Television

தி வால் – விஜய் டிவியில் உலகின் நம்பர் 1 கேம் ஷோ

Published

2 months ago

Oct 10, 2019

Veni

தி வால் - விஜய் டிவியில் உலகின் நம்பர் 1 கேம் ஷோ

விஜய் டிவியில் வரும் அக்டோபர் 12ம் தேதி முதல் ஒவ்வொரு சனி மற்றும் ஞாயிறு தோறும் இரவு 9 மணிக்கு ‘தி வால்’ எனும் கேம் ஷோ ஒளிபரப்பாக உள்ளது.

உலகின் மிகச்சிறந்த கேம் ஷோவான ‘தி வால்’ என்பது நாற்பதடி உயரத்தில் வடிவமைக்கப்பட்ட சுவர் போன்ற டிஜிட்டல் போர்டில் விளைவயாடும் அறிவு மற்றும் அதிர்ஷ்டம் சார்ந்த ஒரு விளையாட்டு நிகழ்ச்சியாகும்.

இதில் இரண்டு நபர்கள் ஜோடியாக விளையாட வேண்டும். இதன் பரிசுத்தொகை இதுவரை எவரும் அளித்திராத பிரம்மாண்ட தொகையாகும். இதில் அதிர்ஷடமும் அறிவும் கைகொடுத்தால் இரண்டரை கோடி ரூபாயை வெல்லலாம்.

ஒரே குடும்பத்தைச் சார்ந்தவர்கள், நண்பர்கள் இந்த போட்டியில் ஜோடியாக கலந்து கொள்ள வேண்டும். நகைச்சுவையாகவும், கலகலப்பாகவும் தொகுத்து வழங்குபவர்கள் எனப் பெயர் பெற்ற மகாபா ஆனந்த், பிரியங்கா இந்த நிகழ்ச்சியைத் தொகுத்து வழங்குகிறார்கள்.

‘தி வால்’ ஒரு பிரம்மாண்ட டிஜிட்டல் போர்டு. அதன் மேல் மட்டத்தில் ஏழு ஸ்லாட்டுகள் இருக்கும். அதில் ஒன்றைத் தேர்ந்தெடுத்து வெள்ளை, பச்சை, சிவப்பு பந்துகளை ஆட்டத்திற்கு ஏற்றவாறு அதிலிருந்து செலுத்த வேண்டும். அந்த பந்துகள் இடையிடையே அமைக்கப்பட்டுள்ள இடறுகளைத் தாண்டி கீழே வந்து விழும். கீழ் வரிசையில் பல கூடைகள் அமைக்கப்பட்டிருக்கும். அதில் பல தரப்பட்ட பரிசு தொகைகள் ரூபாய் ஒன்றில் இருந்து இரண்டரை கோடி ரூபாய் வரை பண மதிப்புகள் அமைக்கப்பட்டிருக்கும்.

மேலிருந்து கீழ் வந்து விழும் பந்து எந்த கூடையில் விழுகிறதோ அதன்படி பரிசுத் தொகைகள் நிர்ணயிக்கப்படும். இந்தப் போட்டியில் மூன்று நிற பந்துகள் அளிக்கப்படும். வெள்ளை பந்துகள் மற்றும் பச்சை பந்துகள் பரிசுத் தொகையை அதிகரிக்கும். சிகப்புப் பந்துகள் வென்ற தொகையில் இருந்து பரிசுத்தொகையை கழித்துவிடும். போட்டியாளர்கள் சொல்லும் சரியான மற்றும் தவறான பதில்களின் அடிப்படையில் இந்த பந்துகளின் நிறங்கள் நிர்ணயிக்கப்படும்.

இவ்வாறாக போட்டி விறுவிறுப்பாக நடைபெறும். மேலும் முதல் 2 ரவுண்டில் மட்டுமே இரண்டு போட்டியாளர்கள் இணைத்து விளையாட முடியும். மூன்றாவது சுற்றில் இருந்து இருவரும் பிரிக்கப்படுவர். ஒருவர் வால் முன்பு நின்றும், மற்றொருவர் தனியறையில் இருந்தும் ஒருவரை ஒருவர் பார்த்துக்கொள்ளாமல் விளையாட்டைத் தொடரவேண்டும்.

கடைசி வரும் கட்டத்தில் ஒரு ஒப்பந்தக் கடிதம் தனியறையில் இருக்கும் போட்டியாளருக்குக் கொடுக்கப்படும். அவர் அதில் கையெழுத்து இடுகிறாரா அல்லது அதை கிழித்துப் போடுகிறாரா என்பதைப் பொறுத்து அவர்கள் சேர்த்த பரிசுத் தொகைகளை அவர்கள் எடுத்துச்செல்ல முடியும்.

மிகவும் விறுவிறுப்பாகவும் சுவையாகவும் இருக்கும் இந்த கேம் ஷோ குழந்தைகள் முதல் பெரியவர்கள் வரை அனைவரும் ரசிக்கும் ஒரு ஷோவாக இருக்குமாம்.

Related Topics:vijay tv Featured the wall

Up Next

கலைஞர் டிவி – தீபாவளி சிறப்பு நிகழ்ச்சிகள்

Don't Miss

பிக் பாஸ் – 7 கோடி வாக்குகள் பெற்று வென்ற முகேன்

Television

விஜய் டிவியில் ‘டான்சிங் சூப்பர் ஸ்டார்ஸ்’ நடன நிகழ்ச்சி

Published

4 weeks ago

Nov 14, 2019

Veni

விஜய் டிவியில் டான்சிங் சூப்பர் ஸ்டார்ஸ் நடன நிகழ்ச்சி

விஜய் டிவியில் புத்தம் புதிய நடன நிகழ்ச்சி ‘டான்சிங் சூப்பர் ஸ்டார்ஸ்’ வரும் நவம்பர் 17, ஞாயிறு மாலை 6.30 மணிக்கு ஆரம்பமாக உள்ளது.

இந்த நிகழ்ச்சியில் மொத்தம் 48 அணிகள் போட்டியிட உள்ளன. ஒவ்வொரு வாரமும் ஆறு அணிகள் போட்டியிட்டு அதிலிருந்து சிறந்த மூன்று அணிககள் தேர்வு செய்யப்படும்.

ஹிப்ஹாப், குரூப் வடிவமைத்தல், சினிமா ஸ்பெஷல், கிளாசிக்கல், கிளாசிக்கல் பியூஷன் , நாட்டுப்புற நடனம் ஆகியவை இதில் இடம்பெறும்.

அணிகள் ஆடும் நடனத்திற்கு, நடுவர்கள் மற்றும் பார்வையாளர்கள் மதிப்பெண்களை வழங்குவர். போட்டியின் இறுதியில் வெற்றி பெறும் டான்சிங் சூப்பர் ஸ்டார் அணிக்கு ரூபாய் 25 லட்சம் பரிசாக வழங்கப்படும்.

ரியோ ராஜ், ஆன்ட்ரூஸ் இந்த நிகழ்ச்சியை தொகுத்து வழங்க உள்ளார்கள்.

சாண்டி, டிடி, மஹத், ஆல்யா மானசா, சுனிதா ஆகியோர் இந்த போட்டியின் நடுவர்கள்.

Television

விஜய் டிவியில் ‘குக் வித் கோமாளி’ சமையல் நிகழ்ச்சி

Published

4 weeks ago

Nov 14, 2019

Veni

விஜய் டிவியில் குக் வித் கோமாளி சமையல் நிகழ்ச்சி

விஜய் டிவியில் ‘குக்கு வித் கோமாளி’ என்ற புதிய நிகழ்ச்சி ஆரம்பமாக உள்ளது.

இந்த நிகழ்ச்சி முற்றிலும் நகைச்சுவை கலந்த ஒரு சமையல் நிகழ்ச்சியாகும். வரும் நவம்பர் 16 முதல் சனி மற்றும் ஞாயிறு இரவு 8 மணிக்கு விஜய் டிவியில் ஒளிபரப்பாகும்.

சமையலில் தேர்ச்சி பெற்ற பிரபலங்கள் சமையலில், எதுவும் தெரியாத கோமாளிகளுடன் சமைக்க வேண்டும். இரண்டு நபர்களும் சேர்ந்து சமைக்கும் சமையல் அறையில் சிரிப்புக்கு பஞ்சம் இருக்காது.

இதில் கலந்துகொள்ளும் பிரபலங்கள் வனிதா விஜயகுமார், ரேகா, ரம்யா பாண்டியன், ஞானசம்பந்தம், மோகன் வைத்யா, உமா ரியாஸ், தாடி பாலாஜி, பிரியங்கா, ரோபோ சங்கர் .

கோமாளிகளாக பிஜிலி ரமேஷ், மணிமேகலை, டைகர் தங்கதுரை, பப்பு, ஷிவாங்கி மற்றும் பாலா.

இந்த நிகழ்ச்சியை ரக்ஷன், நிஷா தொகுத்து வழங்குகிறார்கள்.

செஃப் வெங்கடேஷ் பட், செஃப் தாமு ஆகியோர் நடுவர்கள்.

Television

கோவையில் சூப்பர் சிங்கர் 7 இறுதிப் போட்டி

Published

1 month ago

Nov 7, 2019

Veni

கோவையில் சூப்பர் சிங்கர் 7 இறுதிப் போட்டி

விஜய் டிவியில் ஒளிபரப்பாகி வரும் ‘சூப்பர் சிங்கர் 7’ நிகழ்ச்சியின் இறுதிப் போட்டி, வரும் நவம்பர் 10ம் தேதி, ஞாயிற்றுக்கிழமை, கோயம்பத்தூர் கொடிசியா வர்த்தக வளாகத்தில் நடைபெற உள்ளது.

இந்த நிகழ்ச்சி விஜய் டிவியில் மதியம் 3.30 மணி முதல் நேரடியாக ஒளிபரப்பாகும்.

கடந்த சில மாதங்களாக பல பாடகர்கள், இசைக் கலைஞர்கள், திரை நட்சத்திரங்கள், வாரம் ஒரு அட்டகாசமான தீம், அற்புதமான போட்டியாளர்கள் என அத்தனை இசை பரிட்சைகளையும் கடந்து வந்து இறுதிப் போட்டிக்கு புன்யா, விவேக், சாம் விஷால், கவுதம், மற்றும் முருகன் ஆகியோர் தேர்வாகி உள்ளார்கள்

இந்த சீசனின் நடுவர்களாக பாடகர்கள் உன்னிகிருஷ்ணன், அனுராதா ஸ்ரீராம், பென்னி தயால், ஸ்வேதா மோகன் ஆகியோர் இந்த போட்டியாளர்களை ஊக்கப்படுத்தியும், உற்சாகப்படுத்தியும் வந்தனர்.

மேலும் இந்த சீசனின் மத்த டாப் போட்டியாளர்கள், சூப்பர் சிங்கர் பிரபலங்கள், அற்புதமான நடுவர்கள் என பலர் இறுதிப் போட்டியில் இசை விருந்தளிக்க உள்ளார்கள்.

பிரம்மாண்டமாக நடைபெற உள்ள இறுதிப் போட்டியில் இசையமைப்பாளர் அனிருத் கலந்து கொள்கிறார் . மேலும் சூப்பர் சிங்கர் 7 ல் வெற்றி பெறும் போட்டியாளர் இவரின் இசையமைப்பில் பாடும் வாய்ப்பைப் பெற உள்ளார். அதோடு அவருக்கு 50 லட்ச ரூபாய் மதிப்புள்ள ஒரு வீடும் பரிசாக வழங்கப்பட உள்ளது.