Connect with us

Movie Reviews

விளையாட்டு ஆரம்பம் விமர்சனம்

Published

on

vilaiyattu aarambam review

சினிமாவுக்காக எதை வேண்டுமானாலும் கதையாக எழுதிவிடலாம். ஆனால், அதை எப்படி விறுவிறுப்புடன் கொடுக்கிறோம் என்பதைப் பொறுத்தே ரசிகர்கள் படத்தை ஏற்றுக் கொள்வார்கள்.

‘விளையாட்டு ஆரம்பம்’ என அற்புதமான டைட்டிலை வைத்துவிட்டு, அதிகமாக விளையாடாமல் கொஞ்சமாக விளையாடியிருக்கிறார்கள். இன்னும் கொஞ்சம் மெனக்கெட்டிருந்தால் ஒரு பரபரப்பான ஆக்ஷன் படமாக அமைந்திருக்கும்.

யுவன் அவருடைய நண்பர்கள் சிலருக்கு கால் சென்டர் வேலை போய்விட்டதால் நண்பர்களுடன் சேர்ந்து எம்எல்எம் வியாபாரத்தில் ஈடுபடுகிறார் யுவன். அவருக்கும் மத்திய மந்திரியின் மகள் ஸ்ராவியாவுக்கும் காதல். ஆனால், யுவனைக் கண்டால் ஸ்ராவியன் அண்ணனான ஏ.சி. ரியாஸ்கானுக்கும் பிடிக்கவில்லை. ஒரு சந்தர்ப்பத்தில் எம்எல்எம் வியாபாரத்தில் தில்லு முல்லு செய்ததாகக் யுவனை சிறையில் தள்ளி விடுகிறார்கள். அதிலிருந்து அவர் மீண்டாரா, இல்லையா என்பதுதான் படத்தின் மீதிக் கதை.

‘சாட்டை’ படத்திற்குப் பிறகு யுவன் பல படங்களில் நடித்திருந்தாலும் ‘சாட்டை’ படம் போன்ற கதாபாத்திரமும், கதையும் அவருக்கு அமையவில்லை. இருந்தாலும் இந்தப் படத்தில் கதாபாத்திரமும், கதையும் வலுவாக அமைந்திருக்கிறது. ஆனால், திரைக்கதையில் இன்னும் வெயிட்டான சில விஷயங்களைச் சேர்த்திருந்தால் யுவனும் விளையாடி இருந்திருப்பாரோ என்று யோசிக்க வைக்கிறது.

ஸ்ராவியாவின் இரண்டு கண்களே அதிகம் நடித்து விடுகிறது. படத்தின் மெயின் வில்லன் ரியாஸ் கான். படம் முழுவதும் யுவனுடன் முறைத்துக் கொண்டேயிருக்கிறார்.

எம்எல்எம் வியாபாரம் என்றாலே அது பொதுமக்களை ஏமாற்றும் ஒன்று என்றுதான் மக்களிடம் அதிகம் பரவியிருக்கிறது. ஆனால், இந்தப் படத்தில் அது மக்களை அதிகமாகவே காப்பாற்றும் என்று ஆதரவுப் படமாக எடுத்திருக்கிறார்கள்.

திடீரென தேசப்பற்றுப் பாடல் எல்லாம் படத்தில் ஒளி,ஒலிக்கிறது. எம்எல்எம் வியாபாரம் என்றால் என்ன, அது மக்களை எப்படி ஏமாற்றுகிறது, அல்லது எப்படி பணம் சம்பாதிக்க வைக்கிறது என்பதையெல்லாம் கொஞ்சம் விவரமாகக் காட்டியிருந்தால் மக்களுக்கு இன்னும் புரிந்திருக்கும்.

Movie Reviews

கொரில்லா – விமர்சனம்

4 Tamil Cinema – Rating 3/5

Published

on

By

தயாரிப்பு – ஆல் இன் பிக்சர்ஸ்
இயக்கம் – டான் சாண்டி
இசை – சாம் சி.எஸ்.
நடிப்பு – ஜீவா, ஷாலினி பாண்டே, யோகி பாபு, சதீஷ், விவேக் பிரசன்னா, ராதாரவி மற்றும் பலர்

கதை

ஜீவா, ஒரு ஏமாற்றுக்காரர். காலையில் பஸ்ஸில் பணத்தை அடிப்பது, அடுத்து மருந்துக் கடையில் வேலை செய்து பணம் அடிப்பது, இரவில் போலி மருத்துவராக பணம் சம்பாதிப்பது என இருக்கிறார். அவருக்கு வேலையை இழந்த சதீஷ், சினிமாவில் நடிக்கத் துடிக்கும் விவேக் பிரசன்னா ஆகியோர் நண்பர்களாக இருக்கிறார்கள். அவர்களுக்குத் தேவை பணம். அதை வங்கியில் கொள்ளையடித்து எடுக்க நினைக்கிறார்கள். அவர்களுடன் பக்கத்து அறையில் இருக்கும் ஒருவரும் சேர்ந்து கொள்கிறார். வங்கி ஒன்றிற்கு கொள்ளை அடிக்கச் சென்று அங்குள்ளவர்களை பணயக் கைதிகளாக பிடித்து வைத்து அரசாங்கத்திடம் 20 கோடி பணம், விவசாயக் கடன் தள்ளுபடி என கோரிக்கை வைக்கிறார்கள். அவர்கள் கேட்டது நடந்ததா இல்லையா என்பதுதான் படத்தின் மீதிக் கதை.

நடிப்பு

லோக்கலாக பேசிக் கொண்டு நடிப்பது ஜீவாவுக்கு கை வந்த கலை. அதை இந்தப் படத்திலும் இயல்பாக செய்திருக்கிறார். சதீஷ், விவேக் பிரசன்னா ஆகியோர் சிரிக்க வைப்பதை விட, சில காட்சிகளில் மட்டும் வரும் யோகி பாபு அதைச் செய்து விடுகிறார். ஜீவாவின் காதலியாக ஷாலினி பாண்டே. அதிக வேலையில்லை. காவல் துறை அதிகாரியாக ராதாரவி, வழக்கம் போல் அவருடைய அனுபவம் பேசுகிறது.

இசை, மற்றவை

இசை உள்ளிட்ட டெக்னிக்கல் விஷயங்கள் படத்திற்கு பலத்தைக் கொடுக்கவில்லை. சிம்பன்சி காங்கிற்கு டிரைனிங் கொடுத்த டிரைனரை மட்டும் பாராட்டியே ஆக வேண்டும்.

 

படத்தில் பல லாஜிக் மீறல்கள் இருந்தாலும் நகைச்சுவைப் படத்தில் அதையெல்லாம் கவனிக்க மாட்டார்கள் என இயக்குனர் நினைத்திருப்பார் போலிருக்கிறது. விவசாயக் கடன்களை தள்ளுபடி செய்யப் போராடுவதற்காக  இயக்குனரைப் பாராட்டலாம். குழந்தைகளுக்குப் பிடிக்கும் விதத்தில் படத்தை உருவாக்கியிருக்கிறார்கள்.

 

‘கொரில்லா’ எனப் பெயர் வைத்துவிட்டு அதைச் சுற்றி கதை நகராமல் வங்கிக் கொள்ளை, விவசாயக் கடன் என எங்கெங்கோ நகர்கிறது. சிம்பன்சி காங்-கிற்கு இன்னும் கூடுதல் முக்கியத்துவம் கொடுத்திருக்கலாம்.

Continue Reading

Movie Reviews

கூர்கா – விமர்சனம்

4 Tamil Cinema – Rating – 3/5

Published

on

By

கூர்கா விமர்சனம் - 4 Tamil Cinema

தயாரிப்பு – 4 மங்கிஸ் ஸ்டுடியோ
இயக்கம் – சாம் ஆண்டன்
இசை – ராஜ் ஆர்யன்
நடிப்பு – யோகி பாபு, எலிசா, சார்லி, ஆனந்தராஜ், மனோபாலா, ஆடுகளம் நரேன், ரவி மரியா மற்றும் பலர்

கதை

கூர்கா யோகி பாபுவுக்கு, போலீஸ் வேலையில் சேர வேண்டும். ஆனால், அது நடக்காமல் போக செக்யூரிட்டி வேலைக்குச் சேர்கிறார். ஒரு வீட்டில் அவருக்கு பணி கொடுக்கப்படுகிறது. அந்த வீட்டிற்குப் பக்கத்து வீட்டில் இருக்கும் அமெரிக்க தூதரக பெண் அதிகாரி மீது யோகி பாபு காதல் கொள்கிறார். பின்னர் யோகி பாபு ஒரு ஷாப்பிங் மாலில் பணி மாற்றப்படுகிறார். அங்கு சிலர் புகுந்து கொண்டு தியேட்டரில் படம் பார்ப்பவர்களை பணயக் கைதிகளாக பிடித்து வைக்கிறார்கள். அவர்களிடம் அந்த பெண் அதிகாரியும் மாட்டிக் கொள்கிறார். அவர்களைக் காப்பாற்ற யோகி பாபு களம் இறங்குகிறார். அதில் அவர் வெற்றி பெற்றாரா இல்லையா என்பதுதான் படத்தின் கதை.

நடிப்பு

‘தர்ம பிரபு’ படத்திற்குப் பிறகு யோகி பாபு நாயகனாக நடித்து வந்திருக்கும் படம். தனக்குப் பொருத்தமான கதாபாத்திரத்தைத் தேர்வு செய்தாலும், நகைச்சுவை நாயகனாக நடிக்கும் போது கூடுதல் நகைச்சுவைக் காட்சிகளை அவர் சேர்த்துக் கொள்வது நல்லது. அமெரிக்கத் தூதரக பெண் அதிகாரியாக எலிசா. அதிக வேலையில்லை. மற்ற நடிகர்களில் ஆனந்தராஜ் தான் கலக்குகிறார். அவருக்கும், யோகி பாபுவுக்கும் இடையிலான காட்சிகள்தான் படத்தின் ஹைலைட். ரவி மரியா எரிச்சலூட்டுகிறார்.

இசை, மற்றவை

‘கூர்கா’ பற்றிய கதை என்பதால் இரவு நேரத்தில் மட்டுமே காட்சிகள் நகர்கின்றன. ஒளிப்பதிவாளர் கடுமையாக உழைத்திருக்கிறார். இசையமைப்பாளர் ராஜ் ஆர்யன் இன்னும் கொஞ்சம் உழைத்திருக்கலாம்.

 

நகைச்சுவை படம் என்பது மட்டும்தான் படத்திற்கு பிளஸ். யோகி பாபு முடிந்தவரையில் படத்தைக் காப்பாற்றுகிறார். அவருக்கு உறுதுணையாக ஆனந்தராஜ் இருக்கிறார்.

 

காமெடி என்ற பெயரில் ரவி மரியா, மனோபாலா, மயில்சாமி, நமோ நாராயணன் ஆகியோர் செய்வது கடுப்பேத்துகிறது.

Continue Reading

Movie Reviews

வெண்ணிலா கபடி குழு 2 – விமர்சனம்

4 Tamil Cinema – Rating – 2.75/5

Published

on

By

வெண்ணிலா கபடி குழு 2 விமர்சனம்

தயாரிப்பு – ஆல் இன் பிக்சர்ஸ்
இயக்கம் – செல்வ சேகரன்
இசை – செல்வ கணேஷ்
நடிப்பு – விக்ராந்த், அர்த்தனா பினு, பசுபதி, கிஷோர், அனுபமா குமார், சூரி மற்றும் பலர்

கதை

மியூசிக்கல் கடை வைத்திருப்பவர் விக்ராந்த். அவருடைய அப்பா கபடி மீது அதிக ஆர்வம் உள்ளார். அந்த ஆர்வத்தால், அவர் பார்த்த அரசு டிரைவர் வேலையிலிருந்து சஸ்பென்ட் ஆகிறார். கபடியே பிடிக்காத விக்ராந்த் இதனால், அப்பா மீது கோபம் கொள்கிறார். ஆனால், பசுபதி யார் என்று பிளாஷ் பேக் சொல்கிறார் அம்மா அனுபமா குமார். அதன் பின் பெற்றோர்களுக்குத் தெரியாமல் அப்பாவின் சொந்த ஊருக்குச் சென்று கபடி பயிற்சி எடுக்கிறார். அப்பா மீதான பழியைப் போக்க நினைக்கிறார். அது நடந்ததா இல்லையா என்பதுதான் படத்தின் கதை.

நடிப்பு

கிராமத்து இளைஞராக பொருத்தமான நடிப்பை வெளிப்படுத்தியிருக்கிறார் விக்ராந்த். அவருடைய காதலியாக அர்த்தனா பினு, பாவாடை தாவணியில் அழகாக வந்து போகிறார். விக்ராந்த் அப்பாவாக பசுபதிக்கு, கனமான கதாபாத்திரம். கண்களை நனைக்கிறார். கபடி பயிற்சியாளர் கிஷோர், கபடி ஆடும் சூரி ஆகியோரும் இயல்பாய் நடித்திருக்கிறார்கள்.

இசை, மற்றவை

செல்வகணேஷ் இசையில் பாடல்கள் பரவாயில்லை. ஒளிப்பதிவாளர் கிராமத்து அழகை அருமையாய் படமாக்கியிருக்கிறார்.

 

நம் மண்ணின் கதை, நம் மண்ணின் விளையாட்டு. அதற்காக முக்கியத்துவம் கொடுத்து யதார்த்தமாய் படமாக்கியிருக்கிறார் இயக்குனர். நடித்திருப்பவர்கள் அனைவருமே இயல்பாய் நடித்திருப்பது கூடுதல் பலம்.

 

படத்தின் திரைக்கதையில் திருப்பங்கள் அதிகமில்லை. இப்படித்தான் படம் முடியப் போகிறது என்பதை முன்னரே கணிக்க முடிகிறது.

Continue Reading
Advertisement

Tamil Movies Database

Trending

error: Content is protected !!