Connect with us

Trending

திருட்டுப் பயலே 2 விமர்சனம்

Published

on

thiruttu-payale-2-review

சமூக வலைத்தளங்களில் முன் பின் தெரியாதவர்களுடன் பழகுவது பலவித ஆபத்துகளில் கொண்டு போய்விட வாய்ப்புள்ளது என்பதைச் சொல்லியிருக்கும் படம். இன்றைய காலகட்டத்திற்குத் தேவையான ஒரு படத்தைக் கொடுத்திருக்கிறார்கள்.

கதை

பாபி சிம்ஹா, அமலா பால் காதலித்து திருமணம் செய்து கொண்டவர்கள். காவல் துறையில் இன்ஸ்பெக்டராக இருக்கும் பாபி சிம்ஹா, நுண்ணறிவுப் பிரிவில் சில விஐபிக்களின் தொலைபேசி உரையாடல்களை ஒட்டுக் கேட்கும் பணிக்கு அமர்த்தப்படுகிறார். பாபி சிம்ஹாவை மிக நேர்மையானவர் என நினைத்து அவருக்கு அந்த வேலையைக் கொடுக்கிறார் அந்தத் துறையின் ஐ.ஜி. ஆனால், பாபி சிம்ஹாவே முதன் முதலில் ஒட்டுக் கேட்கும் ஒரு தொலைபேசி உரையாடலைப் பயன்படுத்தி திருட்டுத்தனமாக பத்து கோடியை அடித்துவிடுகிறார்.

பாபி சிம்ஹாவின் மனைவி அமலா பால் பேஸ்புக்கில் அதிக ஆர்வத்துடன் இயங்குபவர். அதில் பழக்கமானவர் பிரசன்னா. ஒரு கட்டத்தில் பிரசன்னா, அமலா பாலை ஆசைக்கு இணங்க வைக்க பிளாக் மெயில் செய்ய ஆரம்பிக்கிறார். பிரசன்னாவைப் பற்றிய விவரங்களைத் தெரிந்து கொள்ளும் பாபி சிம்ஹா, பிரசன்னாவுடன் நேருக்கு நேர் மோத களத்தில் இறங்குகிறார். பதிலுக்கு பிரசன்னா, பாபி சிம்ஹா செய்த திருட்டுத்தனங்களைத் தெரிந்து கொண்டு அவரையும் பிளாக் மெயில் செய்கிறார். அமலா பாலின் வீடியோவையும், பாபி சிம்ஹாவின் திருட்டுத் தனங்களையும் வெளியிடுவேன் என மிரட்டுகிறார். இதன் முடிவு என்ன என்பதுதான் ‘திருட்டுப் பயலே 2’.

இயக்கம்

‘கந்தசாமி’ படத்திற்குப் பிறகு நீண்ட இடைவெளிக்குப் பின் இயக்குனர் சுசி கணேசன் மீண்டும் தமிழுக்கு வந்திருக்கிறார். சமூக வலைத்தங்களில் ஏற்படும் நட்பு, மொபைல் போன் மூலம் ஏற்படும் சிக்கல்கள், குடும்பத்தில் உள்ளவர்களிடையே நம்பிக்கை இல்லாதது என இந்தக் காலத்தில் மக்கள் படும் அவஸ்தைகளைப் படமாக்கியிருக்கிறார். ‘திருட்டுப் பயலே’ படத்தின் முதல் பாகம் ஒரு சராசரியான இளைஞன், இளைஞி ஆகியோரைப் பற்றிய கதையாக இருந்ததால் அனைவரையும் கவர்ந்தது. அந்த முதல் பாகத்துடன் ஒப்பிடும் போது இதில் கொஞ்சம் சுவாரசியம் குறைவுதான்.

நடிப்பு

திருட்டுத் தனமானவனாக இருக்க வேண்டும் என்றால் அந்தத் திருட்டுத் தனம் பார்வையிலேயே வெளிப்பட வேண்டும். அதோடு, உடல் மொழியிலும் ஒரு தெனாவெட்டு இருக்க வேண்டும். அது இரண்டுமே பாபி சிம்ஹாவிடம் இல்லை. பிரசன்னாவை முழுமையாக எதிர்க்க முடியாமல் இவரும் தவிப்பது நாயகனுக்குரிய கெத்தை குறைக்கிறது. ஆனால், படத்தில் எதற்கும் பயப்படாதவராக, அஞ்சாதவராக இருக்கும் பிரசன்னா தான் படத்தின் நாயகனைப் போல எந்தப் பிரச்சனையிலிருந்தும் மீண்டு வருகிறார். பாபி சிம்ஹாவுடன் ஒப்பிடும் போது பிரசன்னா நடிப்பில் மேலோங்கி இருக்கிறார்.

அமலா பால் படத்தில் மிகப் பேரழிகியாகத் தெரிய வேண்டும். ஆனால், அவருக்கு அதிக மேக்கப் இல்லாமல், ரிச்சான ஆடைகள் இல்லாமல் சாதாரண ஒரு மனைவியாக நடமாட விட்டிருக்கிறார்கள். அவரது அழகில் பிரசன்னா மயங்குவதற்கு சரியான காரணம் சொல்லப்படவில்லை. சொந்தக் குரலில் வேறு பேசி தமிழைக் கொலை செய்திருக்கிறார் அமலா பால். ஆனால், சிரிப்பில் மட்டும் கள்ளம் கபடம் இல்லாமல் சிரிக்கிறார்.

இசை

வித்யாசாகர் இசையில் பாடல்கள் பெரிதாக ரசிக்கவில்லை. பின்னணி இசை மட்டும் ஓகே.

படத்திற்கு +

மக்கள் தற்போது அதிகம் மூழ்கிக் கிடக்கும் ஃபேஸ்புக், மொபைல் போன் ஆகியவற்றை மையப்படுத்திய கதை என்பதால் இந்தக் கால ரசிகர்களுக்குப் பொருத்தமாக இருக்கும்.

படத்திற்கு –

இடைவேளை வரை நேரம் போவது தெரியாமல் போகிறது. அதன் பின் பிரசன்னா, பாபி சிம்ஹா, அமலா பால் மூவரிடையே நடக்கும் ‘டாம் அன்ட் ஜெர்ரி’ போராட்டம்….நீ…….ண்டு கொண்டே போகிறது.

Trending

யு டியூப் பாடல் வரிகள் வீடியோவில் ‘சொடக்கு’ நம்பர் 1

Published

on

By

tsk-sodakku

யு டியூப் வந்த பிறகு, அதில் பலரும் அவர்களது படங்களின் வீடியோக்களைச் சேர்த்து அவரவர் படங்களை விளம்பரப்படுத்திக் கொண்டிருக்கிறார்கள்.

யார் டீசர், டிரைலர், பாடல்கள் அதிகப் பார்வைகளைப் பெறும் என்பதிலும் போட்டி நிலவி வருகிறது.

டீசர், டிரைலரில் இருந்த அந்த போட்டி இப்போது பாடல்களுக்கும் தொற்றிக் கொண்டது. ஒரு படம் வெளிவருவதற்கு முன்பாக அந்தப் படத்தின் பாடல்களை லிரிக் வீடியோவாக, அதாவது பாடல் வரிகள் என்னவென்று தெரிந்து கொள்ளும் விதத்தில் புகைப்படங்கள் அடங்கிய வீடியோ வெளியிடுவது சமீபத்திய டிரென்ட்.

அதில் இதுவரை ‘மெர்சல்’ படத்தில் இடம் பெற்ற ‘ஆளப் போறான் தமிழன்’… பாடலின் லிரிக் வீடியோதான் அதிகப் பார்வைகளைப் பெற்று முதலிடத்தில் இருந்தது. அந்த சாதனையை தற்போது ‘தானா சேர்ந்த கூட்டம்’ படத்தில் இடம் பெற்ற ‘சொடக்கு மேல…’ பாடல் முறியடித்துள்ளது.

‘சொடக்கு…’ பாடல் இதுவரை 4,15,62,752 பார்வைகளையும், ‘ஆளப் போறான்…’ பாடல் இதுவரை 4,15,32,688 பார்வைகளையும் பெற்றுள்ளது. இருந்தாலும் லைக் விஷயத்தில் ஆளப் போறான் பாடலை சொடக்கு பாடலால் மிஞ்ச முடியவில்லை.

சொடக்கு லிரிக் வீடியோ

ஆளப் போறான் தமிழன் லிரிக் வீடியோ

Continue Reading

Trending

ஸ்டெர்லைட் போராட்டம், சுத்தமில்லாத நீரைக் குடித்த சரத்குமார்

Published

on

By

sarathkumar-sterlite

தூத்துக்குடியில் அமைந்துள்ள ஸ்டெர்லைட் ஆலைக்கு எதிரான போராட்டம் இன்று 48வது நாளை எட்டியுள்ளது. இந்த போராட்டத்திற்கு ஆதரவாக பலரும் களத்தில் குதித்து மக்களுக்கு ஆதரவு தெரிவித்து வருகின்றனர்.

சமத்துவ மக்கள் கட்சியின் தலைவரும், நடிகருமான சரத்குமார் இன்று நடைபெற்ற போராட்டத்தில் கலந்து கொண்டு மக்களுக்கு அவருடைய ஆதரவைத் தெரிவித்தார்.

மேலும் போராட்டக்களத்தில் குமரெட்டியாபுரம் மக்கள் பயன்படுத்தும் மாசு கலந்த நீரை அருந்தி அவருடைய ஆதங்கத்தை வெளிப்படுத்தினார்.

பல ஆண்டுகளாக நடைபெற்று வரும் ஸ்டெர்லைட் ஆலைக்கெதிரான போராட்டத்தில் குழந்தைகள், சிறுவர்கள், சிறுமியர்கள், பெண்கள் என மக்கள் குடும்பம், குடும்பமாய் ஈடுபட்டு வருகிறார்கள்.

அந்தப் பகுதியில் நிலம், நீர், காற்று ஆகியவை மாசுபட்டு வருவதாக மக்கள் போராடி வருவது குறிப்பிடத்தக்கது.

Continue Reading

Trending

இங்கிலாந்து நாட்டில் விருது வென்ற ‘மெர்சல்’

Published

on

By

mersal-records-and-awards

இங்கிலாந்து நாட்டில் நடைபெறும் தேசிய திரைப்பட அகாடமி வழங்கும் 2018ம் ஆண்டு விருதுக்கான போட்டியில் சிறந்த அயல்நாட்டுப் படத்துக்கான விருதை ‘மெர்சல்’ படம் வென்றுள்ளது.

சிறந்த வெளிநாட்டுப் படங்களுக்கான போட்டியில் ‘மெர்சல்’ படத்துடன் பிரான்ஸ், ரஷ்யா, ஜெர்மனி, ஸ்வீடன், சிலி, தென்னாப்பிரிக்கா, லெபனான ஆகிய நாடுகளின் படங்களும் போட்டியில் இருந்தன. அவற்றிலிருந்து ‘மெர்சல்’ படம் தேர்வாகியுள்ளது.

சிறந்த துணை நடிகர் விருதுக்காக விஜய்யும் போட்டியில் இருந்தார். ஆனால், அவர் விருதுக்கு தேர்வாகவில்லை.

போட்டியாளர்களில் சிறந்தவர்களைத் தேர்ந்தெடுப்பதற்கான ஆன்லைன் வாக்குப்பதிவு ஜனவரி 15 முதல் ஆரம்பமாகி 20ம் தேதி வரை நடைபெற்றது.

இந்த வருட ஆல்லைன் வாக்குப்பதிவில் 24 லட்சம் பேர் வாக்களித்துள்ளார்கள். மொத்தம் 18 பிரிவுகளுக்கான தேர்வு நடைபெற்றது.

4வது தேதிய திரைப்பட விருதுகளைப் பெற்றவர்களின் விவரம் நேற்றிரவு அறிவிக்கப்பட்டுள்ளது.

இங்கிலாந்து தேசிய திரைப்பட அகாடமி 1999ம் ஆண்டு அமைக்கப்பட்டது. திரையுலகத்தினருக்கான வளர்ச்சியில் அந்த அமைப்பு ஈடுபடுகிறது. பல திரைப்பட விழாக்கள், காட்சிகள், மாநாடுகள், பயிற்சி வகுப்புகள் ஆகியவற்றை இந்த அமைப்பு இங்கிலாந்து, பிரான்ஸ், ஜெர்மனி, அமெரிக்கா ஆகிய நாடுகளில் நடத்தி வருகிறது.

‘மெர்சல்’ படம் விருது பெற்றது தமிழ்த் திரையுலகத்திற்கும் பெருமையான ஒன்று.

தேனாண்டாள் ஸ்டுடியோஸ் தயாரிப்பில், அட்லீ இயக்கத்தில், ஏ.ஆர்.ரகுமான் இசையமைப்பில் விஜய், சமந்தா, காஜல் அகர்வால், நித்யா மேனன் மற்றும் பலர் நடித்த ‘மெர்சல்’ 2017 தீபாவளியை முன்னிட்டு வெளியானது.

Continue Reading
Advertisement

Tamil Movies Database

Trending

error: