Connect with us

Television

சூப்பர் சிங்கர் 7, ஏப்ரல் 27 முதல் ஆரம்பம்

Published

on

சூப்பர் சிங்கர் 7, ஏப்ரல் 27 முதல் ஆரம்பம்

தமிழ் தொலைக்காட்சிகளில் பலராலும் விரும்பிப் பார்க்கப்படும் நிகழ்ச்சியாக விஜய் டிவியில் ஒளிபரப்பாகி வரும் ‘சூப்பர் சிங்கர்’ நிகழ்ச்சி இருந்து வருகிறது.

15 வயதுக்குட்பட்டவர்களுக்காக ஜுனியர் சீசனையும், 15 வயது மேற்பட்டவர்களுக்காக சூப்பர் சிங்கர் சீசனையும் நடத்தி வருகிறார்கள்.

சில நாட்களுக்கு முன்புதான் ‘சூப்பர் சிங்கர் ஜுனியர் 6’ நிகழ்ச்சி முடிவுற்றது. ஜுனியர் முடிந்ததால், அடுத்து ‘சூப்பர் சிங்கர்’ நிகழ்ச்சியின் 7வது சீசனை ஆரம்பிக்க உள்ளார்கள்.

வரும் ஏப்ரல் 27 முதல் சனி மற்றும் ஞாயிற்றுக் கிழமை இரவு 8 மணிக்கு இந்நிகழ்ச்சி ஒளிபரப்பாக உள்ளது.

இந்த 7வது சீசனில் பிரபல இசையமைப்பாளர் அனிருத் இணைந்து சிறப்பிக்க உள்ளார்.

நடுவர்களாக பின்னணிப் பாடகர்கள் உன்னி கிருஷ்ணன், பென்னி தயாள், அனுராதா ஸ்ரீராம், சுவேதா மோகன் இருக்கப் போகிறார்கள்.

நிகில் மேத்யூ, அஜீஸ், சாய் சரண், திவாகர் மற்றும் ஆனந்த ரவிந்தாக்ஷன், செந்தில் கணேஷ் ஆகியோர் இதற்கு முந்தைய சீசன்களில் வெற்றியாளர்களாகி உள்ளார்கள்.

உலக அளவில் இசைப் பிரியர்கள் ரசிக்கும் ஒரு நிகழ்ச்சியாக மாறிவிட்ட ‘சூப்பர் சிங்கர்’ நிகழ்ச்சி 7வது சீசனிலும் பல ஆச்சரியங்களைத் தரக் காத்துக் கொண்டிருக்கிறது.

Television

தி வால் – விஜய் டிவியில் உலகின் நம்பர் 1 கேம் ஷோ

Published

on

By

தி வால் - விஜய் டிவியில் உலகின் நம்பர் 1 கேம் ஷோ

விஜய் டிவியில் வரும் அக்டோபர் 12ம் தேதி முதல் ஒவ்வொரு சனி மற்றும் ஞாயிறு தோறும் இரவு 9 மணிக்கு ‘தி வால்’ எனும் கேம் ஷோ ஒளிபரப்பாக உள்ளது.

உலகின் மிகச்சிறந்த கேம் ஷோவான ‘தி வால்’ என்பது நாற்பதடி உயரத்தில் வடிவமைக்கப்பட்ட சுவர் போன்ற டிஜிட்டல் போர்டில் விளைவயாடும் அறிவு மற்றும் அதிர்ஷ்டம் சார்ந்த ஒரு விளையாட்டு நிகழ்ச்சியாகும்.

இதில் இரண்டு நபர்கள் ஜோடியாக விளையாட வேண்டும். இதன் பரிசுத்தொகை இதுவரை எவரும் அளித்திராத பிரம்மாண்ட தொகையாகும். இதில் அதிர்ஷடமும் அறிவும் கைகொடுத்தால் இரண்டரை கோடி ரூபாயை வெல்லலாம்.

ஒரே குடும்பத்தைச் சார்ந்தவர்கள், நண்பர்கள் இந்த போட்டியில் ஜோடியாக கலந்து கொள்ள வேண்டும். நகைச்சுவையாகவும், கலகலப்பாகவும் தொகுத்து வழங்குபவர்கள் எனப் பெயர் பெற்ற மகாபா ஆனந்த், பிரியங்கா இந்த நிகழ்ச்சியைத் தொகுத்து வழங்குகிறார்கள்.

‘தி வால்’ ஒரு பிரம்மாண்ட டிஜிட்டல் போர்டு. அதன் மேல் மட்டத்தில் ஏழு ஸ்லாட்டுகள் இருக்கும். அதில் ஒன்றைத் தேர்ந்தெடுத்து வெள்ளை, பச்சை, சிவப்பு பந்துகளை ஆட்டத்திற்கு ஏற்றவாறு அதிலிருந்து செலுத்த வேண்டும். அந்த பந்துகள் இடையிடையே அமைக்கப்பட்டுள்ள இடறுகளைத் தாண்டி கீழே வந்து விழும். கீழ் வரிசையில் பல கூடைகள் அமைக்கப்பட்டிருக்கும். அதில் பல தரப்பட்ட பரிசு தொகைகள் ரூபாய் ஒன்றில் இருந்து இரண்டரை கோடி ரூபாய் வரை பண மதிப்புகள் அமைக்கப்பட்டிருக்கும்.

மேலிருந்து கீழ் வந்து விழும் பந்து எந்த கூடையில் விழுகிறதோ அதன்படி பரிசுத் தொகைகள் நிர்ணயிக்கப்படும். இந்தப் போட்டியில் மூன்று நிற பந்துகள் அளிக்கப்படும். வெள்ளை பந்துகள் மற்றும் பச்சை பந்துகள் பரிசுத் தொகையை அதிகரிக்கும். சிகப்புப் பந்துகள் வென்ற தொகையில் இருந்து பரிசுத்தொகையை கழித்துவிடும். போட்டியாளர்கள் சொல்லும் சரியான மற்றும் தவறான பதில்களின் அடிப்படையில் இந்த பந்துகளின் நிறங்கள் நிர்ணயிக்கப்படும்.

இவ்வாறாக போட்டி விறுவிறுப்பாக நடைபெறும். மேலும் முதல் 2 ரவுண்டில் மட்டுமே இரண்டு போட்டியாளர்கள் இணைத்து விளையாட முடியும். மூன்றாவது சுற்றில் இருந்து இருவரும் பிரிக்கப்படுவர். ஒருவர் வால் முன்பு நின்றும், மற்றொருவர் தனியறையில் இருந்தும் ஒருவரை ஒருவர் பார்த்துக்கொள்ளாமல் விளையாட்டைத் தொடரவேண்டும்.

கடைசி வரும் கட்டத்தில் ஒரு ஒப்பந்தக் கடிதம் தனியறையில் இருக்கும் போட்டியாளருக்குக் கொடுக்கப்படும். அவர் அதில் கையெழுத்து இடுகிறாரா அல்லது அதை கிழித்துப் போடுகிறாரா என்பதைப் பொறுத்து அவர்கள் சேர்த்த பரிசுத் தொகைகளை அவர்கள் எடுத்துச்செல்ல முடியும்.

மிகவும் விறுவிறுப்பாகவும் சுவையாகவும் இருக்கும் இந்த கேம் ஷோ குழந்தைகள் முதல் பெரியவர்கள் வரை அனைவரும் ரசிக்கும் ஒரு ஷோவாக இருக்குமாம்.

Continue Reading

Television

பிக் பாஸ் – 7 கோடி வாக்குகள் பெற்று வென்ற முகேன்

Published

on

By

பிக் பாஸ் 3 - 7 கோடி வாக்குகள் பெற்று வென்ற முகேன்

விஜய் டிவியில் கடந்த 100 நாட்களுக்கும் மேலாக ஒளிபரப்பாகி வந்த ‘பிக் பாஸ் 3’ நேற்றுடன் முடிவுக்கு வந்தது.

நேற்றைய இறுதி நாளில் மலேசியாவைச் சேர்ந்த போட்டியாளர் முகேன் ராவ் வெற்றியாளராக தேர்ந்தெடுக்கப்பட்டார்.

அவருக்கு 7 கோடிக்கும் அதிகமான வாக்குகள் கிடைத்ததாகவும், இரண்டாவது இடத்தைப் பிடித்த நடன இயக்குனர் சாண்டிக்கு 5 கோடிக்கும் அதிகமான வாக்குகள் கிடைத்ததாகவும் நிகழ்ச்சித் தொகுப்பாளர் கமல்ஹாசன் அறிவித்தார்.

