Connect with us

Tamil Cinema News

சமந்தாவைப் பார்த்து பொறாமைப்படும் மாமா நாகார்ஜுனா

Published

on

samantha and nagarjuna

வினாயகர் சதுர்த்தி தினமான நாளை தமிழில் ‘சீமராஜா, யு டர்ன்’ ஆகிய இரண்டு படங்கள் வெளியாக உள்ளன.

இந்த இரண்டு படங்களிலும் சமந்தா தான் கதாநாயகி. அது மட்டுமல்லாது ‘யு டர்ன்’ படம் தெலுங்கிலும் வெளியாவதால் பட எண்ணிக்கையில் நாளை சமந்தாவின் 3 படங்கள் வெளியாகின்றன.

வேறு எந்த நாயகிக்கும் இப்படி ஒரு சிறப்பு கிடைத்திருக்க வாய்ப்பில்லை. மேலும், சமந்தாவின் கணவரான நாக சைதன்யா நடித்துள்ள ‘ஷைலஜா ரெட்டி அல்லுடு’ தெலுங்குப் படமும் நாளை வெளியாகிறது. அதனால், கணவருக்கும், மனைவிக்கும் இடையிலும் போட்டி உள்ளது.

சமந்தாவின் மூன்று படங்கள் ஒரே நாளில் வெளியாவதால் அவருடைய மாமனாரும், நடிகருமான நாகார்ஜுனா லேசான பொறாமையுடன் ஜாலியாக “கின்னஸ் சாதனை ஏதும் படைக்கப் போகிறாயா சமந்தா” என, இன்று ஹைதராபாத்தில் நடந்த யு டர்ன் நிகழ்ச்சியில் கேட்டுள்ளார்.

சமந்தாவின் மூன்று படங்களும் உலகம் முழுவதும் 1000 தியேட்டர்களுக்கு மேல் வெளியாகிறது என்பது குறிப்பிடத்தக்கது.

Tamil Cinema News

தமன்னா நடிக்கும் ‘பெட்ரோமாக்ஸ்’

Published

on

By

தமன்னா நடிக்கும் பெட்ரோமாக்ஸ் - 4 Tamil Cinema

ஈகிள்ஸ் ஐ புரொடக்ஷன்ஸ் தயாரிப்பில், ரோகின் வெங்கடேசன் இயக்கத்தில் முதன்மைக் கதாநாயகியாக தமன்னா நடிக்கும் படம் ‘பெட்ரோமாக்ஸ்’.

பல வெற்றித் திரைப்படங்களை உலகெங்கும் விநியோகம் செய்த ஈகிள்ஸ் ஐ புரொடக்ஷன்ஸ் நிறுவனம், இப்படத்தின் மூலம் முதல் முறையாக திரைப்படத் தயாரிப்பில் தடம் பதிக்கிறது. இப்படத்தை இயக்கும் ரோகின் வெங்கடேசன் ‘அதே கண்கள்’ படத்தின் மூலம் இயக்குனராக அறிமுகமானவர்.

ஈகிள்ஸ் ஐ புரொடக்ஷன்ஸ் தனது முதல் தயாரிப்பிலேயே பெண்களை முன்னிலைப்படுத்தும் ஒரு ஆழமான கதையை திகில் மற்றும் நகைச்சுவை கலந்து ஒரு ஜனரஞ்சகமான படமாக படைக்க இருக்கிறது.

நயன்தாராவை தொடர்ந்து தமன்னாவும், தனக்கென ஒரு தனி பாணியை உருவாக்கும் நோக்கில், பெண் கதாபாத்திரங்களுக்கு அதிக முக்கியத்துவம் தருகின்ற, பெண்களை மையப்படுத்தி எடுக்கப்படுகின்ற திரைப்படங்களுக்கு முன்னுரிமை அளித்து வருகிறார். அந்த வரிசையில் முதல் படமாக இப்படத்தில் நடிக்கவிருக்கிறார்.

இப்படத்தில் யோகி பாபு, முனீஸ் காந்த், சத்தியன், காளி வெங்கட், மற்றும் சின்னத்திரை புகழ் டிஎஸ்கே, பிரேம், ஸ்ரீஜா, கே எஸ் ஜி வெங்கடேஷ், பேபி மோனிகா மற்றும் பலர் நடிக்கின்றனர்.

ஒவ்வொரு மனிதனுக்கும் ஏதாவது ஒரு பிரச்சனை நிச்சயம் இருக்கும். அதைத் தீர்க்கும் நோக்கில் ஒவ்வொருவராக இணைந்து, இறுதியில் ஒரு பலமான கூட்டணியாகச் சேர்ந்து, தங்களது பிரச்சனைகளுக்குத் தீர்வு காணும் முயற்சியில் ஈடுபடுகிறார்கள். அந்த பிரச்சனை தீர்ந்ததா, அந்த பிரச்சனைகளுக்கு காரணம் யார், அவர்கள் அதை எப்படி வெற்றி கொண்டார்கள் என்பதை நகைச்சுவையும் திகிலும் கலந்து ஜனரஞ்சகமாக படமாக்கி வருகிறார் இயக்குனர் ரோகின்.

