொற்றிக் கொள்ளும்.

ஆனந்தராஜ் நேர்மையான இன்ஸ்பெக்டர் ஆக கொஞ்சம் கலகலப்பா நடித்திருக்கிறார். வரலட்சமி சரத்குமார் இவ்வளவு சிறிய கதாபாத்திரத்தில் நடித்திருப்பது ஆச்சரியம்தான். இருந்தாலும் கதைக்குத் திருப்புமுனையான ஒரு கதாபாத்திரம். சதீஷ் காமெடியை விட கொஞ்ச நேரமே வரும் யோகி பாபு காமெடி சிரிக்க வைக்கிறது.

இசை

சைமன் கே கிங் இசையில் ‘யவ்வனா…’ பாடல் இனிமையான மெலடியாக காதில் ஒலித்துக் கொண்டேயிருக்கிறது. பின்னணி இசையிலும் படத்திற்கு பலம் சேர்த்திருக்கிறார்.

படத்திற்கு +

கடைசி வரை காப்பாற்றப்படும் சஸ்பென்ஸ், சிபிராஜ், ரம்யா நம்பீசனின் நடிப்பு.

படத்திற்கு –

இடைவேளைக்குப் பின் யார் எதை எதற்காகக் செய்கிறார்கள் என்பதில் தெளிவில்லாத, குழப்பமான திரைக்கதை. இன்னும் எளிமையாக புரிய வைத்திருக்க வேண்டும்.

Trending

யு டியூப் பாடல் வரிகள் வீடியோவில் ‘சொடக்கு’ நம்பர் 1

Published

on

By

tsk-sodakku

யு டியூப் வந்த பிறகு, அதில் பலரும் அவர்களது படங்களின் வீடியோக்களைச் சேர்த்து அவரவர் படங்களை விளம்பரப்படுத்திக் கொண்டிருக்கிறார்கள்.

யார் டீசர், டிரைலர், பாடல்கள் அதிகப் பார்வைகளைப் பெறும் என்பதிலும் போட்டி நிலவி வருகிறது.

டீசர், டிரைலரில் இருந்த அந்த போட்டி இப்போது பாடல்களுக்கும் தொற்றிக் கொண்டது. ஒரு படம் வெளிவருவதற்கு முன்பாக அந்தப் படத்தின் பாடல்களை லிரிக் வீடியோவாக, அதாவது பாடல் வரிகள் என்னவென்று தெரிந்து கொள்ளும் விதத்தில் புகைப்படங்கள் அடங்கிய வீடியோ வெளியிடுவது சமீபத்திய டிரென்ட்.

அதில் இதுவரை ‘மெர்சல்’ படத்தில் இடம் பெற்ற ‘ஆளப் போறான் தமிழன்’… பாடலின் லிரிக் வீடியோதான் அதிகப் பார்வைகளைப் பெற்று முதலிடத்தில் இருந்தது. அந்த சாதனையை தற்போது ‘தானா சேர்ந்த கூட்டம்’ படத்தில் இடம் பெற்ற ‘சொடக்கு மேல…’ பாடல் முறியடித்துள்ளது.

‘சொடக்கு…’ பாடல் இதுவரை 4,15,62,752 பார்வைகளையும், ‘ஆளப் போறான்…’ பாடல் இதுவரை 4,15,32,688 பார்வைகளையும் பெற்றுள்ளது. இருந்தாலும் லைக் விஷயத்தில் ஆளப் போறான் பாடலை சொடக்கு பாடலால் மிஞ்ச முடியவில்லை.

சொடக்கு லிரிக் வீடியோ

ஆளப் போறான் தமிழன் லிரிக் வீடியோ

Continue Reading

Trending

ஸ்டெர்லைட் போராட்டம், சுத்தமில்லாத நீரைக் குடித்த சரத்குமார்

Published

on

By

sarathkumar-sterlite

தூத்துக்குடியில் அமைந்துள்ள ஸ்டெர்லைட் ஆலைக்கு எதிரான போராட்டம் இன்று 48வது நாளை எட்டியுள்ளது. இந்த போராட்டத்திற்கு ஆதரவாக பலரும் களத்தில் குதித்து மக்களுக்கு ஆதரவு தெரிவித்து வருகின்றனர்.

சமத்துவ மக்கள் கட்சியின் தலைவரும், நடிகருமான சரத்குமார் இன்று நடைபெற்ற போராட்டத்தில் கலந்து கொண்டு மக்களுக்கு அவருடைய ஆதரவைத் தெரிவித்தார்.

மேலும் போராட்டக்களத்தில் குமரெட்டியாபுரம் மக்கள் பயன்படுத்தும் மாசு கலந்த நீரை அருந்தி அவருடைய ஆதங்கத்தை வெளிப்படுத்தினார்.

பல ஆண்டுகளாக நடைபெற்று வரும் ஸ்டெர்லைட் ஆலைக்கெதிரான போராட்டத்தில் குழந்தைகள், சிறுவர்கள், சிறுமியர்கள், பெண்கள் என மக்கள் குடும்பம், குடும்பமாய் ஈடுபட்டு வருகிறார்கள்.

அந்தப் பகுதியில் நிலம், நீர், காற்று ஆகியவை மாசுபட்டு வருவதாக மக்கள் போராடி வருவது குறிப்பிடத்தக்கது.

Continue Reading

Trending

இங்கிலாந்து நாட்டில் விருது வென்ற ‘மெர்சல்’

Published

on

By

mersal-records-and-awards

இங்கிலாந்து நாட்டில் நடைபெறும் தேசிய திரைப்பட அகாடமி வழங்கும் 2018ம் ஆண்டு விருதுக்கான போட்டியில் சிறந்த அயல்நாட்டுப் படத்துக்கான விருதை ‘மெர்சல்’ படம் வென்றுள்ளது.

சிறந்த வெளிநாட்டுப் படங்களுக்கான போட்டியில் ‘மெர்சல்’ படத்துடன் பிரான்ஸ், ரஷ்யா, ஜெர்மனி, ஸ்வீடன், சிலி, தென்னாப்பிரிக்கா, லெபனான ஆகிய நாடுகளின் படங்களும் போட்டியில் இருந்தன. அவற்றிலிருந்து ‘மெர்சல்’ படம் தேர்வாகியுள்ளது.

சிறந்த துணை நடிகர் விருதுக்காக விஜய்யும் போட்டியில் இருந்தார். ஆனால், அவர் விருதுக்கு தேர்வாகவில்லை.

போட்டியாளர்களில் சிறந்தவர்களைத் தேர்ந்தெடுப்பதற்கான ஆன்லைன் வாக்குப்பதிவு ஜனவரி 15 முதல் ஆரம்பமாகி 20ம் தேதி வரை நடைபெற்றது.

இந்த வருட ஆல்லைன் வாக்குப்பதிவில் 24 லட்சம் பேர் வாக்களித்துள்ளார்கள். மொத்தம் 18 பிரிவுகளுக்கான தேர்வு நடைபெற்றது.

4வது தேதிய திரைப்பட விருதுகளைப் பெற்றவர்களின் விவரம் நேற்றிரவு அறிவிக்கப்பட்டுள்ளது.

இங்கிலாந்து தேசிய திரைப்பட அகாடமி 1999ம் ஆண்டு அமைக்கப்பட்டது. திரையுலகத்தினருக்கான வளர்ச்சியில் அந்த அமைப்பு ஈடுபடுகிறது. பல திரைப்பட விழாக்கள், காட்சிகள், மாநாடுகள், பயிற்சி வகுப்புகள் ஆகியவற்றை இந்த அமைப்பு இங்கிலாந்து, பிரான்ஸ், ஜெர்மனி, அமெரிக்கா ஆகிய நாடுகளில் நடத்தி வருகிறது.

‘மெர்சல்’ படம் விருது பெற்றது தமிழ்த் திரையுலகத்திற்கும் பெருமையான ஒன்று.

தேனாண்டாள் ஸ்டுடியோஸ் தயாரிப்பில், அட்லீ இயக்கத்தில், ஏ.ஆர்.ரகுமான் இசையமைப்பில் விஜய், சமந்தா, காஜல் அகர்வால், நித்யா மேனன் மற்றும் பலர் நடித்த ‘மெர்சல்’ 2017 தீபாவளியை முன்னிட்டு வெளியானது.

Continue Reading
Advertisement

Tamil Movies Database

Trending

error: