Connect with us

Movie Reviews

சிலுக்குவார்பட்டி சிங்கம் – விமர்சனம்

Published

on

silukkuvarpatti-singam-review

அறிமுக இயக்குனர் செல்லா, பி அன்ட் சி ரசிகர்களை மையமாக வைத்து இந்த நகைச்சுவைப் படத்தைக் கொடுத்திருக்கிறார். ஒரு தாதா கதையை நகைச்சுவை கலந்த படமாக உருவாக்கியிருக்கிறார்.

சிலுக்குவார்பட்டி ஊரில் போலீஸ் கான்ஸ்டபிளாக இருக்கும் விஷ்ணு விஷால் பயந்த சுபாவம் உள்ளவர். ஸ்டேஷனில் உள்ளவர்களுக்கு காபி, டீ, டிபன் வாங்கிக் கொடுக்கும் வேலையை மட்டும் சரியாகச் செய்வார். அப்படிப்பட்டவர் சென்னை போலீசாரால் தேடப்படும் தாதாவான ரவிசங்கரை யார் எனத் தெரியாமலேயே பிடித்து அவருடைய காவல் நிலையத்தில் அடைத்து வைக்கிறார். ரவிசங்கரை அவருடைய அடியாட்காள் சிறையிலிருந்து மீட்டுச் செல்ல, தன்னை அடைத்து, அடித்த விஷ்ணு விஷாலை கொலை செய்வேன் என மிரட்டுகிறார் ரவிசங்கர். அவரிடமிருந்து தப்பித்து தலைமறைவு வாழ்க்கை வாழ்கிறார் விஷ்ணு விஷால். இதன் பின் என்ன நடக்கிறது என்பதுதான் படத்தின் மீதிக் கதை.

‘வேலைன்னு வந்துட்டா வெள்ளைக்காரன், கதாநாயகன்’ படங்களுக்குப் பிறகு விஷ்ணு விஷால் இந்தப் படத்திலும் நகைச்சுவை நாயகனாக நடித்திருக்கிறார். இவருக்கும் நகைச்சுவை உணர்வு சரளமாக வருகிறது. அதிலும் பயந்த போலீசாக யதார்த்தமாக நடித்திருக்கிறார். எதற்கும் பயப்படுபவர், முட்டை ஆப்பாயிலை யாராவது தட்டிவிட்டால் மட்டும் வீறு கொண்டு எழுகிறார். இவருக்கும் கருணாகரனுக்குமான காமெடி ஜோடி இந்தப் படத்திலும் நன்றாகவே பொருந்துகிறது.

பள்ளி ஆசிரியை கதாபாத்திரத்தில் ரெஜினா. கிராமத்து ஆசிரியை என்றாலே இப்படித்தான் இருப்பார்கள் என்ற இலக்கணத்தை மீறி பளிச்சென ஒரு நாயகியை அந்தக் கதாபாத்திரத்தில் நடித்து வைக்கிறார். கிளாமரில் கொஞ்சம் கலக்கமடைய வைத்தாலும், ரெஜினா ஒரு அழகுடன் வலம் வருகிறார்.

வில்லனாக ரவிசங்கர். சென்னையில் போலீசுக்கே தண்ணி காட்டுபவர், சிலுக்குவார்பட்டி வந்து ஒரு அப்பாவி போலீசிடம் சிக்கிக் கொள்கிறார். காமெடியில் கருணாகரன் வசனங்கள் மூலம் அதிகம் சிரிக்க வைக்கிறார்.

லியோன் ஜேம்ஸ் இசையில் பாடல்கள் இன்னும் கொஞ்சம் ரசிக்கும்படி இருந்திருக்கலாம்.

பெரிய திருப்புமுனையான கதை எல்லாம் இல்லை. சாதாரணமாக இருந்தாலும் முடிந்தவரை நகைச்சுவைக் காட்சிகளைச் சேர்த்து ரசிக்க வைத்திருக்கிறார்கள்.