டேனி ரேமண்ட் ஒளிப்பதிவில், லியோ ஜான் பால் படத்தொகுப்பில், வினோத் ராஜ்குமார் கலை இயக்கத்தில், ஜிப்ரான் இசையமைக்கிறார். ஜிஆர் சுரேந்தர்நாத் வசனம் எழுத, ஹரி தினேஷ் சண்டை பயிற்சி அமைக்கிறார்.

இப்படத்தின் முதல் பார்வை சமீபத்தில் வெளியிடப்பட்டது.

Continue Reading

Tamil Cinema News

‘வெள்ளை யானை’ படத்திற்கு இசை சந்தோஷ் நாராயணன்

Published

on

By

வெள்ளை யானை படத்திற்கு இசை சந்தோஷ் நாராயணன்

தனுஷ் நடித்து 2003ம் ஆண்டில் வெளிவந்த சூப்பர் ஹிட் படமான ‘திருடா திருடி’ படம் மூலம் இயக்குனராக அறிமுகமானவர் சுப்ரமணியம் சிவா.

அந்தப் படத்திற்குப் பிறகு ‘பொறி, யோகி, சீடன்’ ஆகிய படங்களை இயக்கினார். ‘வட சென்னை, அசுரன்’ ஆகிய படங்களிலும் நடித்துள்ளார்.

சுப்ரமணியம் சிவா அடுத்து இயக்கி வரும் படம் ‘வெள்ளை யானை’. சமுத்திரக்கனி, ஆத்மியா, யோகி பாபு மற்றும் பலர் நடிக்கும் படம் இது. விவசாயத்தைப் பற்றியும், விவசாயிகளின் வாழ்க்கையைப் பற்றிய படமாகவும் இப்படம் உருவாகி வருகிறது.

இப்படத்திற்கு சந்தோஷ் நாராயணன் இசையமைப்பாளராக ஒப்பந்தமாகி அவருடைய இசைப் பணியை ஆரம்பித்துள்ளார்.

அது பற்றி சந்தோஷ் நாராயணன் கூறுகையில், “படம் தனக்கு மிகவும் பிடித்திருப்பதாகவும் , இன்றைய விவசாயிகளின் வாழ்க்கையின் மிக முக்கியமான வரலாற்றுப் பதிவு இந்தப் படம். நம் தாய் மண்ணின் இசையோடு இந்தப் படத்திற்கு இசையமைக்க மகிழ்ச்சியாக இருக்கிறது,” என்று கூறியுள்ளார் .

ஒயிட் லாம்ப் டாக்கீஸ் சார்பில் வினோத் குமார் இப்படத்தைத் தயாரிக்கிறார்.

படத்தின் இறுதிக் கட்டப் பணிகள் விறுவிறுப்பாக நடைபெற்று வருகிறது. அவை முடிந்ததும் படத்தின் வெளியீட்டுத் தேதி விரைவில் அறிவிக்கப்படும்.

Continue Reading

Tamil Cinema News

தனுஷ், கார்த்திக் சுப்பராஜ் படம் ஆகஸ்ட்டில் ஆரம்பம்

Published

on

By

தனுஷ், கார்த்திக் சுப்பராஜ் படம் ஆகஸ்ட்டில் ஆரம்பம்

ஒய்நாட் ஸ்டுடியோஸ் அவர்களது 18வது படமாக கார்த்திக் சுப்பாராஜ் இயக்கத்தில், தனுஷ் நாயகனாக நடிக்கும் புதிய தமிழ் படத்தை ரிலையன்ஸ் என்டர்டெயிண்மன்ட் நிறுவனத்துடன் இணைந்து தயாரிக்கிறது.

‘பேட்ட’ படத்திற்குப் பிறகு கார்த்திக் சுப்பராஜ் இயக்கும் படம் இது. தனுஷ் நாயகனாக நடிக்க, கார்த்திக் சுப்பராஜ் இயக்க உள்ள இந்தப் படம் பற்றிய அறிவிப்பு சில வருடங்களுக்கு முன்பே வெளியானது. ஆனாலும், கார்த்திக் சுப்பராஜ், ரஜினிகாந்த் நடித்த ‘பேட்ட’ படத்தை இயக்கப் போய்விட்டார்.

கேங்ஸ்டர், திரில்லர் வகையைச் சார்ந்த இப்படத்தின் நாயகியாக ஐஸ்வர்யா லஷ்மி நடிக்கிறார். இவர் மலையாளத்தில் சில வெற்றிப் படங்களில் நடித்தவர்.

இப்படத்திற்கு சந்தோஷ் நாராயணன் இசையமைக்க, ஸ்ரேயாஸ் கிருஷ்ணா ஒளிப்பதிவு செய்கிறார்.

இத்திரைப்படத்தில் பங்கு பெற உள்ள மற்ற நட்சத்திரங்கள், தொழிட்நுட்பக் கலைஞர்கள் குறித்த அறிவிப்பு விரையிலேயே வெளியிடப்பட உள்ளது.

ஆகஸ்ட் மாதத்தில் படப்பிடிப்பு துவங்க உள்ளது.

இப்படத்தை முழுவதுமாக இங்கிலாந்தில் படமாக்க உள்ளார்கள்.

Continue Reading
Advertisement

Tamil Movies Database

Trending

error: Content is protected !!