Connect with us

Television

சூப்பர் சிங்கர் ஜுனியர் 6-ல் எஸ்பி பாலசுப்ரமணியம்

Published

on

சூப்பர் சிங்கர் ஜுனியர் 6-ல் எஸ்பி பாலசுப்ரமணியம்

விஜய் டிவியில் ஒளிபரப்பாகி வரும் சூப்பர் சிங்கர் ஜுனியர் 6 தற்போது பரபரப்பான கட்டத்தை எட்டியுள்ளது.

சங்கர் மகாதேவன், சித்ரா, எஸ்பிபி சரண், கல்பனா ஆகியோர் இந்நிகழ்ச்சியின் நடுவர்களாக இருந்து வருகிறார்கள்.

இந்த வாரம் டாப் 5 போட்டியாளர்கள் யார் என்பதை முடிவு செய்யும் பரபரப்பான நிகழ்ச்சியாக அமைய உள்ளது.

அகானா, சூர்யா ஆகிய இருவரில் ஒருவர் இன்று வெளியேற உள்ளார்கள்.

இந்த வார நிகழ்ச்சியில் பிரபல பின்னணிப் பாடகர் எஸ்பி பாலசுப்ரமணியிம் சிறப்பு அழைப்பாளராகக் கலந்து கொள்கிறார்.

அவர் போட்டியாளர்களை உற்சாகப்படுத்தியும், அவர்கள் வேண்டுகோளுக்கிணங்க அவர்களுடன் சேர்ந்து பாடியும் உள்ளார்.

ஒவ்வொரு போட்டியாளரும், தனியாகவும் டூயட் சுற்றில் எஸ்பிபி சரண், கல்பனா, எஸ்பி பாலசுப்ரமணியம் ஆகியோருடனும் பாட உள்ளார்கள்.

இன்று மார்ச் 9 இரவு 8 மணி மற்றும் நாளை இரவு 8 மணிக்கு இந்த சூப்பர் சிங்கர் ஜுனியர் 6 நிகழ்ச்சி ஒளிபரப்பாக உள்ளது.

Television

கலைஞர் டிவியில் புதிய நிகழ்ச்சி – இங்க என்ன சொல்லுது

Published

on

By

கலைஞர் டிவியில் இங்க என்ன சொல்லுது புதிய நிகழ்ச்சி

வாழ்க்கை என்பதே நமக்கு வாய்ப்பதை நாம் தேர்ந்தெடுக்கும் ஒரு கலை. நமது தேர்வுகள் பல நேரம் நன்மை பயக்கலாம், சில நேரம் தவறாகவும் அமையலாம்.

எது எப்படி இருந்தாலும் நமது தேர்வு எப்படி அமையும் என்பதை யாராவது முன்கூட்டியே யூகிக்க முடியுமா ?. அப்படிப்பட்ட யூகங்களை மையப்படுத்தி, வித்தியாசமான ஒரு விளையாட்டு நிகழ்ச்சி நடந்தால் அது எப்படி இருக்கும்.

கலைஞர் தொலைக்காட்சியின் புத்தாக்கத்தின் ஒரு பகுதியாக ‘இங்க என்ன சொல்லுது’, என்ற மாறுபட்ட விளையாட்டு நிகழ்ச்சி அனைத்து தரப்பினரையும் கவரும் வகையில் வடிவமைக்கப்பட்டுள்ளது.

பிரம்மாண்டமாக வடிவமைக்கப்பட்ட ஒரு உள் அரங்கில், பிரபல சினிமா நட்சத்திரமான நடிகர் ஜெகன் அவரது தனிப்பட்ட பாணியில் தொகுத்து வழங்கும் இந்த நிகழ்ச்சி முழுக்க முழுக்க யூகங்களை மையப்படுத்தி வித்தியாசமான முறையில் உருவாக்கப்பட்டுள்ளது.

இன்று ஜூலை 21 முதல் ஞாயிறுதோறும் நண்பகல் 12 மணிக்கு கலைஞர் தொலைக்காட்சியில் ஒளிபரப்பாக இருக்கிறது இந்நிகழ்ச்சி.

Continue Reading

Television

நியூஸ் 18 டிவியில் ‘ஆபரேஷன் ஜெஜெ’

Published

on

By

நியூஸ் 18 டிவியில் ஆபரேஷன் ஜெஜெ - 4 Tamil Cinema

தமிழகத்தின் முதலமைச்சராக இருந்த ஜெ.ஜெயலலிதாவின் மரணம் என்பது தமிழகத்தையும் தாண்டி ஒட்டுமொத்த இந்தியாவையும் உலுக்கியெடுத்த நிகழ்வு.

உடல்நிலை பாதிக்கப்பட்டு அப்போலோ மருத்துவமனையில் அனுமதிக்கப்பட்ட ஜெ.ஜெயலலிதாஅங்கே 75 நாட்கள் நடத்திய மரணப்போராட்டம் பதைபதைப்பின் உச்சம். ஜெயலலிதாவுக்கு என்ன ஆனது ?, அவருக்கு என்ன பிரச்னை ?, என்ன மாதிரியான உயர்தர சிகிச்சைகள்தரப்பட்டன ?, அப்படிப்பட்ட சிகிச்சைகள் ஏன் ஜெயலலிதாவை உயிரோடு மீட்கத் தவறின ?, என்பன போன்ற கேள்விகள் ஜெயலலிதாவின் மரணத்தைச் சுற்றி சுழல்கின்றன.

இவற்றில் சில கேள்விகளுக்குப் பகுதி அளவிலான பதில்கள் வருகின்றன. பல பதில்கள் புதிய புதிய கேள்விகளை எழுப்புகின்றன. சில பதில்கள் உண்மை என்று நாம் நம்பக்கூடிய பல செய்திகளின் மீது சந்தேகத்தைப் பாய்ச்சுகின்றன. இந்தக் கேள்விகளுக்கெல்லாம் விடைதேடும் முகமாகவே ஓய்வு பெற்ற நீதிபதிஆறுமுகசாமி தலைமையில் விசாரணை கமிஷன் அமைக்கப்பட்டு, தொடர்ச்சியாக விசாரணை நடைபெற்று வருகிறது.

ஆறுமுகசாமி கமிஷன் விசாரணை குறித்த செய்திகள் தொடர்ச்சியாக ஊடகங்களில் வெளிவந்து கொண்டிருக்கும் நிலையில், நியூஸ் 18 தமிழ்நாடு தொலைக்காட்சி புதிய முயற்சியைத்தொடங்கியது. அதன்பெயர், ‘ஆபரேஷன் ஜெ.ஜெ’.

ஜெயலலிதாவின் மரணம் என்பது ஒரே நாளில் நடந்த நிகழ்வாக இருக்கலாம். ஆனால் அந்த மரணத்துக்குக் காரணமான நோய்கள் ஒரே இரவில் உருவானவையல்ல என்பது உறுதி. எனில், எப்போது முதல் ஜெயலலிதாவை நோய்கள் பாதிக்கத்தொடங்கின ? அந்த நோய்களுக்கு என்ன காரணம் ?.

அன்றாடப் பணிகள் மட்டும்தான் ஜெயலலிதாவை உருக்குலைத்தனவாஅல்லது அதைத் தாண்டிய அரசியல் காரணங்களும் உள்ளனவா ?. ஜெயலலிதாவின் மரணப் போராட்டம் போயஸ் கார்டன் வேதா நிலையத்தில் தொடங்கியதாஅல்லது பரப்பன அக்ரஹாரா சிறையில் ஆரம்பித்ததா ?.

இன்னும் இன்னும் பலகேள்விகள் விடையற்றுக் கிடக்கின்றன. அப்படியான சில கேள்விகளின் மீது வெளிச்சம் பாய்ச்சி, விடைதேட முயற்சித்திருக்கிறது, நியூஸ்18 தமிழ்நாடு.