இறுதிப் போட்டியில் அவர்கள் இருவரையும் மேடைக்கு அழைப்பதற்கு முன்பு, நான்கு இறுதிப் போட்டியாளர்களில் நான்காவது இடத்தைப் பிடித்த ஷெரின், மூன்றாவது இடத்தைப் பிடித்த லாஸ்லியா வீட்டை விட்டு வெளியேற்றப்பட்டார்கள்.

ஷெரினை கடந்த சீசனின் வெற்றியாளரான நடிகை ரித்விகாவும், லாஸ்லியாவை கமல்ஹாசனின் மகள் நடிகை ஸ்ருதிஹாசனும் வீட்டிற்குள் சென்று வெளியில் அழைத்து வந்தனர்.

பிக் பாஸ் போட்டியாளர்கள் வனிதா, கஸ்தூரி, அபிராமி, சாக்ஷி ஆகியோர் இறுதிப் போட்டியில் மேடையில் நடனமாடி சிறப்பித்தார்கள்.

இந்த சீசனின் போட்டியாளர்களில் பிக் பாஸால் வெளியேற்றப்பட்ட சரவணன், மதுமிதா ஆகியோர் மட்டும் இந்த இறுதிப் போட்டிக்கு அழைக்கப்படவில்லை. மற்ற போட்டியாளர்கள் கலந்து கொண்டனர்.

இந்த சீசனின் வெற்றியாளராக வருவார் என பெரிதும் எதிர்பார்க்கப்பட்ட கடந்த வாரம் வெளியேற்றப்பட்ட தர்ஷனை, தங்களது ராஜ்கமல் பிலிம்ஸ் நிறுவனத்திற்காக ஒப்பந்தம் செய்துள்ளதாக கமல்ஹாசன் மேடையில் அறிவித்தார்.

பிக் பாஸ் சீசன் 3ல் வெற்றி பெற்ற முகேன் ராவுக்கு 50 லட்ச ரூபாய் பரிசு வழங்கப்பட்டது.

Continue Reading

Television

விஜய் டிவியில் புதிய தொடர் ‘காற்றின் மொழி’

Published

on

By

விஜய் டிவியில் புதிய தொடர் காற்றின் மொழி

விஜய் டிவியில் ஒளிபரப்பாக உள்ள புத்தம் புதிய காதல் கலந்த, குடும்ப நெடுந்தொடர் காற்றின் மொழி.

இத்தொடர் அக்டோபர் 07 முதல் இரவு 9.30 மணிக்கு விஜய் டிவியில் ஒளிபரப்பாக உள்ளது.

கண்மணி பிறவியிலேயே வாய் பேச முடியாதவள். அவள் பிறந்தது குடும்பத்திற்கு துரதிஷ்டம் என்று ஜோதிடர் சொன்னதை வைத்து, அவளது பாட்டி மற்றும் குடும்பத்தினர் அவளை வீட்டில் இருந்து விலக்கி வைக்கின்றனர். கண்மணிக்கு அவள் அப்பா என்றால் கொள்ளை பிரியம்.

சந்தோஷ் கதையின் நாயகன். அமெரிக்காவில் படிப்பை முடித்து சொந்த ஊர் திரும்பும் இளைஞன். கண்மணியும் அவனும் குழைந்தைப் பருவ நண்பர்கள். சந்தோஷ், கண்மணியை பார்த்தவுடன் அவளின் குணத்தில், அழகில் மயங்கி அவளைக் காதலிக்கிறான்.

ஆனால், கண்மணி அவள் அப்பாவின் அன்பு மட்டும் கிடைத்தாலே போதும் என்று நினைக்கிறாள். சந்தோஷ், கண்மணியின் மனதில் இடம் பிடிப்பானா ?, கண்மணிக்கு அவள் அப்பாவின் அன்பு கிடைக்குமா ? என்பதுதான் இத் தொடரின் கதை.
ராம் குமார் இயக்கும் இத் தொடரில் ‘ராஜா ராணி’ தொடரின் நாயகன் சஞ்சீவ், பிரியங்கா, மனோகர், அனிலாஸ்ரீ மற்றும் பலர் நடிக்கிறார்கள்.

Continue Reading
Advertisement

Tamil Movies Database

Trending

error: