Connect with us

Tamil Cinema News

100வது நாளில் ரஜினி, அஜித் ரசிகர்கள் சண்டை

‘பேட்ட, விஸ்வாசம்’ இன்று 100வது நாளாம்….!!!

Published

on

100வது நாளில் ரஜினி, அஜித் ரசிகர்கள் சண்டை

2019ம் ஆண்டின் முதல் பெரிய படங்களாக ரஜினிகாந்த் நடித்த ‘பேட்ட’ படமும், அஜித் குமார் நடித்த ‘விஸ்வாசம்’ படமும் ஜனவரி 10ம் தேதி ஒரே நாளில் வெளியாகின.

வெளியான நாளிலிருந்தே எந்தப் படம் சிறந்த படம், எந்தப் படம் அதிக வசூலை அள்ளிய படம் என ரஜினி, அஜித் ரசிகர்கள் சமூக வலைத்தளங்களில் சண்டை போட்டுக் கொண்டனர்.

‘விஸ்வாசம்’ படத்தை வெளியிட்ட கேஜேஆர் ஸ்டுடியோஸ் நிறுவனம் படம் வெளியான சில நாட்களிலேயே ரஜினிகாந்த்தின் பிஆர்ஓ ரியாஸ் அகமது பதிவிட்ட டிவிட்டர் பதிவிற்கு எதிர்மறையான கருத்தை வெளியிட்டு சண்டை போட்டது.

அன்றிலிருந்து ரஜினி ரசிகர்களுக்கும், அஜித் ரசிகர்களுக்கும் கடுமையான சண்டை சமூக வலைத்தளங்களில் நடைபெற்று வருகிறது.

எந்தப் படம் முதலில் 100 கோடி வசூலைப் பெற்றது, எந்தப் படம் தமிழ்நாட்டில் அதிகம் வசூலித்தது, எந்தப் படம் உலக அளவில் அதிகம் வசூலித்தது என இருவரது ரசிகர்களும் சண்டையிட்டு வந்தனர்.

அதற்கடுத்த சில நாட்களில் ‘பேட்ட’ தயாரிப்பாளரான சன் பிக்சர்ஸ் வெளியிட்ட மற்றுமொரு டிவீட்டும் மீண்டும் மோதலை ஆரம்பித்தது.

இன்று இந்த இரண்டு படங்களின் 100 வது நாள் என சம்பந்தப்பட்டவர்கள் டிவிட்டரில் நன்றி தெரிவித்தனர். அதற்கும் இருவரது ரசிகர்களும் சண்டையிட ஆரம்பித்துள்ளனர்.

‘பேட்ட’ படத்தை சில தினங்களுக்கு முன்பு டிவியில் ஒளிபரப்பிவிட்டார்கள். ‘விஸ்வாசம்’ படத்தை 50வது நாளிலேயே அமேசான் ஆப்பில் வெளியிட்டுவிட்டார்கள். அது குறித்தும் அவர்களின் சண்டையில் கருத்து மோதல்கள் உள்ளன.

அதே சமயம், ‘பேட்ட, விஸ்வாசம்’ ஆகிய இரண்டு படங்களும் இன்று 100வது நாளில் எந்தத் தியேட்டரில் ஓடிக் கொண்டிருக்கிறது என இருவரும் மாறி மாறி கேட்டுக் கொண்டிருக்கிறார்கள்.

https://twitter.com/karthiksubbaraj/status/1119146367845142528

Tamil Cinema News

தனுஷ், கார்த்திக் சுப்பராஜ் படம் ஆகஸ்ட்டில் ஆரம்பம்

Published

on

By

தனுஷ், கார்த்திக் சுப்பராஜ் படம் ஆகஸ்ட்டில் ஆரம்பம்

ஒய்நாட் ஸ்டுடியோஸ் அவர்களது 18வது படமாக கார்த்திக் சுப்பாராஜ் இயக்கத்தில், தனுஷ் நாயகனாக நடிக்கும் புதிய தமிழ் படத்தை ரிலையன்ஸ் என்டர்டெயிண்மன்ட் நிறுவனத்துடன் இணைந்து தயாரிக்கிறது.