இப்படிப்பட்ட முயற்சியை எந்தவொரு தமிழ் தொலைக்காட்சியும் செய்திடாத நிலையில், ஆறுமுகசாமி ஆணையத்தில் பதிவானஆவணங்கள், வாக்குமூலங்கள் ஆகியவற்றின் துணையோடும், மருத்துவ நிபுணர்கள் மற்றும் துறை சார் வல்லுநர்களின் உதவியோடும் ‘ஆபரேஷன் ஜெ.ஜெ’ என்ற நிகழ்ச்சியை உருவாக்கியிருக்கிறது நியூஸ் 18 தமிழ்நாடு தொலைக்காட்சி.

இந்நிகழ்ச்சியின் முதல் பகுதி இன்று ஜுலை 20 சனிக்கிழமை இரவு 7 மணி முதல் 8 மணிக்கும், இரண்டாம் பகுதி, அடுத்த வாரம் ஜுலை 27 அன்று இரவு 7 மணி முதல் 8 மணி வரையிலும் ஒளிபரப்பாக உள்ளது.

Continue Reading

Television

விஜய் டிவியில் புதிய தொடர் ‘ஆயுத எழுத்து’

Published

on

By

விஜய் டிவியில் புதிய தொடர் ஆயுத எழுத்து - 4 Tamil Cinema

விஜய் டிவியில் வரும் ஜூலை 15 முதல் திங்கள் முதல் சனி வரை இரவு 7 மணிக்கு ஒளிபரப்பாக உள்ள புத்தம் புதிய தொடர் ‘ஆயுத எழுத்து’.

ஒரு கிராமத்தில் கம்பீரமாக வாழும் பெண் காளியம்மாள், அவருக்கு படிப்பறிவின் மேல் மிகுந்த நம்பிக்கை இல்லை. அந்த கிராமத்திற்கு தான் செய்வதுதான் நல்லது என்று எண்ணுபவர். அரசு அதிகாரிகளின் மீது நம்பிக்கை இல்லாதவர். வெளி ஆட்கள் மீதும் பெரிதாக அபிப்பிராயம் இல்லாதவர். அவருக்கு மாறாக இந்திரா என்னும் படித்த தைரியமான பெண் சப் கலெக்டராக அந்த கிராமத்தினுள் வருகிறார். அந்த கிராமம், காளியம்மாள் சொல்வதைக் கேட்டு செயல்படுவது இந்திராவுக்கு பிடிக்கவில்லை. படிப்பின் பயனை சொல்ல விரும்புகிறார். அதற்காக இந்திரா செய்யும் செயல்கள் காளியம்மாவிற்கு பிடிக்காமல் போய்விடுகிறது.

இந்திராவிற்கும் காளியம்மாவிற்கும் கருத்து வேறுபாடு காரணமாக பிரச்சினை உருவாகிறது. இதனிடையே, காளியம்மாவின் மகன் சக்திவேலுக்கும் இந்திராவுக்கும் காதல் மலர்கிறது. ஆனால், அவர் காளியம்மாவின் மகன் என்பது இந்திராவிற்குத் தெரியாது. படித்த கலக்டர் பெண்ணான இந்திராவை தன் மருமகளாக ஏற்பாரா காளியம்மாள். இந்திராவிற்கு உண்மை தெரியும் போது என்ன நடக்கும் ?, இதுதான் ‘ஆயுத எழுத்து’.

பிரம்மா இயக்கும் இத் தொடரில் ஸ்ரீது கிருஷ்ணன் இந்திராவாக நடிக்கிறார். இவர் கல்யாணமாம் கல்யாணம் மற்றும் ஜோடி நிகழ்ச்சிகளின் மூலம் பிரபலம் ஆனவர்.

மௌனிகா, காளியம்மாவாக நடிக்கிறார். அம்ஜத் கான், ஷக்திவேலாக நடிக்கிறார்.

Continue Reading
Advertisement

Tamil Movies Database

Trending

error: Content is protected !!