Connect with us

Tamil Cinema News

டிவி ரேட்டிங்கில் ‘விஸ்வாசம்’ புதிய சாதனை

Published

on

டிவி ரேட்டிங்கில் ‘விஸ்வாசம்’ புதிய சாதனை

உலகத் தொலைக்காட்சிகளில் முதல் முறையாக என புத்தம் புதிய படங்கள் டிவிக்களில் ஒளிபரப்பாகி வருவது வாடிக்கையாகிவிட்டது.

தியேட்டர்களில் நன்றாக ஓடிய படங்கள் டிவிக்களில் ஒளிபரப்பாகும் போதும் பெரிய வரவேற்பைப் பெற்றுள்ளன.

இதுவரை தமிழ் டிவிக்களில் ஒளிபரப்பான படங்களில் விஜய் ஆண்டனி நடித்த ‘பிச்சைக்காரன்’ படம்தான் அதிக தடப் பதிவை, அதாவது Impressions பெற்ற படமாக இருந்தது. அந்தப் படத்திற்கு 1,76,96,000 பதிவுகள் கிடைத்தன.

அதன் பிறகு டிவியில் ஒளிபரப்பான ‘சர்கார்’ படம் கூட அந்த சாதனையை முறியடிக்கவில்லை. ‘சர்கார்’ படத்திற்கு 1,69,06,000 தடப் பதிவுகள்தான் கிடைத்தன.

மே 1ம் தேதி சன் டிவியில் ஒளிபரப்பான ‘விஸ்வாசம்’ படம் இதுவரை முதலிடத்தில் இருந்த ‘பிச்சைக்காரன்’ சாதனையை 1,81,43,000 தடப் பதிவுகள் பெற்று முறியடித்து முதலிடத்தைப் பிடித்துள்ளது. இதனால், தற்போது ‘பிச்சைக்காரன்’ படம் இரண்டாவது இடத்திற்குத் தள்ளப்பட்டுள்ளது. இருப்பினும் ‘பிச்சைக்காரன்’ படம் இரண்டு வருடங்களுக்கும் மேலாக இந்த சாதனையை தக்க வைத்துக் கொண்டிருந்தது.

1,70,70,000 தடப் பதிவுகளுடன் ‘பாகுபலி’ 3வது இடத்திலும், 1,69,06,000 பெற்று ‘சர்கார்’ 4வது இடத்திலும், 1,67,66,000 பெற்று ‘சீமராஜா’ 5வது இடத்திலும் உள்ளன.

Tamil Cinema News

விக்ரம் 58 படத்தில் கிரிக்கெட் வீரர் இர்பான் பதான்

Published

on

By

விக்ரம் 58 படத்தில் கிரிக்கெட் வீரர் இர்பான் பதான்

அஜய் ஞானமுத்து இயக்கத்தில், விக்ரம் நடிக்கும் புதிய படத்தில் இந்திய கிரிக்கெட் வீரர் இர்பான் பதான் ஒரு முக்கிய கதாபாத்திரத்தில் நடிக்க உள்ளார்.

2006 ஆம் ஆண்டு, லாகூர் நகரத்தில் நடந்த ஒரு டெஸ்ட் போட்டியில் பாகிஸ்தான் கிரிக்கெட் அணியின் முக்கிய வீரர்களை வீழ்த்தி, ஹாட்ரிக் எடுத்து சாதனை புரிந்தவர் இர்பான்.

‘டிமான்டி காலனி, இமைக்கா நொடிகள்’ ஆகிய இரண்டு வெற்றி படங்களைக் கொடுத்தவர் இப்படத்தின் இயக்குனர் அஜய் ஞானமுத்து.

ஏஆர் ரகுமான் இசையமைக்கும் இந்தப் படத்தின் அறிவிப்பு வெளியான போதே எதிர்பார்ப்பை ஏற்படுத்தியது.

கிரிக்கெட் வீரர் இர்பான் பதான் இப்படத்தில் நடிக்க உள்ளார் என்பதும் மேலும் ஒரு எதிர்பார்ப்பை அதிகப்படுத்தியுள்ளது.

இன்னும் பெயரிடப்படாத இந்தப் படம் பல வெளிநாடுகளிலும் இந்தியாவின் பல இடங்களிலும் படமாக்கப்பட இருக்கிறது.

செவன் ஸ்க்ரீன் ஸ்டுடியோ தயாரிக்கும் இப்படத்தில் பணியாற்ற இருக்கும் மற்ற கலைஞர்களின் விவரங்களை படக்குழுவினர் விரைவில் அறிவிக்க உள்ளனர்.

Continue Reading

Tamil Cinema News

ஸ்ரீகாந்த், தினேஷ் நடிக்கும் ‘சம்பவம்’

Published

on

By

ஸ்ரீகாந்த், தினேஷ் நடிக்கும் சம்பவம் - 4 Tamil Cinema

“மைனா, சாட்டை, மொசக்குட்டி, சௌகார்பேட்டை, பொட்டு” ஆகிய படங்களைத் தயாரித்த ஷாலோம் ஸ்டூடியோஸ் ஜான் மேக்ஸ் அடுத்து தயாரிக்கும் படம் ‘சம்பவம்’.

இப்படத்தில் ஸ்ரீகாந்த் மற்றும் நடன இயக்குனர் தினேஷ் இருவரும் இணைந்து நடிக்கிறார்கள். நாயகிகளாக பூர்ணா மற்றும் சிருஷ்டி டாங்கே நடிக்கின்றனர்.

மேலும் இவர்களுடன், பக்ரீத் படத்தில் நடித்த பேபி ஸ்ருதிகா, கிஷோர், இயக்குனர் ஏ.வெங்கடேஷ், தம்பி ராமையா, மொட்டை ராஜேந்திரன், ஜெயப்பிரகாஷ் மற்றும் பலர் நடிக்க உள்ளனர்.

நேர்மையுடன், மனசாட்சிக்கு உட்பட்டு வாழும் ஒருவன், சந்தர்ப்ப சூழ்நிலைகளால் நேர்மைக்குப் புறம்பாக தள்ளப்படும் போது ஏற்படும் பிரச்சினைகளை மையப்படுத்தி, சில உண்மைச் சம்பவங்களை அடிப்படையாக வைத்து இப்படத்தின் திரைக்கதை அமைக்கப்பட்டுள்ளது.

இயக்குனர் ஏ.வெங்கடேஷிடம் உதவி இயக்குனராக இருந்த ரஞ்சித் பாரிஜாதம் கதை, திரைக்கதை, எழுதி இயக்குகிறார். அம்ரிஷ் இப்டத்திற்கு இசையமைக்கிறார்.

இப்படத்தின் பூஜை இன்று சென்னையில் நடைபெற்றது.

இதில் கதையின் நாயகன்கள் ஸ்ரீகாந்த், நடன இயக்குனர் தினேஷ், கதாநாயகிகள் பூர்ணா, சிருஷ்டி டாங்கே, தயாரிப்பாளர் ஜான்மேக்ஸ், இயக்குனர் ரஞ்சித் பாரிஜாதம் உள்ளிட்ட படக்குழுவினரும், தயாரிப்பாளர் கலைப்புலி தாணு, ஜாக்குவார் தங்கம், இயக்குனர்கள் பேரரசு, ஏ.வெங்கடேஷ், தரணி, திருமலை, நடிகர் நட்ராஜ், நாஞ்சில் சம்பத், தயாரிப்பாளர்கள் ராதாகிருஷ்ணன், கே.ராஜன் உள்ளிட்ட பிரபலங்களும் பலர் கலந்து கொண்னர்.

Continue Reading

Tamil Cinema News

தமன்னா நடிக்கும்….என்பதை ஏற்க மறுக்கும் தமன்னா

Published

on

By

தமன்னா நடிக்கும்....என்பதை ஏற்க மறுக்கும் தமன்னா

தெலுங்கில் 2017ல் வெளிவந்த வெற்றி பெற்ற ‘ஆனந்தோ பிரம்மா’ என்ற படத்தை தமிழில் ‘பெட்ரோமாக்ஸ்’ என்ற பெயரில் தயாரித்து அக்டோபர் 11ம் தேதி வெளியிட உள்ளார்கள்.

‘அதே கண்கள்’ படத்தை இயக்கிய ரோகின் வெங்கடேசன் இயக்கியுள்ள இந்தப் படத்தில் தமன்னா, யோகி பாபு, காளி வெங்கட், முனிஷ்காந்த், சத்யன், திருச்சி சரவணகுமார் மற்றும் பலர் நடித்திருக்கிறார்கள். இப்படத்தின் பத்திரிகையாளர் சந்திப்பு இன்று நடைபெற்றது.

படத்திற்கான விளம்பரங்களில் ‘தமன்னா நடிக்கும்’ என்றுதான் குறிப்பிட்டு வருகிறார்கள். ஆனால், அதை பெருந்தன்மையுடன் ஏற்க மறுக்கிறார் தமன்னா.

‘‘பெட்ரோமாக்ஸ்’ படத்தோட கதைதான் முதன் முதல்ல என்னை ஈர்த்த ஒரு விஷயம். தெலுங்குல பார்க்கும் போதே இந்தக் கதையை தமிழ் ரசிகர்கள் கண்டிப்பா ரசிப்பாங்கன்னு புரிஞ்சுது.

என்னோட பேரு, படத்தோட விளம்பரங்கள்ல முதல்ல இருக்கிறத என்னால ஏத்துக்க முடியலை. ஏன்னா, இந்தப் படத்துல நடிச்சிருக்கிற நடிகர்கள், மொத்த குழுவினரும் காரணம். அந்த அளவுக்கு ஒவ்வொருத்தரும் ஈடுபாட்டோட நடிச்சிருக்காங்க. நானும் அவங்களை மாதிரி ஒரு பகுதியாதான் இந்தப் படத்துல இருக்கேன்.

‘பாகுபலி, சைரா’ மாதிரி பெரிய படமா கூட இருக்கலாம். நமக்கு என்ன கதாபாத்திரம் கிடைக்குதா அதை நேர்மையா பண்ணணும்னு நினைப்பேன்.

31 நாள்ல ஒரு படத்தை முடிக்கிறது பெரிய விஷயம். படத்தோட இயக்குனர் ரோகினுக்கு இது இரண்டாவது படமா இருந்தாலும் சிறப்பா வேகமா செஞ்சி முடிச்சாரு. நல்ல கதை அமைஞ்சால் திரும்பவும் அவர் படத்துல நடிப்பேன்.

தமிழ் சினிமாவுல நிறைய ஹாரர் காமெடி இதுக்கு முன்னாடி வந்திருக்கு. இந்தப் படம் பண்ணலாமான்னு முதல்ல நம்பிக்கை இல்லாம இருந்தேன். படம் நல்லா இருந்துச்சி, அதனால கண்டிப்பா பண்ணனும்னு முடிவு பண்ணேன். இந்தப் படத்துல நடிச்சது நல்ல அனுபவமா இருந்தது,” என்றார் தமன்னா.

Continue Reading
Advertisement

Tamil Movies Database

Trending

error: