Connect with us

Tamil Cinema News

‘வண்டி’யில் நடிப்புப் பயிற்சி பெற்ற விதார்த்

Published

on

vandi audio launch news

ரூபி பிலிம்ஸ் என்னும் புதிய பட நிறுவனத்தின் சார்பில் ஹஷீர் தயாரிப்பில், புதிய இயக்குநர் ரஜீஸ் பாலா இயக்கத்தில் விதார்த், சாந்தினி மற்றும் பலர் நடிக்கும் படம் ‘வண்டி’.

இந்த படத்தின் இசை மற்றும் ட்ரைலர் வெளியீட்டு விழா சென்னையில் நடைபெற்றது. நடிகர் மற்றும் இசையமைப்பாளர் ஜிவி பிரகாஷ் குமார் சிறப்பு விருந்தினராக கலந்து கொண்டு இசையை வெளியிட்டு வாழ்த்தி பேசினார்.

நிகழ்ச்சியில் பங்கேற்றவர்கள் பேசியதாவது…

‘வண்டி’ பட தயாரிப்பாளர் ஹஷீர்

தமிழ்நாடு எனக்கு மிகவும் பிடிக்கும். தமிழ் கலாச்சாரமும் ரொம்ப பிடிக்கும். அதை ஒட்டி ஒரு படம் பண்ணனும், ரொம்ப யதார்த்தமாக, ரியலாக எடுக்கணும்னு ஆசைப்பட்டோம். இந்த வண்டி படத்தில் நிறைய இடங்களில் பல கேமராக்கள் வைத்து, மறைத்து வைத்தெல்லாம் எடுத்திருக்கிறோம். இந்த வகையில் தமிழில் முதல் படமாக இருக்கும் என்று நினைக்கிறேன், தொடர்ந்து நிறைய தமிழ் படங்கள் தயாரிக்க வேண்டும் என ஆசைப்படுகிறேன்.

தயாரிப்பாளர் பி.எல். தேனப்பன்

விதார்த் நடிச்சா அது நல்ல படமாதான் இருக்கும். தமிழ்நாட்டில் சமீபத்தில் 150 திரையரங்குகள் புதிதாக வந்திருக்கின்றன. சினிமா நன்றாகத்தான் இருக்கிறது. நல்ல படங்கள் எடுத்தால் கண்டிப்பா ஓடும், இந்த படமும் அதில் ஒன்றாக இருக்கும்.

நடிகர் விஜித்

இந்த படம் ஒரு ஹைப்பர் லிங் கதையமைப்பைக் கொண்ட படம். இதில் 3 பயணங்கள் உள்ளன, அதில் நானும் ஒரு கதையில் நடித்திருக்கிறேன். இயக்குனர் படத்தை எடுக்கும்போது நிறைய விஷயங்களில் ஏன் என்ற கேள்வி எழுந்தது. அதை கடைசியாக பார்க்கும்போது தான் இயக்குனர் மனதில் என்ன நினைத்தார் என்பது புரிந்தது.

அருள்தாஸ்

வண்டி ஒரு சிறப்பான ஸ்கிரிப்ட். விதார்த் ஒரு நல்ல யதார்த்தமான நடிகர். மல்டி கேமரா செட்டப்பில் படத்தை எடுத்திருக்கிறார்கள், இது கொஞ்சம் புதுவிதமான அனுபவமாக இருக்கும். செலவை பற்றி கவலைப்படாமல் நிறைய செலவு செய்திருக்கிறார் தயாரிப்பாளர். கேரளா பூர்வீகம் என்றாலும் தமிழில் படம் எடுக்க ஒரு பெரிய குழுவே வந்திருக்கிறது. அவர்களை நாம் ஆதரிக்க வேண்டும்.

இசையமைப்பாளர் சூரஜ் எஸ் குரூப்

சோலோ படத்தில் சீதா கல்யாணம் பாடலுக்கு இசையமைத்திருந்தேன். அந்த பாடலுக்கு மிகப் பெரிய வரவேற்பை தமிழ் ரசிகர்கள் கொடுத்தார்கள். நானும் சென்னையில் வளர்ந்தவன் தான். ஜிவி பிரகாஷ் சார் இசை எனக்கு மிகவும் பிடிக்கும். தொடர்ந்து தமிழ் படங்களுக்கு இசையமைக்க விரும்புகிறேன்.

இயக்குனர் ஷண்முகம் முத்துசாமி

வந்தாரை வாழ வைக்கும் குணம் எங்கள் தமிழர்களின் பண்பாடு. கேரளாவில் இருந்து வந்திருக்கும் உங்களையும் கொண்டாடுவோம். இயக்குனர் என்ன சொல்ல நினைத்தாரோ அதை சிறப்பாக சொல்லியிருக்கிறார். எஸ் ஃபோகஸ் சரவணன் ஒரு படத்தை ரிலீஸ் செய்கிறார் என்றால் அது மிகச்சிறப்பான படமாகத்தான் இருக்கும்.

எஸ் போகஸ் சரவணன்

ஜிவி பிரகாஷ், பார்த்திபன் நடிப்பில் குப்பத்து ராஜா படத்தைத் தயாரித்து வருகிறேன். இங்கு வந்த விருந்தினர்கள் எல்லோரும் எனக்கு மிகுந்த ஊக்கம் அளித்தவர்கள். படம் இந்த அளவுக்கு வந்ததற்கு தேனப்பன் ஒரு முக்கிய காரணம். விதார்த் எளிமையானவர், மிகவும் உண்மையாக பழகக் கூடியவர். சின்னப் படங்களுக்கு திரையரங்குகள் அவ்வளவாகக் கிடைப்பதில்லை. இந்த வண்டி படத்துக்கு எல்லோரும் உதவ வேண்டும்.

பட இயக்குனர் ரஜீஷ் பாலா

புது இயக்குனருக்கு தயாரிப்பாளர் கிடைப்பது ரொம்ப கஷ்டம். அப்படி கிடைத்த பின்னரும், இந்தப் படம் தயாரிப்பில் நிறைய பிரச்சினைகளை சந்தித்தது. ஒரு நல்ல தயாரிப்பாளர் இருந்தால்தான் நல்ல படம் வரும், அப்படி ஹஷீர் எனக்கு ஒரு நல்ல தயாரிப்பாளராக அமைந்தார். விதார்த் கேமராவுக்கு முன்னால் தான் நடிப்பார், மற்றபடி மிகவும் நல்ல மனிதர். இந்த படம் 70 நாட்கள் படப்பிடிப்பில் இருந்தது, 55 நாட்கள் இரவு பகலாக படப்பிடிப்பு நடந்தது. மொத்தக் குழுவின் கடின உழைப்பினால் தான் இது சாத்தியமானது.

ஜான் விஜய்

பைக்கை வைத்து நீண்ட நாளைக்கு பிறகு ஒரு படம். தொடர்ந்து போலீஸ் கதாபாத்திரங்களில் நடித்து வருகிறேன். இதில் இயக்குனர் என்னுடைய தோற்றம் தனித்துவமாக இருக்க நிறைய மெனக்கெட்டிருக்கிறார். இதுவரை நடித்ததிலேயே சிறப்பான போலீஸ் கதாபாத்திரம் இதுவாகத்தான் இருக்கும்.

ஆதிக் ரவிச்சந்திரன்

விதார்த் ஒரு நல்ல நடிகர் என்று எல்லோரும் சொல்கிறார்கள், ஆனால் அதையெல்லாம் தாண்டி அவர் ஒரு போராளி. நீண்ட காலமாகவே போராடி வருகிறார். பொல்லாதவன் படத்துக்குப் பிறகு பைக்கை வைத்து ஒரு படம், வெற்றி பெறும் என்ற நம்பிக்கை இருக்கிறது.

விதார்த்

பத்திரிகையாளர்கள் பாராட்டில் இன்று ‘மேற்கு தொடர்ச்சி மலை’ 3வது வாரமாக வெற்றிகரமாக ஓடிக் கொண்டிருக்கிறது. விஜய் சேதுபதி, லெனின் பாரதி அளவுக்கு எனக்கும் மகிழ்ச்சி. வீரம் படத்தின் போது எனக்கு இந்தக் கதையை சொல்ல வந்தார்கள்.
ஒளிப்பதிவாளர் மற்றும் இயக்குனர் 4 கேமரா வைத்தெல்லாம் படத்தை எடுத்தார்கள். இயக்குனர் ரொம்பவே கஷ்டப்படுத்தினார். எங்கள் எல்லோருக்கும் அவரைப் பார்த்தாலே பயம்.

‘காற்றின் மொழி’ படத்தில் ஜோதிகா உடன் நடிக்கும்போது இயக்குனர் ராதாமோகன் என் நடிப்பைப் பாராட்டித் தள்ளினார். அதற்குக் காரணம் இந்த படத்தில் நான் எடுத்த பயிற்சி தான். இந்த படத்தில் ஒரு ஃபிரேம் மாறினாலும் படம் புரியாது. அப்படிப்பட்ட ஒரு ஹைப்பர்லிங் படம்.

தயாரிப்பில் இருக்கும்போது சில பிரச்சினைகள் நடந்தது, அப்போது தேனப்பன் சாரிடம் சென்றேன். அவர் தான் இதை சுமூகமாக முடித்து வைத்தார். குப்பத்து ராஜா என்ற ஒரு படத்தை சரவணன் சார் எடுத்துக் கொண்டிருக்கும்போது இந்த படத்தை ரிலீஸ் செய்ய முன் வந்தது பெரிய விஷயம். அது தான் படத்தின் மீது அவர் வைத்திருக்கும் நம்பிக்கை. இந்த படத்துக்கு சூரஜ் ஒரு பாட்டு போட்டுக் கொடுத்தார். இந்த வருடத்தின் மிகப்பெரிய ஹிட் பாடலாக அது அமைந்திருக்கும். ஆனால் அது படத்தில் இல்லை, அந்த பாடலில் நான் நடிக்க வேண்டும் என்ற ஆசை இருக்கிறது. அடுத்து ஒரு கேங்க்ஸ்டர் படம் நடிச்சிருக்கேன், எல்லா வகையான படங்களிலும் நடிக்க விருப்பம் இருக்கிறது. என்னை ஒரு கூண்டில் அடைத்து விட வேண்டாம்.

இந்த விழாவில் நிர்வாக தயாரிப்பாளர் கர்ணா ராஜா, ஸ்டண்ட் சிறுத்தை கணேஷ், பாடலாசிரியர் சங்கீத், நடன இயக்குனர் ஜாய் மதி, நாயகி சின்னு குருவில்லா, எடிட்டர் ரிஷால் ஜெய்னி, கலை இயக்குனர் மோகன மகேந்திரன், நடிகர்கள் ஸ்ரீராம் கார்த்திக், கிஷோர், ரவி, இயக்குனர்கள் ராகேஷ், சினிஷ், எடிட்டர் சிவா ஆகியோர் கலந்து கொண்டு பேசினர்.

Tamil Cinema News

சென்னை, உத்தண்டியில் பிவிஆர் சினிமாஸ் திறப்பு

Published

on

By

சென்னை, உத்தண்டியில் பிவிஆர் சினிமாஸ் திறப்பு

இந்தியா முழுவதிலும் பல நகரங்களில் தியேட்டர்களை நடத்தி வரும் பிவிஆர் சினிமாஸ் சென்னை, பழைய மகாபாலிபுரம் சாலையில் உள்ள உத்தண்டியில் 10 தியேட்டர்கள் கொண்ட புதிய மல்டி பிளக்ஸ் வளாகம் ஒன்றை இன்று திறந்துள்ளது.

குழந்தைகளுக்கென்றே பிரத்யேகமாக வடிவமைக்கப்பட்டிருக்கும் ‘பிளே ஹவுஸ்’ வகை திரையரங்கு சென்னையிலேயே இங்கு மட்டும் தான் உண்டு என்பது இதன் சிறப்பம்சம்.

இந்த பிவிஆர் திரையரங்கை பிரசன்னா, சினேகா தம்பதியினர் ரிப்பன் கத்தரித்து, குத்து விளக்கேற்றி திறந்து வைத்தனர். திரையரங்கை திறந்து வைத்து அவர்கள் பேசியதாவது,

“பிவிஆர் இந்தியாவின் மிக முக்கியமான ஒரு அங்கம். அவர்கள் சென்னையில் திறந்திருக்கும் 6வது மல்ட்டிபிளெக்ஸ் இது என்பது சிறப்பான அம்சம். சென்னையின் சத்யம் திரையரங்கம் எங்கள் மனதுக்கு மிகவும் நெருக்கமான திரையரங்கு. சத்யம் திரையரங்கையும் பிவிஆர் தான் வாங்கி, நிர்வகிக்கிறது என்பதால் பிவிஆர் இன்னும் மனதுக்கு நெருக்கம். ஏற்கனவே கேம் ஓவர் திரைப்படத்தை இங்கு பார்த்தேன்.

மிகச்சிறந்த ஒளி, ஒலி வடிவமைப்பை கொண்டிருக்கிறது. இருக்கைகளும் மிகவும் வசதியாக இருக்கிறது. உலகிலேயே இந்தியர்கள் போல சினிமா விரும்பிகளை எங்கேயும் பார்க்க முடியாது. இந்தியா மாதிரி சினிமாவை கொண்டாடும் ஒரு நாடு உலகிலேயே இல்லை. வெளிநாடுகளில் கூட இந்தியா அளவுக்கு வசதிகளை தரும் திரையரங்குகள் அதிகம் இல்லை. ஆனால் படம் பார்க்கும் ரசிகர்களை மதித்து புதுப்புது அம்சங்களை பிவிஆர் தொடர்ந்து கொடுத்துக் கொண்டே இருக்கிறது.

சிங்கிள் திரையரங்குகள் பலவும் மூடப்பட்டு, திருமண மண்டபங்களாக மாறி வரும் நிலையில் பிவிஆர் போன்றோர் தொடர்ந்து பெரிய பெரிய மல்ட்டிபிளெக்ஸ் திரையரங்குகளை துவக்குவது சினிமாவுக்கு ஊக்கம் அளிக்கிறது.

10 திரைகள் இருக்கிறது, பெரிய படங்களுக்கு மட்டும் திரையரங்குகளை ஒதுக்காமல் சின்ன படங்களுக்கும் நீங்கள் ஆதரவு தர வேண்டும். எங்கள் வீட்டுக்கு அருகிலேயே இருப்பதால், தொடர்ந்து இங்குதான் படங்களை பார்ப்போம்,” என்றார் நடிகர் பிரசன்னா.

“நான், பிரசன்னா இருவருமே சினிமா பைத்தியம். எந்த ஒரு படத்தையும் முதல் நாளே பார்த்து விடும் அளவுக்கு சினிமா எங்களுக்கு பிடிக்கும். நகருக்குள் இருந்து வெளியே ஈசிஆருக்கு குடிபெயர்ந்தபோது, ஒவ்வொரு சினிமா பார்க்கவும் 40 கிலோமீட்டர் பயணிக்க வேண்டுமே என்ற ஒரு வருத்தம் இருந்தது. நல்ல வேளையாக எங்கள் வீட்டுக்கு அருகிலேயே PVR திரையரங்கை திறந்திருப்பது எங்களுக்கு மிகவும் மகிழ்ச்சியான விஷயம். சென்னையிலேயே எங்கும் இல்லாமல் முதன்முறையாக குழந்தைகளுக்காகவே பிரத்யேகமாக ‘பிளே ஹவுஸ்’ என்ற திரையரங்கும் வடிவமைக்கப்பட்டிருக்கிறது. அதை பார்க்கவும் மிகவும் ஆவலாக இருக்கிறேன்,” என்றார் நடிகை சினேகா.

Continue Reading

Tamil Cinema News

பிக் பாஸ் 3 – போட்டியாளர்கள் முழு விவரம்

Published

on

By

பிக் பாஸ் 3 - போட்டியாளர்கள் முழு விவரம்

விஜய் டிவியில் நேற்று முதல் ஆரம்பமாகியுள்ள, கமல்ஹாசன் தொகுத்து வழங்கும் பிக் பாஸ் 3 நிகழ்ச்சியில் போட்டியாளர்களாக கலந்து கொண்டு வீட்டுக்குள் ஒவ்வொருவராக நுழைந்தவர்கள் விவரம்…

பாத்திமா பாபு – செய்தி வாசிப்பாளர்
லாஸ்லியா – இலங்கை டிவி செய்தி வாசிப்பாளர்
சாக்ஷி அகர்வால் – நடிகை
மதுமிதா – நடிகை
கவின் – நடிகர்
அபிராமி – மாடல் மற்றும் நடிகை
சரவணன் – நடிகர்
வனிதா விஜயகுமார் – நடிகை
சேரன் – இயக்குனர், நடிகர்
ஷெரின் – நடிகை
மோகன் வைத்யா – கர்நாடக இசைப் பாடகர்
தர்ஷன் – இலங்கை மாடல்
சாண்டி – நடன இயக்குனர்
முகின் – மலேசியா பாடகர்
ரேஷ்மா – நடிகை

கடந்த 2 சீசன்களில் முதல் சீசனில் 16 போட்டியாளர்களும், இரண்டாவது சீசனில் 15 போட்டியாளர்களும் நுழைந்திருக்கிறார்கள். இந்த 3வது சீசனில் 15 போட்டியாளர்கள் நுழைந்திருக்கிறார்கள்.

கடந்த 2 சீசன்களில் வெளிநாட்டைச் சேர்ந்த போட்டியாளர்கள் இல்லை. ஆனால், இந்த சீசனில் இலங்கையிலிருந்து இருவரும், மலேசியாவிலிருந்து ஒருவரும் கலந்து கொள்கிறார்கள்.

இந்நிகழ்ச்சி இன்று திங்கள் முதல் தினமும் இரவு 9.30 மணிக்கு ஒளிபரப்பாகும்.

Continue Reading

Tamil Cinema News

பிகில் – இரு வேடங்களில் விஜய் ?

Published

on

By

பிகில் - இரு வேடங்களில் விஜய் ?

எஜிஎஸ் என்டர்டெயின்மென்ட் தயாரிப்பில், அட்லீ இயக்கத்தில், ஏஆர் ரகுமான் இசையமைப்பில், விஜய், நயன்தாரா மற்றும் பலர் நடிக்கும் படத்தின் பெயர் ‘பிகில்’ என அறிவிக்கப்பட்டு, அதன் முதல் பார்வை சற்று முன் வெளியிடப்பட்டது.

அட்லீ, விஜய் இதற்கு முன்பு கூட்டணி சேர்ந்த ‘தெறி, மெர்சல்’ படங்களின் தலைப்பைப் போன்றே இந்தப் படத்திற்கும் லோக்கலாக பிகில் எனப் பெயர் வைக்கப்பட்டுள்ளது.

இந்தப் படத்தில் கதிர், ஜாக்கி ஷெராப், விவேக், டேனியல் பாலாஜி, ஆனந்தராஜ், இந்துஜா, ரெபா மோனிக்கா ஜான், வர்ஷா பொல்லம்மா, ராஜ்குமார், தேவதர்ஷினி, யோகிபாபு மற்றும் பலர் இந்தப் படத்தில் நடிக்கிறார்கள்.

கால்பந்தாட்டத்தை மையமாக வைத்து இந்தப் படத்தின் கதை அமைக்கப்பட்டுள்ளது. சென்னையில் உள்ள ஈவிபி ஸ்டுடியோவில் பெரும்பாலான காட்சிகள் மிகப் பெரும் கால்பந்தாட்ட மைதான செட்டில் படமாக்கப்பட்டுள்ளன.

முதல் பார்வை வெளியான பிறகு படத்தில் விஜய் இரு வேடங்களில் நடிக்கிறார் என்பது தெரிய வந்துள்ளது.

‘பிகில்’ முதல் பார்வை வெளியான உடனேயே டிவிட்டரில் உலக அளவிலும், இந்திய அளவிலும் முதலிடத்தில் டிரென்டிங்கில் உள்ளது.

இரண்டாவது பார்வை நள்ளிரவு 12 மணிக்கு வெளியாக உள்ளது.

இப்படத்தை வரும் தீபாவளி தினமான அக்டோபர் 27ம் தேதி வெளியிட உள்ளார்கள்.

Continue Reading
Advertisement

Tamil Movies Database

Trending

error: Content is protected !!