‘பேட்ட’ படத்திற்குப் பிறகு கார்த்திக் சுப்பராஜ் இயக்கும் படம் இது. தனுஷ் நாயகனாக நடிக்க, கார்த்திக் சுப்பராஜ் இயக்க உள்ள இந்தப் படம் பற்றிய அறிவிப்பு சில வருடங்களுக்கு முன்பே வெளியானது. ஆனாலும், கார்த்திக் சுப்பராஜ், ரஜினிகாந்த் நடித்த ‘பேட்ட’ படத்தை இயக்கப் போய்விட்டார்.

கேங்ஸ்டர், திரில்லர் வகையைச் சார்ந்த இப்படத்தின் நாயகியாக ஐஸ்வர்யா லஷ்மி நடிக்கிறார். இவர் மலையாளத்தில் சில வெற்றிப் படங்களில் நடித்தவர்.

இப்படத்திற்கு சந்தோஷ் நாராயணன் இசையமைக்க, ஸ்ரேயாஸ் கிருஷ்ணா ஒளிப்பதிவு செய்கிறார்.

இத்திரைப்படத்தில் பங்கு பெற உள்ள மற்ற நட்சத்திரங்கள், தொழிட்நுட்பக் கலைஞர்கள் குறித்த அறிவிப்பு விரையிலேயே வெளியிடப்பட உள்ளது.

ஆகஸ்ட் மாதத்தில் படப்பிடிப்பு துவங்க உள்ளது.

இப்படத்தை முழுவதுமாக இங்கிலாந்தில் படமாக்க உள்ளார்கள்.

Continue Reading

Tamil Cinema News

சூர்யாவுக்கு ஆதரவு தெரிவித்த கமல்ஹாசன்

Published

on

By

சூர்யாவுக்கு ஆதரவு தெரிவித்த கமல்ஹாசன்

புதிய கல்விக் கொள்கை குறித்த பல கருத்துக்களை நடிகர் சூர்யா சில தினங்களுக்கு முன்பு பேசியிருந்தார். நுழைவுத் தேர்வு, தகுதித் தேர்வு ஆகியவற்றிற்கு சூர்யா கடும் எதிர்ப்பு தெரிவித்திருந்தார். அவருடைய கருத்துக்கு அதிமுக, பாஜக உள்ளிட்ட கட்சிகள் கடுமையாக எதிர்ப்பு தெரிவித்தன.

சூர்யாவின் கருத்துக்களுக்கு மக்கள் மத்தியில் மிகுந்த ஆதரவு கிடைத்துள்ளது. சமூக வலைத்தளங்களில் பலரும் அவரைப் பாராட்டி வருகிறார்கள். அன்புமணி ராமதாஸ், சீமான் உள்ளிட்ட பல்வேறு கட்சியினரும் சூர்யாவுக்கு ஆதரவு தெரிவித்து வருகிறார்கள்.

இந்நிலையில், மக்கள் நீதி மய்யம் கட்சியின் தலைவரும், நடிகர் கமல்ஹாசன் சூர்யாவுக்கு ஆதரவு தெரிவித்து அறிக்கை வெளியிட்டுள்ளார். அதில்,

“ஏழை மற்றும் நடுத்தர வகுப்பு மாணவ, மாணவியரின் கல்வி மேம்பாட்டிற்காக தம்பி சூர்யா மற்றும் அவரது குடும்பத்தார் பல வருடங்களாக உதவி செய்துவருகிறார்கள்.

எனவே கல்வி குறித்துப் பேசுவதற்கான உரிமை சூர்யாவுக்கு உண்டு.

புதிய கல்விக் கொள்கை குறித்த தம்பி சூர்யாவின் கருத்துகள் பலவற்றில் எனக்கும் உடன்பாடு உண்டு.

மக்களின் கருத்தை அறிவதற்காக என்று சொல்லப்பட்டு வெளியிடப்பட்டிருக்கின்ற ‘வரைவு அறிக்கை’ மீது கருத்து சொன்னதற்காக சூர்யா மீது அவதூறு பேசி வரும் ஆளும் அரசுகளின் ஆதிக்கப் போக்கினை மக்கள் நீதி மையம் வன்மையாகக் கண்டிக்கிறது.

தம்பி சூர்யாவிற்கு எனது ஆதரவு கண்டிப்பாக உண்டு,” என்று தெரிவிக்கப்பட்டுள்ளது.

Continue Reading

Tamil Cinema News

கண்ணும் கண்ணும் கொள்ளையடித்தால் – துல்கர் சல்மானின் 25வது படம்

Published

on

By

கண்ணும் கண்ணும் கொள்ளையடித்தால் - துல்கர் சல்மானின் 25வது படம்

வியாகாம் 18 ஸ்டுடியோஸ் மற்றும் ஆண்டோ ஜோசஃப் ஃபிலிம் கம்பெனி தயாரிக்கும் படம் ‘கண்ணும் கண்ணும் கொள்ளையடித்தால்’.

தேசிங் பெரியசாமி இயக்கும் இப்படத்தில் துல்கர் சல்மான், ரிது வர்மா, ரக்‌ஷன், நிரஞ்சனி அகத்தியன் மற்றும் பலர் நடிக்கின்றனர்.

படம் பற்றி வியாகாம் 18 ஸ்டுடியோஸின் தலைமை செயல் அதிகாரி அஜித் அந்தரே கூறும்போது,

“ஒரு திரைப்பட தயாரிப்பாளராக, மொழிகளைத் தாண்டி பார்வையாளர்களை ஈர்க்கக் கூடிய கதைகளைச் சொல்வதை விட திருப்தி எதுவும் இல்லை. தமிழ் சினிமாவில் ரசிகர்களுக்கு கொடுக்கப்படும் கதைகளைக் கண்டு நான் எப்போதுமே ஈர்க்கப்பட்டிருக்கிறேன். ஆண்டோ ஜோசஃப்புடன் இணைந்து நாங்கள் தயாரிக்கும் ‘கண்ணும் கண்ணும் கொள்ளையடித்தால்’ படத்தின் மூலம் தமிழ் சினிமாவில் நுழைவது குறித்து மகிழ்ச்சியடைகிறேன்,” என்றார்.

தயாரிப்பாளர், ஆண்டோ ஜோசஃப் கூறுகையில்,

‘கண்ணும் கண்ணும் கொள்ளையடித்தால்‘ போன்ற ஒரு படத்தை பார்வையாளர்களுக்கு வழங்குவதில் பெருமைப்படுகிறேன். இது வியாகாம் 18 ஸ்டுடியோஸ் உடன் எனது முதல் திரைப்படம், மற்றும் மூன்றாவது முறையாக நான் துல்கர் சல்மானுடன் பணிபுரியும் படம். இந்த படத்திற்கு இதை விட ஒரு சிறந்த கூட்டணி கிடையாது,” என்றார்.

இயக்குனர் தேசிங் பெரியசாமி கூறும்போது,

“எனது முதல் படம் இந்தியாவின் முன்னணி ஸ்டுடியோக்களில் ஒன்றான வியாயாகாம் 18 ஸ்டுடியோஸால் வெளியிடப்படுவது என் கனவு நனவான தருணம். இந்த திரைப்படத்தை தயாரித்த ஆண்டோ ஜோசஃப் பிலிம் நிறுவனத்துக்கும், அதை மேலும் உயர்த்திய வியாகாம் 18 ஸ்டுடியோவுக்கும் நான் நன்றி தெரிவிக்க விரும்புகிறேன். மிகவும் ரசிக்கப்படக் கூடிய ஒரு ஜாலியான இந்தப் படம் பார்வையாளர்களை மகிழ்விக்கும் என்று நான் உறுதியளிக்கிறேன்,” என்றார்.

துல்கர் சல்மான் கூறுகையில்,

‘கண்ணும் கண்ணும் கொள்ளையடித்தால்’ ஒரு சுவாரஸ்யமான கதை. இதுபோன்ற அருமையான நடிகர்கள் மற்றும் குழுவினருடன் ஒரு பகுதியாக இருந்ததில் நான் மிகவும் மகிழ்ச்சியடைகிறேன். இது எனது 25 வது படம் என்பது என்னை மேலும் சிறப்பாக உணர வைக்கிறது. ‘கண்ணும் கண்ணும் கொள்ளையடித்தால்’ படத்துக்காக வியாகாம் 18 ஸ்டுடியோஸ் மற்றும் ஆண்டோ ஜோசஃப் ஆகியோருடன் இணைந்திருப்பதில் நான் மகிழ்ச்சியடைகிறேன். இப்படம் சொல்லும் காதலை பார்வையாளர்கள் உணர்வார்கள் என்று நம்புகிறேன்,” என்றார்.

Continue Reading
Advertisement

Tamil Movies Database

Trending

error: Content is protected !!