சிலுக்குவார்பட்டி சிங்கம் – சிரிப்பு சிங்கம்

Movie Reviews

இரண்டாம் உலகப் போரின் கடைசி குண்டு – விமர்சனம்

4 Tamil Cinema Rating – 3.5/5

Published

on

By

இரண்டாம் உலகப் போரின் கடைசி குண்டு விமர்சனம்

கதை

இரண்டாம் உலகப் போரில் பயன்படுத்தப்படாமல் விட்ட குண்டுகள் சில இந்திய கடற்கரையில் கரை ஒதுங்குகின்றன. மாமல்லபுரத்தில் அப்படி கரை ஒதுங்கும் ஒரு குண்டு, சென்னைக்கு வந்து, அங்கிருந்து பாண்டிச்சேரிக்கு செல்கிறது. அந்த குண்டடை சென்னையிலிருந்து மற்ற இரும்பு சாமான்களுடன் ஏற்றிச் செல்லும் லாரி டிரைலர் தினேஷுக்கு அந்த குண்டு பற்றி தெரிய வருகிறது. அதை செயலிழக்க வைக்க அவர் முயற்சி செய்கிறார். அது நடந்ததா இல்லையா என்பதுதான் படத்தின் கிளைமாக்ஸ்.

நடிப்பு

தனக்கான கதையும், கதாபாத்திரங்களும் கிடைக்கும் போது தினேஷுக்குள் ஒளிந்திருக்கும் நடிகர் மிக யதார்த்தமாக எட்டிப் பார்க்கிறார். இந்தப் படத்தில் ஒரு நிஜமான இளம் லாரி டிரைவர் எப்படி இருப்பாரோ அப்படியே இருக்கிறார். வாயைத் திறந்தாலே பேசிக் கொண்டே இருக்கும் ஒரு குணம். பல காட்சிகள் அட, அசத்துகிறாரே என சொல்ல வைத்திருக்கிறார்.

நாயகி ஆனந்திக்கு தினேஷைக் காதலிப்பதும், குடும்பத்தினரிடம் திட்டு வாங்குவதும்தான் வேலை. இவருக்கும் தினேஷுக்குமான காதலில் இன்னும் கொஞ்சம் அழுத்தத்தைக் காட்டியிருக்கலாம்.

காயலான் கடை முதலாளியாக மாரிமுத்து, இவர் சொன்னதை அப்படியே செய்து காட்டும் முனிஷ்காந்த் மனதில் பதிகிறார்கள். மற்ற கதாபாத்திரங்களில் ரித்விகா அதிகம் கவர்கிறார். இன்ஸ்பெக்டர் லிஜேஷ் குறிப்பிட வைக்கிறார்.

இசை, மற்றவை

தென்மாவின் இசையில் கதையுடன் சேர்ந்து பாடல்களும், பின்னணி இசையும் படத்திற்கு பலத்தைக் கொடுத்திருக்கின்றன. கிஷோர் குமார் ஒளிப்பதிவு கதைக்கு என்ன தேவையோ அதனுடன் இயல்பாய் அமைந்துள்ளது. கலை இயக்குனர் ராமலிங்கம் தன் முழு உழைப்பை படத்தில் காட்டியிருக்கிறார்.

+

புதிய கதைக்களம், இயல்பான கதாபாத்திரங்கள், அதில் அனைவரின் சிறந்த நடிப்பு

இடைவேளைக்குப் பின் பயணத்திலேயே நகர்கிறது கதை. திரைக்கதை சிறப்பாக இருந்தாலும் இன்னும்  சில அழுத்தமான காட்சிகள் படத்தில் இருந்திருக்கலாம்.

Continue Reading

Movie Reviews

ஜடா – விமர்சனம்

4 Tamil Cinema Rating – 2.5/5

Published

on

By

ஜடா - விமர்சனம் - 4 Tamil Cinema

கதை

வட சென்னை பகுதியைச் சேர்ந்த கதிருக்கு கால்பந்து விளையாட்டு வீரராக வேண்டும் என ஆசை. அதே சமயம் தனக்கு கால்பந்து விளையாட சொல்லிக் கொடுத்து ‘செவன்ஸ்’ என்ற முரட்டுத்தமான கால்பந்து போட்டியில் மரணமடைந்த கிஷோருக்காக ‘செவன்ஸ்’ விளையாடி, அவரைக் கொன்றவர்களைப் பழி வாங்க நினைக்கிறார். அது நிறைவேறியதா இல்லையா என்பதுதான் படத்தின் மீதிக் கதை.

நடிப்பு

‘பிகில்’ படத்திற்குப் பிறகு மீண்டும் கால்பந்து விளையாட்டு வீரராக கதிர். இந்தப் படத்தில் தனி நாயகனாக ஜொலிக்கிறார். கால்பந்து விளையாட்டில் தேர்ந்தவராக நடித்திருக்கிறார். கிளைமாக்சுக்கு முன்பாக ஆக்ஷனிலும் இறங்குகிறார். இரண்டாவது கதாநாயகன் போல படம் முழுவதும் வருகிறார் யோகி பாபு. ஆனால், அடிக்கடி காணாமல் போய்விடுகிறார். நாயகி ரோஷினி பிரகாஷுக்கு அதிக வேலையில்லை. வில்லனாக ஓவியர் எபி ஸ்ரீதர், தோற்றத்தில் மிரட்டுகிறார். கால்பந்து கோச்சாக கிஷோர், வழக்கம் போல மனதில் இடம் பிடிக்கிறார்.

இசை, மற்றவை

சாம் சிஎஸ் இசையில் ‘அப்படிப் பார்க்காதே’ பாடல் இனிமை. ஒளிப்பதிவாளர் கால்பந்து காட்சிகளிலும், இடைவேளைக்குப் பின் கிராமத்துக் காட்சிகளிலும் நன்றாக லைட்டிங் செய்திருக்கிறார்.

+

இடைவேளை வரையிலான படம்

இடைவேளைக்குப் பிறகான படம்

Continue Reading

Movie Reviews

தனுசு ராசி நேயர்களே – விமர்சனம்

4 Tamil Cinema Rating – 2.25/5

Published

on

By

தனுசு ராசி நேயர்களே விமர்சனம்

கதை

ஜோசியத்தின் மீது அதிக நம்பிக்கை உள்ளவர் ஹரிஷ் கல்யாண். ஏற்கெனவே ஒரு காதல் தோல்வியடைந்தவருக்கு டிகங்கனா சூர்யவன்ஷி மீது காதல் வருகிறது. ஆனால், டிகங்கனா மார்ஸ் கிரகத்திற்குச் செல்லும் ஆசையில் இருப்பவர். இவர்கள் இருவரும் ஒன்று சேர்ந்தார்களா இல்லையா என்பதுதான் படத்தின் கதை.

நடிப்பு

இந்தக் கதை மீதும், தன் கதாபாத்திரம் மீதும் எப்படி நம்பிக்கை வைத்து இந்தப் படத்தில் நடிக்க சம்மதித்தார் என்று தெரியவில்லை. கொஞ்சம் நகைச்சுவை கலந்த கதாபாத்திரம். ஆனால், அவருக்கு அந்த நடிப்பே வரவில்லை. காதலில் மட்டும் கொஞ்சம் ஜொலிக்கிறார்.

நாயகி டிகங்கனா மிக அழகாக இருக்கிறார், சிரிக்கிறார், கொஞ்சம் நடிக்கிறார், கிளாமர் காட்டவும் தயங்காமல் இருக்கிறார். நல்ல படங்களைத் தேர்வு செய்தால் தமிழ் சினிமாவில் தனி இடத்தைப் பிடிக்கலாம். இந்தப் படத்தில் இவருக்குத்தான் ராசி வேலை செய்யும் போலிருக்கிறது.

யோகி பாபு, ஒரு நடிகராகவே வந்து படத்தைத் தொகுத்து வழங்குகிறார். இவருக்கும், படத்திற்கும் வேறு எந்த சம்பந்தமும் இல்லை. ரெபா மோனிக்கா ஜான், ரேணுகா, முனிஷ்காந்த் கொடுக்கப்பட்ட வேடத்தில் நடித்துக் கொடுத்துள்ளார்கள்.

இசை, மற்றவை

ஜிப்ரான் இசையில் பாடல்கள் ஒன்று கூட தேறவில்லை. மற்றவர்களின் உழைப்பு விழலுக்கு இறைத்த நீராகிவிட்டது.

+

நாயகி டிகங்கனா சூர்யவன்ஷி

மற்றவை எல்லாம்…

 

Continue Reading
Advertisement

Tamil Movies Database

Trending

error: